韓米 (東廣場)

Open Now

Now Closed

今日2023年4月15日大概下午2:10分，買左個紫菜牛肉卷，打開黎食咬一啖有少少變壞左，應該一早整定無放雪櫃，攪到成條擲左去無食到，以後都唔會再幫襯，想買黎食最好揀放係雪櫃或即叫即整，唔好買已包好。——————————————————————————————-

叫網上外賣嘅黎到直接少左兩份炸雞打電話過去態度極度惡劣同個客講「咁你想點先？」叫佢送返上黎之後佢同你講上唔到樓自己落黎攞但我同我啲fd gathering緊呢個明明係佢哋嘅問題，但係佢哋都唔用最好嘅方法來解決，而且冇諗住送其他嘢食去慰問下個客😅從未有過咁差嘅體驗我只可以話唔係幾識做生意囉😂希望佢哋可以改善一下我哋未試過堂食，不過外賣就真係希望佢哋可以做得好啲野食正常但係俾錢買難受極度不建議議議議議議議議議議

[ 韓米 Hanmi ]行過東廣場，見到有間新開主打韓式飯卷&便當嘅外賣店，一個韓式午餐價錢$68-$82不等，買來試吓先。✿ Set A 豬肉紫菜卷 $68✿ Set C 牛肉便當 $82午餐包咗前菜、韓式魚糕湯&韓式飲品。前菜喺韓式大荳芽，食落爽口。飯卷分成9件，每件都大大件，豬肉都幾辣🌶️而且配料十足，口感豐富。牛肉便當份量都幾多，有韓式炸粉絲卷、炸餃子🥟、牛肉、醃蘿蔔等，一個便當滿足哂你嘅需要。飲品方面簡咗最愛嘅香蕉奶🍌食韓國菜必飲😋總結🫦午餐份量豐富，有齊前菜、湯同飲品，鐘意食韓國菜嘅你唔好錯過啦。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿韓米 Hanmi地址: 觀塘成業街7號東廣場地下G53A號舖電話: 84901479✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

豬肉飯卷$48經過東廣場，買外賣返公司食，一打開成條油，一咬入口、豬肉又林又霉、狗罐頭咁嘅質地，食咗一舊就掉落垃圾桶。如圖可見，蛋絲&紅蘿蔔絲佔咗大部份，早知食爭鮮冇咁嬲，又要再落街買另一份午餐

❣︎ 位於觀塘東廣場的一間小店估唔到又幾好食價錢亦好大眾化性價比幾高🤩.主要以外賣為主🥡7點幾到見到好多人幫襯落左order唔洗等好耐就拎得員工服務態度都幾好好有禮貌又好貼心♡⋯⋯食評⋯⋯♡ ☻ 4.6/5 芝士牛肉紫菜飯卷 $58好足料喎😯成個飯卷圓碌碌好飽滿🤤有芝士·紅蘿蔔·醃蘿蔔·牛肉等等牛肉入口好香好juicy韓式炒粉絲 $48有蛋絲·雲耳·紅蘿蔔絲·牛肉粉絲唔算好油望落晶瑩通透咬落有彈性忍唔住一口接一口咁食🤪.

去開觀塘，又去咗東廣場覓食。今次發現新開左一間韓式外賣小店。見佢啲飯卷擺晒出嚟，就俾佢吸引到。分別買咗三款紫菜飯卷，牛肉紫菜卷，芝士豬肉紫菜卷同紫菜飯卷。每卷都預先切好，包得好靚。而且份量都絕對唔少，談了嘅份量比例都啱啱好，個人最鍾意牛肉味嗰一款，豬肉嗰款就會有少少辣幾過癮，不過其實三款都好鍾意。帶咗去野餐，真係方便又舒服仲好好食！見佢仲有唔同嘅午市套餐，牛肉便當，紫菜卷，拌飯等等都有，而且價錢都好合理。

