HA HA Bar and Restaurant

Open Now

Now Closed

今次同閨蜜一齊衝去呢家餐廳，內心期待嘅係一頓令人滿足嘅美食體驗。落座一望menu，即刻話時話係來對了！佢哋啲lunch set真係平民價格，但係量同質素都唔馬虎👌。主菜選了10oz肉眼牛扒嚟試吓。係咪真係好食到令人心水掉晒落去呢？講真，呢塊牛扒真心冇令我失望😋！炭香撲鼻，外層微焦帶勁，一口咬落去，肉汁四溢，軟滑又juicy。黑椒汁添上去，啲香濃得嚟又唔死鹹，完美提升咗肉味！至於頭盤既沙律，分量都唔小氣。啲蔬菜鮮爽得來還帶點生津，滿足咗我想要啲清新口感嘅願望。餐飲方面，檸茶夠晒酸香提神，唔會太甜膩，簡直係炎熱天氣嘅救星🍋！好想再點埋其他嘢試，但係今次只能集中火力喺牛扒身上。下次黎攞下其他嘢嘅牌，睇下係咪一樣靚嘢。總之，今次食肉味滿分，心情都跟住正！錫住個店，值得再黎～👍👍👍

前排lunch hour同同事諗住睇下有咩好野食，經過一間酒吧餐廳見佢地既lunch Menu都幾抵食，所以決定一試，味道都唔錯有驚喜！每個Set都跟左是日沙律/湯品，仲包飲品，沙律菜都好新鮮值得一試A.燒春雞伴香草燒汁配意粉 $62可選擇飯/意粉/ 薯菜/薯蓉，醬汁亦可改燒汁/黑椒汁，燒春雞外皮香脆內裏肉質都好軟諗，值得一讚個汁好惹味E 板燒10oz肉眼牛扒配黑椒汁伴薯條* $74倒次叫左5成熟剛剛好，肉眼牛扒雖然係薄切不過都好好味，配上黑椒汁幾香口

冬大過年，下午休假，於公司附近來個便餐趕下場世界盃期間經常想起年輕時經常到酒吧午膳，今天決定懷緬一下典型的港式酒吧一定要有飛鏢機！這裡就有兩部鳳凰飛鏢酒吧從北角搬遷到天后，新店內有霓虹燈及聖若瑟書院特色牆主打食物只選用外國進口及本地食材，無基因改造、無激素、無味精午餐配餐湯或沙律！是日餐湯為忌廉粟米湯板燒10安士肉眼牛扒醬汁可選擇黑椒汁或燒汁！配菜可選飯、意粉、薯蓉、薯條或沙律等表面煎封得香口，切開露出粉嫩的牛肉，入口嫩滑軟腍燒春雞伴香草燒汁皮脆肉嫩，充滿迷迭香，雪白的雞肉十分多汁餐飲有多項選擇，走甜少甜，走奶走冰等各適其適

天后一帶不嬲好多美食，尤其係水星街附近，今日就去咗其中一間位於水星街嘅bar試下。佢裝修幾靚，係呢條街算係裝修特別啲嘅餐廳。佢裏面仲有掟標玩，夜晚嚟飲杯嘢都幾有feel呢間餐廳都幾多人幫襯，去到12點幾1點都幾乎坐滿午餐時間黎食當然要食Set lunch。佢個set lunch包一碗湯或沙律，主菜及飲品🥤粟米南瓜湯：睇落去好清，點知入口出乎意料幾甜喎，不知不覺令到我飲晒成碗特色印尼沙嗲醬配香煎厚雞扒拌飯($62)：塊雞扒真係好厚好大塊，皮脆肉嫩，但係個沙嗲醬略嫌冇乜特別板燒10安士肉眼扒配黑椒汁拌薯條($74)：塊牛扒真係分量十足，見到呢個價錢咁大塊牛扒一開始以為會麻麻哋，點知真係出乎意料喎。我叫咗五成熟，真係煎得啱啱好，食入口外脆內軟一啲都唔韌，又好夠肉味。至於個薯條就有少少失望，好似食緊麥噹噹薯條咁，冇乜特別。如果個薯條可以炸得外脆內軟啲就真係完美啦~整體而言佢係性價比十分之高嘅set lunch，價錢合理而且分量十足，去開附近嘅朋友想平平哋食個高質lunch呢間係值得推介！

