金壘餐廳

Open Now

Now Closed

屋企停電趁等電力公司嚟維修出去食個靚飯先。之前Lunch 睇過要2佰蚊一個人覺得有點貴，咁就算啦不過今次決定近近地點都要入嚟食吓！餐廳有自已車位唔駛等，唔駛爭！（上村㕷車要撞彩，好多時都要等一陣）待應出嚟殷勤咁問我哋幾位。俾左張卡位我哋坐，環境燈光唔錯幾舒服😌，拍拖談心夠靜又唔會太拘謹。細心睇吓餐牌發現豐儉由人，平平地佰五六蚊一個餐有交易，當然豐富到五六佰海鮮都有。我哋叫左個凱撒沙律🥗（+$20煙三文魚）老公叫左烟肉蛋意粉（升級套餐），我個沙律本來無得升級套餐，個待應好好俾我升級埋。是日套餐有羅未湯同忌廉南瓜湯，羅宋湯一般餐室勝在無咁咸又夠濃。跟住前菜要左個炸魚薯條，炸魚做得唔錯，係實淨啲既鱈魚類，貼近正宗，而今失回味係個他他醬，配落個魚度超夾，食完想再食。待應見我哋食到差唔多就主動提我哋梳乎里要等13分鐘。好貼心！而不時留意到我哋需要，而且非常有禮貌。好耐食過喇！造型可愛，好似個巨型cup cake 咁，有兩種味揀雲尼拿同橙味。我揀左雲尼拿未，好味！最後，到餐飲咖啡喇。唔好以為咪普通咖啡一杯，佢俾嘅係暖鮮奶，而且杯咖啡酸味唔高，啲暖鮮奶撞落去杯咖啡度令到佢更加滑，感覺好似飲日本啲咖啡

剛過了的星期六，從屯門揸車入嚟搵食 。 其實附近都有唔少特色食店,但見家人推介便來試試。 叫咗一客德國咸豬手 及 墨魚汁海鮮意粉， 再各加四十幾蚊升級 (即有餐湯、 餐包及飲品) 。可能我見識少 ，第一次食到感覺有餘用"紅燒元蹄"煮法嘅德國咸豬手。個外皮嘅"融" 化度簡直可以用飛機餐嘅刀叉切開都綽綽有餘， 墊底嘅酸菜過甜(港式風味啩)。 明白嘅~香港人工貴 、租貴、 皮費貴 。為咗縮短烹煮時間 ，怎可能將 一隻豬手用烤爐由生焗到熟， 但都冇理由唔將隻豬手放入焗爐最後焗一焗 ,等佢外皮都叫做有啲啲脆先送出去比客人食吓嘛 。相比之下碟意粉已經係好正常嘅味道(本人都覺得極之普通)。 再有下次 ？除非我精神有問題。

同狗狗朋友食個生日飯金壘係必然是選唔係第一次黎嘞4人叫4個主菜經典炸豬手: 皮脆肉厚，但嫌鞋咗少少燒鱸魚柳呢: 腥得濟，唔食開魚就會無興趣的，而且淡茅茅，唔嫩口鵝肝意大利飯: 咦，喜出望外，飯唔太漿口，唔配鵝肝，可以配下雜腸，唔使食得太內疚......新菜小牛排: 五成做到，肉嫩香味，最搶手的一碟甜品先係主角: 酥皮豆腐花，咸皮配糖水豆腐花又幾夾喎，好似飲酥皮湯一樣，豆腐花滑到不得了，但欠少少豆香。飲埋飽晒呢到唯一問題: 就係有狗狗要坐戶外，冬天要趕快食，唔係就凍晒瓊曬油

今日都第三次去純緒因為我和小狗週末可以一齊去坐下。佢網頁自己sell自己招乎狗，但個大大隻扮高級的侍應表情好不洩勁串咁同我講: 佢語氣好重，點野食仲要啤啤貢咁，因為我真係放左張墊。我最後同佢講佢間餐廳真係唔dog friendly,我唔食，佢答好，佢老板請d咁嘅人真係倒米，奇怪在頭兩次又可以坐櫈，咁張客人櫈個侍應唔坐得，即係佢唔係人？間餐廳一向無乜人食，食物唔平又普通，現在連侍應態度都咁差，為左"吸"d 客就扮歡迎狗，所有狗友千祈唔好去！

