Godiva Chocolatier (創紀之城五期(apm))

Open Now

Now Closed

又係中伏系列，連鎖店可唔可以認真少少，俾啲誠意整野食野飲。今日係 amp 飲左杯冇靈魂既 affogato, espresso味道淡唔nutty唔酸，軟雪糕有3種味揀，但分量得手指公咁多，唔知仲以為呢杯係普通espresso，所以見到仲問一問店員呢杯係咩黎，唯有話在下見識少啦，one shot 飲完，完全冇滿足感。點解咁睇唔開貪方便係Godiva買，好後悔。....🏠 Godiva💵 HKD 48

之前Seefoodgwai趁Godiva黑朱古力軟雪糕做緊買一送一時，唔執輸，買返枝嘆下先😌鐘意飲特濃朱古力奶嘅朋友可以一試🙊🙊完全係果隻味。雪糕本身好滑，個筒身都幾ok脆，筒邊有朱古力碎周邊。買一送一嘅價值就都ok ，但原價食就性價比唔太高了。.美味指數：3️⃣/5抵食指數：3️⃣/5再食機率：40%

又到左GODIVA軟雪糕買一送一推廣期，第一日就立即同朋友去排隊，好彩排隊人數不多。好快就買到黑朱古力軟雪糕，濃濃朱古力味而且質感幼滑巴雪糕，雪糕上朱古力塊比較硬難溶化，朱古力味窩夫雪糕筒香脆，筒邊仲有朱古力脆脆，口感豐富。個人偏愛較濃味既黑朱古力，所以軟雪糕如果有特濃黑朱古力味會更好！食完感覺頗甜需要大量飲水沖淡。

環境4分：高級朱古力店又光又靚又閃，可以畀四分。衛生5分：架上面D禮盒好靚，軟雪糕機好乾淨，D新鮮朱古力响雪櫃裡面，好衛生，可以畀五分。服務5分：買軟雪糕食，收銀位服務員好專業地問有冇會員卡或指定有折果幾張信用咭，好好笑容又好好禮貌，畀佢滿分！味道5分：Chocolate Twist Soft Serve鴛鴦味軟雪糕好香甜好軟滑，果個脆皮甜筒又灑滿朱古力碎，真係好好味。抵食3分：其實五十蚊個甜筒都幾貴，但係無論如何點都係叫做名牌雪糕店，不過好食極都只可以畀三分。

同同事喺APM食完午餐，覺得唔夠滿足，所以去左GODIVA食雪糕，就係食GODIVA 臻選濃醇黑巧克力雪糕，濃郁的朱古力味，加埋個脆筒，食完真係大滿足，叉完電又可以返公司繼續衝！

中秋節快樂，當然要食雪糕慶祝下。同屋企人食飯之前，見一下面先。叫一個黑朱古力甜筒及一個朱古力雲尼拿甜筒。1-5分甜度: 2耐溶度: 2幼滑度: 5甜筒脆程度:4整體來說，甜筒很脆身，筒邊還有朱古力碎做點綴，好看又增加口感。雪糕入口細膩幼滑，味道香濃奶香味足，黑朱古力不算甜，但比較容易溶，所以要準快吃完。甜筒香脆脆身，咬下濃濃朱古力香，餅乾脆而不黏口，吃完不膩。吃完雪糕又要逼巴士回去，中秋節假期又到了。期待。

肥仙即興約食飯後，點小🉐️食埋個甜品先散水🐖🐖，我地二話不說去左就近既Godiva食下d比利時🇧🇪朱古力感受下異國風情。雖然喺香港Godiva好似食緊貴野咁，但其實喺比利時🇧🇪，佢只係一個普通既大型連鎖朱古力品牌，可以話佢地既品牌形象做🉐️幾成功👍🏻不過，都可以話比利時🇧🇪既朱古力確實係品質保證😋我地大家諗緊食乜好，因為啱啱食完壽司🍣，飲咁大杯可能會太飽，難得即興見面，都係食雪糕chill d 🍦😎🍦Godiva 雪糕有3隻味: Vanilla White Chocolate香草白巧克力, Chocolate Twist 雙重巧克力 同埋 Dark Chocolate 黑巧克力。美味子揀左至愛Dark Chocolate, 有益❤️又養顏✨！貪心既肥仙就揀左Chocolate Twist 試晒兩隻味😈；每枝雪糕$50，稍為略貴不過朱古力味濃郁，嗰分甜味係值既👍🏻不過最重要既都係同啱嘴型👄既人一齊食先會格外美味😋😋多謝肥仙請食好野🤩

之前godiva都曾經有買一送一雪糕優惠，可惜我Miss左，今次終於都可以享受返呢個優惠啦！我點左呢一個雙拼雪糕，在黑朱古力拼白朱古力嘅雪糕，首先個甜筒好脆，為你一個雪糕加咗唔少分，而雙拼嘅雪糕，黑朱古力味係好濃味，甜苦度適中，相反白朱古力就唔係好食到白朱古力味，得啲甜味🤔今次呢一個優惠，幸好排隊唔使排得好耐

