五味鳥居酒屋

Open Now

Now Closed

應該一早上黎睇吓食評...如果唔係就好似我咁...食到一肚氣男朋友知我想食日本串燒，就帶我黎, 貪呢度夠地道有風味, 點知, 一坐落個位光頭男waiter就黑黑面問我地飲咩, 當知道我地要汽水唔要酒時就黑多二錢, 問佢有咩飲都唔想答我咁!!!跟住個二杯汽水都係汽水機既, 再問黑面人我唔識睇日文, 有咩食時,佢就不屑咁手指指話日文隔離寫左中文, 跟住就走左......我即時"o"咀....好啦, 叫左牛柳, 牛舌，雞翼, 免治雞肉, 冬菇, 洋蔥, 青椒, 豬胸肉, (木牌上面有既都比差唔多比我地叫齊, 食物種類真係唔多, 大部份都係雞)牛柳︰cheap cheap貨式，面頭淋左一大pat凍蘿蔔蓉，搞到d牛凍晒兼無牛味..差牛舌︰都算大件同juicy雞翼: 一客三隻, 雞皮都脆, 但肉就乾左免治雞肉︰有好多軟骨加左入面, 但咩味都無...勁淡口冬菇: 出晒水, 汁又酸, 唔多欣賞洋蔥: 全晚最好食既一樣豬胸肉: 豬肉勁硬, 要咬好耐, 又係無厘味道青椒: 有一個既份量, 有木魚, 都唔錯是晚發現在座既日本人食既野好多都係木牌上面無既, 咁我唔識日文, 黑面神又唔介紹, 咁係咪歧視我地先?

其實同哋熟落咗，就唔係咁，當係小店特色吧！我同朋友仔差不多兩星期去一次，貪佢串燒香口，味道夠正中。雞皮，兔治雞肉串，真係好Good.。其它都好Okay。人少少，飲酒吹水真係唔錯，邊飲邊Order，坐幾耐都得，從來唔會黑面趕你走。要食一定要訂枱。

People complain here about the Japanese chefs who pay little attention to the Hong Kong customers. According to my observation, in reality, this Japanese chef doesn't even look or say hi to his Japanese customers much anyway, except if they've booked a table and need to know where to sit - after that, there is '0' interaction between them. So all things considered, even if the Owner Chef does not like HK customers much, this is certainly not reflected in the service part of things.I guess due t

因為蔡生的介紹，我同男朋友決定去試試...諗住好易搵得到...結果我地搵咗半個鐘先知道唔係喺"幸福大廈", 而喺"幸福中心"...最搞笑係...我地去到"幸福中心"...都仲要搵唔到個門口...要細看玻璃窗先見到舖頭個名...真係低調得很...因為已經喺夜晚九點半，得三四枱客，只有我地一枱係香港人，當成個場都講日文時，你會覺得自己好似去咗日本咁...菜單已掛哂係牆上，中/日對照，每碟串燒有兩串，我地食咗：- 牛肉：好味- 茄子 ：一般，有少少澀- 雞脾菇：好好味 - 雞翼：好好味- 雞皮：最貴最肥但係最最最好味- 蓮藕肉餅：好好味佢地的食物都係帶酸及略咸，味道略重，哈哈..所以合我胃口....至於顧客服務，都唔錯架，因為佢唔係咁明廣東話，所以佢會提供最基本的服務例如加茶，收碟等等，但見個個員工都同d 日本人有講有笑，我覺得呢間都係溫馨小店啦...

個感覺好pro好地道，但侍應真係有d高傲，佢都知道d人係有FAQ架啦，例如冇餐牌0個d，個疑似日本仔waiter好不屑咁指一指個牆d木牌就算，講都廢事！開頭好期待0既熱情當堂冷卻0左一半。卒之我叫0左佢0地出名0既雞串燒，差唔多全部都係雞，係0個個疑似日本仔waiter自由發揮寫0既 (態度依然冷淡)。食物質數素ok啦，我好鍾意個燒雞泡魚干，仲有個好似係關東煮0既物體，飲0左半打啤酒，咩都唔記得晒lu。因為已經幾個月前食，印象只得咁多。

上個星期四同朋友兩個人膽粗粗去試下呢間據聞唔鐘意香港人既食肆~~~入到去已經有幾枱日本人...我一個人去搵位先~侍應叫左我坐近門口既位置~唔係太舒服~因為坐位偏短同埋離枱有d距離~食野唔係咁舒服~侍應們的而且確係好似扮緊黑面神.但係我唔理..你d野食好味就得啦~咁我朋友到左我就諗住叫野喇~~響呢度見到有d推介~我就叫左雞翼啦~牛肉啦~雞軟骨啦~見到d日本人食牛油薯仔咁過癮我地又叫左個啦~~咁又問佢有d咩食啦~~佢指住牆叫我地自己睇~(我心諗...你蝦我地唔識日文啫..我自己唔曉諗到想食咩就叫乜咩!!!)之後再加單要左雞肉,魚餅,同埋飯糰~好可惜無年糕~真係好好食呀~~不過個飯糰脆就脆~味就差d~~我會試埋其他出名既日式串燒先再決定黎唔黎呢間~~因為零服務唔緊要..但如果食物方面有好過佢既~咁就無下次喇~~哈哈~

