ねずみの王冠 喫茶店

Open Now

Now Closed

位於工業大廈區 位置算易找到係apm後面附近缺點係無lift可以直達 需要上一層樓梯坐位唔算多 但環境都舒適 唔會好焗雖然有收服務費 但服務員唔算太主動招待有少許失望坐低叫左個自家制蠻南炸雞飯 炸雞味道夠 配上蛋黃醬加啲酸瓜雞肉肉質炸得唔鞋而且夠脆份量適中 幾似去左日本境內食飲品方面都多類選擇點了薄荷朱古力泡沫咖啡有意想不到的驚喜 咖啡豆味都濃 配薄荷沒有被嗆走咖啡味 唔太甜 幾好飲 整體食物味道唔錯 餐廳佈置都滿有和風感覺價錢尚可 不過不失

觀塘真係有好多好嘢食，今次同朋友去咗呢間樓上Cafe。而家經過OpenRice訂座，仲有全單八折優惠。嗌咗厚身蒲燒鰻魚飯，鰻魚真係幾厚身，飯底係用蒲燒汁製作。整體來講都OK，浦燒汁味道唔錯，份量亦適中。Btw，間舖頭嘅裝潢係好日式同埋精緻。可能因為平日去，唔算好多人，就算過咗預訂用餐時間，店家都冇話要我哋走，仲係咁幫我哋倒水，服務唔錯！如果下次有機會再去嘅話，我會好想試吓佢嘅蟹腳煲！！（溫馨提示，舖頭喺搭lift上14樓，再轉樓梯行上15樓。）

可能設喺工業區關係，lunch time 去到4點，而且環境舒適同寧靜，可以舒舒服服傾偈，非常唔錯，我點咗個午餐嘅日式咖喱吉列豬扒飯，朋友點下午茶餐嘅日式雞卷，上菜都幾快，但唯獨唔好係個飯、豬扒、咖喱汁唔夠熱，所以要扣分，但味道係非常可以，同埋略嫌朋友個茶餐分量小，如果可以多一件，咁樣會心理平衡啲同對得住個價錢，其他都冇咩意見，服務態度好嘅，可以再嚟！

如果要找間Cafe悠閒地喝著咖啡和吃點輕量晚餐地渡過一個晚上，【Hamsta Crown CAFE】絕對是我慢活的首選。原因無他，就是尤其喜愛這邊比較日式的環境，像這天預留了一個晚上好好慢活，放慢生活節奏，我還是提出了想要到觀塘工廈的想法，特意地跟著Google Map去了數間瞧瞧，但還是覺得不太合心意。結果還是選了之前到過的【Hamsta Crown CAFE】。巧明街106 號15 樓，搭LIFT去到14樓再行落一層樓梯先搵到喔。門口見到綠色毛毛牆便是了。一入門口右手面有有個小攤檔入面有著少量日式貨品、精品售賣，行完再入座都可以呢。【Hamsta Crown CAFE】店內就有種溫馨的和式感覺，以簡潔的裝潢為主，主要的白色、綠色的牆身配上原木色的餐椅和餐桌更令整間Cafe的格調提升了一個層次還有些可愛的小擺設。有別於一般只接受現金付款的小店Cafe，讓我很喜歡的一點是這裡還有榻榻米喔。餐牌都印刷得特別精美，選擇亦不少。👉🏻左口魚芥末忌廉沙律 $72平時已經好鍾意食左口魚裙邊壽司，見到呢個真係好Surprise，因為估唔到Cafe都有左口魚食呢，真心好開心呀！所以係必點ITEM之一。

同朋友去食中午，食飯環境都好舒適，有啲少失望既只有lunch set可以點，想食小食都冇得叫一開始食飯時，唔小心倒瀉左野飲，店員超級好，即刻沖一杯新既過嚟，因為我仲整濕哂個口罩，店員好好咁問我仲有冇後備口罩，真係好貼心然後叫左個明太子海鮮意粉，真係好好味，份量好足，擺盤都好靚，一上都黎見到啲明太子粉粉地咁，成個少女心都出哂黎個set又有意粉，又有紫菜味僧湯，同一個小小既芝麻豆腐，每樣都好好味，海鮮都好足料，就算青口都一啲唔難咬，海鮮都有兩三個種類，而且個意粉就算慢慢食，食到最尾一啲都唔乾，味道都岩岩好，真係高水準👍🏻👍🏻👍🏻但我叫左個白桃梳打水，就有少少藥水味，不過可以接受

