貢茶 (福華街) (Closed)

今日天氣驟升,在街上一會兒汗水已狂飆~最好來一杯冰凍飲品 經過歲月洗禮,台式飲品在深水埗已剩下數間了~(很多都變了乳酪店.....都好~ I LIKE 'YORGUT' )前兩年第一次飲貢茶出品既"奶蓋綠茶"已經愛上了~上層是軟滑既忌簾奶+少少綠茶粉下層是綠茶,太多糖水,所以我一定要少甜,避免蓋過綠茶味~搞渾佢--- 我覺得好似平時茶餐廳凍奶茶再加水似的~P.S 我喜歡一層層飲多個搞渾佢飲...

今日11點30-40分到經過這間貢茶就去左買左杯野飲飲下，之前試過冇落糖，希望今次唔會啦！其實我有時都會經過這間，但次次都大排長龍，可能今日太早去了，冇咩人，只有兩三個，入面只有三個員工，一個收銀，一個沖野飲，一個廚房掛咁我今日就放棄左買茉香奶茶而買左杯珍珠奶茶，收銀個個好像是老人家，所以落單都慢dd，但很禮貌，加上冇咩人就好快下完單了，而且約3分鐘就有杯野了這間貢茶廚房是開放式，故我成日經過都見到d員工係入面煲緊茶，果然很新鮮呢！杯野飲，茶味濃左d，d珍珠ok，有少少甜，但好像冇平時咁好食，我覺得都算不錯，但杯野飲好像落錯了糖了，我明明是要少糖，但為何又是這麼甜的，我之前飲過都沒有咁甜，我早幾日買都冇咁甜嫁喎！很正常的，甜度很適中呢！今次係個金色長頭髮女仔(次次都係女仔-,-")沖比我的，但這個女仔我之前見多數都係做收銀員既，而且有少少串及冇咩禮貌，可能沒有咁專業掛！

一如以往到附近的貢茶買野飲,然後到維記食野, 今天又有點感冒, 想飲熱的, 經店員推介黑糖薑汁奶茶加珍珠. 我怕甜要了少甜. 呀! 估不到有驚喜WOR~ 好暖胃~ 珍珠QQ的好可愛呀~~推介~服務都OK, 幾有禮貌, 會問要唔要少甜, 但有時講得有點快, 唔係好聽到~但因為我病病地, 想要熱D, 佢地都肯整熱D比我.都幾貼心呀, 唔係間間肯GA~~地方都OK整潔, 有人不時拖下地咁~等左7分鍾左右, 人手好似唔係好多, 但都幾快手, 唔會慢手僈腳,都算OK ~這間貢茶, 我時時幫襯, 整體來說質數都比較好. 我會繼續支持.

今日咁岩係深水?電腦節，咪去睇下有咩平貨買，行行下就五點幾到覺得好渴，於是去左附近個間貢茶買左杯珍珠奶茶黎飲！(之前多數去買奧海城個間，這間比較少去，一星期一兩次啦！)味道：唔錯，好飲過奧海城個間，但奶味好像都係多左少少，不過又唔會冇左個茶味，可能我平時飲開少奶味既飲品啦！但珍珠真係要讚，幾彈牙，唔會太硬同太淋！而且有少少甜甜地！服務：可能個日係星期日加電腦節，所以好多人，但個收銀都冇咩漏野，會問需唔需要少甜少冰等，真的不錯呢！而且沖調飲品可能又得一、兩個人沖掛，故等左十分鐘到，不過都預左嫁啦！算沖得快，因如果係旺角個間要等成十五分鐘以上添！結論：整體也不錯，雖然今日係星期日加電腦節，都唔會話冇禮貌，出品倒退等情況出現，證明個老闆管理不錯，但好像似乎人手不足，先可能要等成十分鐘到。因我見到成間店好像先得果四、五個員工，比起其他分店少得多呢！

