幸福單品咖啡

Open Now

Now Closed

最近試食左好多五花八門既新餐廳，但係講到最近食物上令我心靈最滿足嘅一餐，非呢間西環三文治小店幸福三文治同埋單品咖啡莫屬☺️☺️。.呢間小店地址喺西營盤一個屋苑平台，舖頭好細得五六張枱，由老闆娘一腳踢負責準備咖啡、三文治同埋即食麵等等嘅輕食。唔好睇舖頭細細，佢哋嘅餐單選項非常之豐富極有誠意。另外小店主打提供單品咖啡，咖啡豆嘅品種地區寫哂係牆，種類多到令人眼花撩亂🤩。.小店應該係做街坊熟客為主，因為似乎每一個客人一入嚟已經知道落單方法，個個自動自覺喺門口拎張紙仔寫低自己想要嘅嘢再交返俾老闆娘，同埋唔少熟客同老闆娘有講有笑。大家臨走前我都有執翻好啲嘢交返去減輕佢工作嘅負擔。老闆娘非常非常之有禮貌，唔該前唔該後，然後幾忙全場爆滿都好重會主動關心下有冇客人要水。加分！.超。幸福三文治 💲60⭐️4.8/5其實我本身想比5分，但係諗諗吓都係留返少少空間🤣。分數係個人感情分，因為我覺得呢份三文治實在好好味同好有誠意。小店三文治可以選擇嘅配料非常之多，我揀咗人氣推介超。幸福版本，包括：芝士、炒蛋、餐肉、青瓜、火腿、海苔🤤再配上特大塊厚身麥包。雖然我睇過相先去，但係都比實物嘅尺寸嚇一跳。老闆娘雖然一腳踢，但係

西環嗰頭一向都有好多出色嘅咖啡同埋西式輕食，今次就試試幸福單品咖啡☕️佢舖頭唔算大間，不過近住宅區，所以環境好安靜，一路飲咖啡食嘢、傾偈，好愜意😚我叫左份牛油果芝士炒蛋三文治🥪多士係先搽牛油，後擺上鑊度煎，食落去多士嘅脆度恰到好處，非常香口🤤🤤而份量亦都好多，食完絕對超級飽🥪❤️咖啡方面，我同老闆娘講想要偏酸嘅咖啡，於是佢介紹咗紅櫻桃咖啡俾我，飲落開頭的確偏酸，尾韻會有一浸甜味，但整體濃度我覺得可以再深少少，依家口味偏淡☕️✨

某日, 老公話要帶我食好野😅 心諗: 食咩大餐先原來.. 原來.. 係同我食三文治🥪 飲咖啡☕ 店舖唔近地鐵, 但都易搵既, 喺電梯旁既平台.. 而座位唔多, 所以都等左25mins😅我地叫左兩款三文治, 其實我就覺得正常味道, 但份量的確令人嘩一聲, 因為真係好大份😅 而個價錢都唔貴, 食完個肚係有一份飽飽既幸福感😎 但同時間, 有種唔想再食三文治既感覺 地址 : 幸福單品咖啡西環西營盤英華臺1-6號華輝閣地下1號舖評分 : 7/10

如果唔係喺附近做嘢，應該都冇乜機會幫襯到幸福單品咖啡，不過自從試過之後，呢排就成日心思思想去多次👉👈。第一次嚟，當然要試下佢哋嘅三文治。我好想食牛油果，所以叫咗份牛油果炒蛋芝士三文治。三文治嘅麵包非常好食，厚身之餘，亦烘得好香口，同埋佢烘嗰陣可能加咗少少牛油，令麵包有少少鹹味，好正。餡料方面，全部都正常水準，畫龍點睛之處係加咗香草，成份三文治味道當堂提升唔少👍。同事叫咗客超 • 幸福三文治，我同佢交換咗一份，呢個超大份😮，勁抵食，餡料好豐富，有午餐肉，炒蛋，芝士，火腿，青瓜同海苔，成份三文治味道最突出嘅係海苔，作用同頭先嘅香草一樣，一加咗，即刻有畫龍點睛嘅效果。其實呢度嘅咖啡都好正，選擇非常多，剩係 menu 已經有超過五十種豆。我揀咗雲南豆，menu 上面嘅形容係「濃而不苦，香而不烈，杏仁核果香氣」，我覺得非常厚身，香氣雖然唔算好重，但都容易入口，唔錯。值得一提，老闆同老闆娘非常 nice，笑容滿面，好鬼 cute。臨走時，老闆娘仲派卡片畀我哋，咁識做，點可以唔再嚟幫襯😸。