今日咁岩去觀塘附近交收 之前有朋友介紹過呢度有間cafe 幾好味 上openrice 睇過都幾多like 最後就決定去試一試🐥 ..有地鐵站行過去幾分鐘就到 去到先發原來係樓上鋪 門口嘅裝修好有”歡迎你返屋企”嘅感覺 入邊係好日式嘅裝修 味淋魚乾 $38呢個係日式餐廳必嗌喇 算係前菜 越chew越正 應該要杯啤酒😂明太子炒飯睇張圖好正好吸引 openrice 啲人嘅相望落都好流口水 其實本身冇expect到普通Cafe有咁高嘅質素 呢間算係我食過cafe 內so far最好嘅 😽😽淡淡都有蟹肉🥰上邊仲散左啲蟹子 就算食到好飽 最後都想食埋佢🤣🤣 用佢嘅碗食 好似都分到五碗左右🤤🤤.#炸雞呢個不得不說！UNBELIEVABLE!! 大家一定要試！唔係誇張，炸雞嘅粉 用得好少 個皮好薄 咬落去舊肉好嫩 好Juicy >請睇相！ 本來我係唔食沙律醬 但係呢個醬配呢個雞竟然係完美！ 👏🏻👏🏻如果份量再多啲既就更好啦 因為實在太好味❤️❤️❤️..長崎潮鯛3.7牛乳鍋呢個不同於平時嘅打邊爐 平時食開麻辣鍋 今次試吓日式特別啲嘅牛乳鍋 睇相已經知道啲

今日想試日本菜，又上開飯睇睇，適逢喺觀塘，就試下呢間工廈小店，開飯訂位有八折真係原條鰻魚飯量少，鰻魚軟硬適中，入味香脆可口有𡁻口味道一般，與外面所食的差不多串燒一流和牛串入口即溶牛脷串肥厚太燶肉質較硬，味道稍遜

呢間餐廳一入到去個感覺係好warm好relax☺️ 走日系風味的餐廳～ 不過呢間餐廳係工業入面 唔係男朋友帶我黎 我都唔知 佢係十五樓 但搭𨋢只可以上到14樓 所以要行一層樓梯先到！✨ 雖然位置真係好偏僻 但都好多人黎食 果然都幾出名☺️Milk Chocolate Hazeinut $36有濃濃的棒子味 聞落又好大陣朱古力香味😋 飲落亦好香滑👍🏻明太子蟹肉炒飯 $118份量都唔細 可以兩個人share黎食 一上枱已經好香明太子味😍 食落唔會太咸 同埋有蟹肉伴住令口感更加豐富😋七味墨魚咀 $68炸得岩岩好 皮亦唔厚 配埋沙律醬更加滋味🥰神戶野菜牛肉鍋 $118 + 雜炊 $25牛肉份量亦算正常 裏面除左肥牛仲有金菇，野菜 口感幾豐富 食完再將雜炊（飯）放入鍋內煮 等佢索曬啲精華更加好食😁牛脷串 $35厚度適中 不過有小小韌 但鹽燒味道不錯😬

🐾 ねずみの王冠 喫茶店 (觀塘) 🐾-原條浦燒鰻魚炒飯✔️$148明太子蟹肉炒飯✔️$118白桃梳打✔️$38-原條浦燒鰻魚炒飯:鰻魚燒得啱啱好，條邊同個尾有小小微脆，好食👍🏻炒飯應該係燒汁底黎，不過係飯有啲細-明太子蟹肉炒飯:炒飯係濕底嘅，蟹肉都有好多，味道唔算好濃，但食得岀有明太子味🙈-白桃梳打:唔會太甜👍🏻好香桃味——————————————(非專業,完全跟據個人口味☺)食物:8/10環境:8/10服務:8/10人均消費:$150———————————————▪店舖名稱: ねずみの王冠 喫茶店 (觀塘)▪店舖地址:🔸 觀塘巧明街106號冠力工業大廈15樓1501室(星期一至五11:30-22:30,星期六日12:00-22:30)-----------------------

