Godiva Chocolatier (Moved) New Location

慕名去試近日新出的綠茶朱古力雪糕，可選黑朱古力， 白朱古力，雲尼拿朱古力或雙拼，我選了黑朱古力，而綠茶的部分只有雪糕上少少的綠茶粉同塊綠茶曲奇，讓綠茶控的我有點失望。不過不失的是，Godvia雪糕點都有啲品質保証，所以都滿足左我對甜品嘅渇求。

記得Godiva初初推出軟雪糕時只有黑朱古力味，相隔一陣終於有新口味！今次新口味有白朱古力味，白朱古力味其實似牛奶味多啲。一如以往，Godiva軟雪糕都係幾幼滑。今次食雙重口味，即是黑朱古力味加白朱古力味。軟雪糕上加了朱古力醬，豐富了口感。甜筒依然係好脆口，真係無得彈！唯一不足係價錢比較貴啦，$45都可以食一餐Lunch啦。不過月頭放假豪少少都OK嘅，哈哈！

godiva賣相非常好，黑朱古力雪糕淋上朱古力醬，加上旁邊一塊朱古力小牌。一口咬下，濃濃的黑朱古力味充滿口腔， 而且口感軟滑，甜度適中。吃畢後的窩夫脆筒也非常鬆脆。唯雪糕不夠冰，很快溶，要盡快吃完

復活節last day跟車爸爸剪完頭髮便去朗豪坊整電話咁近城隍廟梗係要暴食雪糕啦Godiva新出黑白朱古力軟雪糕梗要朝聖啦~ 仲有杯裝雪糕細看點內裡的朱古力係心型架~攞命 唔知點解總覺得細隻咗,講返味道真係好失望絲豪吃不出白朱古力味道之餘更將朱古力味的質素也同時拉低~

我女友最鍾意就係食朱古力架啦。 經過朗豪坊都會黎呢度買一個雪糕筒。 呢度嘅朱古力雪糕味道真係好濃郁。 同平時啲朱古力雪糕比， 朱古力味真係重幾倍。 價錢唔平要40幾蚊， 但份量都算多， 連雪糕筒裏面都有雪糕。

小人不特別嗜甜，不過對於高質的甜食總沒有抗拒的理由。早陣子，來自遠方的朋友相贈了一盒GODIVA朱古力，一份很棒的禮物。可惜小人因為喉嚨痛，故此在收到後隔了一陣子才打開來品嚐，真的令人引頸以待!這盒比利時朱古力是GODIVA經典系列，分有三種濃度: 50%、72%及85%。一打開便被那一片片散發著誘人甜香的朱古力片吸引著，當朱古力在口裡溶化時，質感幼滑如絲，黑朱古力的無窮醇香久久停留在口腔裡，盡情發揮，牽動味蕾。當然，越高濃度的朱古力成份越純，自然越香。85%就是小人所鍾愛的呢~~~吃朱古力的代價是很昂貴的，無論是金錢上或卡路里，加上喉嚨痛初愈，小人只能淺嚐輕淡。

去GODIVA飲冰我多選Dark Chocolate，今次試下新嘢。飲落好香綠茶味，亦一如既往唔會成口碎冰，仲有粒柆白巧克力入口。不過，係咪打得唔夠碎？啲白巧克力啜住支飲管，好難吸。建議打碎朱古力，或提供粗飲管。

最近試左godiva兩款新出既食品，就係朱古力雪糕同白朱古力綠茶飲品。平時賣一粒粒嗰啲朱古力都好少食，因為好似冇乜特別，價錢又唔係平。不過今次試呢兩種就覺得幾好味，又唔太貴。第一樣試既係佢標榜 Soft Served 既雪糕，意味朱古力味濃到好似食軟既朱古力咁。佢有幾款揀，我揀左呢款，價錢唔係好記得，好似$45。我覺得除左朱古力味真係比普通haagen dazs雪糕濃小小之外，都唔係話特別好味。可能因為太甜，所以食多幾啖都幾'漏'。係幾滑既，不過唔會想再買黎食。另外試左白朱古力綠茶(唔知全名)類似frappuccino既飲品。呢個值得推介呀! 飲佢嗰陣就好似食緊日本嗰啲綠茶雪糕咁，綠茶味超濃，但白朱古力又滲啲甜味出黎，我好快就飲哂 我冇特登溝啲cream落去飲，都好好味。相比起starbucks同pacific coffee嗰啲綠茶飲品，呢個好飲好多! 價錢好似都係$45! 不過好大杯又好飲，我覺得都值既

今一次食Godiva朱古力軟雪糕,去左朗豪坊分店,唔算多人,好快就有得食喇~好濃既朱古力味軟雪糕同朱古力醬加上雪糕筒好脆,邊緣仲有d朱古力脆脆 ~真係好好味~$39 真係物有所值!!!好想去食多次~~朱古力迷一定要去試下!!不過只有3間分店(IFC ,Harbour City, Langham Place)有售,如果間間Godiva都有就好喇~p.s :同朋友仔一齊食雪糕係特別開心架

