函館元祖北海道拉麵

Open Now

Now Closed

《函館》做運動之前先填飽個肚先 😋😋雖然係星期日，中午時間都幾多人嚟呢度食☺️好多人都知呢間係日本人開既餐廳， 味道都似係日本食咁， 我最鍾意食呢度既炒雜茶套餐， 好多料， 又唔咸， 連個麵豉湯出面好多都會好咸， 反而呢度清清地， 好味😋😋去函館無理由唔食濃郁的豚骨拉麵既， 湯唔會太咸，麵既軟硬適中👍🏻😋今次加左煎餃子、 忌廉可樂炸薯餅😋食得到廚師比心機煮😊😊Waiter 有禮👍🏻下次再見啦☺️

今日同女友下午去行柏架山，去前去側魚涌搵野食先。側魚涌站出就搵左野食先，行經海光街，見到呢間，想食下拉麵，就入左去。睇到餐牌，呢度啲拉麵基本上一樣，係湯底有分別，我地就點左個牛乳芝士拉麵同沾麵，再加錢$25要多碟餃子（3隻）沾麵係用粗麵，有咬勁，不過湯底好似咸過頭，食完冇點飲啲湯，味道幾好。牛乳芝士拉麵係用普通拉麵，可以加錢轉做粗麵，不過我地冇轉。湯底好濃，芝士份量好多，夾上黎好似舊咬完既香口膠咁。不過我覺得有啲「漏」。湯底飲左小小，平時我食麵係會飲埋湯底（比女友話過唔小次），呢次就飲唔哂，主要原因係味道唔多岩我，普普通通啦。配菜碟餃子幾好食，不過覺得cp值唔高，25蚊先得3隻，除返要$8.3一隻，個人覺得貴左啲囉。

函館元祖北海道拉麵地址: 鰂魚涌海光街11號漢威大廈地下1B號舖隨意搵午餐，難得呢間唔洗等位就立即行份去試下豬骨拉麵 （黑）🍜 $90，湯底十分濃厚，滿滿濃厚的豬骨湯味道， 鹹香味重但並不死鹹，拉麵掛湯能力非常，麵質較煙韌有咬口，叉燒🐷都算大塊而且脂肪層厚，不過叉燒份量較為少，唔係好夠食。#nicefoodie鰂魚涌

第一次比難食既食評，真係又貴又難食。去到鰂魚涌偶然入左呢間餐廳，見門面裝修得好日式。一睇餐牌有好多特式拉麵選擇，我揀左芝士拉麵，以為味道好似韓國芝士杯麵咁。碗麵黎到賣相已經差，只係芝士粒粒浮係面，一睇都知唔會有咩芝士味。一食果然不岀所料，無芝士味既芝士拉麵，等芝士融哂味道仲係好奇怪，同個湯底完全唔夾，叉燒都一般般，配菜多過叉燒好多，食左一半已經唔想再食。我朋友叫左檸檬拉麵，照樣係有檸檬舖係面，佢既意見係怪味，同樣難食。我下次不會再光顧。

琴晚想去海光街果邊食周月，但因為時間太晏佢地已經收左鋪，唯有幫襯同一條街嘅另一間拉麵店。冇做足research 嘅後果就係...好易中伏😂呢間函館元祖北海道拉麵係由日本人開嘅，本來以為應該會幾正宗幾好味🤔餐廳有數款拉麵湯底比客人選擇，除左拉麵外，仲有唔少小食同飯可以選擇，感覺五花八門，同一般只focus係拉麵嘅小店好唔同。✨極上豉油檸檬拉麵（$95）檸檬拉麵我之前係日本有食過，難得係香港見到，就叫黎試下🤣拉麵上面鋪滿左蔥絲同幾片檸檬，望落去都算吸引。麵條方面用左捲曲麵，食落相對冇咁有咬口，但問題都不大。比較令我失望嘅係個湯底，飲落相對偏咸，非常重味精，雖然檸檬嘅酸味已經令成個味道清新左，但食完都仲係覺得好口渴😂整體黎講呢間拉麵館嘅味道相當一般，朋友叫嘅蝦味拉麵比我果碗仲咸😂呢個價錢同周月差唔多貴，但味道就差好遠😢唔推薦⛔

