牛八涮涮鍋專門店 (Closed)

今天突然放假一天，於是跟屋企人外出吃午飯。這間連鎖火鍋店，星期一至四下午都會做優惠。價錢不變，但時間變成冇限制，做到真正的放題。由於是午餐的關係，不想進食大量肉類，因此選擇了單碟套餐。但在外面的自助bar都是任吃的，都可以吃到飽。牛肉點了最便宜的一款，但質素不過不失，份量亦算合理。自助bar有不同的蔬菜，尚算新鮮。亦有少量丸類，略嫌太少。比起其他連鎖火鍋店來說，種類過於少。飲品方面有自助汽水機和咖啡機，飲品方面還可以。最後甜品方面，有自助yogurt ,有兩種味道，質素不錯。

今日同屋企人去黃大仙搵食，見呢間裝修得幾好，間隔又舒服，於是我地就入左去。叫好左湯底後，亦揀好左肉類食品，跟住就自助去拎d其他素食，有不同種類青菜，腸仔，丸，亦都有年糕等等。對於我呢d比較喜歡素食嘅人來講，簡直係正。拎左幾大碟，埋位後就係到邊打邊爐邊同屋企人傾解。小朋友食左兩盒牛肉後就即刻走去食雪糕，真係開心死佢地啦。埋單平均都只係每人80蚊唔洗。真係抵到爛。

牛乜牛物近年都食唔小，呢個小聽，但咁啱想打邊爐，連兩個人食大家樂你都要200蚊既年代，仲要排哂隊，又無位，我真係會選擇食好小小，而且質素好啲!!一人一鍋，湯底都幾濃，特別係加湯唔會係普通水或雞粉水叫左一個辣湯，一個豬骨，辣湯唔會好似麻辣火鍋咁，唔洗擔心一般配菜，丸，腸，栗米，攞得方便，又新鮮，無好污漕一堆野既感覺😊飲品係汽水機，有咖啡，奶茶，朱古力，不過建議飲檸檬茶，唔會成肚氣我揀左第二級別既牛，豬，真係味道幾好，份量其實都唔算小，仲可以加錢加海鮮，牛無限叫，我好似食左4碟🤣（1個人）最後老婆食埋雪糕，完美。仲要係乳酪雪糕，又唔怕肥☺其實埋單都係300幾，對自己好啲，嗯…

經常在南北館午餐，很多食肆都試過，每次經過涮涮鍋，總是疑惑，總是不夠時間。難得今日有兩小時空檔，終於可以一試！12點半，客人不多，取配菜、飲品完全沒有擠迫感。點了澳洲穀飼牛，有很多款燙底﹕骨膠原雞燙、昆布清湯等等，我選了番茄小魚湯，燙內真係有一條手指咁大的小魚。食得咁上下，侍應會走來加湯，很好！牛肉片，一個人份量都很足夠，試第一片的時候覺得有點羶，不過配日式沙律醬汁，味道很夾，而且無咁肥膩！配菜很多款式，蔬菜、菰類、豆腐、肉丸、烏冬、白飯……優閒的慢吃，享受清甜的番茄、輭滑的豆腐、年糕和竘蒻……飯後甜品，一小杯乳酪，再加上至愛的cappuccino，很滿足！下次會再試其他！

話說朋友問我生日想食咩，我又真係諗唔都食咩，所以就去咗平都好鍾意食的牛八啦！咁我吔叫咗$278極上黑毛和牛加牛舌放題，兩個人都要壽喜燒湯底。咁我一向都有食開牛八，發現唔係間間都有南瓜，但黃大仙呢間就有啦！食$278果然多d嘢，又有海鮮，而咗仲送上級牛肋肉一盤！正呀！我通常都係會一開始就係咁落大量南瓜、粟米同白蘿蔔，之係先會去拾牛肉，我覺得咁食會好味好多囉！其實d牛肉個樣盤盤差唔多，我又真係分唔到邊個係牛肋肉，不過其實盤盤都好味！我唯一分到的是牛舌，牛舌真係好好味呀，就算唔係食$278，我平時都會加錢叫牛舌！醬油區咪有好多款選擇，我特別推介食牛的話要配麻醬加紅蘿蔔蓉，咁食係最正！最後我都有試佢個朱古力乳酪，又幾好味喎！

前段時間。。。聽朋友講黃大仙中心 改頭換面 新加入左啲多元化既餐廳 今次就同朋友一齊過黎行下先！！！ 行行下見 9:00啦 宵夜時段 就食呢間啦 “ 牛八涮涮鍋專門店 ” 宵夜時好抵食架 $100 ， 連埋加一 都系$110 一個人 ！！！ 牛八 ，豬肩肉，雞肉 日式壽喜燒湯底 + 骨膠原雞湯 骨膠原湯底太清淡 都系壽喜燒湯底好食啲 五洗點醬都得啦 😌😌 岀面有好多 自選配料 差五多成30款呀菜都有成10款左右 ，仲有面，豆腐，肉丸......等等醬油 選擇就比較小啦 白飯 飲品 選擇就多啦 凍飲 ，熱飲， 茶，咖啡☕️ 全部都有 👍🏻乳酪雪糕 配料都有 : 棉花糖 朱古力 脆片 ....最後 食埋個 乳酪雪糕 🍦 好飽呀🤤🤤

