牛陣 (大埔超級城)

Open Now

Now Closed

一連數天的聖誕假期梗係要和朋友聚聚吃喝玩樂行街睇戲樣樣齊啦🎉一講到食看見牛陣這個冬日限定的「冬戀美鍋湯」是用雞骨熬煮的濃厚雞白湯底再加上滋補的杞子。對於喜歡雞湯和牛肉的我立即提議朋友一齊去這間牛陣試試這個放題😋這個除了湯底正之外還有日本鹿兒島直送美人和牛，美人和牛真的正到無朋友雖然切得比較薄但是油脂分布均勻食落香滑牛味重👍🏻雖然只得90分鐘任食但上桌的速度一點也沒有慢而且質量不會一盤靚一盤差值得一讚👏🏻肉類方面除了和牛之外還有豬柳肉和牛舌，最意想不到的是牛舌牛味濃郁而且食落爽口彈牙，當然還有其他配菜也是任食的：腸仔、魚蛋、龍利柳、豆腐、蔬菜、菇、粟米、烏冬、公仔麵各樣應有盡有，啤酒汽水還有 Haagen-Dazs 雪糕也是任食。而且選擇多有夏威夷果仁、焦糖脆餅、柑橘柚子、咖啡、士多啤梨等等食足90分鐘絕無冷場😜

過去的星期五一行五人去到大埔牛陣打邊爐天氣凍凍地，最岩打邊爐😛門口等位時已經俾佢個冬日戀窩吸引到 於是入座後一於試試佢，叫左個冬戀美窩套餐❤️有日本鹿兒島直送和牛澳洲長期穀飼牛肉,豬柳肉,豬肋肉, 鮮嫩雞肉配埋「手作雞滑」,油揚蔥卷,美肌蔬菜盤 (無限添加)仲有就緊係任食啦。基本既菜都有，仲有就係出邊小有既羽衣甘藍，各類既丸 ~~最正係所有野都有風口凍櫃吹住 keep 住新鮮‼️有位哥哥成晚係到切牛 新鮮有保證😝講返啲美人和牛 絕對上品 入口好似綿花糖咁軟一下化左 味道濃郁 用呢個無味精雞湯窩黎搭配簡直天衣無縫大蔥要時間俾佢吸收下湯頭 雖然稱為雞濃湯但味道清淡雞味十足加咪日本大蔥既清新 一流而手上作雞滑味道可口 同出面食雞煲既雞比 明顯滑好多😍不得不提皇帝菜 本身獨特香味經過無味精既雞濃湯浸透😍絕配最後仲有水玄信餅其實係咪餅黎😂不過又好食喎 加左糖槳 又唔太甜 岩我口味 喜歡甜既可以落多啲糖差啲唔記得食之前可以食薯條 黃金熱辣辣心機出品唔係凍架 好好食總括黎講真係抵食 食物環境真係超出價錢最後食埋haagen daz雪糕 任食所以食左勁多👉🏼順帶一提 我地食食下舖頭有event 開頭都唔知

近年冬天好多人會諗起食雞煲但係其實諗真d 雞煲盛行之前 冬天一到緊係食返個肥牛喇！當大家差d遺忘左之際  我就係要帶大家重拾回憶今晚同個住附近既同事一齊收工   又凍凍地就到不如即興打返個邊爐  咁岩個同事又要去超級城個邊買d野諗左一諗 就決定執食牛陣一入到去  嘩 好多人好熱鬧  全場爆滿呀真係睇一睇佢介紹既冬日美鍋 好似幾吸引 平時食既都太濃味  今晚想食返 清少少一送個鍋上黎   即刻想試試個湯底龍與鳳 飲左一羹感覺非常正面  因為唔係個d盲目既味精濃味 佐得一讚牛肉方面。「美人和牛」& 澳洲穀飼牛肉聽說美人和牛係鹿兒島直送嫁！鹿兒島同和牛有幾大正面關係相信大家都唔洗我多講眼見 油花分佈得非常平均  每一片既厚薄均一 正一睇得又食得    配合少少自助bar上既醬料  絕對高質呀雖說店名叫牛陣 但係大家都知其實佢地仲有豬同雞選擇豬柳肉&豬肋肉個人兒言比較鐘意食豬柳肉感覺上嫩囗又有咬口 諗起都吞左吞口水雞肉 &「手作雞滑」同樣鮮嫩  記住唔好擺落去太太太內呀如果唔係幾鮮幾嫩既肉都會變老美肌蔬菜盤 聽個名感覺幾得意  其實大家都知食菜對大家既好處嫁喇所以都唔需要我多介紹大家可以放心

