韓盛朗 (Closed)

今天探訪朋友，留意到這家餐廳。店面好像很地道似的。就進去來一個韓式午餐！估不到快接近下午二時都好多人，食緊都仲有好多人入座。$60幾蚊個餐，有前菜、主菜，跟飯，份量是蠻多的.....我叫咗個韓式牛肉辣粉絲湯，起初覺得唔辣，係咁加湯落飯，點知愈食愈辣！牛肉有點老和乾～朋友叫咗韓式牛肋骨，D湯好重牛味，朋友難得地連所有蘿蔔都食曬！最後見到隔離叫咗韓式炒年糕及韓式煎餅都好吸引，下次要試一下。整體來說，味道和用餐環境都不錯的。

美孚附近真係冇乜韓國餐廳，唯獨是呢間，嗰度可以比你揀燒肉/晚餐，款式種類都唔少，而且係好食！同埋由韓國人老闆開嘅，味道都幾地道👍🏻叫左豆腐鍋、泡菜煎餅、炸雞，唔會太辣，炸雞熱辣辣又Juicy，值得再幫襯！

午飯時間會爆場, 要預時間等最鍾意食辣牛肉粉絲湯, 好食, 幾夠辣, 食完唔會覺得好口渴價錢係美孚黎講我覺得算合理,起碼比番咁上下既質素我, 唔會搵笨。烤辣豬肉同石鍋什錦都食過，都幾OK。店員有禮,但環境唔算好寬敞,都幾逼下。

一直都喜歡這店的食品夠地道，不過今日發生一個時間讓我對它的信任蕩然無存。今日我去餐廳先留二人座，放下物品及與店員講清楚，然後去接媽媽到店，但回到店，座位已經給別人，並安排我們再等位。其實誠信是需要時間建立，無誠信，做甚麼都無用。

海鮮純豆腐湯- 湯底鹹辣度平均，豆腐滑溜吸湯- 湯中的生雞蛋，一戳即破，蛋漿混入湯底中增濃稠度，討好- 蜆瘦不新鮮，每粒也有大量沙- 若能配粉絲或麵食更佳*午市爆場，擠擁

今日同同事一齊食午餐， 各自都叫左石頭鍋飯， 真正的韓國風味。 有前菜 (泡菜 , 甜薯仔 同 菜）石鍋飯好足料 , 熱辣辣。 自己落 辛辣醬同麻油， 味道自己調校。 真心覺得唔錯， 食到超飽， 好滿足呀！🤣

Walked pass this restaurant near my workplace!Indeed it's a very good Korean restaurant .Great deals for lunch starting from $5X only....All lunches come with a appetizer platter, with spinach/white turnip/kimchi.I had the beef rice glassy noodle soup with rice! So Yum and you can tell the beef is good quality!Will make our way back! Nice work, thank you!

今日上堂約埋同事放lunch 一齊食，朋友提議happy friday 去試食呢間韓盛朗。 門面好韓式。 餐牌又係好多好多選擇， 又黎左選擇困難症既時9候xd. 最後揀左烤 雞肉飯。 朋友就叫左海鮮豆腐湯 飯。 最貼心既係有韓式前菜：泡菜，甜薯， 漬菜。 之後主角上場！！！ 鐵貼"渣渣"咁上 ,配料足夠， 洋蔥同雞肉同燒汁 ,配搭一流。而且分量岩岩好。唔會食唔哂哂左/食唔飽！ 以呢個50+左右既價錢食到高質韓式定食！ 一定會再黎試埋其他菜式😋😋

星期五做完個放毒瘡既facial後，同老公去咗附近一間店食韓國野。一人叫一個dinner set，老公叫雞肉，我叫黃花魚。Dinner set係主菜跟1碟3款既前菜（我最like)、一碗熱騰騰既豆腐海鮮湯同一碗白飯。另外叫咗支韓國啤酒。湯有正常、少辣同無辣⋯⋯我爆瘡就揀唔辣，老公揀少辣。前菜有泡菜、薯仔、菠菜，好好味，我好鐘意食！之後黎個熱騰騰既海鮮豆腐湯，好多豆腐，我鐘意，仲有蜆同八爪魚仔，好好味，飲完返屋企竟然冇狂飲水。主菜雞肉都唔錯，黃花魚煎得香口肉嫩！整體來說幾好啦！

又到左食Lunch時間, 見天氣好好, 就決定出街食啦。 今次就去由韓國老闆經營的小店"韓盛朗"食午飯啦。店內的座位不算多, 大約可容納40人左右， 而每枱都會附上熱茶。 今次我必須推介價值$68的L8.炆牛肋骨套餐, 每次我都必食, 實在太味美了。 順帶一提, 因為老闆是韓國人, 還有部分職員都不會說廣東話, 所以落單時都必須講英文。順利點餐後, 店員會送上三色前菜, 分別有: 波菜, 甜薯, 泡菜。 前菜的味道:波菜: 味道較淡 但有蒜香味 好食甜薯: 甜度適中 黏口 好味泡菜: 味道較酸 帶點辣 但食飯好開胃主菜炆牛肋骨終於到了, 因為套餐的關係, 所以會附上白飯一碗。 而炆牛肋骨的配料有: 牛助骨, 蔥, 冬菇, 白蘿蔔, 紅蘿蔔。 先評論食物方面:牛肋骨炆得好腍, 非常入味, 雖然骨比較大舊, 但可能是炆得岩岩好的關係, 每次總是骨和肉好容易就可以分離,食的時間當相方便。 而配料方面的蔥, 冬菇, 白蘿蔔和紅蘿蔔令肉汁帶鮮味, 非常香濃, 送飯一流。 配料亦非常入味, 令到白紅蘿蔔們都好腍, 整個蘿蔔都充滿哂肉汁, 好香好正。 總結:午飯時間無得訂位, 先到先得, 需收取加一

