牛八和牛燒肉屋 (Closed)

上星期本身訂左枱黎食，點知最尾OT今日放假同老公黎試試佢唔知大家有冇系日本食過燒肉呢？食完真係返唔到轉頭啊 系香港難啲搵到差不多價又高質 今日黎牛八 應該搵返日本燒肉既感覺一去到時諗住叫放題，後來女店員話晚市先做放題，諗住走啦夜晚再黎 （放題抵食啲麻）男店員就介紹午市都有放題，原來女店員係新黎，咁都難怪放題分為幾個等級，我哋試咗一個極上放題，豬牛雞海鮮仼食牛類大部分都好鮮 肉質好嫩，特推腹胸肉好淋好好味，雞類我冇食，不過老公都話正。到海鮮喇，嘩 啲蝦真係好大隻好鮮味如果5星滿分，真係比足5星另帶一提，店員服務態度好好，一定會回頭

呢間餐廳啱啱開咗三個月無耐，如果唔係朋友發現呢間餐廳嘅話，我可能都唔會知道佢嘅存在，但係知道係和牛放題之後，就緊係唔可以放過啦!!大概七點去到餐廳，都有客人嘅，不過就未爆場，可能因為係新開同埋唔係地舖嘅關係啦任食和牛緊係主啦，不過都可以食番啲開胃嘅沙律打下底先，如果唔係嘅話，成餐將會好油膩，係吧枱到有更款食材，例如粟米、蕃茄、生菜、茄子、南瓜、蘑菇等蔬菜類，仲有牛尾湯同珍珠米白飯可以任飲任食肉類選擇都幾豐富，淨係牛肉都有20款揀，另外仲有雞肉、豬肉同海鮮，由於望到我選擇困難症發作，所以就叫店員推介落單一陣，排得靚靚嘅和牛肉上枱喇~~ 呢盤肉分別有黑毛和牛牛肋肉、澳洲和牛舌同黑毛和牛肉眼。首先等鐵網燒熱之後，就將和牛舌放落去燒先，謹記燒好一面先再翻轉燒另一面，咁先可以鎖住肉汁，我就唔建議將牛肉燒得太熟，因為始終係高品質嘅肉黎，燒太耐就會喪失淋淋嘅口感同牛肉味。個人就比較鍾意澳洲和牛舌，燒至七八成熟嘅牛舌，口感幾淋之餘，同時保持到牛舌應有嘅爽口質感，而且肉汁被鎖住，一咬肉汁就係口中到四濺，濃濃嘅牛味真係幾好而黑毛和牛牛肋肉同黑毛和牛肉眼嘅分別，係在於肉眼係含有多啲脂肪嘅，肉同脂肪嘅比例可以