HABITŪ caffè (The ONE) (Closed)

呢間HABITŪ係我成日都會去嘅，原因係呢度比較靜，而且環境都幾闊落，係窗外見到九龍公園嘅美景，而且相比美麗華個間，呢間唔使比服務費！不過呢度嘅服務都係唔差嘅！我同職員講我唔食得乳酪，佢就幫我換咗啲茄汁焗豆。只係呢度自助式，要飲水就要自己黎啦！食物都算係唔差，我較為欣賞嘅就係佢哋嘅薑黃泡沫豆奶，係佢呢度特有嘅！對於牛奶敏感嘅人，可以試吓呢一種嘅飲品，而且都好暖胃㗎 ！另一樣我要讚嘅就係菠菜芝士雞肉墨西哥薄餅，相對於樓下D字頭嗰間食店既薄餅，Habitu既個賣相好好啦，唔會散開同埋碎晒，而且都有雞肉食下，如果下午茶叫呢個都飽㗎！至於全日早餐黎講，普普通通咁啦！

我未行到入店裏面，我已經聞到好濃烈的咖啡香味。我俾呢個咖啡嘅香味吸引咗入鋪，再加上陽光照射下的舖面閃閃發光。在寒冷的天氣下，加點溫暖。 更令我沒有意識下，買了一杯香濃嘅咖啡☕️。悠閒嘅下午，一位靚女, 配上一位美男子。就係一個「好」字。我點了一杯鎮店之寶嘅招牌咖啡 - Rose Latte, 再襯上少女心嘅我簡直係心心眼😍。陣陣玫瑰🌹香氣浸入我的鼻腔裏，滿腦子都是充滿了愛情的魔力，應該係玫瑰花瓣施下的魔法。 再加上咖啡上嘅心心圖案，覺得自己好幸福啊！ 將開口後，首先脷尖滲透玫瑰花嘅香味，再來係鮮奶既濃滑口感，最後留下咖啡回甘的味道。 簡直係完美嘅perfect match 。飲完後，夢醒了。 太陽已下山，係時候回家了。

TEA TIME黎到貪呢度唔多人個環境都舒服呀點左~ALL DAY BREAKFAST一黎到好豐富呀好大堆頭同埋擺得好靚靚個茄汁豆係有洋蔥0係入邊個人覺得味道一般包包暖既但個口感唔係我杯茶沙律菜好FRESH既個醋汁都好開胃腸腸係最好味BACON都OK唔會太干仲有大量菇菇正常既少少蒜味~本來點抹茶SOY想少甜講明少甜左連抹茶味都無咁濃STAFF好HELPFUL主動話不如轉牛奶因為SOY本身比較甜呀結果黎到好好味本人好鍾意有抺茶味得黎唔算太甜讚

剛剛想去飲咖啡然後上網搵到呢間餐廳係尖沙咀The One都有分店所以就上咗樓上過嚟飲杯咖啡☕️用埋優惠一入門口見到餐廳好大間，落地玻璃可以望到外邊整個景色晏晝過嚟飲杯咖啡食個cake真係一流可以唞吓Hea下又一day！休息一下，之後再去工作啦！我點了一個生酮沙律🥗在點了一杯熱的巴西莓玫瑰咖啡玫瑰咖啡很美哦，咖啡上面還有玫瑰花飯呢！而且還有銀行優惠買一送一！但如果要買返同一款就要加$10如果唔想加$10就可以要返普通款嘅咖啡！

🐽玫瑰千層蛋糕 賣相好靚，打卡一流，本身好擔心好大陣玫瑰味，但食落又唔會太濃，係淡淡既玫瑰香，千層皮都夠薄，mix埋一齊食都唔錯，今次淨係試左件蛋糕，下次會試埋其他野😳

不餓 但又想食輕食這間是不錯的選擇雖然人流也不少但都是快來快去兩人叫了一個沙律🥗一個三文治貝果原不抱期望但貝果🥯出奇地好味😋值得一讚焦糖咖啡☕️原以為會好甜有咖啡味加埋少少焦糖味 幾好見其他人食全日早餐🥣非常吸引下次會再嘗試

有誰看到粉紅色的飲品，就會心心眼？😍😍這間cafe的特飲每次都很有驚喜，隨著不同的季節，會推出一系列新的特飲，相機食先，打卡一流。📸後方有個心的是紅菜頭泡沫豆乳，不會太濃味，亦不會太甜，感覺是很健康😆😆這一本是熱飲，另外亦有凍飲提供。至於另一杯是季節性的玫瑰特飲，貌相很吸引，有幻彩的感覺，讓人覺得夏天就是需要它來解暑。🌹🌷味道也不錯呀！👍🏻亦不會太濃味，味道剛剛好！飲完覺得很消暑呢！

