Goobne Chicken (V Point)

Open Now

Now Closed

今日去v point諗住開開心心 食餐飯，點知一入去，已經有個肥男人唔出聲咁睇我哋係咪book左枱，態度極冇禮貌，原來發現open rice 呢度都有客咁話佢。之後因我哋遲咗五至十分鐘，就去問其中一個齊陰黑皮膚瘦嘅男待應，改回缺席做出席，點先佢態度極差，我雖然都嬲，但客唔太啱都唔應該用呢啲差語氣同字眼話個客， 我話佢，佢話：你用呢啲語氣同我講，我就用返呢啲語氣，成個細佬咁，一啲專業都冇，唔怪之得做成咁様。然後重話我地：係你哋有問題。離曬譜，都未見過啲待應咁冇禮貌。

🐷果味醬油烤雞烤雞份量好多，🐔雖然冇炸過但係都做到外脆內軟嘅口感而且仲更加健康，入面非常之Juicy，醬汁偏甜，有醬油同埋果汁嘅甜味。🐥🐷蜜糖BBQ芝加哥薄餅呢個Pizza同平日食嘅Pizza好唔一樣，佢有少少似批嘅感覺，整體口感偏甜。薄餅上面有好多非常之香口又可以拉絲嘅芝士同埋千島醬，係嘅味道好香牛油香，而且應該好脆口，食一兩嚿已經非常之飽😙😙除咗嘢食非常之好食之外，佢哋上面睇到嘅景亦都非常之靚，我哋嗰日仲睇到跑馬😙

位於銅鑼灣登龍街vpoint，絕對稱得上係環境靚食物正。上樓後非常明亮闊落的環境，玻璃位置除了有坐地圓桌外還有高身吧枱餐桌，更顯氣派風格。入場後沒多久服務員將我帶到座位，看着無敵的銅鑼灣維港景色與黃昏日落，真的覺得這次來Goobne Chicken是值得的！份量及食物質素更是對得起這個價錢，點了一個UFO的芝士火鍋，可以6種口味中選2種口味：果味醬油蒜香烤雞、三重芝士烤雞、甜辣烤雞、蜜糖香滑烤雞、火山烤雞及蜜糖蒜香烤雞。這次我點了蜜糖蒜香烤雞、三重芝士烤雞及另外加點了90多元的甜辣烤雞。每一款都好吸引。配搭三種不同芝士混合而成的芝士醬，以新鲜的馬蘇里拉芝士，車打芝士和巴隔臣芝士包裏，每一口也是拉絲的芝士風味，芝士大愛的表示相當高興🤭

韓式炸雞之夜🍗🍗🍗🍺🍺🍺幾個女仔，放工聚埋吹水閒聊，韓式炸雞係個唔錯嘅邪惡選擇，配埋韓式米酒，聽住韓文歌曲，彷如置身韓國炸雞店😆蜜糖蒜香烤雞 $218蟹籽沙律醬芝士雞蛋卷 $128炸醬炒年糕 $145Peach Makgeolli $150工作辛勞了一整天，大啖大啖食烤雞，湯碗喝米酒，豪氣十足，療癒累透嘅心靈☺️

之前食過佢嘅午餐係飯,然後食咗2次都叫烤雞,雖然記得第一次來份量好似感覺仲多,但呢次都一樣豐富,而且都好飽,女士係食唔晒的🙈我叫咗蜜糖烤雞,有好多件,肉質又嫩,好味喎同事個蜜糖咖哩烤雞望落同普通蜜糖差唔多,另外同事的3重芝士烤雞有好多芝士粉,試咗件,都唔錯配菜有薯角,粟米又有沙律同好飲好食嘅魚糕湯,仲有野飲,其實真係唔會唔飽中意食雞真係可以黎食下

銅鑼灣人氣靚景韓式烤雞專門店🍗Goobne Chicken喺香港有多間分店，今次食銅鑼灣分店，餐廳位於V Point樓上高層，設有落地玻璃，勁有feel，窗邊的景觀唔錯，有啲位置重可以看到海景Tim！Chi Pi Chi Pi Set: 果味醬油蒜香烤雞+蜜糖BBQ芝加哥薄餅($388)烤雞整碟裝得滿滿的，份量夠3-4人分享！烤雞外脆內嫩，好juicy，比炸雞更健康！而蜜糖BBQ芝加哥薄餅🍕係超厚批邊，咬落好鬆脆香口，舖上烤豬肉、多重芝士、香甜蜜糖等配料，食落好惹味，批邊重有啖啖薯蓉，整體味道鹹鹹甜甜，味道豐富！地址：Goobne Chicken銅鑼灣登龍街18號V Point 25樓。

我同我嘅另一半不嬲都好鍾意食呢間韓式烤雞，之前諗起又再返嚟食，因為呢度啲雞真係品質唔錯，而銅鑼灣分店更加係望到靚夜景蜜糖蒜香烤雞：呢款計係用香濃醬油同蜜糖烤成，出面嘅醬係比較稠，咬開雞肉入面都係嫩滑多汁，上面仲有啲新鮮炸嘅蒜片，烤雞夾埋蒜片一齊食，真係好正，蒜味比較濃郁韓式炒牛肉粉絲：粉絲嘅份量都幾多，充滿麻油香，令人食慾大增，其他配菜就造成唔同嘅口感，個人比較鍾意食香菇Peach Makgeolli:呢款酒既表面係一層比較綿密既泡，飲落都比較甜，充滿晒桃嘅味道，下層先飲到有少許酒味