HA HA Bar and Restaurant今日嚟到呢間酒吧餐廳食Lunch，佢哋Lunch Set價錢唔算貴，都係$48-$78不等，雖然位於天后嘅隱世小巷，但唯一一間入到輪椅只有呢間餐廳，仲要係酒吧餐廳，果條街其他餐廳門口都會有一級梯級。適逢四年一次世界盃，呢間酒吧餐廳有三部電視機，仲有一間獨立房間，兩部飛鏢機。想約埋朋友一齊睇波食野，呢間絕對係一個唔錯嘅選擇！1.板燒10oz 肉眼牛扒配黑椒汁伴薯條+是日餐湯（南瓜湯）+熱咖啡$78（7/10）$78食到咁大塊牛扒邊度搵，切開牛扒見到少少粉嫩，今次我叫咗5成熟，塊扒有有少少韌，可能燒得有少少過火，都有牛味，夠肥不過多筋，黑椒汁唔夠辣，唔重黑椒味。薯條幼長，頭尾有少少乾同硬，中間先好食！南瓜湯好重南瓜味，食到有少少洋蔥！2. 燒春雞伴香草燒汁配飯+是日沙律+熱咖啡$72（7/10）燒春雞好大隻，肉質算嫩滑！沙律菜份量多，新鮮多汁！2人總共價錢$165，有加一服務費！個人口味總評分：7/10地址：天后水星街5號海興大廈地下A號舖

Ha Ha Bar & RestaurantShop A, G/F, Hoi Hing Building, 5 Mercury Street, Tin Hau天后水星街5號海興大廈地下A號舖銅鑼灣區同灣仔區, 每到LUNCH TIME都人頭湧湧, 遲3分鐘出去都已經需要排隊等位了, 今日索性坐叮叮去天后, 發掘一下好地方食野。水星街Ha Ha Bar & Restaurant是茶餐廳價錢, 但有西餐廳架享受。日式胡麻醬沙律同波菜忌廉湯午餐 $64燒春雞伴香草燒汁配飯, 更包餐湯或沙律和飲品, 有半隻燒春雞, 可以食到雞髀了, 更有燒汁可以用來點雞肉同撈飯食,水準拍得住我在類似餐廳, 同樣半份燒雞已經要$150元了, 一半價錢食到同樣水準份量, 實在要大大力介紹比大家。$74 有10 oz肉眼扒黑椒汁，黑椒汁惹味，仲有炸到脆卜卜架薯條。親民價位, 而食物種類及味道好, 值得遠少少也要坐幾個站來光顧。

入到去已經覺得好酒吧feel🫣估唔到都有咁抵食嘅lunch set！價錢$48-$74不等，包頭盤同飲品，食完仲可以玩飛鏢添🎯1. 燒春雞伴香草燒汁配薯菜（$64）半隻size以一人份黎講都好足夠，雞皮好薄，燒完之後香脆唔油膩可能因為雞胸佔比比較多，所以肉質唔算特別滑，但啱曬減肥中嘅小編🤣小編影相影咗好耐🥲薯條都變咗微暖，但入口仍然外脆內軟，唔錯～評分🌕🌕🌕🌕🌗2. 板燒10oz肉眼牛扒配黑椒汁伴薯條（$74）超級無敵抵食🫢塊扒大到賣百幾蚊都絕對唔過份！肉質偏軟淋，唔韌👍🏻牛味都算出店員冇問到幾成熟🤣應該七成到～呢個價真係無嘢挑剔🙌🏻評分🌕🌕🌕🌕🌕3. 南瓜忌廉湯（頭盤）些許奶香味，入口香滑，仲食到一粒粒嘅南瓜粒🎃質地係偏稀少少的～評分🌕🌕🌕🌕🌑

