良辰吉時 (Closed)

風潮已經過咗唔使再排隊嘅良辰吉時來自台灣嘅過江龍係唔使排隊嘅情況下我可以一試都係等左10分鐘左右就可以上車慢慢嘆可能被期望比較高，佢哋係用日本奶所以香濃幼滑嘅牛奶配埋黑糖其實幾襯🤣佢係唔錯既🥤🥤但係未至於去到我會想排半個鐘頭🙊🙊🙊

係旺角路過良辰吉時，見唔使排隊，點左杯鮮葡萄柚果粒綠茶。雖然葡萄味唔重，但飲得出唔係溝人造味道，算好。而柚味估得好重，唔鍾意酸味嘅可以唔使試，但柚味酸得黎又甜甜地，令人容易入口，廿幾蚊有杯鮮果汁，算唔差。值得一提，筆者本來想點奇異博士愛草莓，但賣哂。店員都好有禮貌推薦另一款飲品，抵讚！用餐日期:20/1/2019是餐費用:$26味道:8/10環境:8/10性價比:6.5/10

見旺角新開左買左杯招牌髒髒茶來試茶底係用煮出來新鮮帶微暖加上朱古力粉面配答上幾新奇飲前要搞混味道上其實都算不差但珍珠冇想像中咁彈牙令到失色了不少價錢上都算中等得閒飲下都okay

點解要用一個肥仔嘅樣做Logo呢？原來呢間台式飲品店嘅老闆係台灣嘅藝人 - 納豆～ 難怪要將自己個嘜頭印係度啦！依家間間台式飲品店都推出黑糖鮮奶類嘅飲品，呢間都唔例外。今次我地都試一試佢地嘅主打飲品 - 啵爆黑糖珍珠厚鮮奶。呢杯野係以黑糖、珍珠、鮮奶整成，係無任何茶嘅成份嘅～ 老實呢杯唔係我飲過最好飲嘅講黑糖鮮奶飲品，但其實味道都算唔錯。黑糖珍珠略為煮得太軟身，少左黑珍珠嘅咬口；黑糖算係濃郁但鮮奶就唔夠濃，所以溝埋之後黑糖會完全蓋過左奶味，有點可惜！味道唔係最好，但可以一試！

台灣除左美景多，台式飲品都特別多，趁住今日同同事到旺角行街街，順便黎試試最近由台灣空降既良辰吉時，聽聞仲要係5大之一黎添。良辰吉時由台灣著名藝人納豆開創，外表同其他都差唔多姐，又唔見有咩特別呢，良辰吉時最特別既地方在於佢既五款招牌珍珠，包括黑糖、白玉、黑芝麻、抹茶和火龍果。啵爆黑糖厚鮮奶 $36第一次當然要試下佢既招牌啵爆黑糖厚鮮奶，先比個評語吧，味道的確唔錯呢，飲過咁多唔同既大牌子之中，我認為係三甲之內。啵爆黑糖厚鮮奶既外觀非常吸引，用濃厚有質量既黑糖同埋夠rich既鮮奶，營造岀完美既掛杯效果，顏色特別層次分明，當然味道先係最重要，黑糖味道雖濃厚，但成件事唔會過份甜，加上重點既黑糖珍珠，粒粒流心黑糖珍珠夠晒啵爆吧。

#旺角sis原來旺角都開咗分店啦！啵霸黑糖厚鮮奶$28(S)面頭有啲焦糖同奶 我以為奶蓋咁嘅味 點知原來冇味 係鮮奶泡黎 第一啖飲落去唔算好甜 咬落啲珍珠好香黑糖味 珍珠質感幾好 有大細之分幾好 飲杯細杯都冇咁大罪惡感😂-良辰吉時 (旺角)旺角豉油街21號昌記大廈地下A1舖

