漢陽苑韓國料理 (Closed)

侍應態度差, 算~~~我食野姐, 唔係同人嘈, 食物一般, 無新意, 算~~~韓燒來來去去都係果d中午食韓燒, 唔算太多人, 全場都係幾台客, 羊肉&牛肉, 哇~~~瘀瘀黑黑咁.....佢話午市食到3點半, 3點鐘收野, 無問題, 佢在2點45分提你3點收野, 但我在2點50分諗住拎埋最後一轉, 但我出到去, 佢開始收野啦, 我話未夠鐘喎, 又話3點先收? 佢話, 你照拎啦, 環顧四周, 一隻夾都無, 要我用手拎??? 2點45分叫3點收野, 5分鐘倒夾無晒, 即係叫人唔好拎, 佢死死地氣拎對筷子比我最離普係雪糕, 硬到完全(不)唔到, 好出力咁(不)左好耐, 先得小小, 真係把鬼火, 過隔離街比錢食杯Hagen-Dazs無咁嬲, 駛錢至在食, 去呢間野, 駛錢夠氣, 因為成間野都係油煙, 食完件衫成陣燒野食味, 冬天唔通下下去親都要洗褸???價錢方面, 食個中午78蚊唔係平架, 食得我開心700蚊都值, 呢間野食佢38蚊都嚴貴, 大大隻字話68蚊位, 原來有6蚊係茶錢黎架, 唔睇單真係唔知, 無下次了, 呢間野太差

宵夜時間去到,唔洗等位,一入去就見到煙霧迷漫,周圍都係油煙,好唔舒服,見到咁既情況我根本就唔想坐係果d油淋淋既位。出到去睇有咩野食,點知盤盤都差唔多吉既,又冇人refill,最離譜既係連飲品都冇,問d staff佢地話得返呢d ja!~有冇攪錯a!我地岩岩入去ja!~咩都冇,我地食咩呀!~冇野食就唔好俾人入去la!d人仲要搶d飲品,我地係人黎ka!~d職員又唔理~簡直係黑店~我唔會再去漢陽苑!(~除非有改進~)呢間簡直係垃圾!!!!攪到成身酒煙,要自己燒,自己拎野,要受氣,環境唔乾淨~真係俾$貼難受,mk大把好野食la!~搵$返黎唔係咁對自己ma?返工受完氣仲要受?唔好玩la!

本身係個fd介紹先上去試~嘩~d野又唔好食wo~最慘係態度好差~搞錯~十一點幾見我地係到吹水唔燒就係甘收野唔理人地d野仲要唔要都收~都唔知係咪做生意既..

很久很久沒有到漢陽苑了，記得以前中學都去過幾次，每次都飽飽地離開。昨晚和幾個朋友晚飯，選了旺角這間漢陽苑。食客大部份都是很年青的，大概都是中學生左右，可能隨著年長選擇的食物都以健康為主吧。這兒的食物選擇可分幾類，有火鍋、燒烤、熟食、壽司魚生，還有甜品和飲品，而且真的是源源不絶的添加，燒烤食物的肉都算新鮮，而熟食就普普通通啦。其實吃了不太多，已經感覺很飽了，飽的感覺延續到第二天的今早，我想都是要做做運動消化番這些heavy的食物了。

香港無一間餐廳既服務可以比佢還差漢陽苑集團真係可以認真諗下執左呢間分店如果唔係都只會淨蝕燈油火蠟** 夜班男經理尤其趕客

20/10/2007 (六)宵夜時段(晚上11時至零晨2時)..我們一行5人零晨12時到達..所有員工會在零晨1時開始準備收工的動作, 零晨1時15分已經開始趕客人走..行動包括:1)收拾自助區的食品(此乃正常)2)關冷氣3)關抽氣4)向每枱客人埋單5)收客人枱面上的食物(無論生熟, 客人正在嘗試夾的食物)6)熄火(但客人仍有東西正在燒烤)7)收客人的餐具(無論客人正在使用與否)8)搬走爐具完成這些動作時間: 零晨1時30分本人認為這些行為非常過分, 於是我問店員這天的營業時間..店員的回覆是:"這天有工程, 零晨1時30分關門.."於是我再問之後一天的營業時間..店員的回覆是:"零晨1時45分"我問:"不是零晨2時嗎??"店員的回覆是:"這是我們的放工時間"..聽到此絕項的回答..本人無話可說(本人的內容100% 真確)

補返上星期黎食嘅comment...一行8個人黎食....食物質數...一個字可以講晒..."油"!!!wa!...真係所有野都有一層好厚嘅油...諗住食d菜健康d...點知連d菜都係咁...好似食緊油咁...真係好唔掂!食完之後勁口渴!環境又係好差...焗到呢....最大問題係衛生!!我食完第2日就肚痛到醒咗!去咗toilet 3 次!初初諗住係食得太飽先咁, 點知問咗另一個frd, 原來佢都係咁!!我以後都唔會黎呢到食韓燒!