本身嚟鰂魚涌唔係食呢間，係呢度book 咗兩間，一間早上訂，下午收到sms話系統問題，係無位的。跟住訂另一間，當我在途中就收到電話，又係個句，激死我倆！所以決定到咗鰂魚涌先搵食，見到呢間，其實之前都成日有路經但都無試過，見仲有位就入去一試！點知⋯⋯食物都幾一般，女友個帶子飯直頭要打❌！ 我碗鹽味檸檬拉麵都正常，開頭夠熱，個啖湯都幾好味，不過⋯⋯食食吓都係一般，個湯太咸，兩塊叉燒都遍細🧐女友碗滑蛋牛油帶子飯⋯⋯一望，都幾失望，白雪雪唔吸引之餘，仲要係超細粒連埋晒裙邊個種帶子。 食落呢，淡到呢⋯⋯連我咁食得淡都覺得淡，所以女友都食得幾辛苦🤭 幸好，啲帶子都幾鮮味，除此之外都⋯⋯👎🏼👎🏼除咗服務幾好外，其他嘅，我倆都麻麻。。。應該唔會再來了。

收工返屋企諗住食好啲，就買左一份照燒銀雪魚，唔係套餐嚟，比完錢take away 有折，$85，係門口等左10分鐘左右，拎上手輕到得個盒，一睇，嘩，我入返間鋪問啊姐，咁細份既我係買一份，唔係買套餐，啊姐話係唔係套餐都係咁細份，我聽到之後覺得同佢講落去都冇咩意思，都希望份銀雪魚唔好令我失望返到屋企準備開餐，我慢慢咀嚼呢一份咁珍貴嘅照燒銀雪魚，估唔到咁細份既銀雪魚帶比我咁多驚喜又有魚磷，份魚又唔熱，連暖都稱不上，仲要有啲魚腥味！

N年前，在銅鑼灣sogo 附近與大學同學，經過一條長長既樓梯，落到地底到食呢間拉麵。學生時代無咩錢，亦未去過日本，還記得渴下第一口白豚拉麵湯既震撼。早幾年經過再入去食，見樓面唔同晒，以為日本老板請人幫手 自己退居幕後休息。誰知一吃，知道已不是那回事。有天，因為工作到訪側魚涌，見到舖面熟悉既裝修，再望入去，見到自製函館夜景既 poster, 加埋足球隊既相，我竟然重遇了！！二話不說點了當年的豚肉拉麵蔥係精髓，鮮香爽脆肉咪濃郁拉麵熟度剛好湯底唔算鹹，非常濃郁，加埋海帶清香，飲左半碗炸豬排自製醃菜，很有日本小店特色豬排質感很有趣，薄身濕潤是當年既味道，竟然重遇番，仍然係日本老板親自招呼，太好喇！

好耐冇食過拉麵，來呢間度試吓。我自己揀咗檸檬拉麵，感覺很清新, 叉燒薄薄地，如果有多塊就更加好，味道都唔錯！實在要支持小店，服務很好，阿姐比凍茶我哋，啱晒襯拉麵吃。阿嫂叫左豬骨濃湯～

今時今日，喺平日中午做上班族的午餐生意，超過$100以上的餐廳都一定要有過人之處，呢間位於太古坊的拉麵店，它標榜是北海道特色，中午時分都一定要等位，一坐下就有一杯免費的凍茶看看餐牌，佢有五大主題，分別有地獄湯拉麵，蝦湯拉麵，芝士拉麵，薑湯拉麵，及檸檬拉麵，睇到呢度都覺得是一間很有趣的拉麵店，內心掙扎要不要嘗試比較少有的薑湯或檸檬拉麵，最後理性贏了好奇，選了比較正常的蝦湯拉麵。價值$110(連加一)的濃厚豬骨蝦湯拉麵湯底十分濃厚，滿滿鮮甜的蝦湯味反而蓋過豬骨湯的味道，可以想像有多濃厚，麵質是比較煙韌，比較鞋身接近日本正式的拉麵，整碗拉麵都是好好食，應該係因為有一個出色的湯底，少有的吃完拉麵後，你會想喝埋整碗湯（跟日本人一樣）

