雞功房 (禧利街)

Open Now

Now Closed

本月二十四日首次光顧堂食覺得份量驚人，是以以外賣形式光顧第二次；更加為之一振。外賣的雞片數量只有四塊，遠不止堂食份量。第三次都是以外賣形式光顧，並岀於好奇與反映心態在電話下單時跟當時接電話的’ 廚房大佬’ 了解。他急著說標準是四塊，堂食那次絕對是多給了，更說若太多吃不了，可以跟侍應表達，問我是否想減少雞肉的份量。我表明是因其份量才光顧第二次，言語間卻沒有感覺到他對該誤導有任何歉意、改善，態度也令我感到不太舒服。其後，我到店舖拿取外賣，接待我的侍應於首次光顧時接觸過；覺得她對待客人禮貌，於是再向她了解。而後，坐在Cashier旁的 ’廚房大佬’ 緊接著重覆剛才電話裏的回覆，更用非常差的態度叫我不要再說，不然其他廚房同事會岀來表達不滿。奇怪的是作為客人，不被顧及，也沒有被安撫情緒之餘，反要照顧其公司職員的感受。我質疑若標準可以彈性，其它會影響客人的觀感的準則也隨之變得馬虎，例如食物質素和衛生等。對於新置不久的餐廳來說，此解決問題的方法和態度，顯然不是有心經營。本月二十四日首次光顧堂食覺得份量驚人，是以以外賣形式光顧第二次；更加為之一振。外賣的雞片數量只有四塊，遠不止堂食份量。第三次都是以外

我哋入去嗌咗個豉油雞撈麵同埋雞片湯麵，豉油雞唔夠入味同埋嗰個雞片湯麵，嗰個雞片嘅質地就好鞋，其實食物就真係一般。服務態度方面，店內有一男一女嘅侍應，首先嗰個男侍應講嘢超大聲，大聲到會嚇親啲食客，我覺得佢可以減低個聲量。第二重點就係嗰個女侍應，首先我哋嗰張枱冇餐具，我哋問佢請問有冇餐具，佢竟然答我隔離檯有，叫我地自己拎，我心諗我問得出你就畀啦。之後發生一段小插曲，隔離檯嘅男食客叫左個豉油雞飯，但等左好耐都未來，就好聲好氣問嗰個女侍應個飯幾時來，但係嗰個女侍應不但止冇追單，然之後仲要大大聲好晦氣同嗰個男士客講要啲時間㗎等多陣啦，態度非常悔氣及無禮，好似畀人嘅感覺佢係客人而唔係服務人嘅侍應。由一開始入到呢間餐廳嘅感覺係俾人一種無形嘅壓力，因為男侍應同埋女侍應嗰個態度真係算係有啲無禮，而且畀人一種壓迫感。其實一餐飯食物質素固然重要，但都在乎係食客與侍應之間嘅交流。如果嗰個侍應咁嘅服務態度呢，我相信會係有啲趕客，我相信其他客人都會感受到嘅。價錢方便豉油雞撈麵大約八十幾蚊一個，雞片湯湯麵大約七十幾蚊。咁嘅價錢嘅食物我覺得唔值，另外加埋服務質素，我覺得係收得偏貴。總結，服務態度超差，食物質素一般。

見到呢間啲雞咁出名，本身好鐘意食海南雞嘅我，梗係要試下，大約12點半黎到出面都勁多人等位，扲完飛之後由於一個人所以等左15分鐘就入得了。不過呢到啲服務太態認真麻麻🙃想扲飛果時，門口個叔叔又唔理我，直到有其他人扲飛我再出聲，佢先俾飛我😑之後上左2樓，落單時個哥哥啲態度都麻麻哋問多兩句都唔係好高興lol之後上菜先癲，佢係掉上張枱到🙃招牌頭抽醬油雞 $82個雞睇落都幾靚仔，望落去都幾多，食落口啲肉都算係唔錯，但係食左一半左右，就發現唔係好對路😂另外果半基本上都係骨😑其實我覺得係幾好味嘅，但係唔知點解咁多骨俾我🥲另外我反而覺得佢嗰個湯幾好飲，黃酒味都幾重！推薦？⚪️⚪️⚪️⚪️⚪️完全不推😕

如果有人說這裡的黃酒雞湯麵好吃，恐怕不是打手，就是從未吃過好吃的藥膳雞/黃酒煮雞吧。好的黃酒雞湯麵，精華在於濃郁帶酒香、藥材香的滋潤雞湯，以及用嫩滑的鮮雞件。這次試的，就明顯不合格。所謂雞湯，十分淡口，很難吃到雞香/ 藥材香/ 酒香，不知是因為中上環午市太多人導致要加水稀釋，還是廚師根本沒有試味。雞，竟然係用蒸棉花雞的滑雞片！明明這間店有做海南雞切雞豉油雞，但這雞湯麵卻偏偏烚幾片滑雞就算，十分好笑。效果當然是完全不入味，嚡口，不配搭，難吃。更好笑的是近乎亂來的配料。What would you reasonably expect from a 黃酒雞湯麵？蟲草花和木耳，OK，fine。但這裡的「創意」令人啼笑皆非。店家竟然走去加隻煎荷包蛋，簡直是九唔搭八。加響鈴，加桃膠… 我真係唔識評論，留返俾KOL打手慢慢解釋。總之，我食咗半碗就頂唔順了。翻食？應該冇乜可能。

