Greyhound Café Galleria (K11 Musea)

Open Now

Now Closed

同朋友去尖沙咀食飯就諗起呢間泰國嘢好耐之前都一齊食過質素都保存到，不過價錢就未算係好平，佢嗰個奶茶蛋糕真係超級好食，真係成日想食佢個泰式奶茶蛋糕！#lunch #dinner #food #yummyfood #yummy #香港#尖沙咀

呢間餐廳都有海景睇，不過我諗要預早book先可以坐窗邊，大約得四枱🌊 ⭐️燒豬頸肉配糯米飯 $118啲豬頸肉幾好食，好淋，唔會太濃味🐷糯米飯就正常，其實唔係好理解呢個配搭，唔覺得特別襯⭐️泰式海南雞飯 $148啲雞有少少鞋，even 係雞髀都唔算滑。至於飯方面，又唔算太重黃薑味，正常🤓不過個湯就真係好鹹，鹹都飲唔到😕⭐️脆炸芋頭餅 $78第一下咬落去有少少硬，之後嘅口感就係脆卜卜，佢有配泰式辣醬，但係我就覺得有少少dry，芋頭味亦都唔算好濃⭐️凍檸茶 $42基本上每一次都係為咗杯凍檸茶而去，佢唔係港式嘅味道，茶底唔一樣。佢嘅特別之處係啲冰係茶做，變相如果佢溶咗，其實唔會溝淡咗杯茶😜少甜我自己覺得啱啱好

food was great and we enjoyed it. we had the afternoon tea set and ordered some other dishes. however, staff there all looks unhappy or even angry, asked for water and she told me they don't have any cups 😮 maybe there's not enough staff and everyone had too much work?! we sat at the very end of the restaurant, so it's hard to get staff attention, the more senior staff are already better, but a few young staff would ignore me even if they saw me, I knew that cuz we had eyes contact... but they p

當晚安排在海景房旁用膳，多謝餐廳的安排。打卡一流👍🏼但食物就一般，味道比較偏鹹。可能因為係泰國菜啦（但其他泰國餐廳味道都冇咁濃）。我們點了菠蘿炒飯、小食拼盤、炒通菜、牛肉粒等。沒有什麼特別，都係一個字「鹹」。令到自己都冇心機影低食物😔，要不停飲水😆餐廳係非常準時，到了用膳時間，會自動放下單據找數👍🏼 可能因為侍應人手有限，沒有人來收回我的信用卡，叫我們自己捉住侍應去找數😂總結：我不會再來了 😅

Greyhound Cafe Galleria 講起K11 Musea就會捻起個商場賣既野都係名牌、餐廳都係行高檔路線，咁啱朋友講起話呢間餐廳環境舒服，價錢都幾合理，一於就來試試鮮蝦炒金邊粉呢個金邊粉炒得好乾身，再加上蝦和青檸汁配合一起食，酸酸辣辣都唔錯wor👍🏻蟹肉奄列係泰國食唔到，一定要黎泰國餐廳試下，唔知係咪期望太高呢….我感覺餡料係蛋多過有蟹肉喺裏面，但係嗰個紅色醬唔會好辣，適合唔食辣嘅朋友仔。泰國大蝦冬陰功湯個湯裏面有一隻大蝦和幾粒雲吞仔，冬陰功湯比較辣，酸味唔太重。但值得一讚個蝦係幾爽口。整體嚟講都適合一啲好想食泰國菜嘅朋友仔過嚟試，下次一定會過嚟試埋佢個甜品

平時唔食辣，但個麵既辣接受到，好味，羊架好夠嫩，唔鞋口，配2款汁都好唔錯，咖哩牛薄餅nice，咖哩都係唔會好辣，所以怕辣朋友可以叫，2杯飲品都好fresh，原本以為藥水味，但係係好飲，Nice😉

來體驗曼谷風情吧！Greyhound Café Galleria是Greyhound Café的旗艦店，旨在把藝術融入美食🍜除了食物外，餐廳裝潢上也別有心裁，例如以珠寶櫃設計的甜品櫃，餐廳也可以變得很時尚～某人在泰國吃完一直對它念念不忙，上個星期經過 K11 MUSEA終於拜訪了！晚市約八時半到訪，沒有預約且超幸運坐在了窗邊的位置，無敵大海景絕對加分！我們點了一份小食拼盤、咖喱主食及特色飲品，人均 $337  ᐅ 啖啖蟹肉黃咖喱虎蝦 $286 請大家一定要點的菜式！蟹肉融合入咖喱，十分香甜，每一口都有滿滿的蟹肉🥰黃咖喱溫和醇厚，椰香味適中，一定要加 $28 配上印度薄餅～而且還有約7-8隻虎蝦，肉質紮實飽滿且富有彈性，伴著黃咖喱汁一流 ᐅ Roti 印度薄餅 +$28 與以往吃的薄餅不同，口感鬆軟並不香脆，上碟的時候還是暖的😻兩個人吃綽綽有餘了！ ᐅ Authentic Coconut Shake $88 椰香味濃郁，瞬間透心涼  ᐅ 特色小食拼盤 $278 幾乎每台必點的打卡菜品，使用竹籃載著大概5款小食，小食以炸物為主：包括單骨雞翅、酸豬肉丸、泰式香腸、魚餅、炸墨魚餅及炸芋頭，伴著

