牛八和牛燒肉屋 (Closed)

首先店員服務麻麻 樓面只得四個員工（其中一人仲係要帶埋位） 每次交點餐紙時一係店內沒有店員，一係店員當你透明 食物：所有燒肉食品淡而無味，十分神奇。如果要醬燒 食品上枱時會有一pat醬 （仲係要自己撈)相當搞笑熟食：比燒肉出息 盛岡冷麵-麵質彈牙 石窩湯 夠熱夠惹味雪糕：番石榴雪糕有驚奇 一定要試上菜出度尚可 不過成日執漏野 店員又唔熟枱號 成日比錯野 同返佢地講無叫過 佢地仲啤一啤你 覺得你麻煩到佢地衛生: 燒烤網洗得唔乾淨 叫完換網個網都係有d黑既

賣相不俗的午餐，而且很飽肚，味道也不錯，前菜中的醃蘿蔔很好吃，酸酸的很開胃。牛肉湯很清淡，只有一丁點肉味。飲品選了薑味汽水，味道和薑啤差不多。飯中的配料很多，但肉片不多，肉有點乾身，但味道可以的。

星期天，隨便落樓下吃個午餐，等了半小時，人不多，但座位少但舒適。通風好好。服務員有禮貌。有十數款午餐選，叫了兩個單碟燒肉午餐，牛肋+牛胸，牛肋+牛肩。有汁燒或鹽醬，個人喜歡汁燒野味d. 三種肉到枱，色澤漂亮新鮮，牛肩最有牛味但細片，每碟8件肉，全部都新鮮有牛味，當然不是日本和牛那種。個餐除碟肉外，有泡菜三款小碟不過不失，有牛肉湯也ok,白飯軟綿不錯，餐飲正常。60,70多元有這午餐質素對住附近的人來說算相當不錯。

每次商場新開嘅食肆都會掀起排隊熱潮，加上午餐見到都係50至100蚊內，都幾吸引，所以就排下一隊。我都等咗大概三十分鐘，可能新開人手不足而，且有比較多客人。入到去落完單，反而 食物嚟得好快，五分鐘內已經到齊曬。真係冇諗到，我叫咗牛肋肉拼牛肩肉，覺得呢度嘅牛肉肉質都係非常一般，唔係美味嗰隻燒肉，但呢個價錢都不能期望太多。另一個餐叫咗豬肉拼雞肉，佢係豬頸肉同埋雞肉。雞肉都ok嫩滑，豬頸肉就砌得過厚，太大條，以致燒好耐先熟，燒得太耐又變硬。對於我呢個燒肉達人嚟講，覺得佢哋啲肉質麻麻，而且厚薄不一。 有進步空間。午市套餐係平民價，不過食咗一次之後都未必會食第二次啦。

每次第一城有食肆裝修，我和同事都好期待，因為原有的餐廳實在吃到有點悶了﹗牛八和牛燒肉屋終於在年後開業了。除了主打的和牛燒烤放題 (午市限時90分鐘) 外，也有午市套餐。本來怕會好油煙，但這方面餐廳做得挺好的﹗  另外，以四人枱為主，也不會搭枱，所以若想午市時到來，等候時間應會較長。午市套餐選擇多，我就點了石鍋溫玉豚肉飯($69)，還包括牛尾清湯、前菜、飲品，這個價錢算是不俗了啊﹗三款前菜爽脆新鮮，並不是醃到霉爛的那種。石鍋溫玉豚肉飯，4片豚肉軟腍又夠味，溫玉並不是完全流心的那種，但口感好嫩滑，加點韓式甜辣醬，拌勻所有材料與飯，味道惹味可口。餐飲可選柚子蜜、咖啡、可樂、七喜、薑味汽水，我就點了凍咖啡，是咖啡機沖調的，咖啡味幾濃郁﹗

我係個烤肉控，但平時出旺區食嗰D都要每人$500＋，所以有時都覺得肉赤。見屋企附近開咗間新嘅烤肉放題店價錢 OK, 趁農曆新年得閒就去試吓。全店只見有3個侍應，所以當滿座嘅時候想搵個人都唔容易 (現時大部份香港餐廳都有嘅問題)。但D侍應，尤其是嗰兩位女侍應嘅服務態度非常好。食烤肉最怕一身油煙味，但呢間餐廳抽氣做得好。我有時燒牛舌因為多油攪到好多煙，但烤爐旁邊個抽風位明顯即時吸走哂D煙，值得一讚。食烤肉好考個食客嘅煮食技巧，餐廳檯面上有個牌教你點燒每種肉，好貼心。我當日一個人好早去食晚餐，全店只有兩檯人餐廳應該唔太忙，我寫嘅肉每樣亦只係兩塊，但執餐嘅人咁簡單都執錯。好肥嘅肉(例如豬頸肉同一口牛)執多D出嚟 (比我 order 嘅多起碼一倍)，而且一入座佢又會先比一盤你無 order 嘅肉你 (又係好多肥肉)，唔知係咪專登等你食飽D唔好叫咁多。但我叫嘅某D肉例如豬肉香腸等等又無嚟。呢 part 令人好失望。D肉質素 ok 啦，3百蚊 per head 都唔洗，算交到貨。佢執得太多肥肉，我食到尾覺得超越膩，好彩個雪糕幾好味 (每人只有一客)，餐飯攞返個尾彩。