準備出去上環前，都諗緊乜嘢，真係諗咗成個朝早都諗唔到🤔就決定買完野之後是但行吓睇吓有邊間餐廳啱食👏🏻有時咁樣會都有小驚喜😂經過呢間餐廳，見到招牌主打客家黃酒雞湯，即管入去試吓😂但入到去又唔知點解冇叫到黃酒雞湯🤭試咗個麻辣雞撈麵，個餐配埋魚皮餃雞湯同埋嘢飲😁 麻辣醬超香超夠味，食完個口有啲麻痹嘅感覺，超正👍🏻雖然佢夠麻，不過佢又唔算話真係好辣好辣，食完要係咁飲水😁反而越食越想食😋套餐嘅魚皮餃雞湯，雞湯入邊仲有蟲草花，飲落去好清甜，真係好想飲多一碗😂今次食呢個餐係下午茶餐嚟，先$60，真係好抵食👍🏻另外叫咗個，胡椒豬肚煮雞肉湯米，呢個湯底就冇乜胡椒味啦，不過佢嘅雞肉係用咗雞柳，雞柳煮得嫩滑，入口口感唔錯，而佢嘅米粉唔係平時茶餐廳食開嗰隻，呢種係有少少透明，掛湯比較入味嘅米粉。湯入邊除咗有豬肚，雞肉，仲有白蘿蔔同埋金菇😂搞到好似打邊爐咁🤣佢嘅湯底雖然冇乜胡椒味，但絕對唔係唔好食嘅，不過就叫可惜啲囉，本身係諗住食個濃郁嘅胡椒豬肚湯底。我諗下次黎開上環我都會再次嚟食，不過就會試吓佢其他有關雞湯嘅產品😋😆-下午茶 （配熱飲一杯）-麻辣雞絲撈麵配魚皮餃雞湯$60-胡椒豬肚雞肉米粉 $60

之前見呢間中午時段大排長龍，一直都想過黎試下。咁岩尋日同先生行開上環，就決定入去試下。我地叫左個海南雞麵同胡椒麵，大家食完之後都覺得好失望。海南雞好凍，一d都唔熱，肉質有d鞋身。個胡椒湯就唔係好夠味…侍應服務態度ok既，但野食唔好食，試過就算了。

【上環雞功房 補身必飲客家黃酒雞湯】.呢間父子檔餐廳主打雞料理，當中最出名既就係佢個客家黃酒雞湯，非常滋補！今次我就去咗佢上環分店到試下好唔好味😛.//環境🌕🌕🌕🌕🌑星期六去到都幾多人，要搭檯，座位比較逼，不過裝修都OK，樓底高，喺店門口可以仲見到廚師整雞🐔.//食物🌕🌕🌕🌑🌑1️⃣海南雞飯 （$75）本身以為個海南雞會係無骨既，上菜見到有骨既時候個心沉咗一沉，因為我係好懶得lur骨既人😂個雞無乜味，仲要幾鞋下，有少少失望🙍不過個飯好香，仲有超大碗，加分！.之後就係個招牌黃酒雞湯，個味好香濃，有淡淡酒香，飲完成身暖笠笠，抵佢做到招牌🥰2️⃣頭抽醬油雞飯（$82）呢個餐一樣會跟湯同飯，不過個飯就會係白飯🙆🏻‍♀️個醬油雞好入味，雞皮好彈牙，不個口感都係會鞋😞//總結佢個湯真係好好飲，但主食就一般般，淨係為個湯再去幫襯又好似有啲無謂，應該唔會再去了🤣（題外話，個店員幾靚仔）

呢個海南雞飯真係食完之後返尋味，久唔久都會過嚟食，每次食之前都要打電話問有冇雞😂😂一定要叫佢雞先有得食😁😁另外佢個藥膳湯底，都好正飲完成個人都暖粒粒😊😊推介

[#sheungwan] [#hforchinesefood] super popular chicken specialised restaurant! Had 2 visits there and tried their rice and noodles. Staff's attitude was still pleasing although they were really busy.Portions of the chicken were bigggggg (coz I ordered without wings xd 🤫), very tender even for the breasts. Hainan sauce was actually so so, and the rice was Japanese pearl rice which I'd prefer Chinese rice more to match the whole vibe. Also rice has not enough chicken oil. BUT still good because of