今次又經過這間貢茶，之前係度試過格雷奶茶，真不掂，因此試返珍珠奶茶好點，叫左杯少甜，結果：味道：唔係好像boom78話無乜茶味，奶味太重，不過茶味真的較之前少左，而奶味又唔算太重，可能轉左野掛甜度：因叫左杯少甜，不錯，唔會太甜及太淡，我覺得咩都係叫少甜先係最正既！珍珠：因好像剛剛換出來，夠韌，好味，算大粒，不像boom78話特別細粒，而貢茶只賣大珍珠，所以大小算適中啦！服務：一般，因當時冇咩人關係，但收銀個個女仔講得好快，問多佢一次，就好大聲及少少串黎答結論：如果係香港，貢茶真是不錯嫁啦，而這間分店都做到台灣貢茶既七八成既，算中上品了，但如果係台灣，這只是中下品。下次試埋招牌貢茶先！

黎得深水埗，都主要係去黃金高登啦呢間貢茶晌港鐵站出口旁邊，夠晒就腳，啱晒我呢個「珍珠奶茶」迷其實早兩星期晚已經幫襯過一次，兩個字個字... 麻麻上次唔係好多人，不過等好耐先落到單，明顯係個妹妹仔雞手鴨腳，服務態度又麻麻要杯凍珍珠奶茶，味道──淡，茶淡奶淡，珍珠又特別細粒琴晚硬係唔信邪，心諗:「話晒係貢茶，無理由咁差架」，再幫襯多次今次3幾個客晌舖前，唔洗等好耐，不過每妹仔服務態度依舊又係要杯凍珍珠奶茶，味道(我要少冰)，無乜茶味，奶味太重，珍珠又係特別細粒，不過咬口ok大大話話幫襯左貢茶各區各分店都有三數十次，深水埗呢間，味道/服務應該係最差架喇下次去深水埗，我都係去後面街間日出XX試下好過可能貢茶真係擴充得太快，水準已經KEEP唔到，希望有關人士注意下，唔係品牌價值就無晒囉

昨天约九点半到去了这间贡茶买了一杯很普通的珍珠奶茶，虽然看起来很普通，但这间贡茶的奶茶饮起来几好饮，有茶味，珍珠也不错！不像某几间分店难饮。但这杯野还甜了一些，下次还是少甜好了。价钱十二元还可以。算抵饮！而且这间贡茶我经常也来光顾，水平也几稳定！不像旺角某分店，十分难饮。

星期四約左d老友出黎食飯,大約5~6點幾就到左深水?mtr,見時間尚早,就一於行陣先,點知比我見到lee間貢茶,我平時都有飲開既,多數飲淨綠茶(半糖),波霸珍珠奶茶,今次我一樣就叫左綠茶(半糖),我fd就叫左波霸珍珠奶茶,奶蓋紅茶,同埋烏龍茶我覺得綠茶d茶味唔夠,而dfd就覺d奶茶奶味重好多同d珍珠真係好"un",奶蓋紅茶d奶蓋少左dd,d紅茶好澀,烏龍就冇咩問題

星期六早上經過貢茶見過好多人排隊,咪過去睇下,見到有隻新產品"特濃巧克力奶茶",於是我就叫左杯黎飲我行到對面先飲,點知杯野超唔得,好像冇落糖,可能太忙啦,忘記左,我冇記錯好像係個女仔整比我既結果最後我飲一啖就掉左

今日約2點，見食完飯就去左貢茶買左杯珍珠奶茶飲下，一如以往，等左五分鐘就收手了，點知飲第一啖就覺得好難飲，原來冇茶味，淨係得個奶味，珍珠又唔之前咁好咬口，連少少味道都冇，連食香口膠都不如，前幾日去買都唔係咁嫁喎，都唔知發生咩事！雖然比起附近個幾間台式飲品好，但竟然差了咁多.....不過服務方面，反而好過之前既，證明個老闆都有改善下。

個日去開平時買飲品既貢茶買左杯奶蓋綠茶飲，去到無咩人排隊，可能八點到掛，之後我買完票後就係出面等，見到個唔係著制服既女仔整緊，我就等左3-4分鐘就有了，但係係我等緊時，我淨係見到幾個女仔係度玩得好開心，有d仲要唔係著緊制服，完全都唔似返緊工，可能就黎放工掛，佢地既老闆好像又唔多理，因我之前去買，都見過咁樣既情況。杯茶ok既，唔太甜，但奶蓋既份量好像比旺角分店少了一些。但整體也不錯。下次去都係買返平時既波霸珍珠奶茶喝好點兒了。

