手工漢堡

Open Now

Now Closed

呢間鳳德邨開左無耐既手工漢堡，食過幾次，認真講係ok既👌，d肉真係食得出手打，唔同出面果d死實實，叫左兩個餐加配料，好味😋！黑松露薯條唔夠喊，但個醬好味😋！…可能即叫即做關系，次次都要等10分鐘😅，但呢個價錢，呢個質素，算係ok啦，可以唔等咁耐就好😩食完會有d掛住仲想返去食😆衰在無位啦，要企係度，不過做街坊生意係咁上下，又好近地鐵站，我就覺得好方便啦🫠🫠🫠🫠，如果住得近既話真係會日日食

收工路過不時會食平均消費70蚊鳳德邨街市手工漢堡小店睇裝修就知係一個對漢堡好有熱誠嘅男人開嘅一間小店就好似毓華街嘅斜路蛋糕舖一樣一定有好東西食兩口子默默經營 浪漫第一次先畀羊肉漢堡吸引食第一次唔常見 羊愛好者表示感動食落亦都精彩雖然漢堡唔係好大塊但油之同埋香味都可以充分咁喺食成個包嘅過程入面享受到包皮質感軟得嚟有份量 水準之上之後再食嘅 安格斯蛋漢堡 安格斯蘑菇漢堡 都冇失望小食都好食 放心嗌 小店不時都推出特別口味漢堡 睇落幾新鮮但係從未夠膽試

隔左一排再過黎，估唔到又出左新野，舖面靚仔左外， 野食都多左，除左漢堡仲有意粉食不過得2款係肉醬意粉同卡邦尼意粉，仲要好抵食，肉醬意粉$40,卡邦尼$45，2個意粉仲可以跟餐。今次試個意粉同埋蘑菇牛漢堡同埋肉酱意粉，意粉可以加餸，我加左蛋$6,同埋牛肉漢堡$18， 個意粉係即煮，唔似某D餐廳倒汁個種，呢個價錢真係有驚喜。蘑菇牛肉漢堡+魷魚圈跟餐湯，今日餐湯係蘑菇湯，磨菇湯夠晒濃，唔會太多cream...正，蘑菇牛肉唔乾，仲有好多肉汁，鱿魚圈真心讚，好正，食落好新鮮，外脆內爽。。。 下次會同朋友再黎食。。。。加油

其實住附近食到都真係冇咩好食，知道鳳德街市開咗呢間手工漢堡，一直都想試不過價錢都唔平，見有消費券就試下。孜然澳洲羊肉漢堡（$68): 打開其實個漢堡包比想像中細，塊肉都唔算大。不過食落去個羊味幾濃，塊肉食落去都有肉汁，其實係幾好食，不過呢個價錢下次都係食牛肉，因為都平$10.㨂套餐A(加$15)包一個小食同飲品， 估唔到有薯蓉。加$5轉左黑松露味，呢個薯蓉幾好食，夠晒黑松露味。脆炸蝦多士（$35):好耐冇食過啲咁邪惡嘅嘢，外脆內軟真係好好食，入面嘅蝦膠仲有蝦肉添。整體來講啲嘢真係幾好食，不過價錢貴咗啲，如果個漢堡會係大過d or 平番dd感覺會好d, 但食完呢次我諗間中都會encore.Ps.佢仲有手套送，呢下係幾貼心加分

睇左人地既post 就擔粗粗去試下，人人漢堡都食牛，今次我自己就去試下"土魷冬菇肉餅" , 有驚喜喎，可能因為好juicy 所以覺得好match,之後同個男廚師傾左幾句，佢原來係做西廚出身，咁怪之得有反咁上下質素啦 ..今日我揀左係門口立食，下次都係買返屋企開冷氣享受，我見人人都外賣，包裝都好好#手工漢堡#撐自己村#撐青年人創業#撐有更多驚喜

開左一排，經常經過不過冇買來食😅😅😅，今日去街市順便買來一試😆😆😆， 等咗唔耐😆😆十分鐘內已經可以取， 回家都放左10分鐘先食😄😄😄，點知一食真係有驚喜👍👍👍👍，首先個飽唔乾又唔會太濕，因為有汁我都怕個包會濕曬之後塊肉非常juicy👍👍👍🥰🥰🥰煙肉仲好脆口😍😍😍全部蔬菜好新鮮😛😛😛😛今次冇叫餐，怕自己食唔曬😆😆下次可以試埋其他食物， 值得推介。 估唔到有驚喜有驚喜。以手工漢堡來說價錢合理。

見佢門面寫住「手工漢堡」既大字。非常簡潔。咁香口既野。新開點都要試下叫左個磨菇安格斯牛肉漢堡($58),另跟餐($15)要左汽水同黑松露薯條（黑松露另加$5）賣樣ok既。有個紙盒仔用報紙pattern既紙墊一墊。有feel wo。薯條係粗身個種。我鐘意食。點埋個黑松露醬。夠熱。好味😋。如果再比多d薯條就好啦。個包。份量都夠。牛肉幾厚。煎香表面之餘中間仲有少少粉紅。肉質新鮮。肉汁滴出黎。😍唔錯。包都鬆軟。但個人口味。如果塊牛既調味除左黑胡椒之外，再甜反的dur更好。其他既配料仲有磨菇。芝士。洋蔥。青瓜。同生菜。整體黎講。屋邨小店黎講。算有誠意。幾好。會再幫襯👍🏻

好好味，食到好用心做，材料非常新鮮，良心小店，今次係幫公司叫外賣，同同事一齊試新野，老闆好好肯送到觀塘比我地，好感激，送到時包還時暖暖的，好難得，咁好既老闆我地一定會再幫襯，加油呀💪🏻💪🏻💪🏻💪🏻

香港好小羊肉漢堡食，係黃大仙鳳德邨有一間專做漢堡的小店，所以去試下，估唔到有驚喜，佢孜然羊肉配搭得好好，有羊味但唔羶，漢堡唔會(乾爭爭)，個包外脆内軟,仲要$68，平靚正

估唔到黃大仙都有Fish & Chips。仲要多汁，好Juicy，食得出唔hea。質素：今時今日想揾間好食既Fish & Chips真係唔容易，條魚係重點中既重點。薯條就粗薯，唔似M記咁，配埋個他他醬，簡直一流，會再食。環境：估唔到門口外有個位可以扮chill咁影相，仲要老闆知我立食，慳返個紙盒換碟上，我諗唔係成日有。乾淨：靚油，睇相都Feel到，不解釋。等餐時間及價錢：合理，等左10分鐘內，打場機就拎得。

因為附近都係平民連鎖快餐店，所以無咩嘢好食。近期發現新開的小店，有驚喜🥰叫左兩個漢堡包餐配小食，有賣相，味道又好味，漢堡肉好juice, 肉質嫩滑，雞扒亦好有驚喜❤️好想試埋其他🥰

附近無咩漢堡包店，新開就去試吓啦！d burger即叫即做，漢堡扒係佢地自己手打，真係唔同d,有肉汁唔太乾👍🏻叫個漢堡包最平加$15就有set，有薯條同野飲好抵！同埋竟然有羊肉漢堡好少見，另外仲有個土魷肉餅漢堡都好得意做漢堡包又幾夾喎！價錢唔貴，有heart值得支持小店！💪🏻