Han Ban Korean Restaurant (Closed)

好抵食的韓國餐廳🤍-👀沒有立場資訊-🍜炸醬麵 ($68)麵嘅口感偏淋，可以彈牙少少，不過幾夠味，比想像中大份，調味幾地道，同埋汁唔會太稀，啲麵幾掛汁!!-🍗原味炸雞 ($158)好夠脆，分咗汁上，甜辣汁味道同鹹淡適中，份量都好夠大份，不過肉質唔夠嫩有少少嚡，可以多汁啲，食落幾香口~-🌶辣炒年糕 ($68)辣度幾夠，年糕夠煙韌，啲菜夠爽唔會太淋，仲有幾多薄薄嘅魚糕，一樣夠入味😋-🍚拌飯 ($58)呢個都好抵食，一樣幾足料，不過如果更多肉同汁就好喇~-因為係外賣，質素都比預期中高，同埋呢個價錢同味道真係幾高CP值，下次會想試下堂食！-味道 7.5/10回頭率 8/10總評 7.75/10🤍人均消費 $130💰-📍Han Ban Korean Restaurant新蒲崗康強街21號地舖#米食新蒲崗 #米食外賣 #米食韓國菜#hkfood #hkfoodie #hkig #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats

新蒲崗新開左間韓國餐館。落order嘅時候發現老闆唔係好識講中文。原來係歐巴～ 試過幾次外賣，有啲餸菜好食，可以推介下。燒牛肉紫菜包飯$48總共有10件，紫菜唔會淋唒，燒牛肉汁調味唔錯。煎餃子$48返到屋企餃子皮仲keep到好脆口～幾好食。韓式炒粉絲伴菜好好食，有芽菜泡菜，韓式魚片粉絲調味幾好，麻油味好香，但唔會太油膩。原味炸雞+調味炸雞炸雞個皮唔夠脆，有啲失望。拉麵炒年糕調味太甜啦。同埋呢個數唔係好適合外賣，返到屋企都林晒。牛肉湯味道有啲淡，牛肉味道唔係好出。總括嚟講，我覺得好食嘅係燒牛肉紫菜包飯。其他食物質素一般。其次嘅係煎餃子🥟同韓式炒粉絲。

午飯時間行經呢間店門口，見到廚房員工休息離開餐廳，講韓語，似係韓國人開，不如一試，選擇左伴飯試一試呢間店既手勢。下午2 點左右落單，大概20 分鐘取飯，初步見飯係大盒。但食落就覺得餸吾係好夠，食伴飯既原因就係因為伴飯本身伴隨幾樣素/疏菜及至少一款肉類及其他蛋白質食物，但今次似乎疏菜類吾太夠有蛋有牛肉，肉類及蛋白質食物既量我覺得反而還好，飯反而就佔太多，重點！少左韓式紅色醬呢間餐廳我應該還會在試，畢竟試既時候廚房員工都走左兩個，而盒飯係睇得見既水吧位置由阿姐完成，食物質素既好壞與否，等我下次12-1 點lunch 時，佢地主力齊曬再試

之前新開張晚晚都好多人嚟食，而且外賣都要等一個鐘或以上🙈所以即刻想嚟試食下晚餐睇吓佢咩料😆第一次食既時候我地對呢一間餐廳既印象唔係幾好，因為佢有好多食物都係整唔切或者賣晒，例如炸雞 紫菜包飯。呢啲好想食嘅嘢都冇得食，主要只係有湯飯同埋定食可以叫🥴仲有仲有，朋友本身想叫侍應俾兩杯水，結果侍應話水都冇🙅🏻‍♂️我哋心諗：點解呢度乜都冇❓原來係佢哋用晒啲水杯洗唔切😅朋友即刻話下次唔想再嚟食😹最後我哋叫咗兩款定食：鐵板燒牛肉定食同埋鐵板炒五花腩定食每一個定食都包一板嘅肉同一碗飯，飯嘅份量我覺得都正常夠飽，但係飯比較硬身，軟身熟多少少口感會較好🤔肉既質素同味道方面我覺得係臥虎藏龍～簡簡單單嘅店舖，煮得出超水準嘅韓國菜，全因呢一間店舖係正宗韓國人開嘅餐廳🇰🇷原來呢一家韓國人嚟咗香港好耐，一直都係做旅行團嘅生意，而家疫情令到少咗旅行團，所以就決定開咗呢一間小餐廳。牛肉係有用醬油調味過，適當既醬油味可以更好帶出牛肉味，食落口第一啖又係嘩左一聲😯啲肉食落唔會韌、好多肉汁😍配埋飯食味道濃度岩岩好👍🏻(不過第二次食返同樣既肉就咬落稍為韌左少少，但都接受到)五花腩豬肉係辣既🌶我覺得呢隻辣接受到，但朋友就覺得比較