店內走和式可愛風，簡約舒適，適合朋友聚會，還有老鼠公仔陪你食飯！自家製 宮崎唐揚南蛮雞定食唐揚南蛮雞炸得香口，保持雞肉肉汁，酸甜的唐揚汁加上他他醬實在惹味開胃，也讓人食得上癮。加上沙律菜減少罪惡感！不錯不錯。日式和風朝定食非常豐富的日式all day breakfast, 以飯團代替薯短，感覺健康了不少。 炸可樂餅香脆好味。玉子燒不夠滑。炒雜菌香氣撲鼻！鯖魚也是煮得剛剛好。煙三文魚 班尼迪蛋 配南瓜薯蓉豐富奶香的荷蘭醬，流心蛋黃汁混合麵包、煙三文魚和雞蛋，每一口都品嘗到淡淡的檸檬香氣，即使每日食也不會厭。另外，南瓜薯蓉超甜，有少少膩的感覺。

果日等埋朋友放工，去觀塘食飯，來個女生小聚會💕呢間日式料理餐廳既環境好靚、好舒適，特別適合聚會傾下計☺️店員服務態度良好～.唐揚蔬菜片蟹籽薯仔沙律 $76薯仔好好食！加咗蔬菜片有益又脆卜卜，呢個沙律唔錯👍🏻.原條蒲燒鰻魚炒飯 $148好吸引🤤鰻魚幾肥美！炒飯炒得好食👍🏻碟飯份量大，食得飽肚～.極上牛山三文魚籽冷拉麵 $152好多牛呀！幾好食！冷拉麵配日式胡麻醬，唔錯～.神戶野菜牛肉鍋 $118呢個鍋好足料！好味呀！想飲晒啲湯🙈🤣.蛋黃醬燒松葉蟹棒串 $36蟹棒好鮮好多肉😍有驚喜！我同朋友都覺得好正！日式炸醬油年糕 $48煙煙韌韌，好味道！唔夠喉呢🙈想再食～.炸豚肉流心蛋 $32望落好吸引🤤呢個係朋友食既，佢唔幾好食～Tiramisu latte $45好特別！好邪惡🤣 唔會太甜👌🏻.Matcha latte $36抹茶味好突出，不過甜多少少會更好飲，同埋口感唔夠順滑🙈

女仔gathering通常都要揀個靚地方, 今次就揀左觀塘既cafe裝修係日式風格, 除此之外仲有一個賣日本美妝用品既小角落又可以食野, 又可以同時shopping, 一舉兩得呀餐廳供應既食品種類都幾多, 花多眼亂好多野都想試原條蒲燒鰻魚炒飯 $148平時出面食鰻魚飯可能得一舊仔, 今次原條上非常滿足, 最鍾意就係甜甜既鰻魚汁, 配埋珍珠米既蛋炒飯, 味道唔錯!!神戶野菜牛肉鍋 $118份量超出我地既預期, 估唔到牛肉份量都幾多湯底係壽喜燒, 同野菜係最佳既配搭, 另外仲會提供麻醬用黎沾牛肉食好好味!極上牛山三文魚籽冷拉麵 $152熱湯拉麵食得多, 冷拉麵真係第一次食, 仲要配埋麻醬起初感覺好奇怪, 但點知食落味道好有驚喜, 原來佢地既味道可以咁夾大家都覺得出乎意料之外, 所以都推介大家一試Tiramisu Latte呢一杯係餐廳推介既咖啡, 個面係Tiramisu味既cream好特別, 甜品同咖啡crossover, 仲會配埋一塊小曲奇, 值得一試!整體黎講環境舒適, 食物質素幾好, 價錢唔貴