見晌附近食飯時無嗌到飲野(其實係想飲台式奶茶),臨走前就去貢茶第一次飲lee間就係第一次飲格雷黑糖凍奶茶果次俾我ge感覺係d黑糖凍好好食,之後飲過幾間分店都唔及lee間好好可惜,今次order格雷三兄弟奶茶,例牌走冰杯野到手之後望下杯野仲有冰,ok fine~就當你唔記得,埋去同番佢講得出黎ge答覆係"有幾粒係用黎保溫",咁我做咩要order走冰?我ge目的係唔想整啖杯野,唔夠凍我預左架啦我order時你提我或者問我又唔同最後,門口個女仔都肯同我攞番入去但係負責整果個男仔d態度唔係咁接受到,好似嫌我阻住佢做野咁點解我會咁覺得?因為我全程企晌門口睇住佢好粗魯咁"了"番d冰出黎講番杯野先,味道唔差,唔會過甜又唔會唔夠甜唯一係d珍珠稍嫌"un"左少少,d仙草確實好滑好好味,但係又唔太覺有布丁之前有人話貢茶差左,我一路都唔覺,但係今次終於體驗到但係都會keep住幫襯,鬼叫自己鐘意飲,又無咩邊間拍得住貢茶咩...

今日同個fd去左深水埗行陣，約十點半到，忽然好少少口渴，於是去左附近既貢茶打算買下野飲解渴，去到見間舖得返三條人，一個收銀，一個沖野，一個好像汁緊野，又唔算太多人，於是我叫左格雷奶茶(少冰)，個fd叫左珍珠奶茶，可能冇咩人既關係，等左一陣就有，而且我仲可以全陣睇住沖野飲個個人沖，見佢先落糖係個杯到，再落格雷，但唔知點解見佢好像落左幾匙白色既粉，又攪下佢，再落冰，見佢都做足所有野，應該都ok既，點知我飲左一啖，就覺得杯野好難飲，個茶味好怪，有少少澀澀地，又冇平時咁滑，整到我飲左一半就掉左，因真係好難飲。而且我見其他人買格雷奶茶都好快掉左，唔同係度D格雷奶茶真係比較難飲，但反而朋友個杯珍珠奶茶幾好飲。而且見人地飲仙楂洛神飲得幾好飲，早知就買仙楂洛神好吧，唉，只好下次再試，希望水準會好返D。事後我問返之前做過貢茶既FD，佢話可能係煲茶既過程出現問題，佢話應該係焗得太耐，唔同貢茶冇專人睇住黎煲。

夏日炎炎很想飲野!! 我要了少冰少糖的冰咖啡，等了一會因為人實在太多，最後得來是半杯冰+底部有很多糖漿的冰咖啡 我一口氣就能把它一飲而盡味道是不錯 店員也很有禮 。順帶一提 ，旁邊的飽點最好不要吃 ，除非新鮮出爐吧，那個大嬸很喜歡用她的左手拿麵包,放搬到其他位置，再用她的手拿出那個空的盆子。還有一塊多用途毛巾擦cover 麵包的蓋兩面

愛台式珍珠奶茶已久, 近年多以來台式奶茶風再起, 仍是百喝不厭。第一次在旺角店試過此店的奶蓋烏龍後, 即驚為天人,成為忠實擁躉。深水埗店開業後,即時離棄了附近台式店,每次都專誠購買。第一次還可以,但以後每次要求少冰或走冰, 水準即非常參差, 總是茶味太多奶太少。連鎖店水準不是穩定的嗎? 原來不是。其他朋友經我介紹下奶蓋烏龍, 都有同一感覺：各店水準不穩定。是監管欠妥善還是員工水準欠佳？抑或個別店鋪要省成本,沒跟食物方程式做事? 喝來喝去,都是旺角登打士街店最好! 終於明白為甚麼此店長年大排長龍!凡事總有原因。甚麼時候才不用專誠在旺角買茶回深水埗的家?期待著這一天!