牛陣 (大埔超級城)

Open Now

Now Closed

收工同男朋友在大埔超級城搵食，我地兩個本身都好火鍋，就入左牛陣晚飯。晚飯時間放題會較中午時段貴啲。我地本身想揀159個餐，但係職員話159個餐唔包嘢飲，所以又揀左179。除左牛肉放題，其他蔬菜之類的種類都好多，我最鍾意食黎羽衣甘藍都有呀，梗係要食多啲！個湯底我地本身叫蕃茄湯，但係上黎後發覺個蕃茄湯不是鮮茄，所以又換左豬骨湯，感謝職員肯比我地換，所以我覺得個服務都係好nice 既！個雪糕係哈根達斯！！但係好硬，我覺得係因為個雪櫃太凍所以個雪糕先硬！

#牛陣 #夏の美鍋 #cal_food講個小小嘅秘密比你地知呀其實我嘅朋友一直都唔多🤫可能係因為自己嘅喜好同其他人都唔係好相似例如我對打機係麻麻地💩所以一直對我好好 好supportive嘅都係一班中學同學(當然仲有好多好撐我嘅朋友☺️)每一次同佢地一齊去gathering我都會揀一啲可以任食任飲嘅打邊爐🤤一邊食一邊可以傾計🗣因為就黎開學 又唔想出到旺角咁遠🤦🏻‍♂️所以我地揀左近近地嘅牛陣打邊爐🍴-係門口等位嘅時候見到牛陣推出左冬蔭公鍋我就建議不如叫個冬陰功鍋😳突然間諗起原來有個朋友唔食辣🙈所以就點個鴛鴦鍋底 番茄+冬陰功鍋兩個湯底各有特色番茄湯底嘅番茄味好濃郁而且都幾鮮甜 仲有啲酸酸啲味道感覺好開胃🤤 忍唔到口食多左好多野🤫東蔭功湯底感覺好泰式雖然唔算係太辣 但係都好滋味😋-所有配菜同埋肉類都可以任食飲品雪糕都係任飲任食食飽飽好滿足😎因為我地點左穀飼上級牛肉放題所以埋單係$219一個人 (另設加一服務費)老實講價格數字比我嘅感覺好似好多但係我覺得都值得呢個價錢😻-評分: 8/10-🥢: 牛陣📍: 大埔大埔超級城B區二樓217號舖[🚇東鐵大埔/太和站]

之前係旺角的牛陣打邊爐，牛肉都唔錯，所以提早做節就帶埋屋企人去了大埔這間分店食晚飯。門口見有個新的冬陰功鍋，今次就試這個啦！店員會幫忙用牛脂肪起鑊，再爆香蝦及魷魚等海鮮及泰式香料，再淋上特製的冬陰功湯，就開始打邊爐。今次就試隻貴少少的穀飼上級牛肉，已包所有平價過這款的肉類，大家都是主力食牛，牛肉很薄，有肉香又腍，另外還有豚肉，味道都不俗。其他配料就以自助形式在外面取用，比較大眾化的火鍋配料。飲品就有Asahi及汽水，最特別反而係香茅茶，帶點甜香，去油膩感。另外還有些蝦片薯格等小食。甜品就一定要食返幾杯哈根大師啦，綠茶味最正。

朋友聚會，一班女女特別多意見，最後就去了打邊爐。這個比較少見的冬陰功湯底又幾特別，雖然不及泰國餐廳正宗，但味道都不錯，用料都十足，有蝦、菇及一些香料等，酸酸辣辣幾惹味。打邊爐不少得的汽水，這裏還有任飲象啤及Asahi。有名叫牛陣，當然以牛為主，所有牛肉及豬肉都要跟店員點，而其他火鍋料則在外面自助取用。澳洲上級長期穀飼牛肥瘦均勻，切得很薄，碌一碌就食得，肉腍且香。還有指定海鮮廣島蠔、帆立貝及魷魚，廣島蠔鮮甜，魷魚爽脆。其他食物有丸類、腸仔等，主要以蔬菜及豆腐制品為主。最後一定要留肚食這個Haagen Daz雪糕啦，四款味道食幾多添幾多，我覺得好味過杯裝。

朋友生日一致裁定又去食牛陣啦 牛陣真係一個打邊爐嘅好地方 今次我哋想試下新嘢 就係牛陣新出嘅泰式冬陰功湯底 閒日夜晚嚟到起初唔太多人 不過越夜越旺 好快就全場爆滿 建議食就早啲嚟 唔使等咁耐位 侍應姐姐會先將和牛油塊放入過入面煮 香味濃郁 之後就放入泰國虎蝦同魷魚等嘅材料去炒 最後倒入冬陰公湯底 湯底滾咗就可以飲湯同打邊爐啦湯底酸酸辣辣好開胃 而且冇一般泰式餐廳撳濃味啱曬香港人我哋叫咗澳洲上級長期穀飼牛 牛肉雪花均勻而且呈鮮紅色感覺好新鮮 厚薄適中牛味濃郁 放日冬陰公湯底入面仲酸酸辣辣更加好食 而且冇咁油膩牛舌亦都非常好食 唔太肥 口感有咬口除咗瘋狂食牛之外 仲有好多新鮮蔬菜同丸類任拎 特別係有泰式蝦片最後梗係要食hargandize雪糕啦

