翠河餐廳 (Closed)

見新開張, 咪去試新野。諗住新開張, 又咁出名, 唔會差得去邊掛, 點知...首先, D食物真係難食到死!!!-塊吉列豬排唔係用麵包糠, 而係用蛋漿!(咁點解要叫吉列豬排呢?)當然, 係極難食。-一句講曬, D野食咸到死, 唔食好過食。另外, D衛生環境好差, 成地牙簽紙巾, 成地都係漬, 勁污糟, 行到入去食野都唔開胃喇...最差既就係D服務態度, 以下節錄左1段對話:----食客: 呢個餐有冇野飲嫁?侍應: 佢下有冇寫呀?冇寫咪冇囉!----態度咁差, 明趕客。

新開張，梗係要試下啦！7pm前到，唔洗等位．到我地食完約8pm就要等位啦．咖哩牛筋腩飯，$40幾蚊。咖哩連汁都幾大碗。咖哩汁夠香，不算辣，嚐到輕微的椰汁味。明明叫牛筋腩，但係一舊牛筋都冇．．．失望星洲海鮮炒飯，$40幾蚊。幾惹味．送例湯一碗，落單時侍應冇交待，到有碗例湯黎我地都一頭霧水，原來係送既，送完即止