韓食媽媽韓國料理

Open Now

Now Closed

Went to dinner with my dad and my wife few days ago, most of the restaurants nearby were full. Didn’t come to this restaurant for two years. Food was still great and very local Korean food.

星期日行完山，路經東大街，決定係到解決埋晚餐。大約七點經過呢間韓食媽媽，決定一試。老闆娘聽口音應該係韓國人黎，一開頭俾咗張二人枱我地，之後見我地嗌咗都頗多野就換咗張四人枱，老闆娘笑容十分好👍🏻👍🏻野食方面，我地嗌咗份牛腩片，海鮮煎餅，白飯，水冷麵同芝士海鮮炒辣年糕，兩個女仔食都幾多野下。個牛腩片都有成十塊到，配一籃生菜俾你包，牛腩片本身有啲汁，燒完配飯都幾惹味👍🏻水冷麵都幾正宗，有枝白醋俾你調味，酸酸地，蕎麥麵啲口感都唔錯，唔會太硬同太un，份量都幾多。海鮮煎餅都係正宗韓式煎餅既味道，不會煎得太硬，有啲厚度，啲料都好足👍🏻啖啖都有八爪魚粒👍🏻👍🏻海鮮芝士辣年糕都好足料，唔會剩係得蟹柳或者蝦仁當海鮮，有硯，蝦，青口同魷魚，誠意十足，味道都不錯，芝士十分多，仲要凍咗都好味，不過年糕唔太辣，唔太食到辣既朋友都可以食👍🏻👍🏻整體黎講呢間韓食都算有水準，價錢唔太貴，味道好，服務態度亦唔錯，再黎既話都可能會再黎食👍🏻

呢度的人蔘雞湯真是好味，仲要好抵食！個紫菜卷都好好味，前菜有三款，好味。呢度服務員態度好，唔會趕你走。辛辣面仲加送雜菜同蛋，一點也不馬虎。雖然位置屬街尾，人流較少，但是好值得行多幾步去試！

店內都係韓國人主理，新裝修好有家庭感覺，坐位亦寬敞。前菜有韓國泡菜之餘又有啱香港人口味既芽菜和蔬菜，清新，醒胃非常。海鮮芝士燴年糕: 可走辣喎😉，海鮮料多，蝦呀、蜆呀，樣樣有些，令到個年糟好鮮甜，只可惜年糕就硬咗小小!海鮮蔥煎餅: 好似我哋既蔥油餅咁，佢就加多咗蔬菜同椒類係𥚃面，食落清爽一點，另一種香口感，而且厚到十足，材料亦不少，咬開見到魷魚仔添，煎得又唔油膩。Good!今日星期四，當晚條街只有這家坐滿人，咁大家有信心啦！

呢間韓國餐廳一直都有捧場開😇Lunchtime成日都會同同事去食🤤🤤店員都係韓國人但佢地都識聽同講少少廣東話嫁～餐廳前菜🍴最好嘅係右手邊嘅甜薯仔！！😍出面韓國餐廳好似少見呢種好食到連我同事都想encore 再食~不過中午前菜係無得refill..點左2個set 😽豆腐海鮮煲,個湯底比較淡，海鮮份量少左d😖不過豆腐好滑!🌟🌟🌟牛肉粉絲煲😍😍係我每次黎都會食！個湯好甜～次次都會飲晒d湯😍👍🏼👍🏼牛肉份量正常，唔會好少👍🏼

