金泰燒烤

Open Now

Now Closed

今晚去左新店，第一次試呢間菜館。同男友食左：1)咸魚炒芥蘭2)青木瓜沙律3)青咖哩雞湯4)串燒：豬頸肉、牛肉、雞心服飾ok，因為人客幾多，但侍應人手唔係o甘夠，不過都幾nice。最後埋單一百三十幾蚊。

在舊舖附近開了新舖，大D！串燒很好味，尤其是燒大硯、牛肉、雞翼和墨魚丸，大家一定要試。

在正舖附近開了新舖，可以去試。最好味是燒大硯、牛肉、雞翼和墨魚丸，真的又平又好味，一定要試。

串燒類- 掂, 多選擇價錢平($6起)湯類- 掂, 味濃料足熱騰騰價錢平($30有交易)炒菜- 掂, 大碟抵食唔肥膩($25)燒魚- 掂, 大條唔乾新鮮又平($30)炒飯- 熱騰騰唔貴椰青- 正, 新鮮不足之處: 坐位少有時會好大煙,小心D衫吸晒味.

見到佢個櫃有舊類似札肉的東西.問佢係乜佢答係黏肉,其實我聽唔清楚,好似係咁叫掛?10蚊.陣味怪怪的,個人覺得麻麻.

味道ok.本來想試佢d炒飯, 但原來要下午五點先開始有.所以都仲未試過.

睇番先知原來之前有關此店既食評落錯地方，不過既然相隔咁耐亦費事搞。星期四公司超級大地震，連同四位大粒人仕合共五人忽然人間蒸化，雖然震唔到我，但聞者心情都唔會好得去邊。既然己成事實，同女友決定食番餐勁，實行今朝有酒今朝醉。過往路過都見店內店外皆人頭湧湧，但礙於坐得唔好，女友係打死都唔肯試，不過今晚見朕意己決女友亦不再大搞對抗了。先來一客燒雞肝($6)，由於本人愛吃內臟，加上此店燒得惹味，滿意。生蝦剌身($35)一客有十件配上綠色醬料，相比起金寶既$70同樣得十件，此處真係抵食得多。剌身蝦夠凍外肉又厚又爽，比隆姐和籽苗葉既勝一籌，唯一可惜係蝦頭不知所。椰汁雞湯($30)一客分得四小碗，屬二人份量。外表白雪雪，椰汁味香濃，幾潤，加上湯內有大量磨菇雞肉，令人飲過番尋味。海鮮濕炒河($30)濕得好緊要，海鮮有蝦、青口、墨魚丸等，材料屬其次，主要在於師傅炒得夠鑊氣，汁醬雖多但又出奇地岩口味，同女友一致讚好。火車頭炒飯($30)為何物大家都不得而知，相信係雜錦炒飯之類，配料己經忘記了，但記憶中係鑊氣夠，女友則嫌飯炒得過火。辣羔炒大蜆($50) 係壓軸菜式，等到頸都長。不過幸好無令人失望，蜆肉肥得有點

除了去買鹵水鵝，路經此店，聞到好香的串燒味，見佢都有幾多款的串燒，價錢大多是6蚊，幾平咁，就又一樣買了幾串。因為好多都係番燒，所以味道是不大好。串燒牛肉及雞肉都一般，另外丸類都係一般水準，不太好亦不太差；反而串燒雞肝幾冶味，可惜燒熟晒，口感較實，如果唔係燒得僅僅遜的話是又軟熟又好食；相比之下燒雞心就更好味，口感比雞腎軟熟，又不失口感，須知一隻雞只得一個小小的雞心，如果有得賣的話都值得一試。

上星期日，我和家人8:15到餐廳，都不用等位，但越坐越多人。食物方面，串燒好味，而木瓜沙律就好辣，炒粉都ok，就濕咗D。因為人太多，都要等幾耐D食物才到整，成餐飯食咗個半鐘，都幾耐。

同女友叫左數碟野,其中比較有印像既係蝦黃炒飯,佢話用蝦頭d 膏黎炒飯,由於女朋友唔多喜愛蝦膏,所以都考慮左一陣,不過心諗佢又可以拎得出幾多蝦膏丫..佢所以最尾都點左,當然蝦膏味並唔太濃,不過味道都幾好..第二覺得幾出色既係燒雞..叫前認為味道唔會太好,不過見其他既都有,所以試試..發覺燒雞除有雞味外亦有一種炭燒味,呢種炭燒味0係市面都幾難尋,值得一試~其他既印像比較模糊,只係記得濕炒河真係好濕,濕到同湯河一樣..值得一提呢度有時有泰國波睇,氣氛都幾一流..

事頭婆服務態度親切,串燒既沙嗲汁好好味,唔鐘意沙嗲汁可以要辣汁,一樣好味.燒蜆大大隻,夠晒厚肉(但有時會食到成口沙)乾炒河粉不會太多油,炒雜菜仲係無乜油添,岩晒我怕油膩既人.之但係旺既時候要等位等得耐少少.

金泰已經開了好一段日子了﹐我最初只是幫襯他們的外賣串燒﹐有泰國腸﹑牛﹑雞﹑豬頸肉等常見的串燒外﹐還有一些我叫不出名堂的﹐水準都很不錯﹐起碼我覺得在九龍城這個小泰國來說也算是毫不失禮。後來再坐下來幫襯他們的其它小食/小菜﹐更覺驚喜﹐沙律惹味﹐炒飯及炒菜都香味十足﹐就算一碗普通的雞絲湯河粉也做得很好﹐特別是那個湯河粉﹐雖然賣得很便宜﹐但味道不錯(有些人或會覺得略淡口)﹐很接近我在泰國食過的泰式湯河﹐要彈的地方是雞肉略粗及硬﹐但想想只賣十多元一碗﹐實在又罵不下去了。椰汁雞湯絕對足料﹐又開胃﹐想吃得多不妨先喝一碗。我見到有很多人叫燒魚或蒸魚﹐但我無試過無法下評論。飲品便宜﹐令人口不笑心也在笑﹐一杯香濃的椰汁冰只賣8元﹐總抵過去茶餐廳$12一杯未必一定好味的凍奶茶吧。由於座位十分有限﹐要有心理準備在門外等一會﹐不用等就算是幸運了。而服務請別要求太高﹐店裡面只得4個人﹐4個都身兼數職﹐廚師會負責落單﹐落單的會客串處理串燒﹐老闆娘更包辦清潔﹗人手不足﹐有時可以自助的﹐不要等店員來服侍了。推介﹕燒豬頸肉(可要求配酸辣汁﹐更惹味)﹐湯河粉﹐各式沙律。