Häagen-Dazs

Open Now

Now Closed

同囝囝食完午餐，就係附近睇吓有冇甜品食😌經過見到Häagen-Dazs就入去望下，囝囝揀咗呢個🐽🐽雪糕🍦（可以任揀兩種味道）另外我仲買咗個家庭裝返屋企慢慢品嚐😋雪糕味道我揀咗呍呢嗱焦糖朱古力蛋糕香滑嘅呍呢嗱，裏面有朱古力蛋糕同蕉糖，估唔到咁夾，真係好好味！令我一試就愛上😍

🤵🏻Daddy I Love You❤️❤️❤️賣蛋糕的時候，店員會問需要多少半小時還是一小時的乾冰，因為家裡的凍櫃不夠大，所以基本上回家就要吃。⭐️跑車狂熱⭐️mini Size相信無爸爸不喜歡跑車，以跑車為造型的蛋糕，外圍圍上象徵賽車🏎️的黑白旗幟🏁，朱古力🍫上有一架紅色跑車，非常威風！頂層是一層朱古力醬，下層有薄薄的忌廉，一切開蛋糕，裡面是曲奇雲尼拿口味，百搭的雲尼拿配上曲奇軟餅，雲尼拿雪糕剛好中和了朱古力，增加口感，味道不會甜得令人難受。有mini、 regular和 large 尺寸選擇，mini size小小一個已經夠小家庭享用

因為有張25蚊coupon年尾就到期，見今日得閒就約埋婆婆一齊去食雪糕啦。除左25蚊coupon我地重有張豬仔雪糕加咖啡的coupon。豬仔雪糕，原本以為要跟個圖既味冇得揀，原來豬仔雪糕2個雪糕球都可以自己揀味的。不過因為豬仔要粉紅色先得意，所以最後我地都叫左個士多啤梨味既雪糕。依個Coffee Story等左勁耐囉，我地個豬仔雪糕都食完，婆婆杯咖啡都飲左大半，先整好，都唔知點解要咁耐。耐到佢入面果個雪糕球我地未食到已經溶左大半依個我地點左咖啡雪糕同一個唔記得乜茶雪糕，個新口味都幾好食，可惜溶左大半。Haagen Dazs既雪糕真係幾好味，但都真係唔平，食個單球都要4-50蚊。所以基本我地都係有coupon先會黎食。好似今日咁用左2張coupon都重要加44蚊。平時超市買家庭裝真係抵好多。話時話，果日見好多人係店舖買家庭裝雪糕呢，我就唔覺得係店舖直接裝入家庭裝盒度，同超市買果D家庭裝有乜分別啦？係咪平D呢？如果唔係點解咁多人買呢？

突然間好想食雪糕，咁啱見到Häagen-Dazs，於是叫咗個愛情號，其實即係香蕉船，$79。呢個香蕉船有三球雪糕同埋一啲生果（香蕉同士多啤梨）加朱古力醬，三球雪糕分別要左一球朱古力，一球士多啤梨芝士蛋糕雪糕同埋一球焦糖雲呢拿朱古力，三隻味都好好食，推薦推薦！

見到又有八達通買一送一優惠，必定要同朋友開心share～～今次係Party Cap, 個cone 係囝囝最鍾意食，啱哂～～一杯2份分，我食雪糕佢食cone 自選味道最好架喇～～朋友揀左士多啤梨配藍苺；我自己就揀左綠茶配夏威夷果仁～～味道梗係very good, 有保證啦～～坐低慢慢食又可以抖抖，難得的小休呀

好耐無食過Haagen-Dazs 雪糕因為有買一送一優惠所以去試下個香菓派對生果唔係好多三粒棉花糖比較硬如果有得揀我會想要雪糕筒多D如果生果可以多少少，可以轉雪糕筒同埋棉花糖無咁硬係好啦 XDD

一直都覺得Häagen-Dazs嘅雪糕係幾好味嘅，所以尋晚晚飯之後經過，見到有個鮮果華夫筒嘅poster影得好吸引，所以order左試下。Oder呢個鮮果華夫筒其實有四樣嘢要揀，包括單球定雙球、醬、toppings、配料同埋生果。我Order咗單球配碎杏仁加朱古力醬，而生果我就揀咗桃，但係都係罐頭桃，並唔係佢個名所稱嘅「鮮果」。咁首先講吓個賣相，就冇poster嗰個咁吸引嘞，可能係因為單球嘅關係，而個雪糕筒好大個，加上桃同埋配料份量偏少，所以賣相一般。而味道方面，雪糕嘅口味我揀咗曲奇雲呢拿，依舊係咁好味。罐頭桃冇乜特別，正常味。而果仁同埋個雪糕筒都好脆。所以其實整體來講都係唔差，$52 ，性價比ok。

雪糕火銅年年冬天都有架喇不過次次食都覺得好正因本啲熱朱古力比雪糕冷凍左之後變成一陣朱古力殼 唔知大家覺唔覺朱古力凍左會冇咁甜所以雪糕夾埋一齊冇想像中甜再加上h記啲雪糕大部分甜度唔算高其實最加分都係可以食曬佢唔同味道嘅雪糕所以成件事就好食左 高汁左

星期日去左一田超市行街，一出超市就見到依間雪糕店，雖然係冬天，但係對於女仔黎講無時無刻都會想食返杯雪糕🍦因為我好鐘意食窩夫筒，所以就簡左華芙筒。首先要簡雪糕口味，依間雪糕味可以看叫店員比你試食再決定要咩口味，我就一黎比一個新口味吸引左-忌廉芝士麻糬雪糕跟住鮮果就簡左桃，醬料就簡左士多啤梨醬，配料就簡左碎杏仁。幾分鐘後店員就整好喇！店入面仲有坐位堂食，無乜人好好坐！桃本身以為係白桃..老公話我諗多左😂 碎杏仁配雪糕真係絕配，有咬口！好味道！雪糕好滑，入面仲有細細粒麻糬，又多左口感！如果再大杯d就好喇

忌廉芝士麻糬雪糕Cream cheese mochi Ice cream HaagenDazs 係人都食過穩打穩紮，水準唔會差得去邊日本成日出d令人羨慕到死嘅口味不過都係日本限定 🇯🇵得個恨字😢最近香港都出左麻糬口味不過同日本嘅始終有分別🤭Cream cheese 味真心幾好食雪糕夠滑又唔膩🍦麻糬好多，不過就唔夠煙韌麻糬控表示好可惜呢.

每年中秋節，屋企除咗會有傳統款式嘅月餅，亦都會為咗應酬啲小朋友，我哋會特登揀啲特別嘅口味，逗吓大家開心。今年我哋就喺Haagen Dazs買咗張雪糕月餅劵，諗住做節果日拎返嚟同大家分享。點知媽媽擺咗大烏龍，一直以為屋企附近間Haagen Dazs可以換拎，點知最後一日望吓張紙，先知原來要去到將軍澳先有得換，媽媽掛住要安排晚餐，搞到我中秋節果日放咗工，仲要匆匆忙忙走去東港城換盒月餅返嚟，咁啱周圍又塞車，前後花咗兩個鐘來回，幾驚啲月餅溶哂都未返到屋企呀😅 Haagen Dazs又孤寒到死，幾百蚊盒月餅先比一小時乾冰... 你估人人住喺地鐵站樓上咩😑換盒月餅都要搞到咁隔涉，出年我都係要考慮吓😑😑不過今年嘅雪糕月餅又幾好味嘅，唔會好似石頭咁硬之餘，我哋揀嘅「Twinkle Night」又幾特別，味道酸酸甜甜咁咁😋👍🏻👍🏻好味呀！