同唔少人一樣，幫襯完呢間都係一肚氣，對香港人的服務實在是差，是完全唔理果種，訂位已經唔揪唔睬，去到就見住對面既人不斷有食物，自己就乜都無。後尾先知道，五味鳥位老闆都幾唔鍾意香港人，覺得我們唔識食串燒，所以佢班夥計味有樣學樣囉。平心而論，食物係唔錯既，雞皮、雞肝都燒得好香，氣氛就直頭滿瀉，拍日本片都唔使搭景，不過﹗唔係好食得到值得人受咁既氣囉。

吃完牛雜後的大半小時，恰個眼訓，一程車來到尖東。約了靚女食友吃一式串燒，大家異口同聲地話來這裡，因為未試過～周末十點左右，人客不少，幸好吧檯有兩個位，就埋身入攝。全男班檔，侍應其中之一束起馬尾，扮起「架仔」也似模似樣，服務是認真的，有問有答，閒時亦不會打牙交。沒有餐牌，見檯頭放著一支支插好的時蔬，加上不時傳來的「架文」，很地道。隨口叫了洋蔥、大蔥，亦唔少得牆上還未除牌的牛舌，再加埋豚肉燒及青椒煎豚肉，亦見有御漬物，亦叫來試試。。與食友先嚐御漬物，很喜歡吃漬物，見碗中五顏六色的蔬菜漬物已是賞心悅目，亦吃到平時很少見的漬茄子，鹹的作用令茄味變得更為霸道，很嫩很特別，牛膀爽脆又帶著微微甜味，很好，日本菜乾也是首次吃到，下了點辣椒令菜乾味道更突出，是很聰明配搭，亦有自己最喜歡吃的青瓜，用醋漬過，不帶草腥之與亦保留有清爽入口「卜」聲的質感，叫人驚喜，是很出色的自家漬物。吃過漬物，串燒緩緩而來，與之前精緻御漬物相比，這裡的串燒感覺是粗獷平民菜，汁燒牛舌一串四件，有一半是芯位吃起來很爽嫩亦滿有油甘香，燒汁又濃又甜帶小少鹹味，很和式汁風，最滿意當然是下汁的技巧，不須邊吃邊避汁，道出粗中有細的個性。洋蔥

五味鳥, 是一間說了要試卻又良久未有付諸行動的串燒居酒屋. 早於大半年前跟公子到六本木晚飯時, 總廚阿國便跟我們說五味鳥是他下班常到的地方, 水準也不錯. 跟公子約了要去, 未幾卻巳全拋腦後, 也許是因為太多東西等著吃罷.是晚家人吃過晚飯, 之後便竄出來跟公子宵夜. 公子先到, 進佔吧檯最靠邊的一角, 很妥當. 店子很小, 十數客人擠在一起, 熱熱鬧鬧又不會太嘈吵, 氣氛很好. 由於晚了, 有些想吃的食物如年糕飯糰皆巳售罄 , 牆上也剩下沒多選擇, 就由公子發辦隨便點幾款. 1) 御漬物 - 這個是全晚最出色的, 各款瓜菜漬物也十分清新討好. 有牛蒡, 青瓜, 蕃茄, 小蒜頭, 小矮瓜和雪菜. 公子最愛清怡的青瓜, 我就最喜歡甘甘澀澀的小矮瓜及撈上木魚辣醬的小蒜頭. 以後來, 也必吃這個.2) 波菜漬 - 波菜嫩嫩的, 加上木魚絲的咸香, 很不錯.3) 汁燒牛舌 - 本身吃串燒, 比較喜歡鹽燒, 原汁原味一點. 汁燒的比較少吃. 這個汁燒的, 樣子看上去也不錯. 吃第一塊, 肉質是還可以, 往後的則全部韌得叫人吃到牙關發軟, 很不濟. 相信是因為我們吃尾圍, 店方剩下的牛舌都是些頭

