宿宿醉 (Closed)

去中環食西餐,往往花多眼亂，一係要就budget ，但又想搵間好食嘅，都好似有啲難度😅。有幸得朋友邀請，來了這間頗有特色嘅小店，價錢合理之餘又好食，响中環區確是難得。食咗唔算多嘢，但值得推介嘅有有以下😋

聖誕節正日BOOK左重開的摩天輪同打算去AIA玩, 所以上網搵中環有無特色餐廳同男友食聖誕大餐, 咁啱就搵到HANG-O-PHO~睇左OP上幾篇食評都唔算太差, 而且打去BOOK位時問左可以唔一定叫SET (因為我晚餐絕對食唔晒一個餐), 所以就決定一試~~~祥興商業大廈電梯入口唔太顯眼, 上到6樓出門就見到餐廳既霓紅招牌同聖誕樹, 入去右邊就係OPEN KITCHEN, 左邊就係用餐位置。因為係舊唐樓改建, 所以其實地方唔大, 有2張梳化卡位, 1張2人枱, 1張4人枱同1張8人枱, 而我地去到只有1枱人係梳化卡位食緊...同一個類似老闆既人就坐左另一張梳化卡位...所以我地俾安排坐係張4人枱...不過因為地方太細所以我地食咁耐就一直有人係我男友背後行黎行去...對於想享受環境既朋友就要考慮一下...或者要求坐第二度...坐低後一位高大既男士就放低左兩個手寫餐牌 - 分別為港幣998 同898大元既二人餐~ 既然我地無可能食得晒就問有無其他餐牌 (因為之前BOOK時問左有), 然後我地得到另一個一頁既餐牌, 應該係平時晚餐個張...再問除左呢張仲有無, 高大既男士用好微弱既聲音話無.

朋友介紹來吃，裝潢似西餐，但其實是惹味越南菜!頭盤係我最愛既龍蝦湯!!! 一見到黃色好開胃，味道好濃郁，撈埋忌廉冇得頂! 好想飲多碗~雞肉質鮮嫩~自製越式蔗蝦，賣相好吸引!好似龍蝦(心心眼)，蝦肉好鮮甜多肉越式鵝肝法包$138 法包脆脆的~食越南野點可以唔食撈檬呀! 好足料抵食!

嘩 我被這裡的華麗裝修和別緻餐具深深吸引著，是宮庭式的享受啊👑♥ 食物方面，我推介： 1) 蒜香牛油雞翼 $68/8pcs熱辣辣新鮮炸起，外皮鬆化，濃濃牛油味，令我不知不覺就吃了四五件🤣 值得一讚是吃完也沒有油膩肚滯的感覺🍴2) 越式鴨肝法包 $138法包脆卜卜，一點也不硬啊！✌🏻鴨肝的份量剛剛好，而且配料很多，邊吃邊跌出來的感覺真爽🤣 飲品方面，Lemongrass Mocktail $28 🍸是我的至愛😍 好清新又解渴，必試! .

已經好幾個月冇食越南菜呢期聖誕節放假心血來潮就去咗呢間中環嘅宿宿醉食本身以為係一啲傳統嘅越南菜但係佢哋嘅菜式擺設同埋做法顛覆左我嘅想像望落去個樣感覺似食高級西餐但食個口呢又真係似食緊傳統既越南菜今次叫左幾款試下最吸引到我嘅就係法式燒紐西蘭羊架佢一份二百幾蚊但係有三個羊架而且每一舊都有手掌咁大 個人認為真係十分抵食佢嘅燒肉本身已經帶咗啲黑椒同埋鹽味再加上佢哋特製嘅醬汁 酸酸地 好食又開胃然後又叫咗個龍蝦 蝦肉大大份都勁厚下 而且仲有蝦膏 點完蝦膏再點少少鹽食 (少少鹽可以吊出蝦嘅鮮味)我覺得鍾意食海鮮嘅朋友一定會愛上因為都真幾好味！最後仲帶咗碗扎肉粉呢碗越南扎肉粉嘅味道真係好傳統同出邊食嘅差唔多不過佢嘅湯底就冇味精味 唔錯！

非一般越南菜 收工約左朋友去中環飲野，飲野前緊係要先填飽個肚先啦就search下附近有咩食，點知發現左呢間西式越南菜，鼓起好大既勇氣去試新野。。。果然女人既直覺係無錯既絕對無失望先黎個龍蝦湯做頭盤 香滑嘅忌廉+濃濃嘅龍蝦味，啖啖嘅龍蝦肉不得了，好正! 鐘意飲龍蝦湯既朋友可以放心叫黎飲，包你地唔會失望接住我地分別叫左2款唔同既主菜，我叫左個羊肉配粗薯條香菇 羊扒外脆內軟，啖啖肉汁又乾身仲好juicy，粗薯好正另一位女士因為怕肥選擇食海鮮，呢個龍蝦除左大大隻，新鮮唔洗講之外，我地覺得最特別係用左上面塊葉既鹽，原來隻龍蝦咩醬都無用，清食加荷葉上既鹽，成個鮮味出哂黎以上開飯食評，只係本小姐個人食後感