呢排睇得韓劇多 都想飛返轉韓國 不過未飛到之前就黎呢間好出名嘅韓式烤雞店頂住心癮先!餐廳環境好大好有空間感 坐近窗邊仲可以睇到維港夜景烤雞goobne 用左烤焗嘅烹調手法 所以雞肉肉質keep到好嫩滑好juicy多汁 雞皮亦烤得脆卜卜 大家都可以好似我地咁 揀無骨烤雞 咁就真係做到啖啖肉！我地今次就要叫左蜜糖香滑烤雞醬汁 甜甜地都幾得意 唔單止一啲油膩感都冇 感覺仲好開胃！個人黎講就最鍾意原味烤雞 唔好以為會好blend 反而簡簡單單咁調味可以帶出本身雞肉嘅鮮味

食物質素尚可 但服務一般 我係第一枱客烤雞都可以等35分鐘… 以前烤雞有手套濕紙巾 膠袋徵費所以無手套可以理解 但無濕紙巾就真係難以理解 侍應話因為濕紙巾外面係膠袋…無下次

晏晝Goobne chicken 都幾抵食，因為佢有set lunch，除左飯仲有炸雞食😍價錢同份量都唔差，兩個人叫左一個炸雞set lunch $128就有半份炸雞，仲有沙律，魚片湯同野飲送，平時夜晚叫半份炸雞都差唔多價，lunch set 送野飲同前菜係抵既另外叫左個芝加哥pizza，超芝士🧀好有奶味，個pizza 皮幾特別，唔同平時啲pizza，有啲望落好似蛋糕咁，食落有小小脆😋想食炸雞又唔想咁貴可以考慮下lunch黎食，V point 呢間Goobne chicken 個景係好靚，餐廳環境十分不錯👍🏻

忠粉冇可能唔識嘅 Goobne Chicken，最出名用焗爐烤，低反式脂肪同卡路里嘅健康烤雞，好幾間Goobne分店我都有去食過，最靚景一定係今次去銅鑼灣Vpoint呢間食，一上到去25樓發現個景真係好靚，可以一邊睇海景一邊食雞，可以話係滿分享受，menu都有十幾種烤雞揀，我地坐嘅位置仲望住維港靚境添。🍗new蜜糖蒜香烤雞蜜糖蒜香烤雞- 烤至薄脆嘅外皮，雞肉嫩滑仲好juicy，加上面層薄薄嘅蜜糖醬汁勁正，啖啖雞肉都有醬汁包住，香味濃郁又唔會過咸，半隻雞份量好足！烤雞果然係冇咁油膩！而且外皮焗到好脆，平時唔食雞皮嘅我今次都食哂👍👍👍🍕Goobne芝加哥薄餅 $188介紹話有五款優質特色芝士加入薄餅入面，當時上網Check左一下，包括具細膩拉絲口感的「瑪蘇里拉芝士」、軟滑香甜的「瑞可達芝士」、味道較濃郁的「羅馬諾羊乳芝士」、帶獨特鹹香的「格魯耶爾芝士」及醇厚的「巴馬臣芝士」，食入口真係每一啖都係好濃郁芝士係你口入面，如果你係同我一樣好鐘意食芝士既人，黎食呢個一定明，好幸福既感覺。🥤飲品只係點了可樂，自己最鐘意食🍗雞配可口可樂。

平時黎親都係食炸雞，其他韓國菜今次試下Lunch set嗰泡菜炒飯🥰-原來都幾好食！不過都幾辣🥵泡菜唔會好酸，有午餐肉一齊炒太陽蛋流心撈飯幾好食😋有埋魚糕湯沙律菜，麵包粒醃蘿蔔，泡菜仲包埋杯茶整體都幾抵食～有埋咁多款小菜

份量十足嘅雞蛋捲好啱打卡😻而且仲好好味多料至於配埋醬一齊食又唔會太over而且食入口好滿足😌米酒有唔同口味甜甜地又易入口加上一大壺同幾個朋友share就最好啦！炒得好香而且肉同其他蔬菜配料都幾平均係覺得粉絲可以多dd～不過整體味道都唔錯好香麻油味添呀！炸雞同烤雞各一雞肉好嫩滑呀🥹炸雞嘅芝士粉都帶有少少甜甜地食完都唔會好膩而且仲有醃蘿蔔爽口酸甜可以清新一下～～仲有其他多款韓國菜煎餅呀嗰啲都唔錯咁下次再試！

經過銅鑼灣登龍街，就想食邪惡嘅炸雞。嚟到。vpoint的goobne chicken 🐔 餐廳環境唔錯，坐窗邊可以望到銅鑼灣景色。餐廳服務態度好，食物選擇多，主打pizza同炸雞。飲品款式更加唔使講，酒類梳打，米酒全部都齊😍特別推介芝士炸雞，熱辣辣，脆卜卜，芝士係自己煮到熟及溶，然後炸雞熱辣辣，捲着啲芝士特別好食，加上冇咁熱氣🫶🏻🫰部隊鍋都唔錯，但口味同其他韓國餐廳嘅部隊鍋冇咩分別，所以唔特別推介😂不過勝在材料好足，唔會太辣😊啱晒啲太食到辣嘅朋友仔！

Goobne Chicken - Hongkong Causeway Bay朝聖韓劇同款烤雞❤️最近睇完韓劇《社内相親》，一直都想去Goobne chicken朝聖！特登去銅鑼灣分店。銅鑼灣Goobne Chicken位於高樓層,如果早d book位仲可以留到海景位tim! 今次 order《社内相親》set B 社內相親烤雞（果味醬油蒜香)＋蜜糖BBQ芝加哥薄餅 份量相當多，三個人都夠食！唔想食炸雞的朋友們可以試下炸雞，雞肉多汁，好juicy！食物： GBP set B 社內相親烤雞（果味醬油蒜香)＋蜜糖BBQ芝加哥薄餅價錢：$388地址： 25f, v-point, 18 登龍街銅鑼灣