今日發現位於天后嘅一間酒吧竟然有個咁掋食嘅午市套餐！Lunch set 價錢$52-$74左右，包前菜、主菜同餐茶，仲唔收加一！前菜可揀湯或沙律。是日餐湯係南瓜湯，我就揀咗沙律。沙律菜好fresh，配埋胡麻醬好好味。板燒10oz肉眼牛扒配黑椒汁（$74）- 呢個價錢有10oz咁大塊牛扒，真係茶記都做唔到咁掋。塊扒一啲都唔馬虎，煎到香脆得嚟，肉質仲好嫩滑同juicy。黑椒汁另上，唔怕會鹹。伴碟可以揀飯、意粉、薯條或薯蓉。不過我今日想食低碳，餐廳都好好安排到沙律俾我。餐茶我就嗌咗熱咖啡，加$15仲可以叫紅酒、白酒或啤酒，真係好掋呀！

☘️今日有事同朋友去天后，到咗食晏時候經過呢度，就入去諗住快快趣食個lunch。 話明係bar restaurants,呢度環境燈光比較暗，酒吧feel, 大電視可以睇波，估計夜晚會好多人！☘️望吓個餐牌，lunch set 頭盤有沙律或湯揀，Main course 仲有六種可以揀，配埋餐飲，最平嗰個$48，最貴嘅10oz 板燒肉眼牛扒配薯條都只係74蚊，真係好抵食👍 我同朋友當然係揀咗牛扒啦😜☘️首先個沙律真係一啲都冇因為價錢平而求其，啲菜好新鮮，配少少芝麻沙律醬好開胃😊。個肉眼扒好大塊，份量十足，配黑椒汁味道唔錯，食倒炭燒味，肉質都有咬勁，我鍾意😋。個薯條都好味，不過由於我掛住影相同朋友傾偈，攤凍咗，否則應該更好😜☘️餐飲叫咗凍檸茶，檸檬好多片，好夠味，唯一美中不足係用紙杯，可能因為之前疫情衞生問題改咗用紙杯啩！ 整體來講，咁實惠嘅價錢響港島區食倒咁嘅質素，真係好唔錯， 自己煮都唔止呢個成本！抵食👍

又同阿媽食lunch今次去近近地嘅天后食😙成日路過此酒吧餐廳。地點都幾方便門口登出午餐價錢都幾吸引今日終於有時間黎試吓1:30pm到達餐廳時仍然坐滿客人證明幾受歡迎下 等了約八分鐘女店員安排入座 睇menu 揀咗燒汁香煎雞扒伴墨魚腸配白飯$62到來時墨魚腸沒有貨 改了司華力腸亦不錯 香煎雞扒分量也很大 煎得外皮香脆內肉嫩 都有肉汁😋配燒汁白飯一流10oz肉眼扒黑椒汁配薯條$74牛扒份量非常大份 亦有肉汁 配上黑椒汁更加添滋味。配菜新鮮 薯條亦香脆及分量滿足😋價錢重包餐餐湯或沙律我哋都喜歡飲湯。所以揀咗是日餐湯南瓜忌廉湯。湯內有香甜洋蔥粒配南瓜蓉湯香甜可口😋餐飲揀咗凍檸茶同橙汁 亦十分大杯整體來講 Cp值高店內環境酒吧裝修及有大電視 十分合適足球賽事到來 chill下亦供多款手工啤選擇另值得一讃女店員十分勤快有禮天后水星街5號海興大厦地下A鋪HaHa bar & Restaurant

HA HA Bar and Restaurant 天后水星街5號海興大廈地下A號舖.Lunch Set 可選沙律或餐湯，有自選主菜，及咖啡/茶! 全部都係$100內，價錢吸引 而且份量夠大，非常抵食😋 .板燒10oz肉眼牛扒配黑椒汁伴薯條 $74: 肉眼牛扒成隻手咁大😍 肉質鮮嫩多汁 肉味濃而且無雪味👍🏼 食完真係飽到夜晚😂燒春雞伴香草燒汁配飯 $64: 可轉意粉/薯菜/薯蓉! 燒春雞肉質好鮮嫩 皮好脆，雞肉一啲都唔乾柴😚 意粉份量幾多😚