行荃錦公路入，都算易搵!炸魚薯條同平時啲炸魚有啲唔同，不過都好食!豬手個皮唔脆，有啲失望 😅但啲肉好嫩，食落甜甜地，都可以啦！有機會會試吓炸豬手咖啡有驚喜!啲奶係暖嘅 💕環境唔錯如果秋天，可以坐室外，應該風味會不俗 😙………………………………………………………………………………

星期日屋企人發板去左一間好遠既餐廳，揸車去可以泊係餐廳門口幾方便，不過出面車位唔多，分分鐘要等位先泊得低lunch set 選擇幾多，有排有飯有意粉如果唔啱食都可以散叫menu入面既野食，同樣有飯有麵有小食類，加48仲可以轉做set 包餐湯或者沙律 麵包 同野飲我地散叫左個炸魚薯條轉做餐炸魚薯條隔離仲有d雜果沙律伴碟，薯條份量好多，炸魚個炸粉唔係一層漿咁，黎到個陣熱辣辣感覺好新鮮，不過要小心個脆脆炸皮會吉親口跟餐包個湯係甘筍薑忌廉湯，入面有d麵包粒，幾好味麵包用蒸籠裝著好可愛，係西式餐廳入面既中式餐具沙律好大碟，菜都好多種鮮茄辣肉腸扁義大利粉酸酸地幾開胃 辣肉腸做意粉配料好少見，食落好夾，好似食緊pizza咁燒豬脾伴蘋果燒汁燒豬脾稍微遜色 睇落完全唔似係燒既 食落都唔係，比較似係烚嘅食落有啲靭個汁比較清新酸酸地幾特別

今天見生果説佢地話自己保留原有菜式，忍不住㝍一㝍。我因小學1-3年級左右開始，由父母帶去食午餐，最初一個海鮮大會～$30多元，什果賓治等。就是灣仔波士頓那類。到大左男友帶我去食扒，大概$150～200，好似變了有酥皮湯嗰類。之後，變成一個食個歺已$300～500。加上偶然的朋友敍會等。雖然不算是常客，但可以肯定佢地個menu轉過無數次。食物質素從前像港式西餐廳，菜式當然不是正宗英菜，但勝在郊區，価格地道，算是不錯選擇。之後，起碼10年前，朋友說該店由個仔接手，menu轉晒，出埋在啲carbonara, tiramisu, creme brûlée嗰類，価錢亦幾級跳。想走高級路線，本來也無可厚非，始終在石崗及林錦公路囗，拍拖上大帽山等...遊車河勝地。無奈，菜式、味道水準又未到位。最近幾個月又去過，menu又轉了，價格平了點點$250～400了，但食物質素維持港式西餐的水準，ok普通。佢有咁嘅地利，啲人又鐘情‘懚世食店’，想走高級路線，咁隔涉，找到的話，搵返個有水準的大廚主理或起碼監修作菜式指導吧！相片我提供不到，但我由細去到大。如果你負担得來，又喜歡扒x之x般的貨式，路過食下可以的，

之前睇過金壘餐廳食評，好壞參半，所以去試試。星期天約1:30pm, 不用訂位。order two set lunch. －個羅宋湯，－個忌廉湯。湯夠熱及有水準麵包是外來無特別。主菜脆皮三文魚，皮有蒜蓉煎脆巧味！焗肉醬意粉是餐廳 one of their signature dish. 肉醬有味，焗得幾香口，只是干身少少，但兩樣主菜都滿意。 見好多客叫脆豬手，有機會可試。價錢只可說唔平，lunch 約180-200/person. 環境都唔迫，坐得舒服，推薦大家可試下，位置巴士及私家車均可。

