韓冰 (Closed)

都係約左朋友傾計所以擇呢間有野食 有野飲 都好特別叫左個咩煎蛋：sorry 完全係蟹柳 鴨胸 年糕加兩條蔥 用蛋漿煎炸埋一堆 現成貨 無話好唔好食飲杯西檔蜜糖： sorry 零蜜糖味

Me and my friends visited hanbing (Times Square causewaybay location) and we were seated immediately. I had a pleasant experience the last time I was here and thought the shaved ice was pretty good so I decided to bring my friends here.As we were seated, we noticed that the table had small ants crawling all over it. We swept one off the table and more came crawling. So then we told the waitress and she offered another table for us. When we first sat down, we didn't notice much. Within 10 seconds

夏天天氣炎熱不只為大地帶來雨水仲有帶來不少汗水解暑不外乎飲凍飲同食甜品上次一試難忘今次難得來到銅鑼灣當然要再來這間店位於時代廣場入面每次都要朋友帶路先識去因為本人是路痴今次試了抹茶紅豆雪花冰滿滿的雪花冰看見已經令人融花未食先興奮食落啖啖牛奶 煉奶非常香濃 可惜抹茶呼不足不過奶香搭救藍莓芝士雪花冰就是每次必點食完好似食完芝士蛋糕禁～但又有食冰既享受正食完成個人舒服曬但要留意這店有加一服務費並不是自助式的餐廳在枱上面有服務鈴按鈴就有店員提供點餐服務～

朋友話開了一間食韓式甜品店, 我們就來試下, 地方都幾大的, 好闊落的, 環境裝修都好靚呀. 一看餐牌已覺得好吸引. 有菠蘿及蜜瓜味的冰. 還有好多其它的選擇.這個菠蘿雪花冰, 賣相好靚, 係用原個菠蘿切開一半, 放牛奶雪花冰及菠蘿, 仲有雪糕落去, 好大份量, 菠蘿好味, 夠晒凍, 同埋唔會好酸的, 雪花冰係牛奶味道, 好重奶味, 好香的, 都係好凍呀, 仲有雪糕. 雪妮拿味的, 好正.哈蜜瓜雪花冰, 哈蜜瓜好甜, 同埋好多, 入面還有些好似麥片的粒粒, 同埋雪糕及牛奶雪花冰. 好味, 又係夠晒凍的, 又係好重奶味. 藍莓芝士味, 芝士唔太漏, 藍莓都好甜, 同樣又係雪糕及牛奶味的雪花冰. 芒果味道, 好多芒果, 好夠甜呀, 又係雪糕及牛奶味雪花冰.其實只係生果的配撘唔同, 雪花冰及雪糕都係一樣, 所以冇咩驚喜, 同埋太重牛奶味. 價錢都唔平呀.

I came here with a friend of mine a while back because we were both craving some korean food. Honestly, hanbing is one of my face korean restaurants to eat at because the price is still affordable and the variety of food is quite wide. We ordered cheese tteokbokki and injeolmi red bean snow ice. However, the waitress got our order wrong and instead "normal" tteokbokki arrived. The food taste good as always, however, some of the powder from our bingsoo got into our tteokbokki. I'm not sure if it'

街外溫度三十五度，再創新高，有咩好得過食碗韓式冰冰咁解暑！知道呢間係銅鑼灣開左分店，一於冰一冰！餐枱上有指示如何享受冰冰，點了最傳統嘅紅豆豆粉雪花冰，份量頗大，岩二人分享，上面有綿滑紅豆，幾粒年糕，灑滿黃豆粉，牛奶冰質感相當幼滑，食唔到係食緊冰，食完悶熱全消，超正！另外之選係呢個芝士脆波，面頭有塊熱熔芝士包住，內裏有蒜蓉醬，味道甜甜咸咸頗有趣！呢個係今日我嘅韓式消暑之選：）