今晚第二次汗蒸，蒸之前再去這店食嘢先，因為上次已食咗石頭鍋，而且自己吾係太受得辣，所以今次想食簡單啲、清啲嘅湯麵，呢度麵有四款：冷麵、辣海鮮麵、不辣的海鮮麵及炸醬麵，咁，我叫海鮮刀切麵試下……這個麵的湯底雖然清清但夠味，熱熱的我鍾意，海鮮有魷魚、蝦、蜆，配菜有翠玉瓜，刀切麵煙煙靱靱，如果這個係豆腐魚湯底會仲好味呢……朋友叫咗半隻人蔘雞湯，比咗少許湯我試，都ok啦，我好少飲呢啲補湯，都吾敢飲太多，今晚輕輕鬆鬆又吃完一頓韓國晚餐了……

今晚去試韓式汗蒸，蒸之前去食韓國嘢，來個韓式之夜，高太建議可以試下韓盛朗。。。入到去，店子細細，但不用等位，這裡有韓燒的，但我地因為時間所限，所以叫定食套餐算了。天氣又涼番少少，可以食鍋喎，我叫咗個石鍋什錦拌飯，我轉了豬肉，先來個海鮮豆腐湯，我好鍾意有豆腐嘅湯，好好飲，夠濃味又夠熱，可惜我吾太食得辣，但勉強接受到，最後都飲光了。朋友們一個叫咗牛肉飯，一個叫咗拌飯，佢地都覺得OK，我自己都覺得不錯。呢度老闆係KOREAN，侍應都係講英文，比我感覺D食物整法都會正宗D。

今日晚上朋友帶我去食呢間餐廳，點知…………意想不到，係美孚都有好野食。一坐低就有韓國小食(芽菜，魚仔，黑豆，甜蕃薯，菠菜),都好夠味。我地先黎叫左芝士辣豬肉同芝士牛肉，一黎到好吸引，肉中夾集著菜，所以感覺唔會好膩，溶芝士滲入肉質，好好食，另加左一碗飯，好滿足呀，真係值得一試。仲叫左一枝韓國啤酒，如果再凍d就更加好。芝士辣豬肉好入味，加埋碗飯好正呀。芝士牛肉好軟，唔洗點咬。下次都會叫埋朋友試呢間韓國餐廳

喺美孚終於搵到一間我覺得幾好食嘅韓燒餐廳。我哋嗰日一家人年三十一齊去咗呢間餐廳食飯。叫咗一啲燒肉，燒海鮮，同韓國食品。嗰度都幾乾淨。佢哋個牛仔骨都好新鮮同幾肥味。佢哋都會有蔬菜籃裏面，有生菜和新鮮紅蘿蔔，夾住啲牛肉你食特別好味。啲帶子好大粒啲蝦都大同鮮甜。d蝦肉好爽口。條煎黃花魚呢我覺得都幾好食,煎得香香地，而啲肉都滑個韓國石鍋飯，呢都OK好味。啲飯焦都幾香。個煎餅都幾好。要特別提一提呢度個牛肉Sashimi,都非常生鮮同鮮甜。

今日去個頭附近見工禁岩朋友係附近做野既，所以記約左一齊食晏啦～我叫佢介紹佢附近100內好好味既野比我，佢就帶左我去呢間老實講，我去左幾次韓國之後對香港既韓國野食既水準係有少許失望，但係！！！呢一間真係好好味1）入到去老區同廚房都係韓國人，不期然先加左分2）等位時候都聞到其他人食緊既野食好香，好吸引3）前菜有三款（每樣少少，但可以加），老實講佢泡菜偏酸而不辣呢一點係我比較唔鍾意既，但係係韓國食都唔係家家既泡菜都好味既，之於另外暑仔同菜都好好味以為前菜既作用係就禁食！？禁你咪錯囉～維他依依我係先食一碟外加一碟，加個碟係加埋佢臺上既伴飯個隻醬同麻油拌跟餐送既飯就係韓國既野菜拌飯嘛4）炆牛肋骨午餐定食（必食推介）好正色！香！味！俱全其實維他依依我表示好憎紅羅白，但為左寫既食評可以全面少少都鼓氣左勇氣食埋佢比我發現原來紅羅白入面有曬牛肋骨既味道真係好正好正再加上佢既牛肋骨軟但又不失佢既口感炆得好好，入面仲鎖埋白羅白既味，正！佢既白羅白仲好靚冇渣同勁甜，仲有冬菇都入曬味佢個汁撈飯都一流，係拌飯上面加少少就已經絕配5）芝士烤辣豬肉唔係必食推介，但味道都唔錯，如果芝士靚多少少成個口感會更加正，但依家已