嚟到新蒲崗做嘢， lunch嘅時候見到有間韓式餐廳門口都OK就入嚟試吓 前菜有泡菜，韓式魚片，芽菜，一人份量都好足夠拌冷麵🍜夏天嘅時候我就最鍾意食韓式冷麵，夠哂消暑開胃，個冷麵都夠凍嘅🥶，而麵質夠煙靭有彈性👍🏻，配菜都係有雞蛋🥚青瓜醃蘿蔔，同有韓式辣醬🌶，味道尚叫合格，係略嫌個冷麵汁唔夠酸，主要都係食到辣味為主見呢度個老闆都應該係韓國人，味道應該都正宗嘅，但係類似茶餐廳嘅格局，衛生環境方面略嫌有少少污糟，會喺人哋食緊嘢嗰陣先掃地，而且見地面都唔係太乾淨，試過一次就算🥲📍 Han Ban Korean Restaurant (新蒲崗)新蒲崗康強街21號地舖

經過見到新開，諗住試下，點知有點伏。先講服務，入到去完全無人理我，個所謂既老闆見到我當見唔到咁，最後等左陣先有個阿姐問我幾位，問完都係我自己入去揾位。入到坐低，又係無人理，幾經辛苦終於叫到人，叫鐵板炒五花腩，一陣返黎話無，咁唯有叫鐵板燒牛肉。等餐時睇睇環境，不過不失，但整體感覺麻麻地，衛生環境普通，感覺似一間茶餐廳多啲最後到食物，賣相正常，但份量偏少，而且不太似韓式。味道都麻麻地，雖然未至於很差，但應該不會回頭再幫襯。

疫情下幾日冇出街，今日出開新蒲崗攞嘢諗住順便買啲外賣返屋企嘆。原本想買629雞蛋仔，但冇開，唯有搵其他野食。點知就係附近發現呢間新開韓國菜餐廳，疫情下真係拍烏蠅，猶豫之際發現老闆原來係韓國人，突然覺得可以一試。佢門口有玻璃窗可以睇到佢廚房，調味料全部韓國入口，韓國人煮，果刻心諗真係正宗韓國菜😂應該唔會差得去邊叫左個拉麵年糕同辣牛肉湯，雖然外賣，但份量真心多，同堂食冇分別（最近疫情叫多左外賣，有啲餐廳份量真係會減少），個牛肉湯仲跟白飯同配菜，幾抵食。 原本最想食紫菜飯卷，但可惜佢賣晒。返到屋企試，雖然拉麵索晒水變一舊，要自己加啲水鬆開佢，但味道唔錯，年糕仲好軟。辣牛肉湯都好味。下次再去新蒲崗一定再試其他，希望佢挨得過疫情啦。

由韓國人開的正宗韓國菜，價錢合理，味道正宗。推介湯類，足料，味道夠濃，跟泡菜及白飯。泡菜餅亦好味。暫時沒有酒牌，如自携酒類可免開瓶費。地方不算大，只有幾張卡位。

呢間餐廳係某日我不經意發現嘅，純粹嗰日好想食韓國嘢，本身揀咗另外一間，但原來嗰間得外賣，所以就轉左嚟食呢間。入到去先發現部份員工係韓國人。幫我落order嗰個阿豬媽都係韓國人，但係識講廣東話。>>>我地兩個人嗌左三樣嘢食，上菜快，仲要三樣嘢都好味😋>>>鐵板炒五花腩定食 $58三樣嘢之中我最愛呢個，份量多，五花腩肉質幾冧，夠晒辣😋吞拿魚紫菜包飯 $48紫菜包飯我好多時食韓國嘢都會嗌。吞拿魚醬，蛋，青瓜，紅蘿蔔，醃蘿蔔，食落口感一流，重點係佢個紫菜有搽足夠嘅芝麻油，夠曬香，一啖一嚿好滿足😋牛肉辣湯 $58本身以為係一塊塊牛肉，但原來係牛肉絲，個湯好夠味，唔會好似水咁稀😋竟然俾我搵無意中搵到呢間餐廳，真心平靚正，一定會再幫襯👍🏻

Kimbap 好食，裏面嘅配料正統，今次食咗牛肉味Bibimbap 也好，可惜冇牛肉泡菜有水準，食得出新鮮醬汁正統韓國人老細雖然價錢唔平新蒲崗難得的韓國菜，一定會再光臨

呢間新開嘅韓式餐廳超有驚喜! 疫情下唯有嗌外賣自取 米腸湯好爽口 一啲都唔膩 年糕好煙韌 連配菜都好好食!😋 老闆係韓國人 餐廳員工都好有禮貌🤣 下次一定堂食! 大家一定要試呀😍