金妹記大排檔 (Closed)

初中時代係讀女校出身既小妹就真係比較麻甩既，間唔時就會心癢癢想去食下啲佬野想食下啲鑊氣小炒既話，最地道既就緊係去“ 踎”大排檔啦，但依家天口咁熱，郁一郁都標曬汗，真係唔多想食餐飯都要食到身水身汗好彩依家既大排檔都唔一定係要“ 踎”係户外既，係有冷氣既室内餐店都可以食到夠晒鑊氣既風味菜式就好似個晚同朋友黎食既呢間餐廳咁，既可以坐得舒舒服服，而菜單上既菜餚大部份都係平日大排檔所見既菜式，頭個幾頁係店家推介既“必試菜式”個晚其實係興起即約，所以得我同友人兩丁友，唔敢叫太多，真係驚會食唔晒所以我地淨係喺“必試名菜”入面每人揀左一款菜色：“豉椒炒大蜆”HKd$98同“原隻脆皮炸豬手”HKd$198，之後要左個同樣係店家推介既“潮式肉碎蠔仔粥”HKd$88先黎既炒蜆經已好夠鑊氣，豉椒爆炒夠惹味跟住既豬手更加係重量級！！！！豬手切件原隻上，每舊到係皮脆肉嫩，係肉同脆卜卜既外皮仲有充滿骨膠原既筋位部份，係就係邪惡啲，但嗰一刻真係好難忍口沾上帶有微辣既豬手醬正好平衡返豬手脂肪部分既油脂感，唔覺唔覺又擺多左兩件入口啦食左兩款濃味香口既菜色之後，食返碗濕濕地又鮮味既蠔仔泡飯就最好不過蠔仔既份量比例都唔算少架

未去過咁舒服的大排檔裝修有心思，有香港特色，坐得好舒服，但價錢又唔貴喔，因為全日免加一。叫了2隻椒鹽瀨尿蝦、炒蜆，通菜同咕嚕雞等。每樣菜式都鑊氣夠，味道惹味卻剛剛好，不過鹹，好欣賞他們做到這一點。瀨尿蝦好新鮮，肉質彈牙，肉多。蠔仔粥粥底夠清甜，用黎送小菜一流，吃得舒服。😘呢餐食得開心滿意，店員姐姐個個都好好服務，有笑容，食都食得舒暢d。老公大讚好食，話以後做節要黎呢度。希望餐廳繼續keep住咁好既水準!

今日無啦啦想食大排檔，諗起金妹記大排檔係銅鑼灣開咗新分店，一於去試吓。呢間新派大排檔，保留大排檔特色的大圓檯同鑊氣小炒等美食，但係環境非常乾淨企理，坐得好舒服。炒大蜆呢個好推薦！真係好大隻蜆無花無假，而且粒粒都有肉唔會上碟得d殼，$7x已經有好大碟好食得過👍🏻 而且炒得好惹味好有水準。椒鹽賴尿蝦因為得兩個人食，所以我哋淨係叫咗一隻試下。賴尿蝦好大隻好多肉，肉質厚實，feel到應該幾新鮮品質幾好，而且仲有蝦膏！！😱正呀！炸豬手外層既皮炸到好香好脆，咬落去就食到好有口感既豬手，而且d肉都算幾腍，而且唔會好乾，重點係唔會過於濃味。同埋真係好大碟好抵食，同朋友一齊食就最啱啦！乾炒牛河見到檯太都叫乾炒牛河，望落好似幾好食，所以我哋都叫左。平時食唔到嘅乾炒牛河通常都好多油，一係就炒得太乾，一係就太濕。呢度於乾炒牛河絕對水準之上，夠乾身但係唔會太乾，而且重點係一啲都唔油，唔會食到個咀立立令。👍🏻👍🏻