我之前都去過2次呢間野食lunch2次都覺得幾ok因為價錢唔係好貴而且佢地d野食都okrefill 得幾快d 侍應態度都ok ga叫佢幫我換個爐佢都肯而且我地2次都係食得過哂鐘佢先黎收野所以我諗問題應該大多都係出係dinner 果度我相信我下次都會再去呢度食lunch不過睇過下面ge評論之後,我就一定唔會去呢間野ge 食dinner

入席既時係佢又唔講係得兩個鐘之後一夠鐘就迫我地要即係埋單之後夠鐘果陣又立即洗人入來催埋單你估佢衰到點?仲夠膽死一邊叫你埋單一邊就搵人掃你檯上d野食有無咁過份呀?!整體來講呢間野d服務態度真係好差!班友仔都唔知咩見顧客服務淨係識針對客人同我地為左5毫子搞到要報警比張單我收多我5毫子唔出聲我地睇完問佢點解多左改夠膽同我講無得改單想老屈我比喎講真如果你係好既我多多貼士都比啦但係咁既服務態度就真係1毫子都唔值喇最後走果陣先係部lift睇到寫住兩小時本來都可以話係自己睇唔清楚但係佢張紙係貼係等lift走果度門度咁唔係擺明陰你上來果陣就睇唔到要走過陣先發覺比人搵笨咩><問過隔離檯仲發覺原來佢地都無人話佢地知講起都炆呀!!!!以後我都唔會再食

Wa!!!我黎食野...你咁ge態度...語氣仲好囂張...時間未到就趕我走...懶有效率咁...環境好唔衛生lor...仲有食物又唔多野揀...你間鋪生意又唔好...請D員工又咁串...等執笠la!差到爆!!!!唔會再黎lor!!!!!!

阿姨生日... 佢話想食韓燒... 諗住近近地又易搵就去o左旺角漢陽苑食韓燒...一行十幾人去到... 佢o的職員先講話限食2個鐘... 但係我o地訂枱o個時佢o地都冇講... 佢竟然話門口個牌已經寫o左... 電話訂枱點睇到塊牌寫乜呀...入去坐低... 出去拎o野食... 款式唔多... 好普通... 三文魚魚生收收埋埋咁... 唔想俾人食咪唔好拎出o黎lor... 食物味道麻麻... 唔太好食...衛生方面都係麻麻... 拎o野食o個個範圍好"立"... 廁所個地又好"跣", 唔太乾淨... 冷氣唔夠... 食到個人都冇心機...我o地6:25pm入坐... 佢6:15已經叫我o地埋單... 我o地仲有o的甜品未食完... 佢已經"好有效率"咁收枱... 仲要講得好好聽話"我o地收o左張枱等你o地食甜品呀~"... 真係唔該o西... 分明就係趕人走啦...o的職員態度差... 環境又一般... 食物又唔好... 真係唔會再幫襯lor...

上星期諗住食下韓燒自助餐, 皆因好耐冇食過喇, 心諗韓燒自助餐度度都係咁上下啦, 於是乎冇咩點諗過就盲中中咁黎左呢度, 點知呢度原來係黑店!話說八點幾入到黎, 人又唔算多, 兩兜友被安排入座, 點知師傅我一拉開張椅諗住坐啦, 竟然成手都係油, 個伙計見到一d反應都冇, 冇諗住換過張椅, 同佢講先至條布係咁易抺下, 再比張紙巾我抺下手, 嘩! 有冇攪錯呀, 師傅我d火都黎緊, 但依然未爆, 再望下個位都十分逼, 一左一右兩邊都有人, 好似比人挾住咁, 心諗自助餐喎, 出入會好唔方便, 於是乎咪同佢講可唔可以坐第二度呀, 佢於是就叫我坐另一邊, 個格局一樣, 明明見佢有其他地方係可以坐得舒服d, 佢係都唔比你坐, 咁係咪叫屈先? 小喇叭, 於是乎咪把火走人唔幫襯, 咁我走喇, 佢就話比我坐第二度, 家陣做咩呀? 而家你就算請我食我都唔食喇, 你當我師傅係咩呀? 乞兒呀?一句都尾, 祝佢早日執笠啦!

去到的時候,員工正在食飯,等一陣至有人理服務麻麻食物種類都算多燒烤食物好過熟食(炸物全部唔脆)湯類中,冬蔭公唔錯雪糕櫃竟然無雪糕!午市只有20人幫襯,以咁大的餐廳來說,生意慘淡午市價錢來說OK但如果晚市都係咁既質素,就唔值得幫襯

平安夜，我同三個朋友去瓊華既漢陽苑度食韓燒，D野食都OK既，不過聽人講過話會有瀨尿蝦同蜆燒，都見唔到。跟住，突然間有個人走黎叫我地走啦!!俾十分鐘我地，我地都未食完。仲有，佢D態度勁差。唉……

三兩知己又無水黎呢度食就無咩所謂要攪廿幾人既聚會唔該唔好揀呢度貪平係無用既又有時間限制又多人又噪見係師弟妹第一次攪呢類紛唇就算啦不過唔該下次同埋下屆都唔好再喇又係收工遲到得返一個鐘頭食唯有將一堆肉堆落去三個爐一齊燒啦雞翼牛肉豬肉當然都係用同一種醃料味道真係來來去去都係一樣夠飽咪就算囉魚生壽司方面話晒都係一百蚊貨仔我見到就唔多敢食喇反而其他熟食都唔錯選擇都算係多豆腐花同維記雪糕就最受歡迎事實上都係好食既生果成日都缺貨任飲既飲品有幾款揀淨返三個字先夠鐘出面又無人等我地仲燒緊但係竟然有人埋黎開始收碟收爐喎噢是次紛唇最深印象既莫過於現今後生仔對禮貌仲有性別既定義真係三年就一代咯…