蝦立方休閒娛樂釣蝦場

Open Now

Now Closed

場地都算大，有兩個大水缸。釣蝦收費以每小時計算，價錢包括蝦餌同釣具。職員好有耐性咁向我哋講解基本嘅釣蝦技巧。🎣不過就比想像中難，可能技巧唔足夠，好多隻食咗粒蝦米就逃脫咗，好可惜🥲最後兩個人一個鐘只係釣到八隻蝦。🦐釣到嘅蝦可以選擇即場烹煮，我哋就揀咗免費嘅鹽燒。老闆仲送多咗幾隻冰鮮蝦俾我哋☺️不過都係即釣即燒個幾隻好味啲，特別新鮮，剝開仲有好多蝦膏。另外仲有其他小食同飲品選擇。

.今年生日同朋友去試新嘢就係釣蝦不怕風吹雨打，日曬雨淋！可以即釣即燒的室內釣蝦場釣蝦場會提供釣竿和蝦餌讓你安坐場邊，靜候大餐自己上釣未玩過既朋友黎試玩下都幾吾錯不過新手既我確係好水皮臨夠鐘先釣到一隻好彩有神隊友幫手今晚嘅晚餐先有着落如果真係咁黑仔一隻都釣唔到其實店入邊亦都有一啲小食供應或者可以叫一碟蝦==========================當晚釣到既蝦就咁用鹽燒下都覺得好好食好新鮮可能自己辛苦釣上嚟嘅覺得特別好味有得玩又有得食==========================📣📣📣📣生日特別待遇生日嘅朋友特別留意如果係生日月嘅話指定時間去仲可以免費🎁🎁🎁==========================後記 : 如何釣蝦？❤️Ha Cube會為每位客人提供一支釣蝦竿、蝦餌、鉗❤️將蝦餌(蝦毛)去頭，把細細粒蝦身上鈎，切忌太大粒❤️ 當浮鏢移動，表示蝦正接觸蝦餌，這時不可輕舉妄動，直至浮鏢向下沉，表示蝦正在享用蝦餌，再耐心等一會才抽竿，蝦就會上釣。==========================📍Ha Cube蝦立方休閒娛樂俱樂部 地址：觀塘駿業街60號駿運工業大廈3樓C室

今次寫寫一個又適合一家大細，又適合情侶，又適合一個人消磨時間嘅好地點。有個朋友去過好多釣蝦場，最後尾推介呢一個俾我。原因係，不只係鬧市之中一個好地點，最緊要係好容易就已經有蝦上釣！對於我哋，又想有收穫，又想過癮嘅。。。完全係perfect! 最緊要係舒舒服服，有冷氣嘆住來玩。又有歌聽。我個friend話，佢兩個人去，一個鐘頭可以釣到九隻蝦。估唔到，我哋第一次去，一個鐘頭，兩個人釣到一共13隻！太過癮！如果未試過釣蝦嘅，唔緊要。。釣蝦場嘅女服務員非常之好，非常之有耐心咁樣教你點樣釣蝦。。上釣之後，又好好咁樣講解折蝦。 釣完之後，價錢已經包埋煮！今次揀咗鹽燒，非常好味！真係新鮮煮！食落蝦肉彈牙，又有蝦味！正！ 同時要讚一讚，負責廚房嗰位哥哥仔，燒蝦非常之有愛心，佢會先將蝦蘇、蝦腳剪咗。賣相非常得！如果呢度可以有埋其他嘢食，例如出前一丁，餐蛋麵之類，多啲嘢飲選擇，咁就Perfect喇！去之前，記得打電話book釣蝦干。

釣蝦場重開了😆所以同朋友即刻去釣蝦🤪今次三個人釣左三個鐘😚😚😚釣蝦真係好講技巧😳好考耐性同耐心👍🏻店員會好細心教我地點釣👍🏻啲蝦又新鮮又大隻🥰釣完之後係即加工 當然一定揀鹽燒做法👍🏻超好味😋肉質鮮嫩可口👍🏻鹽燒最正🧂識食一定要啜埋啲蝦膏😋超愛蝦膏的我😋釣蝦都可以講係一樣興趣☺️成功釣到就好有滿足🥰之後會Keep住去💪🏻十分推薦💪🏻係同朋友嘅消閑娛樂靜態活動🥰一邊釣蝦一邊傾偈😆好新鮮呀～ 好生猛～下次再接再厲💪🏻睇下有好多膏😳😳🦐😍

之前已經嚟過呢一度釣蝦，然後發現佢11月會有埋釣蟹，所以就專程去多次。星期六下午去成個場都好full，釣蝦同埋釣蟹都係同一個池入面。見到都有啲人釣到蟹，但係我哋就見唔到。因為我哋釣到唔多蝦，所以員工都有送一啲冰鮮蝦俾我哋食，我哋之前釣到一隻死蝦佢都會比返一隻生蝦俾我哋。我哋揀咗鹽燒蝦，如果要其他煮法就要加錢，不過鹽燒已經好好食。啲蝦好新鮮，蝦肉好彈牙，仲有蝦膏添。如果唔想喺度食，你都可以選擇將啲蝦帶返屋企自己煮。

地點都算方便，唔係好難搵。呢個釣蝦場有兩個池，釣完蝦可以揀帶翻屋企定係度食。周末下午時間都好多人去釣，有情侶有一家大細。職員會耐心教你釣蝦方法，如果遇到有咩問題都會即刻幫你解決，例如唔識拆鈎，打kick等等。見到職員會定時倒新蝦入個池入面，唔會冇蝦釣。對比起其他蝦場，呢度都算容易釣到。最重要係啲蝦好大隻，好新鮮，就咁鹽燒都好好食，肉質好爽彈牙。會再去😍😍。生日仲會有優惠添。