近日行街路過，發現此店見價位中低，好奇一試。簡單點一客$158牛八(豬牛雞)放題。胡椒和牛湯底。店家採用一人一鍋設計，如與友人共餐，放便不少。剛下單不過五分，湯底送上，肉類緊隨送上。馬上一片牛肉下鍋，牛肉基本上為普通市面肥牛，下鍋剛轉色就要上碟入口。不然則會煮得過老，考驗食家眼明手快。雞肉普通不過不失，普通。豬肩肉則有驚喜，入口鬆軟，油份適中。大力推介!蔬菜亦同樣喜出望外。娃娃菜鲜甜爽口，水份充足。清脆口感，解肉類油腻一流。重點湯底，為此餐增色不少，原粒胡椒。香濃胡椒味為冰鲜肉類除羶增香，大讚。汁料方面，推介柚子醬油，柚子微酸滋味，解腻醒胃!

放學同同學一齊食飯，見到門口個價錢好吸引就入咗去。四人用膳三人價錢！入座後一人選一個湯底，豚肉同牛肉都係任食。之後就可以出去簡食物種類都好多，氣水都係任飲。由於我哋係lunch時間，客人都唔係好多。但服務員就唔係好理啲客，叫佢加湯都叫咗好多次啲肉都算新鮮，唔會好難食。飲品方面有咖啡，氣水，茶呢啲簡。最重要一點係有女仔同小朋友最喜愛嘅雪糕食啊，雪糕有三個選擇原味，士多啤梨，同两個混合。裝完雪糕仲有得自己任加棉花糖，朱古力個啲！真係好正埋單四個人除返開都係9x零蚊左右，真係平靚正！

秋意濃濃，最適合便是打邊爐， 三五知己一齊去打邊爐固然開心。但如果只有小貓一兩隻又想打邊爐的話, 一人一鍋就最適合不過了黃大仙這一間牛八涮涮鍋， 價錢合理，我跟友人均選擇了最便宜148大洋的套餐。 肉類可以無限追加，同時也有足夠不同類型的蔬菜。 適合素食朋友和食肉獸一人一鍋方便又衛生 有不同的湯底選擇， 而我個人就偏愛壽喜燒， 這裏壽喜燒配的雞蛋是日本來的，可放心進食飲品方便卻沒有各式各樣的飲品，只有汽水和咖啡咖啡我就沒有太大興趣兒汽水也是最普通的那幾種但總括而言，也是可一試

周日晚，一家人老小在下午5時55分入座，侍應7時過來收錢，七時十九分便來說我們一家七口夠鐘，要離座（女侍應說：90分鐘已完）， 我說我們還未吃完，有老有小孩上到83下到6歲，轉頭，個女侍應問都冇問，將老人張枱全部收哂D野， 連張枱都抹乾淨， 我問是否趕客，個女侍應好嚴肅，扳起塊面說＂亞生，出面好多人等，夠鐘了！平日無人可以， 今天唔得＂幾個男女侍應俾哂面色我們睇。令一家人吃完出來都唔開心，受了一肚氣。食埋班侍應面色， 想請亞爸亞媽大家一家人食餐好，搞到這樣真唔多好受。我去店長投訴，時間是7時22分，他说要不要去裏面拿番D嘢給我們再吃。從頭到尾都沒道歉過！真唔知再講冇嘢好。食物種類少不在講， 青菜菇類的種類提供亦沒有心思，行貨為主。雪糕完全不行，不專業，D牛肉還可以，但和其他日式火鍋連鎖店比較，就唔見得出色！另18 元日式Kirin 啤酒放題就完全是.....我們有兩大人要點啤酒放題，回答要全部人都要點（十八歲以下不計）即兩人飲，要收共全部5位錢。 連八十歲都計，唉，即刻冇哂mood去飲。公道D講，D菜雖然類別少，但幾新鮮，咖啡可以。其他好一般。價格方面就唔見得抵吃，價錢不貴但沒有什麼吃