平時去荃灣見良辰吉時多數都排哂長龍，一直都未有機會去試。終於經過旺角見到冇人排就試下！1. 黑糖珍珠鮮奶黑糖超級掛杯，好香黑糖味，並唔係死甜。珍珠份量夠多，好咬，好彈牙，咬落去啲黑糖味慢慢咁滲出嚟。唔知點解我覺得佢嘅鮮奶特別香甜，重奶味，加埋面有少少奶蓋，超正👍🏿加埋面個啲黑糖粒，飲飲下咬落去甜甜地，增加口感。整體都算非常唔錯，好balance, 黑糖唔會太甜搶哂奶味，係我飲過嘅其中一杯最好飲嘅黑糖珍珠鮮奶🤤

香港真係有好多台式飲品店，無論去到邊區都實會有選擇。之前 “良辰吉時”係荃灣真係好出名，依家都黎旺角開分店，新開張期間仲要有買一送一優惠，一於試試先。去到排隊嘅人唔多，但等拎野飲嘅人真係多到呢... 不過都阻止唔到我去試，買左黑糖珍珠鮮奶。等左大約半個鐘左右就有了。野飲唔太甜，但啲珍珠好淋，無咩口感，唔知係咪真係太多人買，keep唔到水準，有啲失望，仲要等左咁耐，有啲唔值得！呢啲都係試一次就夠了！傷心💔

行行下，見到好多人排緊隊，原來今日良辰吉時買一送一。所以我同朋友都趁熱鬧，即刻一人一杯。等左好耐，終於有得飲。我覺得良辰吉時既「啵爆黑糖厚鮮奶」最重鮮奶味，同老虎堂，幸福堂個D相比。

啵爆黑糖厚鮮奶 ($36).落去有好多黑糖原本以為會好濃味 點知越飲越淡唔明點解用明治鮮奶沖出嚟會係咁奶味都好淡 好似飲緊黑糖珍珠溝水甘珍珠份量好多 煙煙靱靱但係冇乜味而且唔算彈牙呢個價錢 呢個質素 我覺得係大伏🙄

接近雙11既果個星期有好多間台式飲品店都做特價!有好幾間都買一送一而良辰吉時亦係其中一間同朋友去旺角呢間新開既試下良辰吉時兩杯要叫同一個味我地就試左臟臟茶入面係黑糖珍珠奶茶而上面係會有D可可粉同埋朱古力粒成杯飲品都呈現左佢臟臟既一面因為可可粉同黑糖既關係啲顏色係一忽忽而味道係唔差既珍珠都煮得夠淋 唔會太硬會有煙煙UNUN既口感飲既時間飲埋上面既可可粉就會有多重既口感成杯飲品既味道都夠晒濃咁岩撞到買一送一既話 $30有兩杯就抵飲

最近試了這款台式飲品，就不断去試試！今次是新店開張，買一送一。旺角區本身已很多人，加上有此優惠，一定要試試，排隊時間約半小時！店子小小，簡單装修。我買了啵爆黑糖厚鮮奶，其實也是黑糖鮮奶珍珠吧。分量正常，買一送一真平宜！内容物也不容。在上面放上黑糖粉，之后有奶泡，鮮奶濃味，黑糖珍珠。甜度正常，有黑糖味，珍珠軟淋淋，杯邊的黑糖也分配適中，整体分數屬於中上水準。$36一杯，較鹿丸貴了一點，鹿丸$28。這水準買一送一就可以，在這區競爭性大，要考慮一下價錢吧！

呢間之前係元朗同荃灣有鋪頭，而家終於係市區開左，想飲個時都方便d。前排新開張仲買一送一添。又係黑糖珍珠鮮奶，呢間之前係台灣飲過玉露抹茶中大伏，但係有d野唔試唔死心，點都要飲埋黑糖珍珠鮮奶，俾多次機會佢🙃拎上手就feel到d珍珠超級熱，都係好似李圓圓咁先係軟身口感，黑糖味道好重，非常香，比其他店好味，呢點係有驚喜，但係攪勻左之後就反而無咁好飲，因為鮮奶都唔算香，奇奇怪怪，反而破壞左少少黑糖既味道。