金禾田餐廳 (Closed)

今天中午放食lunch，又要想想去食甚麼好(每天都要想食甚麼確實幾煩!) 其中一位同事提出不如去一間上樓的餐廳試試~ 好呀! 當去到該餐廳後，發覺此餐廳的佈置及格局在這工廠區中很少見得到! 坐低後開始睇下餐牌有甚麼好食，誰不知原來有那麼多款餐可以選擇~ 只是普通午餐已經有A-H選，另外還有差不多約10多款不同的套餐選擇但價錢稍貴呢! 可能本人有選擇性障礙~hehe，惟有問問侍應有甚麼好介紹，於是她便介紹其中一個芝士海鮮焗飯餐給我，好彩佢無介紹我食D貴餐o者~ hoho~ 上餐了，先來一個羅宋湯- 味道都ok，跟住焗飯來了-比想像中份量大，而且很燙，應該是即叫即焗o個隻! 再見到飯面上有一隻大大的青口連殼，裡面的材料居然有鮑魚片，魷魚，蝦，帶子等等~ 味道也ok~ 只是略嫌芝士味很濃而已!! 最後諗住叫餐茶，誰知居然重有甜品送- 咖啡"小布丁" 因為份量很小，所以可以一啖完成(真想問佢要求多一個)~~ 最後埋單出去付錢時，那位收銀小姐問我們覺得食品好吃嗎？(可能我們坐的位置在收銀旁而且很喧嘩，所以她想了解下我們意見啦)，那我便告訴她我們的意見後，她居然送我一張9折卡~ 哈哈~ 下次再來幫

此餐廳聞名不如見面, 因為打著基督徒餐廳的招牌, 又有工廠樓上餐廳的包裝, 所以今日我嘗試一下, 點知各侍應會扮看不見客在舉手和呼叫, 像打衝鋒一樣直行直過, 只有一個女侍應是最勤力, 手上拿著十幾張單, 她真辛苦了!味道方面, 咖哩是過咸, 湯拉麵是凍的, 頗為難食, 而熱奶茶和咖啡也是凍雖然女收銀員給了我九折的優惠卡, 我也歸還給她

我在10月10日(三)約11:30叫了2個外賣並請示12:15送到,2個餐分別是A餐海南雞飯+熱奶茶另一個是B餐芝士芒果汁焗海鮮飯+凍奶茶,另有2碗青豆蓉湯,2個餐合共$73。我唔係第一次叫這一間的外賣午餐, 但好奇怪今次既餐湯每碗都係得一半,咁咪打去金禾田同他們講,我問點解今日餐湯每碗都係得一半既,接電話既女士同我講,佢話公司一向都係俾一殼湯既!就算係糖水都係一殼既份量(我點知妳公司一殼既份量有幾多喎),咁我咪同佢講,我話我唔係第一次叫妳公司既外賣,湯一向都唔係咁少,佢再回應我都係話得一殼湯既(仲係好勞氣咁講喎),我聽完真係好嬲~1,我唔係要妳賠償碗湯俾我2,我係消費者我只係反映意見,但呢位女士既態度認真惡劣備註:觀塘區$35-$36一個午餐唔算平,呢間食物質素唔錯,但今時今日咁既服務態度,好老實趕客囉!我亦都唔會再叫外賣,佳閣服務好好多> _ <

自己好唔鍾意用生果熱煮,但試過佢地的芒果焗海解飯完全改觀,一d都唔會覺得難食,反而好健康,味道亦好清,同埋個三文魚沙律都幾好食,食完仲有甜品送,同埋佢地出面雖然係工廠大廈,但入到去環境都唔錯!

見報章介紹這裡, 便特意來試一下.是日可能晚來了, 鵝肝已售罄. 有點可惜. 但既然到了, 便試下其他的食物. 點了羊架, 雞肉菜沙律+糙米飯, 豬扒飽.羊架, 不能不說的是它賣相不俗. 三支羊架像營火會的火堆架起了. 中間是薯蓉. 還有幾片薄薄的炸薯條點綴一下. 驟眼一看, 可覺水準該不俗. 羊扒都幾ok, 沒有羶味, 不算很嫩, 但可接受. 薯蓉沒試, 但看到較粗的質感, 相信是用新鮮薯仔壓制而成吧!雞肉菜沙律, 用醋一起伴吃, 健康的一味, ok. 糙米較鞋口, 沒有加適量的白米同煮吧! 但中間加了冬菇, 幾香. 豬扒飽, 沒有另加醬汁. 只係用洋葱炒香加煎香的豬扒. 麵飽兩面煎了, 加上牛油, 就這樣簡單的一味, 很不錯. 下次為了鵝肝的緣故, 我定會再試.