Häagen-Dazs

Open Now

Now Closed

我從未飲過House Regular Coffee 係一半咖啡，一半加熱水的。仲要係出自Haagen-Daz佢地話係自己既Recipe. 我唔係飲緊即溶咖啡喎！唔條專業做咖啡都唔可以咁求期架！

飲品做買一送一promo, 入去買黎飲+等人, 有1位應該係店長既女店員一直都好好口好笑容, 又有向途人推銷優惠及同客人有講有笑, 朋友半個鐘後先到, 見我地杯野擺左咁耐又換杯新既比我地, 有驚喜~~至於飲品係熱帶果園, 以為會比較杰身, 原來稀林林, 但味道唔錯, 似芒果加埋梳打水, 唔太甜, 買一送一就抵, 原價買就唔會~~

屋企有啲haagen dazs雪糕券就快到期，呢日拎嚟食咗個單球雪糕。我好少專程去買haagen dazs嚟食，因為牙齒敏感，所以本身麻麻地食凍嘢 原本想食rum & raisin，但呢間分店冇，於是揀咗blueberry & cream。單球可以揀杯裝或筒裝，咁梗係要筒裝啦！多啲嘢食嘛~隻紫色好靚！haagen dazs嘅雪糕真係零舍幼滑，味道香甜雖然藍莓味唔算突出。牙齒敏感都要食！屋企仲有幾張券，要諗定下次食咩味啦！p.s. 呢日坐係haagen dazs店入面食，店內幾窄，而且可能唔夠人手清潔，所以啲檯櫈都仲有啲食物碎。

係黃埔行街行到好累，入左去Häagen-Dazs，這間分店得3,4張檯，去買左香蕉船食，可以揀3個雪糕球，揀左曲奇，提子冧酒同埋雲呢拿，曲奇最好味，提子冧酒略甜，不過好有酒味，雲呢拿就好滑，雪糕上面的脆脆同香蕉都ok架，仲有少少士多啤梨同d朱古力醬，行到累一累食返個甜品真係透心涼

飯後一個甜品, 偶爾到這家Haagen Daz, 都是因為這裡駕車方便自選了咖啡, 拖肥, 及朱古力 咖啡時時都最美味, 又香又濃, 拖肥不過不失, 不會過甜, 朱古力夠濃夠滑, 開邊香蕉新鮮, 再加上兩片窩夫片, 超脆, 真是高水準

我有不少哈根禮劵.其中有3張單球.拿一張去換綠茶味雪榚.但我沒有坐低食.店員也有禮貌的.在哈根雪榚當中.感覺甜度較低是綠茶味.綠茶像真度高,似飲真的綠茶,而且很香茶味.入口還有茶粉在口中.雪榚質地亦滑身.相當不俗.期待下次.試其他的口味.

依家Häagen-Dazs做緊promote...雙球雪糕買一送一超級優惠呀...以前都未試過食咁抵o既Häagen-Dazs做到5月15喳...想食就要快啦平時食自助餐就成日有得食Häagen-Dazs...自己就好少買細杯裝食得最多...但質素始終冇入舖買一球球咁好食一來杯裝個滑度已經差好遠...更加唔好講個味啦雙球雪糕 特價$52 / 4球 可以揀杯裝或者cone裝...估唔到杯裝多人揀d個雪糕底滑係幾滑...不過風味唔多夠咖啡雪糕偏向清淡...好淺o既咖啡味食落去得少少甜味...冇令人一食再食o既衝動一食咖啡味就諗起泰國文華o個d咖啡雪糕...好鬼掛住囉焦糖味未試過...係幾好o既嚐試焦糖味香濃...精髓係混o係入面o既粒粒好脆口好有特色...至少有記憶點呀雖然係甜左少少...但好多人食甜品都唔怕甜嫁啦呢類口味唔一定成日遇到...都係撞彩囉以前食雪糕...最興去尖沙咀間Häagen-Dazs班同學好鍾意約埋去食個tea...貪好坐又好味掛通常都會揀d特別款式...設計晒特別名o個類呢最難忘係一班人一齊share一個極大杯好多球o既雪糕自從冇左o個間店之後...都冇再食過lu

晚上六時多，尚未夠鐘吃晚飯，便到Häagen-Dazs吃飯前甜品去。我吃了稱為「愛情號」的甜品，可選三款雪糕。經過認真試味，我點了牛奶拖肥味、芒果熱情果味和焦糖燉奶味。雪糕既滑且香，只是融化速度甚快，所以我未能慢慢享受。至於配料有香蕉、士多啤梨、朱古力漿、花生碎和薄薄兩塊曲奇餅，不算十分特別。

因為有$50 coupon既關係今日去左食haagen dazs :-)我叫左我由細到大最中意食既香糕船! 有得揀3隻味,,我揀左choc choc chip,,曲奇同埋焦糖脆脆<---呢隻係新味黎架好好味呀新果隻焦糖脆脆我反而覺得就甘雲喱拿味可能仲好味過曲奇味不過唔知點解d雪糕勁快容-_-仲快過買家庭裝果d @0@好好味呀真係!