睇完戲想坐低飲杯野記得呢間餐廳都坐得舒服就過左黎呀佢有分INDOOR 同OUTDOOR 其實OUTDOOR都一樣舒服傾計就FREE DD點左伯爵茶咖啡少甜一黎到個賣相已經覺得好得望落都好濃咁飲左啖雖然伯爵茶味唔算好濃但淡淡既香味加埋咖啡香個人覺得好夾呀而且點左少甜甜度剛好下次可以再黎呀

今日同朋友去咗The One嘅habitu，餐廳闊落，有大玻璃望風景，叫咗一杯凍嘅iced latte同埋鴛鴦千層蛋糕，食物賣相唔錯，牛奶咖啡唔甜啱啱好，千層蛋糕亦都唔會好膩，得閒同朋友嚟坐吓都幾舒服。

We went here to spend the free coffee voucher in Apr 😂 HABITŪ always offers some member discounts or free drink.We have tried the free new blended coffee and one decaffeinated cafe in their signature Rosa. The new blended coffee was quite strong taste. Rosa coffee 😍😍The spaghetti and egg Benedict were as good as usual.

呢個商場出名樓層多、舖頭多，行晒成幢商場都幾攰，真係要坐低食個下午茶☕️🧁。餐廳勝在有九成座位係靠牆邊，陽光☀️充足，可以一邊Hea，一邊欣賞尖沙咀都市景，令人心曠神怡🥳。餐廳主打精品咖啡，我哋叫咗Cappuccino及薑汁咖啡，味道香醇濃郁，而且好厚身。佢嘅價錢比其他連鎖咖啡店高，但考慮埋味道同質素，都係值得🤩。玫瑰士多啤梨蛋糕🍰賣相吸引，令人看到心花怒放。蛋糕用咗酸忌廉，味道獨特又醒胃。火腿芝士牛角包🥐唔算好酥脆，但勝在夠熱，為整體味道加分。

今日喺The One食完飯，唸住行陣消化下，見到某層既角落有一間咖啡室，就入去坐低嘆反杯咖啡呢到地方相對幾大，環境舒服，人流吾算多，我坐底嗌左杯脆薄焦糖咖啡$52☕️咖啡上面有一層薄薄好脆嘅焦糖，散發好香既焦糖味，咖啡味道甘醇溫和，配合焦糖既甜吾係好苦，回味無窮飲住咖啡望住個靚景，感覺都幾寫意

平日未夠五點嚟到呢度想飲杯嘢食少少嘢食，入到去企喺大約門口附近嘅位置見到有幾檯空位但係啲杯碟都未執，咁我哋兩個人都唔知坐邊因為都要等佢執咗啲杯碟先可以坐，咁我哋就企喺度等服務員去話畀我聽應該坐邊度。見到啲服務員好似好忙冇人得閒執嘢，其中一個女侍應(冇戴眼鏡身材比較豐滿)曾經經過我哋前面三次，但係一眼都冇望我哋就更加冇問我哋有咩需要或者有咩可以幫到手，完全唔想做生意嘅感覺，黑口黑面。既然係咁我哋就即刻離開。之後去咗隔離美麗華商場下面嘅另一間HABITU，嗰邊嘅男侍應服務超好，非常有禮貌，食得非常開心，大家有得揀嘅唔好嚟呢一間。

趁平日人小小，去尖沙咀hea一下Habitu caffe 有兩間係尖沙咀-美麗華、The one 最後揀左The One 分店，貪有個靚景觀美食+美景=絕配😘Latte $44, 咖啡味香濃、滑溜；對於我唔太認識咖啡☕️，都覺得好飲Iced Cappuccino $48跟餐只需要另+$16，比較抵🥰Spaghetti Carbonara $118⋯⋯每條意粉都有汁，芝士香味真係攞埋位都聞到😗😗最開心係望住靚景嘆咖啡，忘記煩囂餐廳環境舒適，唔收加一。正！

因為限聚令嘅關係好多餐廳都推出唔同優惠，之前限聚令係禁止晚市堂食，餐廳真係做少好多生意。Habitu官網有take away優惠，Carbonara 同蕃茄闊條麵先係$68，比起平時堂食差唔多平咗一半。其實打電話去預訂嘅時候，員工有講蕃茄本身嘅闊條麵賣晒要轉幼身小小嘅闊條麵。食落呢個蕃茄闊條麵真係冇堂食咁好食，首先個醬汁有啲水，同意粉轉左嘅關係都冇原先嘅咁好食。Carbonara就表現一樣，除咗溫度之外基本上味道係冇乜分別，呢個價錢好值得一試。