終於得閒又出黎食野啦，多謝女友搵餐廳！今日星期日要返半日工，行過兩條街就到啦～入大廈要先登記，行多一層樓梯先到，門面正正常常。一入門就不得了，布置非常暖和溫馨，梳化未坐都覺得軟淋淋果然一坐低就黎料，本身都覺得好精神，坐左5分鐘就睡意來襲～點餐啦，餐牌主要是BRUNCH，一半是全日早餐無興趣，所以叫了個咖喱豬扒飯配豆腐同湯。豆腐好味但唔夠凍，湯就夠熱好味道喇，豬扒飯正常接受。反而熱烏龍茶更出色，真茶泡成，唔係HEA茶底，所以有驚喜！記得要趁熱飲～食飽飽坐多陣就走啦，全場滿座！

疫情問題被迫取消左去日本旅行為左令自己心理平衡一下 就約左友仔去返間日本風餐飯醫醫肚啦地點都幾方便係Apm去巧明街方向 一落電梯過條馬路就到上到去第一眼 真係好日本feel😙重有個位放左好多富士山Tim 睇下都開心既有2人餐食都幾抵 不過我地又對佢D小食好有興趣 所以都係散嗌炸豚肉流心蛋🥚流心蛋好出色 時間剛剛好 蛋黃絕對慢慢流出黎 再配埋豚肉一齊炸 超香口🤤日式他他醬吉列魷魚🦑($68)佢既炸野真係幾出色 一點都不油膩 而且個醬係自己調配 有洋蔥蒜頭等配料 每人食左成4塊都不會嫌多😆醬汁燒八爪魚丸🐙($58)這個完全是過口隱而點哈哈😄 正常野 家下香港唔係咁多地方有得食了北海道3.7牛乳松葉蟹鍋🦀($156)內有椰菜 大蟹 菇類 金菇 重有個比粉絲粗既麵 蟹好正 大大隻同埋D肉好易拎出黎 個湯底就似帶有奶味既菜湯底 略嫌個面少咗dd榛子3.7鮮牛奶🥛($32)用北海道富良野3.7牛乳做基礎 面頭帶有榛子醬 甜度剛好 2個味道都飲到出黎雜莓沙冰🍓($42)朋友話酸酸甜甜好解渴 味道唔會好假臨走前仲去咗睇佢啲日本藥妝 其實店既位置郁幾大 有野食 又有野買😁😁

今晚係觀塘工廠區搵食🤗試左依間日式cafe 幾有驚喜🤩位置由APM步行過去5分鐘就到, 好方便👍🏻-餐廳嘅木色傢俱裝修同紅葉佈置好有心思, 令你覺得好似去左日本咁🍁-食物方面好多選擇, 有沙律、日式飯類、日式冷麵、鍋物、大量燒物串燒任你揀💁🏻‍♀️我地叫左好多串燒同燒物▫️炸冬菇串▫️炸豚肉流心蛋▫️炸芝士和牛串▫️雞翼串▫️和牛串▫️免治雞肉串菠蘿串▫️燒明太子雞翼▫️汁燒八爪魚丸▫️佢地嘅串燒做得好好味, 即叫即燒💯好啱同朋友傾計慢慢食~~-食完串燒之後叫左✌🏻個飽肚d嘅主食▫️極上牛山三文魚子冷拉麵〰️個冷麵上面d燒牛肉好似一坐山咁, 佢燒到7成熟, 所以d肉仲好juicy🤤▫️明太子蟹肉炒飯〰️蟹肉炒飯落左好多蟹肉好足料❗️ -最有驚喜係佢哋嘅飲品，叫左杯「山梨縣之富士山下」, 佢靚到好多似一個bling bling下嘅富士山咁, 超級適合打卡🤳 靚到唔捨得飲🥺-值得一提, 依到嘅店員非常有禮貌, 好似日本人嘅待客之道, 令整個用餐體驗加分⬆️另外, 餐廳係防疫方面亦做到足, 餐具及傢俬均用左日本酒精消毒, 亦不接待14天內到過內地嘅客人🙅🏻‍♀️ 咁就令客人更放心✔️-餐廳門口仲有個corner賣啲日本制小商品