儘管夏天，亦有時會有舖打邊爐癮，比起中式火鍋，我較喜歡日式，覺得選擇較多，而且又有雪糕食。咁多間日式放鍋放題，我就鐘意去牛陣。雖然佢係連鎖式經營，但品質都幾好，而且成日有新品出。最近佢地又推左冬陰功鍋底。佢既嚴選套餐性價比幾高，二百蚊左右食到澳洲上級長期穀飼牛我本身冇話特別偏愛和牛，但愛食和牛其實三百幾蚊都已經食到🥰早到有得坐卡位，兩個人可以好闊落咁食，呢到都好快滿場，人氣幾高。坐底點叫餐，侍應會比個空空既鐵鍋我，再比一碟蝦, 魷魚, 和牛脂肪，當我好奇個湯底既時候，侍應就示範比我睇點樣DIY 冬陰公湯底。炒香和牛脂肪之後，放入蝦、魷魚同香料炒香, 最後把湯底倒入，香噴噴既冬陰公鍋完成❗️滾起即刻飲左碗，味道好足，同係泰國餐廳飲既其實冇分別。🤤佢既泰風情點止湯底咁少，佢仲有泰國蔬菜盤、泰式香茅茶同加錢任飲象啤🤤。熱食區仲有,泰式紅咖哩同泰式蝦片添💪🏻💪🏻推介澳洲上級長期穀飼牛，油脂唔算多，但牛味重，第二round 既牛雪花更靚添！。比起牛，豬肉令我更驚喜，薄片淥熟後變得爽口彈牙，order 左幾轉😂最後就一定係留少少肚食Haagen-Daz,呢到有兩個雪糕櫃，唔駛大家等好耐，是日有五款味

好耐都冇打過邊爐 琴晚收工之後就決定要去食個牛陣 去到大約7點半8點已經有人排緊隊 等左一陣先入到去-近排出咗個冬陰公湯底 本身都有d驚會好辣食唔到 但又可以接受 先將大蝦魷魚香茅等等泰國配料爆一爆先 之後再加湯 湯底方便感覺越食越濃郁 唔係幾食辣嘅我都幾鍾意 牛肉嘅質素算係幾好 唔會話太肥 除左有牛肉任食之外 仲有好多野食可以自己拎 有響鈴蔬菜芝士豆腐拉麵 最驚喜嘅係有熟食 咖哩飯真係唔錯 大家要去試下 仲有唔同嘅海鮮 廣島蠔魷魚仔帆立貝 超多選擇非常豐富 雖然係夏天 但配埋枝象啤 真係覺得好爽 食埋碗雪糕就啱啱好

牛陣一向係我放題嘅好選擇 雖然係連鎖餐廳 但無論環境同質素黎講 我都覺得算唔錯之前經過已經見到有冬陰功鍋 所以就想約埋朋友們一齊去試***以前食開都都係蕃茄湯底或者壽喜燒 今次就決定要試下佢地嘅冬陰功 首先店員會將牛肉嘅脂肪同蝦同魷魚一齊爆香 再加入湯同一啲泰國配料一齊淆個湯底 係等緊湯底嘅同時就緊係要岀去拎野食先啦 佢地嘅自助bar都幾豐富 除左有拉麵同烏冬 仲有唔同嘅蔬菜同丸 值得一提嘅係佢地嘅牛肉 我自己平時都食唔少放題 但通常牛肉嘅質素都係麻麻太多肥膏 但牛陣嘅牛肉係半肥半瘦 放題黎講算係唔錯 最後仲有我最愛嘅haagen dazs食 有綠茶咖啡雲呢嗱同比利時朱古力揀***如果想坐得舒服又可以食到唔錯嘅牛肉 牛陣都算係一個放題嘅好選擇

