金滿都越南餐廳 (Closed)

吃過隔離雞粥幾次,都冇留意到有間越南餐廳.位置在轉角都不易看到. 但見門口咁多人,也來試!點了午餐的a餐和b餐,分別是越式燻蹄檬粉,及香茅雞翼湯河.小食點了蒜蓉麵包,蔗蝦四條!好快上菜,蒜蓉麵包好多好夠蒜,蔗蝦則略細碟.燻蹄檬粉味道不錯,如果魚露酸點便更好!香茅雞翼湯河的雞翼有幾條毛...味道也算好,好熱.凍飲不用加錢,正!姐姐也很快手有善.

差唔多每星期六聚會後，都會嚟呢處開飯。絕唔係因為呢度好食，皆因呢頭實在認真冇啖好食...一個字可以形容晒D味道--- 鹹...上星期又去食。吃一口菜，咦...D味道淡咗wor；再試個咖喱雞煲，雞件夠多，咖喱頗香椰味，用嚟點蒜茸包，確係幾惹味wor...問吓太太，原來係order前專登叫廚房: "少鹹唔該"...唔怪之得la...有改善。但只係叫好食咗，但絕不能稱之為"好好味"...若有其他choices，當然係避之則吉la...

裝修後,全部野都係全新...檯,椅,制服,餐具...都係全新,用電腦記賬,出電腦單...同以前完全唔同...食得港式野多,又想轉下口味,就叫左碗扎肉絲檬粉+薄荷特飲...先講扎肉絲檬粉,粉量一般,檬粉唔算多,但反而幾多扎肉...檬粉還是較淋,但咬口還是有的...扎肉反而唔錯,幾好食...但湯就...似乎味精落重左,變成味精水...至於薄荷特飲,裡面加左d罐頭什果,其實都冇乜問題ge...個薄荷味都整得唔錯,薄荷味幾重,飲完成個涼哂...埋單$28,食得唔係咁飽,價錢一般...不過都應該會再黎...

全新裝修環境大大改善,比人一種舒適的感覺.最重要係果度d香茅豬扒同雞翼係好入味又炸得o岩o岩好,總之就正喇...我覺得直得向大家推介.