老公話左要去牛陣打邊爐好耐 只係一直未有時間 難得聖誕節就緊係要好好慶祝一下啦 話說宜家做緊「冬戀美鍋」應該係特別限定 所以我地就決定叫一個試下 一坐底我地就即刻把握時間岀去拎野食 因為得個半鐘任食 有熟食 蔬菜 甜點食 配料自己調製 除左有日本直送美人和牛同澳洲穀飼牛肉之外 仲有豬柳肉同豬肋肉 可以牛豬一齊食 湯底非常濃烈 好有雞味 食埋佢地嘅手作雞滑 油揚蔥卷就啱哂啦 個美肌蔬菜盤有南瓜蔬菜蓮藕 d菜包含住雞湯 真心正 最驚喜嘅係佢地嘅咖喱配飯竟然好好食 咖哩入面有牛肉薯仔南瓜 非常足料 雖然正常任食係唔應該食飯 但我地兩個都忍唔住一人食一碗😂 仲要唔夠飽食埋Haagen-Dazs雪糕 超級滿足 順帶一提汽水係任飲 怕肥嘅朋友可以飲無糖烏龍茶

聖誕節雖然過左 但慶祝活動依然繼續😂一家人去左食牛陣 見到佢地門口有個冬戀美鍋 諗都冇諗就揀左呢個湯底 限時90分鐘***雖然食得都算急 但都算好多野食 牛黎講都算高質 有日本鹿兒島直送嘅「美人和牛」澳洲長期穀飼牛肉 豬柳肉 豬肋肉 可以無限添加 肉質唔會太肥太瘦 入口有點即溶嘅感覺🙈另外仲有「手作雞滑」油揚蔥卷 美肌蔬菜盤 唔夠嘅話仲可以岀去自己拎菜食 減肥膩感 最後緊係要有甜點收結啦 雪糕係Haagen-Dazs 有7種味任食 仲有汽水任拎 我同屋企人個個都食到好飽***以放題黎講牛都算ok 起碼食完唔會話好濟

好耐冇去牛陣打邊爐啦，知道佢地推出左新嘅「冬戀美鍋」，美肌又滋潤，我就即刻仆去試了！全新「冬戀美鍋」湯底為白雞湯，嚐了一啖湯頭，味道非常濃厚，感覺滋補！雞肉更是嫩滑無比，非常值得一試！牛仔方面更是不會令人失望，包括：🐂日本鹿兒島直送「美人和牛」🐄澳洲長期穀飼牛肉雪花非常靚，油脂分佈平均，牛香十足，超正👍🏿另外仲有：🐖豬柳肉🐷豬肋肉🐔鮮嫩雞肉🌱油揚蔥卷🥗美肌蔬菜盤 (可無限添加)🍵水信玄餅😋所有牛肉、火鍋配料都係任食，抵到爆！Haagen-Dazs雪糕，太飽了，食左三球就收手。🍺汽水及Asahi啤酒任飲

屋企人話天氣開始凍，想打邊爐！但屋企附近除左酒樓都無咩地方有得打，我提議不如去牛陣！但爸爸話唔想，因爲要限時會食到好趕。。最後都成功說服佢！哈哈！去到本身想叫蕃茄或者豚骨湯，但店員推薦我地試新出既美鍋！係雞湯加杞子熬製，話有好多骨膠原，食完皮膚靚靚又補身！都未介紹完，媽媽即刻話唔洗諗喇！就叫呢個！店員叫我地要先飲少少雞湯 純天然架喎。。完全無落味精，飲落甜甜地，幾好飲！打邊爐都打得咁健康，仲可以美顏，真係第一次聽😂仲有美肌蔬菜盤，手作雞滑，美人和牛。。都係得呢個set先有，重點係個和牛，入口即溶。。❤️太正了！同平時食既牛唔同，原來係叫鹿兒島黑毛和牛後部肉，平時好小機會食到。仲有鐵、維他命b12等等營養，口感好之餘仲會令皮膚更紅潤。。唔夠食仲可以無限加，太滿足！套餐以外既野都可以任食😍~ 出面沙律吧有南瓜、粟米、白魚蛋、羽衣甘蘭、烏冬等等。我竟然比粒白魚蛋吸引左。。食落超滑⚪️⚪️從來無食過咁好味既白魚蛋 真心有驚喜😂結果我地一家人拎左成盤魚蛋食😆😆仲有haagen-daz雪糕任食！爸爸唔鍾意食雪糕，但係係咁飲Asahi啤酒🍻。不知不覺過左90分鐘，店員都無趕我地走，其實已經食到好飽，臨走再