五味鳥舊同學的未婚妻從Thailand嚟左，第一次見面所以要求請客，問佢地想食乜，佢話想食串燒，所以馬上上OR請教網友，最後訂左KC兄suggest嘅五味鳥。見落雨落得非常犀勵，所以開車去Gateway酒店載賣對Couples，估都估唔到，用左45分鐘先塞到去，都幾驚，實在太大雨。泊好車已經遲左15分鍾，馬上跑去攞位，好彩仲有位，一入去就覺得啱Feel，唔知點解覺得食串燒一定要細細哋逼逼哋嘅鋪先得。第一次黎所以唔知有乜好食，所以問服務員有乜好食，佢竟然呆左一呆，然後話〝不如睇下牆上面嘅板，其實樣樣都差唔多，因為主要係食串燒〞，心諗你都幾Cool，不過自己又諗一諗，又唔係食海鲜，唔通話比你聽D雞心同雞腎今朝啱啱返，哈哈!!基本上我哋叫哂大部份串燒，雞心，雞腎，雞肶肉，牛脷，青椒仔，青瓜，蓮肉餅，冬菇肉餅等等。點完見度人人都飲酒，個朋友都提意飲D酒，因為我哋唔熟日本酒，所以只係點啤酒，但係只有Sapporo，有少少失望(不過下次會試下燒酒)，過有支豆送，都OK。上菜就發現每一樣串燒都有唔同嘅汁，配得好好，加上每樣材料都好新鮮，真係好好味，最值得一提係個肉餅，牛肉好靚，好濃嘅牛肉味，加上

一個人吃晚飯，已是九時許，心想來這裡吃串燒也好。來時果然是沒有什麼客人，頭二水的酒客也走得七七八八，來喝夜酒的又未至，此時正是空檔，施施然的進駐吧檯前。店員也關照這裡是吃串燒的地方，我當然知曉。由此可見，也有不少人客是來吃刺身/壽司/拉麵等等…的。「痴立立」的檯面，昏黃的燈光，舊舊的裝置及環境，四周瀰漫著濃重的油煙味，老式居酒屋的格局，實在是入型入格。先來杯啤酒，這裡有七寶生啤供應，當然不作他選，先來杯冰凍爽口的七寶再算。前菜是魷魚絲，很幼細又軟熟，甜甜的，下酒也不錯。這裡沒有餐牌，有什麼吃，統統寫在掛在牆上的木牌上，隨心所欲，想吃什麼就點什麼，是晚選了汁燒牛舌、紫蘇雞串及燒年糕，押尾來個五味井，一個人吃也幾豐富的了。只見師傅氣定神閒的，不同的食材有不同的燒法，也有不同的處理。也總會見到客人在一先一後的吃，總不會幾串一起來的，也不會吃完一串要等良久才有下一串，這就是坐吧檯的好處之一，至少師傅可以「順眼」關照。先來牛舌，不算是厚切，但也是舌心的部位，吃起來不韌，吃起來甘美豐腴，口感很好。燒汁冶味，燒得不乾身也不會邊吃邊滴汁的，這也是火侯控制。雖然整體而言，我是喜歡鹽燒多一點，但不時吃到有

這是男友的遭遇 佢係尖東周圍行搵野食, 經過呢間舖, 打算入去拎個menu望下當時係下午六點幾,男友入到去見到幾個師傅食緊飯, 原來當時晚市未開 (不過門口又冇寫住)有個師傅就好唔客氣咁問 "做乜?"男友就答話想拎個menu參考下師傅極不禮貌: 呢度食串燒, 冇menu喎! 我地未開門!語氣好似好睇唔起人咁~就算d 野幾好食, 都一定唔會去!!

上星期三晚二個男人去過,成間鋪連BAR枱先得5張枱,叫左大蔥,青椒,牛肉,雞軟骨,冬菇,二支清酒,其他唔記得,最好食雞泡魚干,其他味道一般,覺得六本木南蛮亭好食D,雖然我唔覺得"果二個"待應態度差,不過佢地的確唔係好積極,好似唔想做咁既款.我見間鋪2個老闆同D客都係日本人(隨左2個待應定學師仔),我諗佢地唔係好想做本地人生意,爭在未講到出口.

一年幾前去過呢間小店, 自己喜歡食串燒喜歡到飛起, 覺得香港終於有間價錢合理質素又高的串燒店, 可惜地點不就腳, 一年只能幫襯一兩次。早兩日再返去食, 以今日角度, 食物只算okay, 無一年幾前咁驚喜, 可能同類食店已經開到成行成市。如果以質素計, 跑馬地南蠻亭好似比佢地好. 以價錢計, 灣仔漁民爐端燒而家都好平啦. 不過, 正如下面既人所講, 服務真係好惡劣, 回歸後, 好少遇過咁既服務, 食到無晒心機。唔通因為我叫食物叫得平? 點都好, 呢類店唔值得縱容, 以後唔會再去.

以食物論食物, 呢間小店質素不錯, 幾有日本home的感覺, 只係侍應態度散慢、躲懶。莫說談待人接物, 基本教養和禮貌亦欠奉。好難明白, 為何客人第一次來、第一步踏入門口, 侍應會如此仇視客人。私は私がこのレストランに決して行かないことを誓う。