曾經睇過有文章講，如果你既朋友係肥既，你都好難會瘦落黎。呢個我唔知真唔真，但係我知如果身邊有朋友係大食既，你都要不停咁食好多野。其實我D朋友都唔知算唔算大食，我只係知佢地會係一個禮拜內食唔只一次既放題或者任食火鍋，好彩我都係一個大食既人，對於呢D都唔抗拒！有朋友要去台灣讀書，要趁佢走之前約齊人食farewell飯。千辛萬苦約咗係飛之前既禮拜日，點知遇著朝早掛八號風球，差D以為呢餐飯要告吹，好彩中午已經改掛三號，飯局繼續！我朝早有事著得靚靚，下午完咗就返咗屋企抖咗陣，之後冇換衫就出去赴會，朋友見到都問︰「打邊爐都著咁靚？」……咁著靚D，尊重返被farewell既朋友嘛~^^一班大食朋友suggest黎食任食火鍋，當然冇人反對啦！我地全部人都叫$158餐（加一），有牛有豬有雞，90分鐘放題，一人一鍋，其實都幾衛生喎！我就揀咗泡菜豬骨鍋。朋友揀壽喜燒鍋，會有一隻蛋送。仲有D朋友揀骨膠原雞湯。每人一碟牛豬雞。出面有其他配料拎。最後當然係食杯雪糕先走啦！有綠茶乳酪味同埋原味乳酪味，唔知係咪朋友食唔慣乳酪，佢地認為唔好食，甚至認為綠茶乳酪味好伏，但我覺得都ok啊！綠茶味都好濃，綠茶+乳酪既味道係有

午市放題 星期一至四任食4小時 睇落都幾抵 作為黃大仙友 咪入去試一試啦 點左特選牛 單碟套餐 自助bar先有的任食 牛幾好味 質素唔錯有牛味 薄切 份量足夠 唔任食都夠晒自助bar 都okay 野食 不過款食比較少有乳酪任食 但都好難食下 冇乳酪味 同行友人仲覺得有怪味 最後值得一提既係食店既衛生情況 椅子好污糟 有一點點既油漬 檯面上有墊紙 墊紙上有一粒粒細小既昆蟲（似係潮濕up出黎既昆蟲）好嘔心下次真係唔再去了 行去附近食荷里活既日牛/樂富既涮涮鍋好過

今日同朋友眾舊，經佢說服之下就黎到黃大仙牛八分店，基本上佢己經系會員，午市72元外，還有9折，超便宜。基本上配菜和飲料是自由添加，配菜選擇很多，連白飯都有。而且一人一鍋唔駛就人，都幾方便。不過甜品我對乳酪一般，我比較喜歡雪糕，我朋友就好鐘意乳酪，所以個人喜好吧！坐位上的隔版　價錢一人一鍋唔駛煩，不過放題就108, 如果72蚊每人只包一份牛肉，視乎個人對肉食要求XD下午不算太多人，我們都無等位就入除左普通飲料，仲有咖啡，食完仲可以嘆返幾杯除了面，仲有飯其實乳酪都唔平，仲要任食，不過吃完都飽了提提每個位都有充電裝置，真系好方便　總捨而言是很方便，而且放題普遍衛生一般，但這間很好，不是太亂，算整齊。

之前收過傳單知道黃大仙中心新開左呢間放題火鍋，就去試下，見到門口電子版話系不限時1200-1600，一坐底就叫左$108既全放題套餐，有牛，豬，雞任食，叫左湯底一個系胡椒和牛清湯，一個骨膠原雞湯，個人較喜歡和牛清湯，胡椒味好香。整體都滿意，4個鍾頭可以慢慢食，服務質素都很好，侍應會主動加湯同主動問要吾要加肉。

2017-07-15晚上與家人一行四人到牛八涮涮鍋吃晚餐，價位有$158、$178、$278++等......我們選擇了$178價位，埋單$783.2，絕對不值這個價錢。湯底方面，我個人選擇壽喜燒湯底，味道極甜，相比一般日本醬油甜很多倍，吃到最後我要用清水沖涮才吃得下去，壽喜燒湯底有送一隻雞蛋，加雞蛋需要另外加$10，以90分鐘的用餐時間來說，一隻雞蛋絕對不足夠。另外番茄湯底和黑胡椒湯底一般，跟市面上吃到的都差不多。食材方面，我們第一輪來的肉類跟後續添加的肉類不一樣，卻收$178的價錢，不知道是店員給錯，還是所有後續肉品都不一樣，如果是給錯的話，那就是行政處理上有問題，如果這是正常的，那就代表前面的價位意義只在於第一輪給的食材分別。後續牛肉雖然是切薄，但口感卻十分粗糙，加上壽喜燒使用的是甜豉油，整個口感只能用奇怪來形容，豬肉跟雞肉一般，不算好吃，雞肉偏老。自助食材區方面，有些食材明顯看起來是剛從冰箱拿出來，有些還有雪在上面，食材種類比一般火鍋店少，而蔬菜方面一般，不算太新鮮。服務方面，可能我們是選擇$178的價位，店員的服務態度不算太好，加湯底也需要叫兩次才加完，空盤在桌上的時間一般，