GODIVA軟雪糕，要係指定三間分店先有得食，路過旺角，專程黎試下。雪糕香滑，朱古力味都夠。加上朱古力醬同威化雪糕筒真係好食，唯一美中不足係比較細杯，唔係好夠。

曾幾何時，些粉OK軟雪糕賣$2.5, $3蚊，豪華都係賣$7,$8蚊，$39個軟雪糕其實真係好Q貴，只係見D人係咁排，所以又走去試試。總體而言，佢係win係細節位，軟雪糕上加上朱古力醬，插一片Godiva朱古力，而雪糕筒上亦都蘸上朱古力脆脆，presentation就攞滿分，但雪糕朱古力味其實唔係好濃，亦都唔夠豪華軟滑，但甜味ok，唔會係得個死甜，雪糕筒都夠脆，而且軟雪糕份量都滿意。不過$39真係有D貴，唔會再encore。

一直都好想試呢個軟雪糕，但唔知點解咁啱時代廣場分店係無供應架！（本人於銅鑼灣上班）於是，越係難得到就愈想食！ 可惜好少去 Harbour City 同 IFC,以為有排都未食到！ 是晚到朗豪坊，先醒起呢度都有間分店啊！ 呢間仲要有軟雪糕啊！ 於是，食完晚飯後，睇戲前，衝黎試！唔駛排隊，前面個女仔亦剛剛買左呢個軟雪糕，我比完錢後唔駛一分鐘就有喇！ 其實講真，試呢個雪糕大半係滿足虛榮心， $39 一杯名牌軟雪糕，賣相係靚到無懈可撃，即時影個相，稍後再 post 上社交網已經值回票價，哈哈！ 好像味道還是其次！唔知本身係咁 soft , 定有點微溶，所以要食得好快！ 嗯...第一啖嘅感覺係：無乜特別， 唔覺朱古力味特別濃，特別香，亦唔覺得特別滑，完全唔會有「嘩！」一聲嘅感覺！ 個片印有 Godiva 之樣嘅朱古力亦唔覺特別好味！旁邊的脆脆，上面嘅朱古力醬亦挽回唔到多少嘅分數，只能夠講誠意撘夠！ 脆筒是脆的，我覺得這個價錢，脆是最基本的，講真！而家雀巢甜筒亦可造到呢個脆度！脆筒味道唔係特別 impressive 啊！ 好快同男朋友已經 K.O. 成個雪糕。男朋友嘅反應都係：「無乜特別啫！」 我

今天到了人山人海的旺角，在晚上吃過壽司後也不知道該到那裡吃甜品，在朗豪坊看過水牌後便決定嘗試 Godiva 最新推出的軟雪糕。軟雪糕的賣相已經十分吸引：雪糕面上淋了朱古力漿，還有一片薄薄的 Godiva 黑朱古力，脆筒邊更加了朱古力脆脆，是用心的製作！至於味道也叫人令眼相開，朱古力味香濃略甜，用上的當然是其品牌的比利時朱古力，有質素的保證；再者，它是比較結實的雪糕，慢慢吃也不會怕它會溶掉。至於脆筒，出乎意料外是十分 crispy 的，口感十足，友人也不禁在說：「好像在吃薯片一樣！」我們一行五人，點了兩杯軟雪糕也夠分了；一個人吃一個便會顯得太多了。總括而言，這也是物超所值的甜品。若你已經吃厭了 frozen yoghurt，不妨可以考慮這款軟雪糕。

Saw the advertisment just outside the store on the way to work. Decided to grip one after work.Godiva truffles, chocolate pretzels & dark chocolate (75 & 85%) are the most purchase products for me at their stores, so I have really high hope for their renowned dark chocolate soft serve.When I walked into the store, there were still not much people. So, I didn't wait a long time to get the soft serve. Just looking at it already made me want to have another one!There was dark chocolate sauce on the

是日來到朗豪坊, 為台灣之行的手信預備一下, 行經這裡, 又想吃吃雪糕. 愛吃雪糕的人, 就算多飽也不會放棄每一個吃雪糕的機會. 本來有個夏日優惠, 買第二杯是半價的, 但文迪還太飽, 就只要一杯好了.比利時黑朱古力雪糕 $39: 8分, 一杯份量不太大, 其實一個人吃剛剛好. 用上了比利時的黑朱古力, 朱古力味道是幾濃烈的, 但未算太苦澀, 個平衡做得幾好. 質感是幾滑的, 有奶香, 不會太冰, 大熱天時之下, 在商場內進食也不怕雪糕溶得太快.愛吃雪糕的朋友會喜歡這杯雪糕, 而愛朱古力的朋友應該也不會失望. $39一杯, 是有點貴, 但吃到有水準的雪糕, 其實還算是合理的價位.