大排檔好滋味 金妹記 大排檔 鑊氣小炒皇 椒鹽珍寶瀬尿蝦 油浸筍殻魚 避風塘炒辣蟹 原隻脆皮炸豬手 黑椒薯仔牛柳粒 秘製鋼鍋雞 咕嚕蝦球 雞煲 辣蟹 Food stall 奶茶 尖沙咀 銅鑼灣 菜單 英文 Gold Mui Kee Sea Food Stall招牌小炒極出色,明碼實價好均真大排檔風味,真正地道滋味濃鮮辣鹹各有特色 型仔戰鬥碗,配啤酒,食得爽,飲得暢快  椒鹽珍寶瀬尿蝦 每日新鮮入貨精選特級瀬尿蝦鮮味肉厚,加上濃郁既蒜辣夠曬惹味,蝦肉厚大食得超爽,夠鮮味落單2隻起,最好提早預訂 油浸筍殻魚 肉質肥美嫩滑,肉多而厚,骨少易食鮮味甘香煎,煮蒸都好美味既筍殻魚外脆肉嫩不花巧,鮮味最好! 黑椒薯仔牛柳粒港式小炒招牌幾乎每家都有既菜式有椒片,薯仔,牛柳粒等食材用上美國牛柳,肉味更濃郁牛肉好嫩,有黑椒香而不辣,反而帶甜味  金妹記小炒王用了大澳蝦乾,銀魚仔,印度腰果快炒爆香韭菜王爽脆鮮綠色澤鮮艷吸引微辣開胃,配酒作小菜配搭一流!銀魚仔略為乾身了一點 秘製鋼鍋雞 (HK$98)   全年供應雞煲有乾蔥頭,九層塔,木耳,紅椒辣椒,XO醬爆香快炒最後鐵鍋上菜用了三黃雞,肉更鮮,皮更薄,吸盡

第一次嚟食起初以為啲嘢會好貴啦話曬都係好靚嘅商場地牢，點知又唔係喎大概六七十蚊個小菜。呢間主打大排檔嘢食嘅有好多要係地痞大排檔先搵到嘅餸，油浸筍殻魚、椒鹽九肚魚、鵝腸豬紅......我就叫左五樣嘢分別係南乳粗齋煲、蠔仔粥、薯仔牛柳粒🥔、鹹魚飛天通菜同乳鴿🦆蠔仔粥個湯底好入味👍🏻又有冬菜但飯量比較少，要自己加多碗飯先夠🍚南乳粗齋煲同通菜煲都熱辣辣🔥👍🏻 粗齋煲嘅南乳味好濃，每樣材料都吸引啲味令你每啖都有南乳嘅香味🤤通菜煲因爲係咸魚嘅關係略重味，除此之外都無咩特別。薯仔牛柳粒就略為失色，薯仔煎得唔夠香同脆，放耐左開始凍嘅時候啲茨汁仲開始會有少少一patpat....始終最好食嘅薯仔牛柳粒都係係深水埗👍🏻乳鴿係bb鴿嚟嘅，比較細隻，熱辣辣咬落卜卜脆，唔錯唔錯🦆鋪頭亦會播放粵語流行歌曲，充斥住香港情懷🇭🇰 店內係有提供啤酒🍻嘅，但餐牌無寫如果有需要可以同店員講。

呢間食店嘅午餐，由十一點至下午五點，時間彼長，相信會方便好多不定時食飯的朋友。因為開業不久，知道的人不多，所以人流不算很多，午飯時間也很容易搵位，坐得舒服。瑞士乾炒牛河套餐 $45送中湯及汽水，呢個區係好抵食，冷熱飲品需額外加錢。瑞士乾炒即比平時牛河甜一點，牛肉腍，件數不少，我喜歡芽菜多一點，好味點，瑞士汁滲入到每條河粉裏面，因河粉無黐住一嚿嚿，幾好味。鹹魚雞粒炒飯$45熱辣辣炒飯上枱時都幾香，雞肉瘦無雞皮，脆肉瓜做蔬菜粒，邊食邊有蔥粒香味同鹹香味，少點油更加好。