可一不可再難食，價錢高同底冇分別，種類相當小， 侍應介紹了你價錢比較高的， 但這個價錢只限第一碟， 之後再叫的並不是當初價錢那種， 又厚又硬的牛肉， 味道甚差， 食放題黎講最差的一間

今天一早食完個 bunch 就行街 shopping, 完住無食 lunch. 去到5點就好肚餓，要搵野醫肚. 見咁早，就諗起去牛陣打邊邊. 平時永遠都好多人排隊，一次都未食過. 今次就係好機會.本身想食 $179 既任飲任食. 但見加$20多埋黑豚豬，又照加.除左牛&豬係送上，其他都係自取. 選擇唔算好多，但想食既都有而且質素係 ok 既. 如有埋海鮮就更好.呢碟就係黑豚豬，肉質幾好，但肉味唔夠重.而牛既質素係合格，有雪花. 但未至於好靚. 汽水櫃既飲品係任飲，但我對汽水麻麻，幸好都有烏龍茶. 另外有少量甜品. 其實另一賣點係 Haagen Dazs 任食. 雖然有成8款味道任揀，絕對係驚喜. 但.....個雪櫃太福，好多都硬過石頭，超超超難'不'. 只係食左好少.......超準時90mins就被清曬桌. 不過都 ok 既. 門口成村人等緊位. 我地都快快走.

如果有負分，我會比負分！一入到去見唔到個朋友，諗住打比個朋友啦，個職員問有咩幫到我，我話搵人，佢叫我出門口搵，其實我朋友就係你地舖頭入面，你叫我出門口搵都已經攪笑，食食下，我知道係90分鐘，但剩返20分鐘已經放低張單，到夠鐘再吹你比錢，我比完錢再望一望個門口，冇人，再望一望個鐘，未關門！咁我仲有D野未食完，唔想浪費，諗住食埋先啦！有位講野好似譚仔風格既亞姐走過黎，夠鐘啦！！咁我朋友答佢，好呀！之後我熄左爐，示意我食埋個爐D野就走，唔夠5分鐘，有一位似係經理既人走埋黎，想熄爐，之後佢見已經熄左就扮執碟走開，再唔夠5分鐘，個亞姐叫埋個肥仔過黎，個肥仔好悪咁講你地過晒鐘，我就咬住舊牛微笑同佢講，知道架啦！唔該！！個亞姐仲要背住我用譚仔語言同我地講，你地都坐左好耐啦！！其實呢間咁旣食店，我之前都去過其他分店食，冇試過係咁既態度，同冇試過非繁忙時間同你計時！呢間分店真係可一不可再！！

好耐無食過牛陣，見大埔新開就試下。原來佢宜家咁多野食，任飲仲好多野揀，可樂，忌廉，維他檸檬茶都有 （平時放題多數得不知名牌子的，或韓國野飲）甜品有雪糕！仲要係Haagen Dazs! 真的讚 👍🏻 出面拎火鍋野食都好多選擇，丸類有差唔多十種有墨魚丸，龍蝦丸，小魚蛋，日式芝士魚蛋，芝士腸，蟹子丸等等。菜又有大約十款粟米，南瓜，蘿蔔，秋葵，連雨衣甘藍都有！醬料方面都特別就香港人的口味，辣椒，生蒜容同炸蒜，日式的酸汁，麻醬都有！我最鐘意的都係甜品 Haagen Dazs 雪糕都有八款，最好係味道仲唔頹，有Caramel Brittle (宜個放題有真係好難得) ，Belgium chocolate，cookies' new cream, Strawberry, macadamia nuts etc! 我食左三大杯，即刻覺得抵番！仲有其他涼粉等做甜品。至於主菜我地要左最貴的黑毛豬，同特選和牛(連任食牛舌和飲品) $349一位。和牛真的不錯，但你要預左第一輪好好，但之後都麻麻，你問佢點解差咁多，佢一定話牛的部位唔同，會有分別😏😏😏 牛舌唔都錯。野食方面我覺得幾滿意。最麻麻係服務，有次叫加肉，同左