長髮女侍應由帶入位，到埋單，只係黑口黑面，埋單仲用眼尾望吓你就直行直過。經理解釋佢只係接待，不會埋單，但個女侍應剛好同另枱埋單收錢，經理又解釋唔夠人手。用咁嘅價錢，食圽又一般，仲要受氣，唔會再去間垃圾餐廳。

今次比上一次更難食，不用排隊。環境景色靚座位闊落，但食物質素同價錢唔成正比。份量細，價錢昂貴，味道不到位，炒意粉出哂水 味道好奇怪。完全做唔到泰式感覺。極之失望😮‍💨

提前在Openrice 網上訂座，再打來餐廳request窗邊位，職員當時話要視乎當天餐廳安排。非常開心真係有安排到窗邊位置！在維港景旁的台坐下就開始點食物。見到旁邊幾台都order了呢set 二人餐我地都order了一set食物種類都算多款式咸點為主 底層有泰式串燒 幾香幾好味中層有一件千層栗子蛋糕 不會太甜 淡淡甜味 唔會太漏 另外再order咗一個軟殼蟹青木瓜沙律沙律比較辣味重 建議喜歡食辣的先好order呢杯係熱香茅茶 用壺上大約斟到兩杯 香茅味唔夠濃朋友叫咗凍檸檬茶 檸檬茶的冰是用茶冰成的所以冰溶後 檸茶的味道也不會變淡

之前已經食過一次，印象中食物質素正常，夜景一流👍🏻！琴晚提早同媽咪食母親節飯慶祝下，諗起呢個夜景所以就提早一個星期訂枱，雖然唔係坐窗邊，但位置都可以望住個景，已經收貨。畢竟係難安排！但係食物質素真係差左少少，員工服務態度好好，只係食物上面真係要提升一下。本人認為由於價錢偏貴，而食物質素下降，所以唔會再嚟。

為朋友慶生，一早定了枱。雖然沒有安排到靠窗的位子，但也能清楚看到海景。當天雖然黃雨但雨散了後的海景還是很好看。食物保持水準，覺得比其他分店款色要多，味道也很好。甜品點了芒果糯米飯和香蕉cheese cake, 2 個都做得很好。特別是那cheese cake，配上香濃的cappacino, 值得推介。唯一缺點就全部侍應黑口黑臉，你叫他下單、攞什麼東西，他們是會做的，但回答晦晦氣氣，身體語言讓你知道他其實不太願意在這裡。好好的一頓飯，美中不足。

我諗個價錢只係食海景唔係食菜色啲味道，想講一嚟到舖面個海景係幾吸引，可惜呢樣係我唯一讚到佢嘅地方，我哋三人行嗌咗個tea set，仲有三個意粉同一個湯河，個tea set入面有好幾款小食嘅味道都係令人難以接受，香辣野菌青瓜沙律難食到我個住咗泰國十年嘅朋友都接受唔到，泰式雞肉串酸到完全食唔出雞肉味，有個肉餅係menu都冇顯示出嚟，係鹹到直情我要去醫院洗腎嘅程度，嗰一刻我係回想緊個人生清單仲有咩未做，個泰式海鮮意粉嘅味道簡直係懲罰緊正常味覺嘅人類，想感受一下人生第九味嘅人可以一試，然後個帶子蘆筍香草寬條麵係意外地多醬汁，多到好似食緊湯河咁睇唔到啲寬條麵。

餐廳地址喺K-11裡面肯定唔會係平價，不過餐廳環境及食物質素係重點，餐廳環境係好嘅，宜食物就有好有壞，而服務就真係一般（唔好有期望）主要係你一入門口已經不斷重複又重複咁講比你用餐限時90分鐘（係你答左佢👌都重要重複再講），之後又再講每人最低消費150，都答左佢無問題，所以唔好冀望好好就冇問題

餐廳view好靚，可以望海。不過員工服務態度一般般，舉手點餐都扮睇唔到。泰式炒金邊粉味道唔錯，正宗地道。粉唔會炒太乾，蝦肉都夠軟。雖然價錢比較貴，但也算值得。椰子味千層蛋糕非常讚蛋糕鬆軟，唔會太甜，內有少量椰子肉。