前面的人聽住👂🏻你地已經被芝士包圍喇😈嘩！被芝士同年糕俘虜左的包呀！😍厚厚的芝士唔好再引誘我啦🙈香蒜芝士脆波波 ($58)🧀🍯🍞點止冰冰～～～💂🏼「韓冰」入面點止淨係食冰呢😏仲有唔可以錯過的芝士燒波！😍濃香芝士蒜味滿瀉😋一上枱已經香噴噴喇！👍🏻圓碌碌的包被好多好多芝士重重包圍住❗️個芝士包名副其實係焗到卜卜脆架👏🏻切開真係咔咔聲！😂入面仲有溶左的牛油🔥芝士的咸香同香蒜牛油味配合得天衣無縫呀😳芝士控睇見都興奮！👻最最最驚喜的係 (好重要所以講3次😂)面頭仲鋪上燒溶左的年糕‼️香糯煙韌的年糕配上軟綿幼滑的芝士🧀直情可以無限拉絲〰〰👌🏻簡直係一絕呀！💯

晚飯後食甜品 點了門口有大大個宣傳牌推廣緊嘅Honey Melon（唔知「每日限量15個」係咪只為引人買呢...）點一客 三個女仔分 份量剛剛好哈密瓜嘅肉成舊起咗出嚟 放入哈密瓜奶雪花冰、cheesecake、彩色年糕、粟米片 再將果肉好似蓋咁cup喺面 「門口」再放一球哈密瓜雪糕餡料好豐富 越食越多驚喜！可能因為雪糕太甜啦 回頭咬啖哈密瓜 覺得好淡... 另外 上桌時 哈密瓜已經放暖咗 最好將佢切細塊 放嘅雪花冰上面雪一陣

今次嚟到時代廣場嘅韓冰搵食！上次喺times食完叧一韓式餐廳先見到韓冰～已經決定下次要試一試襯住睇戲前有時間終於試到了！濟州鮮奶綠茶($33)綠茶控的我必點嘅綠茶類飲品～呢杯有奶味！濃淡剛好！有機會想試埋杯紫薯呢～(･ω<)☆泡菜煎餅($45)唔夠脆～但味道還可以(o'ー'o)韓式午餐肉炒飯加芝士($68+10)呢個真係好失望～完全搵唔到午餐肉(xдx;)仲要冇咩芝士味～忍唔住叫店員俾韓式辣醬撈飯因為得2個人～又要趕住睇戲所以只叫咗2個dishes同一杯嘢飲～冇機會試到主打嘅冰。希望下次有機會一試啦！

哇，因乜解救咁熱架今日小妹雖然夏天出世但係超怕熱（唔通肥人怕熱)好想快啲放假去食之前食既依個雪花冰韓冰啲雪花冰真係食唔厭可能因為啖啖有味同埋唔會凍到個口好薑小妹果次係叫左個Tea set $128包括依個「紅豆豆粉雪花冰」同埋一個吐司包先講個雪花冰先同小妹係其他韓國食店食到既一樣啲冰唔會𠝹口而且冰底有煉奶，所以啲冰唔會好淡味但外面的豆粉有少少嗆喉所以食果時要小心除左果碗雪花冰之外仲有依個「蜜糖牛油芝士包」老實講店員送到黎既時候有少少失望可能個包係同平時的方包尺寸咁上下而且唔算好挺身因為有蜜糖係包上所以食落都還可以至於芝士味唔算濃，勉強拉到絲同埋個包送到黎係凍凍地所以對依個包感覺麻麻下次淨係食雪花冰算

：韓冰年糕鍋（二至三人份量）$120 只有銅鑼灣分店供應雖然部隊鍋材料好簡單，有韓式餃子，年糕，厚切午餐肉，魚件，拉麵等等😁呢個係正式開火食之前影既，一話可以食oppa就幫忙開爐，落韓式辣醬，同埋重點係芝士🧀！雖然好似好簡單，但係屋企整極都覺得冇出面既好味🙈呢個價錢相當合理，份量十足，最緊要係辣度都是十足呀🌶🌶完全估唔到可以咁夠味咁惹味😍，個醬汁好似非一般簡單咁😆年糕煮到之後超入味 真係好正！韓冰真係唔只食冰架❄️ 宜家天氣凍快d同朋友share個鍋喇：串串下煎餅 Skewer Pancake $35食韓式煎餅，離不開就係泡菜或者海鮮～除左經典既呢兩款，呢隻都好特別架～紅色既就係蟹柳喇，岩晒成日扮小蟹柳既朋友😂中間仲有好香既大蔥，外層裹住d漿 一齊去煎！食落都幾得意架，因為我都幾鍾意食蟹柳😆聽聞韓國大時大節就會食，係香港我都係第一次見🙈 不過略嫌煎得有少少太油膩：白雲 Cloud Nine $35 呢杯野叫做白雲！☁️ 白雪雪配上粉紅色 叫女仔點忍呀！不過唔好比距呃呀，唔係草莓味黎架，係👉🏾焦糖榛子味道👈🏾！仲有另外一杯飲品叫藍天架💧夏天來了🌞真係要整返杯凍冰冰既飲品，配上韓冰既新甜品真係