適逢今天要到筲箕灣工作，當然要到東大街吃個午飯。到了東大街，走到尾便發現這家聞名已久的「韓食媽媽」門前堆滿了人。剛巧有時間，我和同事便決定在這裏吃了。還未進去，侍應便請我們先點單。在冷風陣陣的街道看到菜單上「人蔘雞湯」四個字，我想也不想便決定了我的午餐。終於進去了。剛坐下，侍應很快便送上了前菜：泡菜、薯仔和銀芽。整體而言，前菜的水準算是不錯：泡菜味道剛好，不會太酸，而薯仔和銀芽也醃得剛剛好，開胃之餘不會太鹹。剛剛吃完前菜，侍應便立刻送上了人蔘雞湯和飯。熱黱黱的雞湯散發著陣陣香味，令我不禁立刻拿起鐵匙先嘗一口湯。因為我喝得太急，我竟然燙到自己！再嚐一口，雞湯鮮美的味道一下子充滿了口腔，我心中不禁讚嘆了一句「盛名之下無虛士」！可惜，當我吃了一口雞後，我便立刻推翻了我的想法。這隻雞或許是煮得太老了，根本吃不出雞肉的味道，而且肉質非常粗糙，就連本應嫩滑的雞腿肉也淡然無味，實在難以下嚥。我真的想不到這隻「人蔘雞」會這麼難下口，在我吃過的雞中也算是較為難吃的……整體而言，這家店舖不論是服務態度、前菜和湯都是名符其實的。可惜最重要的「雞」卻是一大敗筆。

去完做義工原本打算去東大街掃街，但太早得少少鋪舖開左，而且有d累，想坐底慢慢食。行到街尾見到呢間好多人食，就跟人食了。見天氣都有少少凍就叫左個泡菜豬肉煲。首先就上左前菜，有泡菜、芽菜及薯仔。過多陣就上主菜了。一見到好似好辣咁，先飲左啖湯，感覺好暖，飲落又無想像中咁辣裡面有好多泡菜同豬肉，好岩天氣凍咁食，一啖飯一啖湯簡直係享受，覺得自己好似韓國人咁！最後店員既一聲韓文多謝，就結束了呢餐韓國飯了！

又到星期五喇東大街真係好多好野食今日想食韓國菜所以今日食呢間喇不過呢間好熱鬧門口有位正宗韓國侍應安排入座其實佢唔太識講廣東話 不過佢都好友善 用身體語言加廣東話同英文溝通門口個餐牌已經好有吸引力今日人比較多 等位要15分鐘入到去立即叫左個石頭煱飯 我選左雞肉可以自行選擇豬肉/雞肉/牛肉/海鮮配湯同前菜 入座時有杯粟米茶飲不過都要等耐啲 等左15分鐘終於到冇失望， 啲野好新鮮自行攪拌 會加到最熱 所以都要等一等食落真係好香 由於我唔食辣 如果喜歡食辣 加韓國辣醬會更好食攪拌到由上下食落啲飯唔爛 仲保持品質不過真係好熱要慢慢食啲前菜 係黑豆，泡菜，薯仔全部都係甜味個湯好飲 好惹味60蚊唔洗加1 價錢合理雖然要等但下次再想去

又是兩支公出遊的日子，今天轉戰港島山頂，原本預定在山頂布力徑行一個圈，可惜行了不夠十五分鐘，滂沱大雨，惟有折返。揸車落筲箕灣東大街一帶搵食，在韓食媽媽門外有位泊低車，入內尚未滿座。坐下來即order兩個午餐，分別為鐵板烤雞肉和韓式辣麵，可自選肉類，每款加五元，我揀了牛肉和海鮮兩款。每個午餐都包括海帶湯和泡菜，兩人分享，剛好夠飽。雞肉和牛肉的味道尚算可口，海鮮就份量太少，味道普通。值得一讚是侍應都很勤快，尤其是湯和泡菜在order 完食物即刻上。這樣的午餐算是中規中矩吧！

喜歡和爸爸一起來這裡吃宵夜，小菜和肉都很不錯，重要是這是一家韓國人開的店鋪，整家店都有韓國氣氛，店員也很熱情☜☜☜☜!!( 。ớ ₃ờ)ھ(´▽`ʃƪ)(*Ü*)ﾉ☀