韓米觀塘成業街7號東廣場地下G53A號舖今天放工不想回家煮飯，就來到這觀塘東廣場，全層地下舖面全部係食市，又想食些辣辣地泡菜，就選擇這間韓米，店員非常有禮貌，因為等烹調年糕時間比較長，他講可以坐下睇下電視聽下音樂，值得讚👍這間食店有好多選擇，我揀左三款：韓式牛肉拌飯 $58韓式拌飯，有蛋雞絲，翠玉瓜，牛肉，香菇，紫菜，芽菜，泡菜，好多材料，紫菜同牛肉好好味，拌埋一齊，飯又大粒又有咬口，真是好好味。醬汁蓮藕 $48羅白，泡菜經常食，但好少食到醬汁蓮藕，這款蓮藕好特別，又爽又粉，醬汁又好味，我都係第一次食。韓式炒年糕 $48呢款年糕，用些好薄的魚皮，拌埋泡菜一起炒，少少辣，好夾味道剛剛好。飯卷好吸引，都是等下次。

一向鐘情韓食嘅我，見到呢間係#觀塘 #東廣場 開左間 #韓米 ，專做韓國食品作為主，有韓國飯卷、炸雞🍗、拌飯、便當🍱同各款小食，即刻買番轉回家慢慢嘆😋。點左一份粉絲，原來份量都幾多，望落去覺得淡色左d， 食落原來都夠晒味啊，仲有豬肉同蛋絲在內，好有咬口，足夠2人分享。豬肉便當🍱，配料相當豐富，食材有肥瘦過適中的豬肉，泡菜、豆芽、紫菜、紅蘿蔔🥕⋯⋯，咸度恰到好處，可以再encore 😋。餐包湯, 炸雞2件同飲品。炸雞回到家後食，依然很脆口，正啊😋。份量足夠性比價高，價錢親民，經開都會去幫襯的。

新年新開始🌟2023年第一日就去咗觀塘新開嘅韓式外賣小店買lunch韓米係觀塘東廣場入面 之前嗰位好似係做日式嘅橫檳水手可能新開 再加上我去到都兩點幾 所以舖頭有啲靜叫左個芝士牛肉紫菜卷+炒年糕芝士牛肉紫菜卷🍙8舊大大舊 足料 有淡淡嘅芝士味 食完好滿足😋但買嗰陣有諗過因為佢已經一盒盒包好咗 如果有客唔鍾意食某啲菜 倒如紅蘿蔔🥕 會唔會客製化架呢🤔炒年糕🥢落單果陣個收銀哥哥話話好辣㗎喎 食落係有啲辣 怕辣嘅朋友可以淺嘗🤣入面都有兩片魚糕最後嗰收銀哥哥問我係咪第一次光顧 佢話因為新開冇乜客 所以如果好食嘅話記得要再返嚟🤣所以我臨走時拎埋張外賣紙 希望小店多啲客 下次我都會想試下炒炒絲

📍 韓米 (觀塘)觀塘成業街7號東廣場地下G53A號舖今日放工去左東廣場搵食，見到新開左一間韓國外賣店，入面有我最愛嘅紫菜飯卷🤤🤤我點左一個牛肉紫菜卷、炸蝦紫菜卷、韓式炒年糕返屋企食😋😋牛肉紫菜卷味道香濃入味，食落好正🤤份量又夠飽肚，而且佢包裝方便攜帶👍炸蝦紫菜卷本身想Order芝士豬肉紫菜卷,可惜佢哋沽清左，店家就推介呢款🤭呢個味道相對較清淡，但係炸蝦香脆，肉質彈牙，都唔錯☺️韓式炒年糕呢個份量都算多，而且除左年糕，仲有魚糕，入口甜甜辣辣，勁開胃！食到停唔到口🫣🫣#韓式炒年糕 #紫菜飯卷 #韓國 #韓式外賣店 #高質平價 #好味 #外賣店 #觀塘美食 #觀塘韓式外賣 #東廣場

