貢茶 (屯門時代廣場南翼)

Open Now

Now Closed

台式飲品鋪愈開愈多🤨奶蓋黎講唯獨喜歡貢茶😌少少咸又唔會太漏太滯最鐘意配烏龍茶再加埋仙草凍一齊飲👍🏻👍🏻All time favourite!!!!!!!

飲過呢間貢茶好多次，一向水準都OK而且呢度雖然很多人等，但做得很快！今日一如以往叫咗珍珠奶茶少甜小冰，一飲落去有啲失望，茶味很淡，奶味吾濃吾滑，好似得一個甜字，不過珍珠都還算煙韌彈牙

下午時去圖書館中途突然想起阿華田，於是想起貢茶的阿華田，於是前往屯門時代廣場，然後排隊時在中間等，想不到在叫的男生是做收銀崗位，然後過去排隊並叫了19元的黃金阿華田取了票號是331等了一會時居然是叫347先再去回331 這方面讓我感覺不太好，像被搶了位置一樣，飲黃金阿華田時沒什麼事，飲到去最底後覺得苦苦地，但巳攪拌完整了,飲完後有少許喉嚨痛，或許阿華田有點熱氣吧

屯門市中心既台式飲品店選擇唔多，貢茶同天仁茗茶都算係最旺既兩間，但都開始飲到悶悶地了。晚飯後甜品癮起就試下貢茶既新產品。時間尚早未見人龍，落單五分鐘左右就有野飲。目測店內有九個員工，估計繁忙時間都唔會等好耐！起司奶蓋選擇唔多，點左起司奶蓋紅茶，價錢比東喜茶平一截，大杯只係＄20，都唔會有太大期望。大杯少冰，芝士奶蓋比例變相少左，大概只有1/5厚。飲完頭幾啖已經變左做奶茶，建議都係叫返細杯比較好。茶味雖濃，但不算澀口。奶泡幼滑，但芝士味較淡。以呢個價錢算係可接受了！賣相唔錯！但要再打開杯蓋用東喜茶方法飲就有點狼狽了！

完全唔明點解貢茶咁受歡迎。。。叫左個芒果沙冰，我就系側邊望下點整。廿六蚊，以為係用真正既芒果打成，點之只係冰，粉，糖漿整成，完成見唔到芒果既蹤影，又細杯又貴。味道真真地又假假地，咁既價錢，不如去歇腳亭飲杯 大四喜芒果雪沙，又用水果原汁廿幾蚊有交易，又大杯

上星期天，即（26th October,2015.）在下同家人同親戚食在屯門明星酒家，食中秋節晚飯。食飽之後，就想飲珍珠奶茶。咁 Am 廣場入面有間貢茶，就一於入去飲啦！ 叫左杯珍珠奶茶（中杯）。幾好飲，珍珠多而彈牙。只嫌甜了一點。

仙草奶凍我覺得又幾好飲每到夏天時間又是飲冰涼飲品的季節，貢茶在公司附近有分店,我成日經過屯門市中心分店，我好意外貢茶可以在市中心開了多年，台灣珍珠奶茶在香港熱潮已經過了，我飲貢茶只買2-3款飲品,仙草奶凍是我常飲,我只買中杯,屯門市中心分店十分旺埸,無論午餐定放工時間，一定有人排隊買來飲，只是等5分鐘就可以，14元這個價錢亦不算太貴，今日放工又在貢茶買飲品,揀了仙草奶凍,我覺得好好飲，味道又不算好甜，茶味和奶味好夠，仙草又好好吃，夏天必備飲品,服務亦都OK啦

自從台灣發生某間台灣珍珠奶茶店化學膠化事件之後，有不少人對珍珠奶茶失去信任，令到其他珍珠奶茶店出現倒閉潮 ,唯獨貢茶度過這困難時期，屯門本來有4-5間珍珠奶茶店 ,相繼結業了 ，只有貢茶可以生存，我間中都會光顧，貢茶在市中心可以話獨市生意，貢茶飲品系列中幾喜愛奶蓋系列，前天放工時候去了買奶蓋珍奶,店員事前問客人是否少甜少冰，我叫少甜少冰,服務都OK,杯上有教点飲，我覺得奶蓋珍奶的奶味好重,我十分愛飲奶味重飲品,珍珠十分彈牙,我覺得好好飲，貢茶在我來講幾好飲,能夠可以生存度算是奇跡，每天放工經過見到屯門大排長龍真是不可思議食物水準奶蓋珍奶我覺得好飲呀,奶味好重好喜歡，珍珠好有口感，十分彈牙甜度我覺得甜度剛剛好，並不會太甜服務我覺得幾好 ，店員事前問客人是否須要少甜少冰價錢17元,可以接受番吃間中都會光顧