一啲都唔好食同屋企人一齊嗌左2 set dinner牛肉眼扒真係超難食!!!!好多筋 好柴 嗌7成熟比左個5成熟 把刀又唔夠利 切肉切唔好不過鵝肝好好味 配面包 醬汁 超正可以再食

可能是香港最好飲的羅宋湯. 海鮮好抵吃. 最愛他們的豬手和Asian hot dishes, 全部都很高水準. 很多很特別的小食例如蝦多士一定要試！ 服務和環境都一流！ 👍🏼👍🏼

食物：炸豬手、黑毛豬同龍蝦risotto幾好，但前菜沙律用暖嘅碟上菜⋯有無常識？服務：1. 侍應唔記住當日menu A餐B餐係咩，我點菜就咁講ABC餐佢就咁呆咗無反應，攪到好似我錯咁要講全名，之後佢一句唔好思意都唔無講2. 炸豬手層皮比我哋想像中無咁脆，向另一侍應確認有無上錯咗焗/烚豬手，又係好似我哋錯咁hea答話無上錯3. 明明唔係坐滿人，侍應都成日唔見人，舉手成兩分鐘都無人過嚟食物係唔錯，但咁嘅服務態度就扣哂分

行過，諗住搵個地方打躉。 見個餐牌有甜品，入去試下。 酥皮豆腐花， 幾特別。 大概等十分鐘， 端上來， 似模似樣啊。 聞下， 個味怪怪地。食一啖， 不得了， 個酥皮益嘅。 扔都扔唔切。 食兩啖豆腐花， 好彩唔係酸嘅。 不過無豆味， 得個甜字。咁就 $88,仲要加一

母親節當然要食好東西的推介：🐷手, 有太多骨膠原，唔太咸，岩各位食，另外墨汁飯亦係值得推介的，墨汁有濃濃的鮮味，每啖飯都被墨汁包住，其他餐廳的墨汁飯好少可以做到這點所以對住今次的母親節大餐 ，好滿意

適合駕車人士，方便。中午set lunch價錢偏貴，餐飽用籠放,雖然有特色但是凍的，十分失望. 主菜份量只夠女士，男士一定不飽. 我們叫海鮮意粉及銀雪魚，比想像中很一般，沒有特色，又失望。總結地方及食物不值這個價錢。環境則不錯。試過就算,下次一定不會再來，亦不會介紹給其他朋友

E間西餐廳聽講開咗超過35年，我細細個老豆車我地去新界遊車河時都成日經過嘅，不過老豆話間餐廳都幾貴所以從來無帶過我地三姊弟去食，我地只有望門輕嘆N年後日突然拍板話今晚去食，又咁啱大家都得閒喎，咁我地八大兩細兩車一齊踩場啦餐廳外就有泊車位超級方便室外坐位好舒適老板娘超級好人安排咗vip 房比我地，係出面完全估唔到有間咁靚嘅vip 房（可惜沒有拍沒有人嘅房間照片）老板娘話套餐份量都幾大份吓，叫我地千祈唔好點一人一份喎，咁我求其點咗兩份德國鹹豬手、兩份丅骨扒、兩份risotto、同埋一份墨魚汁意粉先，唔夠先再點套餐包沙律、餐湯同埋飲品相當化算沙律調味得好好，我地食清光湯可選龍蝦或者洋蔥湯仲可以加錢揀so 皮，每碗湯份量超級大,味道又點呢?我自問都食過唔少西餐廳但E間嘅湯真係好高質素So 皮熱辣辣又香脆兩位小朋友食得好開心，龍蝦湯好鮮味料又足，我細佬話係佢食過最好味嘅龍蝦湯喎但係洋蔥湯更加精彩，洋蔥煲到溶化唒啲湯超級好味，好有classic 嘅洋蔥湯feel,感受到廚師嘅心機麵包我只試小小，好鬆軟香囗主菜大家都最欣賞嘅德國鹹豬手，一隻已經好大隻我地點咗兩隻食唔哂打包最正係熱辣辣皮脆肉嫩，C6話