Had been wanting to try out this restaurant with my colleagues for quite a while, since this is near where we work. We did not have to wait for a long time despite the large amount of people looking for a place to eat during lunch hour at quarry bay. The food was quite good. A bit pricey though. Service was extremely good. We ordered a tuna rice set. It was great and had just the right amount to fill our stomach.

下午1時正在太古坊附近，眼看大多餐廳也滿座，剛好經過這麵店可以立即入座，便內進了看了看menu選擇好像很多，下單時職員卻告知只需選湯底便可，因為麵跟主菜等都是一樣的。噢，那就試試吧。點了2碗豬骨湯底，味道平平，麵不是彈牙，但也不算淋的，不知怎形容，其他配錯也不過不失，主打的叉燒大大的一塊，沒特別，2碗都只吃了一半。另外1碗點了地獄湯底，味道是不錯的，小辣亦不嗆喉。麵質跟配料也跟另外2碗差不多吧。但總算吃完。加購了餃子，味道很好，肉饀多，煎香了非常吸引，很快沽清加購的小丸子味道尚可，粉團多了點，但亦不俗的。結賬39x元來說，就不太值了。

兩人隨意搵午餐。2pm已經無晒office客，唔使等位可以慢慢食。menu有好多不同類型嘅拉麵，亦都有飯類套餐， 選擇困難症揀咗好耐。最後揀basic款北海道牛奶拉麵（$88），午餐惠顧可加小食，我就加咗唐揚炸雞（$25）。朋友嗌咗吉列豬飯套餐。飯好快上咗，拉麵稍為等少少不過都算快。拉麵上面配料唔算多，有一片半肥瘦日式叉燒，有d菠菜粟米蘆筍小番茄。呢種拉麵蔬菜配料較小見。試吓啖湯，好飲喎，咸度啱啱好，有d忌廉湯feel。d粟米粒配湯好好食。我差d飲晒d湯哈哈。唐揚炸雞唔會乾淨淨。配燒汁醬好食。朋友的吉列豬飯有配湯同少少殗菜同海帶。個人覺得函館都係拉麵湯底拿手，飯類好像有點欠缺特色。拉麵食後無口渴。

函館元祖北海道拉麵好多日本客人去光顧，連員工都係日本人，非常正宗地道既拉麵館－－－－－－1. 味增地獄湯拉麵 7.5/10呢到既拉麵主要分左3款味道，分別是味噌、醬油、鹽味，而我今次就揀左味增地獄湯，味道非常濃郁，用左豬骨、鰹魚去熬製，好鮮味🤤麵店既拉麵主張粗同彎曲，食到最後一啖麵條都係有彈性2. 煎餃子 7.5/10餃子煎到焦脆，熱辣辣好脆口，唔算油膩，餡料都幾多，啖啖滿足🤣3. 西瓜梳打 7.5/10個樽好可愛呀🤣好少見出面有得買，就叫黎試下，味道正常，唔會好重糖水味

lunch 時段間間鋪門口都好多人排隊，見佢唔洗點排隊就諗住試下。等左五分鐘左右就有位，入到去即刻叫左炸生蠔定食，同埋豬骨拉面，等左十分鐘左加就上菜。好快。但係好難食，烤生蠔好腥，豬骨拉面得一塊好薄嘅肉，算，最緊要好食。但d 湯好油，真係超油，除左難食，唔識講～～～～～～～～～～～～～～～～～～～～～～～～～～～～～～