東大街系列之韓食媽媽由之前地道平凡小店 到而家裝修到靚靚仔仔都有去食午餐 裝修左之後 感覺係舒服好多品質keep到 價錢無咩點加 店員唔係好識廣東話 最好紙比佢指俾佢睇你想食咩啦前菜有三種 每次都有唔同 都幾好食 最喜歡黑豆 真係唔係次次有主菜通常叫：人參雞$60 海鮮煲$58 豬肉煲$58 後兩款係有點辣 配碗實的的米飯 女仔會食唔曬人參雞既雞肉味偏淡 有鹽俾你點海鮮煲 豬肉煲 都係泡菜味嘅湯 好惹味架豬肉唔太多 但夠食既 而且會有好多菜

在街上走著，看看有什麼好吃的，想不到整條大大小小有超過廿間餐廳，最後揀了這間韓國餐廳。裝修不錯，女仔一個人黎食都坐得舒服。先看看餐牌，都是大路菜式，由於好肚餓，就點了烤肉拼盤。先上來係湯及前菜，湯係海帶湯，都算清甜，前菜有菠菜，泡菜及薯仔，菠菜同泡菜都無特別，反而薯仔好甜好軟綿 。主菜端上來一刻有點失望，份量較少，味道還可，雞肉不嚡，豬肉薄了點無乜咬口，牛肋肉幾好食。總括來說，這個價錢不太划算，肉類份量偏少。

筲箕灣開左間新戲院一直都未試過去睇, 星期五剛好約左2個姊妹去西灣河游水, 所以我地游完水就直落去東大街搵食再去新戲院睇戲姊妹介紹我地食呢間差唔多去到東大街街尾嘅韓國餐廳，佢話呢度LUNCH SET都幾抵食。我地1點前已經到，客人唔多，已經即時安排到入座，店員都有幾多個係韓國人。每一個客人都有一份前菜，個泡菜好好食，少少辣，但可以接受到，但唔知有冇得REFILL又唔好意思問，其實仲想食多少少泡菜我地三個人叫左三個午餐SHARE, 我自己最鐘意個人蔘雞，雞肉好滑個湯好香濃，連D湯最後我都飲哂。個牛仔骨用鐵板上，不過我地唔知應該要攪下佢令到最後放底嘅洋蔥焦了一點，浪費左。另外果個姊妹好LIKE, 好快已經俾佢清哂

終於黎到星期五，係睇「春嬌救志明」之前，先同朋友填飽個肚先今晚好好彩，一黎到就唔洗排隊，仲有卡位坐添真係太多野揀啦，花多眼亂，結果，我地叫左個二人餐二人餐既前菜，我鐘意泡菜，唔會太辣，前菜仲有個甜甜地既薯仔，好野味，又開胃韓式粉絲稍為平庸，不過不失二人餐主打係食燒肉，燒肉預先醃好左燒完拎上黎食，好Juicy，又唔un除左燒肉之外，仲有啲疏菜，有我鐘意既菇，好味今晚仲第一次燒薯仔，好有薯味丫二人餐包前菜燒肉疏菜之外，仲可以揀人參雞湯，或者石鍋拌飯，今晚我地就揀左前者人參雞湯幾鮮甜，忍唔住都飲左兩碗我地2個大胃王，食完二人餐仲唔夠飽，叫多左個泡菜煎餅估唔到出現左驚喜個泡菜煎餅外脆肉軟，好好味丫黎呢間餐廳一定要叫泡菜煎餅*成晚最唔好既野就係食到一半有蚊，仲愈黎愈痕，連朋友都一齊中招

東大街一向都係美食的集中地😋😋，今次就去左試左一間韓式小店，希望食出媽媽既感覺啦👩。 餐廳既佈置偏暗，牆上掛著不同的畫作，總體來說幾有格調👍👍。兩位老闆都是韓國人👘;-)，不過都識得聽廣東話，所以落單方面都沒問題(∩＿∩)。點完菜，就先上左前菜同湯啦，海帶湯味道清甜，帶少少鹹，味道開胃(๑・v・๑)。泡菜味道甜辣，不錯。主菜就點左一個雞肉石鍋雜錦飯😍😍，配料有蘿蔔絲，蛋黃，紫菜，磨菇，雞肉🐓，味道其實沒咩特別。唯獨其大坂醬後勁好強💖，初入口不辣，但愈食愈惹味，令人食不停口。