🌃 餐廳位於天后水星街 ， 位置雖然係隱藏小巷， 但這條小巷有不少美食， 可以算係一條少少既美食街， 餐廳定位屬於酒吧餐廳， 喺設計上幾型格，都以深色作為襯色， 而座位都幾寬敞，餐廳可以飲酒食嘢、 仲有得掟鏢添。 餐廳午市套餐非常親民， 只需48蚊起已包括餐湯或沙律、 主菜、飲品等。.🍽🐄 板燒10oz肉眼牛扒配黑椒汁伴薯條💲 74👉 $74 食到咁大塊肉眼牛扒已經好抵， 正常已經冇咩要求 ， 牛扒表面 覺得好香脆 ， 本身以為變咗well-done， 但切開嘅時候仍有點粉嫩嘅顏色，肉質細嫩都幾juicy， 咬落有彈性容易咬開， 牛味都算重， 點埋黑椒汁仲更加惹味，另外仲有香脆既薯條，真是十分滿足。.🍗 燒春雞伴香草燒汁配飯💲 64👉 燒春雞份量有半隻， 燒得金黃香脆， 將春雞撕開肉汁依然滿滿， 肉質 尚算嫩滑。.👉 另外套餐包括南瓜忌廉湯或雜菜沙律， 南瓜忌廉湯幾creamy， 飲到淡淡嘅甜南瓜蓉，而雜菜沙律配上日式芝麻醬， 雜菜都幾爽口， 加埋沙律醬幾開胃， 隨餐飲品叫了凍橙汁同凍檸茶， 感覺質素唔錯。.📍 HA HA Bar and Restaurant天后水星街5號海興大廈地下

🥩 #天后 #炮台山 #HAHAbarandrestaurant今日喺炮台山上堂，落堂就去咗天后嗰邊嘅一間靚餐廳食嘢😋 呢間「Ha Ha Bar & Restaurant」位於水星街，裝修高級別緻，但估唔到lunch都係$48起跳，超抵食😋🥩 板燒10oz肉眼牛扒配黑椒汁伴意粉 （$74）我揀咗呢個肉眼牛扒仲大塊過我塊面！除咗意粉之外，仲可以揀飯、薯條、薯蓉，醬汁都可以揀黑椒汁或燒汁😚 個肉眼扒一上枱就香氣撲鼻，煎得非常惹味🤤 肉眼扒軟腍好味，好推薦🤗跟餐仲有一個餐飲同一個餐湯或餐沙律添～

水星街附近幾條街都好多嘢食，品質都好好。似乎係到開店嘅都唔可以輸蝕得去邊🤭入座之後見到鋪頭（應該係店員）已經飲緊啤、掉緊標，Happy Friday嚟食嘢有我響往嗰種外國式chillax Friday。鐘意佢哋啲位同環境夠闊落，好好坐。想像到夜晚嚟食嘢會好有氣氛。（同埋感覺幾清，呢個位唔會好雜😂）嘢食對得住佢價錢有突。扒大塊得嚟煎得啱啱好。個燒春雞都皮脆肉嫩，連胸都好juicy。加咗支細藍妹（餐紅白酒都係）都只係+$15，見到有枱四人都叫咗一人一杯，真係好chill。

位於天後水星街5號海興大廈地下HA HA BAR & Restaurant，是典型的灑吧西餐廳。中午有多款Lunch set可選，前菜蔬菜沙律非常新鮮，加上日式芝麻沙律醬，清新爽口，健康又醒胃。主菜板燒10oz肉眼牛扒配黑椒汁伴薯條，7成熟的牛扒，肉質軟腍入味，口感一流，薯條熱辣辣，非常香口。黑松露野菌忌廉意大利粉，濃郁的黑松露野菌忌廉醬滲透到硬度恰到好處的意大利粉里，條條掛汁，口感豐富。餐後咖啡，香濃滑順夠水準。買單不到$150，物超所值性價比超高。