當炸雞，芝士熔岩炒飯等成為韓國菜既招牌菜時，韓國雪花冰亦後來居上，成為近期最受歡迎既韓國食物之一，我本身唔太好韓國菜（炸雞除外）,但呢個韓國雪花冰郤令我心思思想一試再試喇上次驚多人所以去左第間雪奶冰甜品店試左第一次既雪奶冰，今次黎到久仰大名既韓冰，想試下有無唔同平日下午茶時間黎到，只有小貓三幾隻，仲以為要排隊食㖭，不過都合理既呢啲甜品應該晚市會受歡迎啲入面既裝修簡約令人覺得好舒服，而且樓底好高比人好大既空間感，人少少黎呢到同朋友吹下水都幾正！！其實有綠茶同紫薯味，心思思唔知揀邊樣好，但最後揀左呢隻最普通因為想試下最原始既味道係點。$75，本來睇相以為佢好大個，上檯時比想像中細起碼1／3,不過影相影出黎真係好大個面既黃豆粉係最中一個叫呢個既原因，黃豆粉比人一種好簡簡單單既味道但總係出奇地係甜品上擔當一個畫龍點精既角色，今次都唔例外黃豆粉同雪花冰同樣幼細，冰比起上次係第間店食既更幼細，無碎冰咁濟，我諗係呢到出名既原因，最令人驚喜係佢入面有杏仁碎，口感同冰出奇地夾！不過甜味靠既係煉奶，量就唔夠多，而且都幾唔平均，食到落個底突然變到好甜，但上面又比較上淡得多，如果分開上比客人自行調較味道會更好

食韓國的東西，感覺上比起日本的食品，變化更加多端。由我第一次接觸韓國美食，石鍋飯開始、到牛肋骨系列食品、人參系列食品、年糕系列食品、九層塔、炸雞、韓燒、部隊鍋，仲有數之不盡的奇怪烹飪方法，的確是幾有趣。近日，收到一位中學同的通知，他剛轉職至一間韓國甜品店任職，而且就近我上班的地方，有時候就過去試下及傾下計。原本已經冇左件事，但有一日見朋友 post 了張卡片上 facebook，令我回想起他當日叫我有空去坐坐，而我就的確找了一個有空的平日 late lunch 時段，來到時代廣場10樓的《韓冰》探探朋友兼食個甜品。在朋友口中得知，《韓冰》的老闆是韓國人，他們一心想把韓國最時髦的食品帶來香港，而且仲要把韓國最潮的一而帶給大家，所以整個餐廳的設計，非常之簡而潔，感覺就同 "滋味行" 介紹過不少首爾型格食店的風格一樣。本以為只有甜品供應，但我一打開 menu，原來是有熱食的，於是我點了一個韓式芝士炒年糕。年糕，向來是一個很飽肚的食品，芝士夠飽，年糕也夠飽，而且，每一份年糕配有兩條叫做魚糕的東西，非常香口，在辣辣的年糕中來了一個脆脆的香口物，比起純食年糕更吸引。在朋友的推介下，我點了這個，人蔘

韓冰必食之選👍🏻👍🏻雪花冰軟綿綿 加上雪花冰下面既係奶溝埋一齊食真係一流😜😜唔會好似平時食冰沙咁寡 而係啖啖冰都有甜味唯一既唔好就係芒果唔係當造所以比較酸甜品份量都已經夠兩個人食大家不妨揾埋朋友仔一齊去食而家分店都越開越多啦😁

同朋友行行下times想搵個地方坐底傾計叫左兩杯飲品 藍天 and 白雲左面係榛子士多啤梨沙士多啤梨酸酸地都清新將佢攪拌後會慢慢變色 非常得意右面係波子汽水冰個隻顏色好靚 係我最愛既湖水藍煎餅 有午餐肉 蟹柳煎成 非常可口 要黎做小食都唔錯