今晚勁餓，食放題一流。火鍋食雪糕必食，有新湯底喎。夏日熱辣辣又食火鍋又食辣野，掂唔掂！泰式蝦片蝦片比薯格更脆脆，好食！香口。酸辣開胃冬蔭功湯底火鍋 炒香和牛脂肪先同香料先！再放蝦同魷魚後再加湯底。加少少菇，同平時飲開好想似。有依個湯底時都會叫依個限定款！虎蝦爽口，魷魚滑。澳洲上級長期穀飼牛 好紅美，牛味十足！好快熟，快落快起！牛舌要睇實d，太熟會唔爽。比牛肉濃味唔到，有點「蘇香」。豬肉各種豬肉都好重肥香肉味道，少少豬皮乾淨彈彈。泰式子彈椒及青檸自己加減，控制酸辣度。泰國蔬菜盤有青木瓜、芫茜、泰式茄子泰式茄子同蔬菜菇。自助吧豆腐、海帶、芽菜、魚丸腸仔都齊全。豆腐又吸湯，香茅味帶辣。仲有個芝士魚腐，少少芝士都夠搶味。拉麵掛到湯，新潮！任飲象啤外，有泰式香茅茶。啤酒配蠔又幾鮮美喎！香茅茶熱飲順口，清新。HAAGEN-DAZE狂食！回本！朱古力比人食哂。第一次食藍莓，酸甜又幾好味。雖然佢出左好耐，但無食過，哈！綠茶都好。

今日又係開心星期五晚，約咗老公同個女去牛陣打邊爐，因為今次牛陣個主題係冬陰公湯底，知我老公最鍾意冬陰公，既然有新主題就梗係要去試吓啦！個湯底料嚟到，份量足料又夠新鮮，我哋自己爆香舊肥豬肉，就落海鮮，其他材料香茅等等爆一爆先，爆完之後就落湯，然後一個冬陰公湯底就完成左！因為亞女都食，我哋唔想食咁辣，就冇落到辣椒，呢個湯底最好嘅地方就係可以隨你話事，你想個湯底點就點。今日個主題係冬陰公，好多材料都配合呢個主題，例如有青咖喱飯，又有椰子糖，阿女就最鍾意！一如以往，牛真嘅食材係新鮮選擇多。期待下一次嘅主題😍😍😍

專吃Shabu Shabu的餐廳推出了全新的泰式「冬蔭美鍋」放題以冬蔭功來配日式火鍋放題原來可以自己d.i.y香料整湯底嫁有得玩之外又有得食佢教我地先用牛脂肪起獲先之後放落去煎蝦蝦開始熟就放埋魷魚落去湯底會酸酸地可以自由調教份量如果食得辣既可以問佢拎子彈椒不過我唔食得好辣所以無落到呀最後可以放埋其他芫茜秀珍菇同蕃茄仔落去自己煎 好過癮呀澳洲上級長期穀飼牛套餐仲有廣島蠔、帆立貝及原隻魷魚仔肥牛配冬蔭功湯底原來夾到咁冬蔭功湯不僅沒有過濃更帶出牛的肉香和質感一定要試下呀好好味呀佢仲有d泰式蝦片泰式香茅茶同泰國象啤平時無嫁牛陣既環境舒適 帶bb車都放到而且佢地會教你點整湯底嫁放心 無難度

星期六去大埔百貨公司超市有大減價，行到攰攰見牛陣就係隔離，有火煱肥牛任食放題90分鐘，入座時冇咩人，但坐咗半個鐘座位已滿仲有人等位，應該口碑唔錯。我哋入座即點了雞白湯底，都ok唔錯。肥牛及豬肉片也好好食，食完兩盤牛肉還可再點食到飽為止，我還取了很多蔬菜肉丸，仲有雪榚及飲品任食添😋服務員很勤快地收碟及送上牛肉，算幾好👍🏻

今日乖囡牛一佢話事：「牛陣火鍋放題」心諗阿女知我唔食牛還揀一間專攻食牛嘅火鍋店？ 坐下點餐就明白，這裡除牛外，還有許多火鍋配料：黑豚肉、海鮮、各款蔬菜、茹類、小食、雪糕甜品、汽水又任飲；有點可惜飽到吃不下第二杯雪糕。今餐好full好Happy.選餐好似超過約216元就免費加送海鮮，我要食海鮮就算唔食牛都要硬點貴價餐較為蝕抵，喜歡吃牛就抵食。Happy Birthday Happy Birthday to you!

牛陣Lunch食最抵 大埔呢間分店仲有哈根大師雪糕幾隻味任食 次次都至少食番三五七球先收手 揀左最平果個$78套餐 牛肉好薄又唔滑 但對於非食肉獸既我 食出面任拎既蔬果菇類先係重點 大部分都好新鮮 仲有炸薯格同咖喱飯任食 抵食

今日雖然係星期日但係唔算好多人，一去到就直接入去，揀左個90分鐘上選套餐，$129+1。以價錢黎講，牛肉豬肉任食野飲任飲都確實係幾抵食既。最鍾意就係打完個邊爐之後仲有雪糕任食。可惜既係食黎食去都係得嗰啲丸、菜、麵等等，咁耐以黎無乜新意。食過幾間唔同既牛陣，雖然知道係餐廳少不免同知道佢地會定期清洗，不過連續兩次去到都見倒有小強(一次喺沙發，一次喺地下)，感覺始終唔係咁好。會繼續食牛陣既，不過大埔呢間就未必會再去喇。