今日約左幾個朋友係中環食晏就，誤打誤撞黎左間新開張既餐廳食野😋，完來餐廳晏就係食越南菜，晚上就係食西餐，今次我地叫左5個野食，分別係：1.自製越式蔗蝦(1pc)-$48蔗蝦超級大隻，大隻到成隻龍蝦禁，一上台已經相機📷食先，蝦肉好爽口🦐，沾小小海鹽食更加提升佢既鮮味，隻蝦仲要有超多💛金黃色蝦膏2.特強宿醉劑(法式車頭金邊粉)-$188好得意既菜名😆其實佢係一個材料豐富嘅金邊粉，材料有：安格斯牛肉，牛坑腩，牛柏葉，牛筋丸&越南虎蝦，金邊粉湯底好清香富有牛香味🐮，令人不禁一口接一口3.速效宿醉劑(生安格斯牛肉金邊粉)-$78因為同行朋友好鍾意食牛肉🐮，所以再叫咗一個金邊粉，因為生牛肉係用湯浸熟，所以食嘅時候牛肉仲係帶有粉紅色，安格斯牛肉非常柔軟♥️豐富牛肉味充滿成個嘴巴👄4.越式水咖哩撈牛坑腩碟頭碎米飯-$88第一次食越南咖喱，仲要配上✨矜貴嘅部位-牛坑腩，牛坑腩比起一般嘅牛腩軟，而且已經燉煮到入口即溶，仲可以按照個人喜好添加辣椒、芽菜或者金不換5.越式扎肉撈檬-$88黎越南餐廳點可以唔食撈檬🍜，扎肉切得好大塊，檬粉好爽滑彈牙，酸酸甜甜嘅醬汁令人好開胃，一上枱已經好快俾我哋清晒Fresh Le

餐廳位於中環蘭芳園對面大廈6樓，第一感覺裝修好似酒吧，完全唔似越南餐廳😛我地點左香茅牛油蒜香雞翼，越式鵝肝法包，越式水咖喱牛坑腩碟頭碎米飯，特強宿醉劑（法式火車頭金邊粉），自製越式蔗蝦同埋幾杯特色飲品先講講香茅牛油蒜香雞翼$68 8 隻，炸得好香脆一啲都唔油膩，肉質好柔嫩，食完一隻食咗好多其他嘢再食 相隔一個鐘到仍然保持外脆內軟 誠意推介越式鵝肝法包$138 法包焗得好脆一啲都唔硬 鵝肝配青瓜減低了油膩感👍👍 加埋淡淡的牛油香 絕對係一種享受❤️越式水咖喱牛坑腩碟頭碎米飯$88 上堂嘅時候聞到陣陣嘅咖喱味🤣🤣 牛腩大小不一 有些好鬆軟 不過有兩件就差少少 可能要牛肉脂肪分布不夠平均 有點點硬 不過整體還可以特強宿醉劑（法式火車頭金邊粉）$188 一上枱 即刻要嘩一聲 好似皇宮高級燉品咁 一打開有微微嘅煙飄上嚟 入面有安格斯牛肉 牛坑腩 牛柏葉 牛筋丸 越南虎蝦 非常豐富😍😍 味道不過不失 不過影相呃like一定得自製越式蔗蝦$48 蝦膏非常多 蝦肉非常新鮮 點埋鹽一流最緊要呢度好靚 有個好特別嘅畫框 一邊係會不停咁轉相 都係惡搞圖 非常有趣🤗

又一間中環剛開業嘅越南餐廳🍴不過呢間就唔係嗰啲歛財湯河專門店😉Lunch menu小食+主菜+飲品收$88加一，食得太多貴pho，set lunch價錢即刻變得親民好多😅［唔記得影］小食揀左香茅牛油蒜香雞翼，雞翼一分為二成單骨雞翼，食起上嚟方便好多，表面面積大左，牛油香double😛即叫即炸所以係熱辣辣趣卜卜嘅，但裡面唔會乾爭爭，好味👍🏻越式扎肉撈檬，有六片札肉，配菜有餣左嘅蘿蔔絲、花生碎、炸蒜、青瓜絲、生菜絲，我諗呢啲都係standard野嚟嘅。本身個蘿蔔絲都酸酸味味，唔需要落太多魚露已經夠味。特別提一提個札肉，都幾彈牙，同時清楚見到製作時混入嘅豬皮，為扎肉添左幾分煙靭，提升整體嘅口感。加左$10要越南咖啡，越南咖啡素來偏苦，以獨立嘅小小咖啡壺煮咖啡，再漫漫滴漏至杯中，一打開香氣撲鼻，黑咖啡其實內藏乾坤，練奶一早落左喺杯裡面，混合後即可享用。相信越南嘅咖啡都會係落練奶落得好重手，以本地口味其實可以少甜，咖啡味行先。除左環境有少少格格不入，整體食物同價錢都唔錯，唔知幾耐會轉一次menu? 期待店方不時upload新menu上嚟😬