早幾日嚟觀塘做嘢，已經留意到東廣場地下新開咗間賣韓國菜嘅小店，咁啱今日約咗人喺附近交收，臨走就順道過嚟買啲飯卷返屋企食。店舖主打韓國傳統小食，有紫菜卷飯、炒粉絲、拌飯、炸雞、泡菜、煎餅同韓式便當等供應，選擇都幾豐富。點咗個韓式牛肉拌飯，另外再加咗兩款飯卷。韓式牛肉拌飯 ($58)  拌飯嘅用料好豐富，除咗主角牛肉之外，仲有大豆芽、紫菜、鮮菇、翠玉瓜、泡菜同蛋絲，分量十足，而且色彩繽紛，賣相吸引。牛肉烹調得很入味，肉質肥瘦適中，入口嫩滑 Juicy。翠玉瓜清新爽脆，而米飯亦粒粒分明，食落帶飯香，撈埋啲韓式醬汁一齊食，入口甜甜辣辣，超惹味。兩款 Kimbap Rolls 亦好有驚喜，紫菜飯卷 ($42)  內有小黃瓜、蛋絲、紅蘿蔔同爽口嘅青瓜，加上煙韌嘅醋飯，入口帶陣陣麻油香，成個配搭好夾。另外條豬肉紫菜飯卷 ($48)  亦用料十足，飯卷包得夠實淨，挾起也不易散，豬肉很入味，微辣肉嫩，食落好醒胃，件件爆餡，滋味滿分。

🇰🇷韓米🇰🇷主打韓式外賣，味道唔錯之餘包裝都好方便外賣。除咗韓式便當都有唔少人買kimbap。🍱牛仔骨便當 $78牛仔骨煮得軟腍入味，好有醬油甜味。筋膜部份略帶咬口。墊底嘅洋蔥絲同樣好入味。個醬汁好啱撈飯😋😋！🍱無骨雞便當 $68韓食必點炸雞！香脆肉嫩又多汁，滿滿韓式豐味。每盒飯嘅份量都唔少，男仔食都好夠飽！同埋有雞肉粒、醃蘿蔔，感覺上冇咗單調。📍韓米 (觀塘)觀塘成業街7號東廣場地下G53A號舖

位於觀塘的韓國小食料理外賣店，旁邊一系列都是不同國家的食店，專營外賣為主。小店供應的有韓式便當、炸物、泡菜醃物、小食、紫菜卷飯等。食物即點即新鮮製作，需時等候。泡菜：辣蘿蔔份量有細份或大樽，自家醃製的蘿蔔，十分爽口，有口感，越吃越辣。韓式小食：泡菜煎餅餅已剪成細份，方便客人夾起享用。煎餅薄塊，入面都是泡菜碎，不過相對較鹹。炸物：雞翼鎚新鮮即炸起的雞鎚，雞鎚有4隻或6隻份量，每隻都很肥美，厚實。肉蠻多汁，加上配辣醬汁，很惹味、過癮。

-🔸醃辣魷魚 $25/細🔸韓式辣蘿蔔 $10/細🔸五花腩紫菜卷 $58🔸芝士牛肉紫菜卷 $58-佳節狂歡之後要食返清簡少少，今日食咗韓式飯卷，依間外賣小店新開幕，就趁機試一試。揀咗五花腩同芝士牛肉兩款，同男朋友開心share，兩款都爆晒餡，配料豐富大大份，當lunch食一條絕對夠飽！另外店員推介自家製嘅韓式小菜，話係自家醃製架。試咗醃辣魷魚，係生魷魚嚟，新鮮爽彈，同韓國買嘅有得揮。另外辣蘿蔔夠爽脆都好味。

臨近聖誕好多party要開😆今日係觀塘book左partyroom同朋友玩所以就係附近到買左啲外賣上鬼食😍呢間韓米係觀塘東廣場到都排長龍好多人買原來老闆娘係真韓國人黎架🤩佢識少少廣東話仲超級nice🎄🎄我地就試左佢嘅幾款紫菜包飯💖-🐮牛肉紫菜卷 $48🐷豬肉紫菜卷 $48🥩五花腩紫菜卷 $58🧀芝士牛肉紫菜卷 $58叫左四款 貪佢易分同埋衛生👍🏻👏🏻四款都好好味😋牛肉同芝士牛肉都正宗豬肉就有少少辣五花腩舊肉就好厚😍