平時飲開奶蓋烏龍，今次試吓黑糖版會點，飲落有啖啖嘅黑糖香，我鍾意黑糖嘅味道唔太甜，好易入口，又唔會搶咗烏龍嘅味道，值得一讚嘅係佢嘅熱飲唔會太熱，係暖嘅，唔會驚熱親嘴

今日, 我叫左杯奶蓋綠荼黎飲, 問佢有冇得多奶蓋, 佢答我有!點知最後同其他冇多奶蓋既奶蓋綠茶比較, 係冇分別架 之後我問佢, 點解冇多奶蓋既? 佢地又話多左架喇, 我好無奈 我唔係要去攞番佢D奶蓋, 而係覺得佢地一開始就喺道敷衍了事囉

台茶的潮流的確是過去.但在31度的炎熱天氣,人們忍受不了.也會在街上買飲品.圖中所見,輪侯客人都有10多位.幸好店在商場內.有冷氣.環境都算不俗.但服務冷淡加上漏左幫我少糖的要求有點扣分.珍珠奶茶12元從3方面評.珍珠太林.沒有咬口.根本似一粒好滑的東西入口,一入口要立即吞下.奶香味相當薄弱.茶味反而濃一點.總括呢杯珍珠奶茶,味道仍淡入得口.我飲得完就不用喊.但後會無期.

愛飲玄米抺茶紅豆的朋友,你地每次飲o個杯...係咪完整一粒紅豆呢?我很喜愛飲這飲料,愛其玄米香,紅豆咬口,同抺茶濃~自問港九新界的貢茶分店到點過這飲品,就是今日...才找出有關「玄米抺茶紅豆」的真相。今日我點左個中杯玄米抺茶紅豆,走冰!等了一會把飲品拿上手,一看,顏色怪怪的,而且紅豆都沒了...於是我就問問職員: 紅豆在哪啦?職員回答是: 都打碎了,混到飲品裡... 我於是同職員說從未飲過這樣的,我在不同分店買的都是原粒紅豆哦~~然後,一個貌似老闆的男士介入,佢話: 這是跟足台灣的製法,都是打碎紅豆,而且台灣方面會定期排人來店監察評分,是很嚴謹的。他又問我是否每次都是走冰?! 我說是。這男子就推斷,該是其他分店懶惰,跳了一個步驟。男子命人再整一杯原粒紅豆的比我~又提醒我下次要預先提出不打碎紅豆~這次...我才恍然大悟...原來咁多間貢茶都無依程序做事架

17-3-2011 10:45 a.m我之前問過黎間貢茶既店員..話10點半開門做生意結果今日我45分黎到..竟然仲未開門..只係入面開左燈..但是一個人都沒有..足足3個字..竟然仲未開門...算什麼服務業結果我沒有買到飲品18-3-2011 11.30a.m我今日去11點半去買..見到開左門..但係我幫佢買杯中既珍珠奶茶..直至完成交易個一刻..佢都係用住i-phone 4....完全沒有望我客人一眼.我想請問而家貢茶係咪用I-PHONE 4落單???態度散漫....竟然可以坐係到收銀的..真的不知道什麼服務態度..我不希望佢會對我笑個d..但連基本既眼神交流也沒有..感覺真係不好..幸好珍珠奶茶的質素還可以..過得去..10分滿分..飲品我給7.5分 服務質素我給1分

每當我飲完茶都會瞓唔著，可謂與茶無緣，並不是唔會幫襯貢茶！只係縮窄選擇範圍！貢茶可以任君選擇：少冰、走冰、少甜、微甜、加呢加路 ........... 大杯裝實在太大杯！我唔想飲到成肚水！最終買咗：中杯裝百香果汁 $10 (少冰+ 椰果 $2 ) 百香果汁 - 甜中帶酸，好味之餘，解渴之選！加埋椰果 - 飲嘢之餘，有爽口帶點煙韌嘅椰果趙吓！真有口感！雖然，椰果只係加$2 ，但係都好多架！飲到最尾，仲有啲椰果响底！我可以邊行邊睇邊飲邊趙邊嘆冷氣！Haha...........

今日再去左買珍珠奶茶,平時我都係貢茶粉絲,但感覺呢間既服務同d飲品好似同其他分店差d wol,買既時侯同佢講少冰,佢都覆我一次俾錢$12蚊,咪係旁邊等啦,就想起咩呢間冇得儲印仔咩?上2次都冇俾,到拎野飲時問佢地先話而家冇咭要下次儲wol,頂上次買左4杯,咪冇印囉,係咪唔想人地儲,咁多次都冇問人冇派咭,次次d咭冇貨咩,唉.再講杯珍珠奶茶,少冰又勁多冰,,d珍珠仲係冇味,而d茶味很淡,真係唔似其它分店好飲,