食完晚飯最合適就係食甜品，行經過godiva門口見到做緊promotion, 7月1日2日，Buy one get one free，而且又冇乜人排隊， 當然唔執輸走去排隊買雪糕食啦。排隊時間唔使3分鐘就有雪糕食啦。雪糕睇落好似細杯左好多，可能買一送一嘅關係，而且又溶得非常快，不過＄50有兩杯已經好抵。講番杯軟雪糕先，雪糕朱古力味十分之濃，甜度適中，雪糕筒邊也沾滿了朱古力碎，十分香脆好吃。同朋友一人食一杯啱啱好。

大年初一。新正頭。意頭好重要！繼續要keep住食任何野都要講意頭😅對於我呢一個咁鍾意食甜野嘅人，梗係要繼續食/飲甜甜的東西啦！💃🏻食過”金銀滿屋”嘅正餐；食過”甜甜蜜蜜”的雪糕；咁梗係繼續要食/飲甜甜蜜蜜嘅嘢啦😆哈哈「Godiva Chocolatier」♥️ 甘醇抹茶巧克力系列 - 抹茶白巧克力凍飲 - 新正頭㊗️繼續甜甜蜜蜜，開開心心！抹茶控，必試👍🏽初初好驚佢個白朱古力會太過甜，因為佢杯野上面都會加上朱古力醬，不過飲落佢個白朱古力味還在，但亦都冇搶到抹茶嘅淡淡味道！😋

由於好朋友係會員，所以佢生日會有免費贈飲嘅生日優惠券禮物，而佢亦約咗我們一齊去咗觀塘apm嘅「Godiva Chocolatier」換嚟食！而今期推介係Hello Kitty 2017限量版系列，所以我們揀咗Hello Kitty 2017限量版巧克力軟雪糕嘅賣相同平日有咩唔同，就係多咗隻Hello Kitty蝴蝶結巧克力，感覺都幾趣緻！至於凍飲方面，亦都有蝴蝶結巧克力，但喺杯度祇係貼咗張Hello Kitty貼紙，感覺好似普通咗啲！而味道我們就揀咗Hello Kitty 2017限量版杏仁味白巧克力凍飲同新推出嘅Hello Kitty 2017限量版藍莓白巧克力凍飲，淺紫色嘅藍莓賣相比較吸引，感覺比較浪漫，味道酸酸甜甜，感覺好醒胃！而杏仁味就相當清甜芳香，清香嘅杏仁香味慢慢滲透整個口腔，真係好正呀！

抹茶白巧克力凍飲HK $50早前試左抹茶軟雪糕，今次就試抹茶白巧克力凍飲。依杯抹茶白巧克力凍飲飲落似沙冰嘅質感。抹茶味五濃，好稀，五係好飲得岀抹茶味。預期用五十蚊去試，倒不如幫襯翻 Starbucks 或者 Pacific Coffee 嘅 Matcha Latte。

Godiva既雪糕一向都好受歡迎，見到佢出左新既抹茶黑朱古力紐紋雪糕，雖然無買一送一既優惠，仲要成$50一杯，但都係忍唔住想試下新野。一如既往雪糕好滑，好creamy，黑朱古力非常香濃，但抹茶味完全俾朱古力味蓋過左，完全食唔到抹茶，淨係有甜味，同埋係綠色。想試真啲就單食抹茶味，或者都係食返黑朱古力味開心啲。順帶一提，佢個cone 都好香脆，仲有朱古力碎圍邊，正！另外仲有一塊godiva既朱古力。宜家好似做緊買兩杯有八折。

2018年1月23日 (星期二) 3:26pm 室內面積非常小，以透明玻璃、雲石作裝潢，感覺時尚簡約。 燈光明亮，環境整潔乾淨，各款巧克力賣相精緻，擺放齊整，一目了然。 提供多款甜點和飲品等。 人數：2人 HK$0 『免費』 不用排隊 72% 黑巧克力肉桂風味 - 肉桂芳香，細意融合在芳醇的黑巧克力之中，使味道變得更香濃，甜美滿溢，是味蕾的最高享受。熱騰騰的溫度，亦為寒冬增添暖意。【推介之選】❤❤❤ 72% 黑巧克力焦糖海鹽味 - 採用源自比利時的 72% 黑巧克力豆與牛奶，香氣撲鼻，濃郁香滑，甜而不苦，齒間縈繞。絲滑的巧克力和香甜的焦糖海鹽達致完美平衡，讓順滑的口感伴隨著黑巧克力的甘甜在口中緩緩綻放。【推介之選】❤❤❤ 店員十分貼心，主動提供外提工具、紙巾及飲管。 家人給本人的 VIP 免費劵，可換領軟雪糕、杯裝冰淇淋或飲品。《 環 境 》：《 餐 牌 》：【溫馨提示】：❶ 即日起至2018年12月15日期間，凡購買季節限定的巧克力熱飲，即可享第二杯半價優惠。❷ 只提供外賣

抹茶軟雪糕HK $50今次係第一次食 GODIVA 嘅雪糕！岀左期間限定嘅「甘醇抹茶巧克力系列」，作為抹茶控嘅我冇理由五試掛！抹茶味幾濃，不過未之於有回甘味。雪糕幾滑，個雪糕筒邊有朱古力碎，雪糕筒幾脆身。今日開始係觀塘 apm 分店開始發售，之後1月22日全港分店開始供應 (只限有雪糕機之分店) 。1月21日之前係觀塘 apm 分店買任何甘醇抹茶巧克力系列軟雪糕或飲品兩杯以上，會有 8 折優惠。