今日去左食牛陣，可能因為約8點先去唔洗等位直接入座，而照客亦唔多，但點完野未食已經覺得熱，唔知係咪認為人小加上就收工就熄細左冷氣我地叫左178的，仲每人加5蚊轉雙拼鍋，一個係蕃茄，一個係麻辣，但食到冇湯要加時竟然都係加一樣嘅，感覺有點那個牛肉雖然只係食178，但都唔太差走肥，外面亦有好多配料選擇，亦有炸雞，但炸得好乾，死實實的到最尾想食雪糕，但9點40分左右，全部基本上係吉桶，只好飲多罐野算數，下次都係去返市區的，依間真係不可再!

今日本來想開開心心幫亞仔慶祝生日，亞仔話想食牛陣，就去左大埔嗰間，因要泊車，就叫亞仔攞位先，到有位喇，職員話要齊人先可以入座，咁我地就即刻快d過去啦，已經行緊過去，到左喇，佢竟然話我地超過三張枱要重新排過😠，咁點解你唔俾亞仔入座先😠當時又唔同亞仔講盡快要到，因嗌超過三張枱就要重新排隊，真係好不知所謂，明蝦一個小朋友😡雖然亞仔有十幾歲，但你應該交代清楚，或者叫我地盡快要到，我知星期日多人，就係知道，先叫亞仔攞位先，我地唔係遲好耐，都係5分鐘，咁快已經嗌超過三張枱，但又唔出聲😡如果係咁，我地使乜嗌亞仔攞位先，服務態度真係不知所謂，以後都唔會再去😤😠😡

第一次食特選黑毛和牛放題慶祝老公生日，定了個最唔"漏"的清爽鍋湯底，侍應先上一碟牛舌同一碟豬（套餐送的，唔夠可以再上）；但我來食和牛，你唔系想用呢d填飽我個肚啊嘛（我個胃好細架）？好在佢轉頭經已上了2碟大的和牛，賣相都唔錯，中途食完和牛，都未出聲order，佢地好快就再上2碟過我地食。其他火鍋配料就拿了3-4轉，都系菜同菇，老公仲食左碗烏冬，但無試到佢地的丸，亦都無飲到任何飲品。2個人前後食了4碟和牛（向來唔多食放題嘅我地真係戰鬥力較弱，加上前一晚慶祝食多左，搞到個胃弱弱地），每碟油花都差不多，我們習慣拖5～6下，食落都好"冧"，唔"鞋"口，但牛的香味就欠奉。另外有Häagen-Dazs雪糕做甜品，除了難d刮起雪糕球外，7～8只味道都唔錯。啊，碟牛舌都OK，但碟豬就有豬氣味，食了3份1就放棄（建議上時拒絕佢埋台）。90分鐘的放題，剩下20分鐘就出張單俾我地同提我地仲有20分鐘last order，當時我地都有8成飽，所以無再order和牛；剩下9分鐘就過來要求我地埋單先，我就系呢個時候出動第二個胃，但都系2小碗雪糕。整體來講，無咩驚喜，呢個價錢呢個質量就真係普通左d。

星期一同兩個舊朋友去大埔午陣，去到門口睇餐牌果時，門口兩個員工已經不斷問我地幾多位同日文歡迎我地，熱情得有點誇張，不過睇得出佢地係好想招到客人入去，員工重點推介和牛係佢地招牌菜，所以就選了和牛套餐，無限任飲任食係吸引，但食落先知其實係食唔到幾多…唯一美中不足係無朱古力味雪糕