見到有mini love boat 於是入去一試... 可以選3個scoops, 我要左caramel biscuits and cream, strawberry and cheesecake 同 belgium chocolate.. 賣相都過得去, 味道方面chocolate 最好, caramel 最差, 但都冇特別驚喜... 最大問題係雪糕溶度...不嬲都知haagen dazs 質地偏軟..但今次真係溶得好離譜..1分中成盤野已經變水咁滯...攪到我同家姐要極極速咁食晒佢.... 咁岩我地之前o係超市食過另一隻貴價雪糕..對比之下真係覺得堂食的haagen dazs點解會咁冇水準..就算係supermarket的haagen dazs 都唔會咁! the price is not expensive, just $59, but something must be wrong with the quality..

食完韓燒就當然要食番啲凍野降降溫, 差唔多九點到去到冇乜人, 大把位任揀任坐, 去到雪糕店當然係要試食先啦, 慢慢試味, 店員都好好服務態度, 又介紹我地試呢款$69 2客鮮果單球, 話呢款同正價比平左$9, 我見到有款$59香蕉船三個球家, 店員話呢款啲雪糕會細個啲家喎, 結果我地就要左$69 2客呢款啦士多啤梨雪糕配芒果汁碎朱古力加奇異果 - 呢款我地揀左要cone, 個cone鬼死咁大個, 雪糕睇落就好細球啦, 味道都唔太差冧酒提子雪糕配朱古力汁杏仁片加士多啤梨 - 呢款揀左杯裝, 感覺好細杯囉, 又話杏仁片, 杏仁碎粒就真, 啲雪糕唔夠硬囉, 好快溶

雖然是兩個月前的事，但現在寫食評時仍話說嗰晚一家人喺紅磡食完飯，就行去黃埔食雪糕。去到時已十點多，店裡還是人頭湧湧。商議好食甚麼後，就由我出去買。攞住來menu行到雪糕櫃前，正要落柯單之際，竟俾人打尖。個女人遲過我行埋去但開聲快過我，於是個店員竟serve 佢先。好啦，轉向另一個店員，又有一個女人打尖，直頭係成張coupon 申出去。我都唔明店員d眼生喺邊度，邊個客黎先都認唔到。我已經企咗喺個櫃前五-10分鐘，但店員竟視作透明。喺呢個情形下，我真係嬲到想爆粗。我於是好大力咁攞住本menu 拍落個雪糕櫃度。就係呢一下「嘭」一聲，個店員先有留意到我。即刻知驚話轉頭幫我！真係嬲到爆。當店裡沒有systematic ge queueing system, 店員就有責任認住邊個客黎先。唔係話有個客發嬲先serve架！！！最後揀咗兩個甜品，Oriental Romance & Venice Love。Haagen Dazs 的水準不容置疑是不錯，也能保持水準的。但堂食的服務如斯不濟。下次還是真的要像那些女人們才會有人serve？

有 free coupon 有一 scoop 食。初初仲以為會俾好細 scoop，點知都有好大 scoop。試了 macademia nuts 味。一啖食落去全是奶味 ，之後食慣左好 d。都有幾多 nuts 係裡面呢！肯定無 Ben & Jerry's的 macademia 甜到勁難食咁。

約左人去大酒店又未夠鐘，同阿仔兩個人係黃埔真係唔知有咩好做？百無聊賴.....唯有去食雪糕﹗我地兩個去食雪糕，真係十年唔逢一潤，我本身唔鐘意食甜同凍嘢，阿仔就更加唔能夠食太甜的食物，所以琴日對haagen-Dazs賺到我地錢認真神奇﹗我地叫左最老土的兩款- 朱古力同綠茶，我本人喜歡綠茶多D，因為綠茶味好香同埋雪糕質地好滑，仲有，唔係太甜﹗朱古力都唔差，一樣好滑，但就覺得朱古力味唔夠出，整體黎講，都好滿意﹗不過$49兩球嘢，我點都覺得太貴，不過呢D十年唔逢一潤嘅，就豪吓啦﹗

(yellow) 芒果熱情果~ (white) 提子冧酒~ (red) 桑果雪菓~ (brown) 濃情朱古力曲奇~$49兩球o既Haagen Dazs~ 我o地一口氣買o左4球~無他ge~ 因為唔洗$$lor~as under promotion~ 只要order兩球雪糕, 其中一隻味係芒果熱情果~then, 你就可以買兩球~ 送兩球了~wahaha~ 真係抵食~