新餐廳location tag都未有👋好耐冇食過咁好食嘅雞😍由圍板一路等終於等到開 食兩次lunch都超好食！新開已經好多客 好彩裝修舒適 仲有兩層😆🍗頭抽醬油雞 配蔥油撈麵及客家黃酒雞湯💰HKD87（Rating：8/10）未食望到已經流口水 靚到好似超高級中菜廳咁🤣雞每塊大大嚿 啖啖肉仲要超滑 雞皮頭抽味最濃 就好似食好味嘅瑞士雞翼汁😋揀咗配蔥油撈麵 成 件事真係好邪惡 油膩但又好想食 不過麵嚟講 覺得上次叫海南雞麵個麵（湯上海麵/新竹米粉）好食啲 比較入味 呢款可能配飯會更好！仲有碗雞湯 超濃超好飲 有蟲草花同酒香 鍾意藥膳口味嘅記住要試😙🍗頭抽醬油雞 配飯及客家黃酒雞湯💰HKD82小夥伴的 偷嚟影相😌又係好靚同埋碗飯好似進步咗 望落多咗油香 呢堆圖幾乎冇執過 起碼saturation冇郁過 調低少少warmth only 所以真·未食先大飽眼福😎

今日e間黃酒雞令我重出江湖寫食評 可能我冇expectation之下去食 所以覺得雞功房remarkable 天氣凍凍地就order左黃酒煮雞肉湯麵，見到有好多配料而且配搭好有營養，包括我好鐘意食既竹笙，仲有雞肉，雞蛋，響鈴，桃膠等等，個麵仲可以轉好吸湯既新竹米粉😍黎到飲左啖湯，帶小小藥材味同淡淡酒味，雞柳嫩滑同埋有比黃酒煮過（而且好大方，有好多舊），響鈴未浸湯果part仲脆，荷包蛋都有酒味😂😂仲有菜心同蟲草花令成件事更健康，食完係度諗上環番工既人好幸福，有健康又有營養餐廳簡，最後我差唔多成碗湯都飲哂，飲完好暖身（好濃味味又冇油👍），雞功房亦令這個frozen左咁耐既foodie ac 出番個post😆我係食上環分店嫁，唔知點解location冇上環簡，tag住佢天后分店先P.s. Lunch time一個人食都唔使如人搭枱，非常好的做法👍

叫左海南雞飯，啲雞又鞋又無味，仲要成75蚊！大家樂仲好食過佢！埋單嗰陣問佢有冇得八達通俾錢，個女收銀話有，叫我嘟。發現佢收咗$77，我就話: 收多咗兩蚊喎！跟住佢竟然話其實仲未收到錢，因為部機未出到單，叫我拍多次！跟住我唔肯，問佢有冇搞錯，收多咗錢仲要我俾多次？ 然後有個後生仔走過來，逼我拍多次卡，堅持話部機未出到單等於未收到錢！結果我比隻Apple Watch佢睇, 佢見到扣咗$77無話可說，死死地氣俾返兩蚊我！臨走仲要怪我拍八達通拍得咁快，俾咗上一張單嘅錢！我心諗明明頭先係你叫我擺喺呢個位度拍卡，依家竟然怪返我轉頭！好野！ 無下次！永久blacklist!

雞功房我在舊舖去過多次，這次剛巧看到它搬遷了，就來新舖一試。新舖裝修非常好，乾淨明亮，也坐得很舒服；而菜式也比之前不同，款式多了很多。不過胃得一個，唯有試試部份，下次再來又試其它。所以，黃酒雞必然是我的心水之選，另外也叫了頭抽雞蝦頭油撈麵（聽到也覺得好味），跟餐可以 HKD10.00 加一杯飲品，我叫了無糖桂花茶。頭抽雞來了，雞非常嫩滑及好吃：看得出老闆是一個很醉心飲食的人，連跟的菜也是很嫩。雞有頭抽的香味，麵撈了蝦頭油也很香口，麵質彈牙。另一碗是黃酒雞：這碗你肯定會吃得很滿足，碗大不在話下，料甚多，有木耳，黑桃膠，雞肉，蛋，蟲草花，菜心，木耳，還有那碗黃酒雞湯。湯甚濃，它很香但又不咸，在寒冷冬天一口湯下肚，非常受用。沙薑雞腳也很好味，價錢也平，HKD25.00 有五大隻：頭抽雞麵還送上一碗黃酒雞湯：不只如此，枱面還有蘿蔔任吃；雖然是免費，但好味程度一百分，真的要吃多一點；撈上麵條一起吃，有畫龍點睛作用。桂花茶是自家製，完全喝出水準，無糖非常健康，而桂花非常香，一啖麵一啖蘿蔔一口茶，非常滿意。整餐飯下來，我是笑著離開的，因為我沒有想過這個價錢可以吃到人間美味，完全超值；再加上新舖更為闊

最近發現雞功房返嚟上環，即刻去 試下。 識食當然要識去過海南雞飯，今次闊佬一次食雞髀， 新店大的人手足夠，唔駛五分鐘就已經喺我枱面。油飯雞髀仍然美味，即係會嫌個雞髀太大嚿，可以砌得再細少少。自己最鍾意個黃酒雞湯， 凍嘅環境下好保暖，有輕微藥材味感覺好健康，十分推薦一試。新店感覺唔錯，雖然仍有少少逼澀感覺， 但好似有2樓唔知會唔會闊啲。 可能初初開店食完十二點頭已經有人等位.鍾意飲湯嘅或鍾意食雞的朋友，推介你一定要試！