🇭🇰💛幸福單品咖啡☕️超幸福三文治🥪👩🏻去左西營盤搵良心小店試試💛去左一間細細地既咖啡小店大約1眼望哂5張台左右 走cottage style🌾下午黎坐下飲咖啡☕️都幾有假日既感覺有好多唔同咖啡豆 單品咖啡 可以揀全部都有虹吸技術處理 值得一試😍🥪超幸福三文治(💰$60)實物比圖入邊睇到仲大份😂😂一份三文治一共有4份 勁厚身兩個人share一份都好夠一共有3層包 包包用左全麥toast仲烘得超脆🍞一共有6款配料🤙🏻炒蛋🍳 青瓜🥒 火腿🥓 芝士🧀 午餐肉🥓海苔🥪雖然配料冇咩特別 但一大啖食落味道好夾超大份 簡單又幸福🥰🥰🥪煙肉牛油果青瓜三文治(💰$50)呢款就相對冇咁多層 light way 一點青瓜🥒比例較多 一層煙肉🥓牛油果🥑控表示如果可以再多啲牛油果就好啦🧊忌廉凍咖啡(💰$50)第一啖飲落好有奶蓋feel🤣飲完成個人都係咖啡味 不錯

超正既單品咖啡店！食之前睇人介紹話食左有超幸福既感覺 心諗有無咁誇呀？ 但原來係真架！叫左個牛油果芝士炒蛋三文治 睇落平平無奇 但從味道食得出好用心 炒蛋加左Rosemary 麵包唔係求其俾塊嘉頓你 仲有用油煎香過至於咖啡方面更加出色 淨係豆都有寫滿2頁A4既選擇 叫左一杯手沖 一杯冰啡 2款味道都好特別 有好豐富既層次~ 小店唔係咩豪裝 甚至有d茶餐廳feel 不過細心睇其實每個位都充滿心思 一定要再去！

.📍 幸福單品咖啡 𝙷𝚊𝚙𝚙𝚒𝚗𝚎𝚜𝚜 𝚂𝚒𝚗𝚐𝚕𝚎 𝙲𝚘𝚏𝚏𝚎𝚎..呢間係位於西營盤嘅小店，主打咖啡同三文治🤤 雖然舖頭唔大，但係好有人情味😚 不過因為得兩夫妻打理，所以落單要自己寫紙仔再遞俾佢地🤣.⚪️ 真。幸福三文治 - HK$60✏️ 呢款係其中一款必嗌嘅三文治，裡面有芝士、午餐肉、炒蛋、生菜同吞拿魚。一攞上手熱辣辣🔥啲料多到好易跌出嚟，份三文治超厚，女仔嘅話真係一啖都咬唔晒😆。雖然全部材料都好簡單，但係食落去真係好好食🤤。加咗黑胡椒嘅炒蛋配上午餐肉好香口，生菜好新鮮好甜，夾埋一齊食會減少咗份膩嘅感覺😚 略嫌芝士嘅份量少咗啲，不過食落去已經好滿足🤤.⚫️ 牛油果炒蛋芝士三文治 - HK$50✏️ 呢份三文治比起真。幸福三文治薄，不過都唔細份🤤 三文治嘅口感一流，兩塊麵包都烘咗底，而裏面嘅餡料都屬軟身，所以食落去外脆內軟😋 另外，同其他Cafe嘅牛油果片相比，呢份三文治嘅牛油果可以話係「厚切」😍 唯一令我失望嘅係三文治嘅芝士都係太少，芝士味亦唔係好重😶 明明見到少量熱溶嘅芝士喺炒蛋同牛油果之間，但食落去又唔多覺🥺 .⚫️ 布隆迪 - HK$45✏️ 如果你係咖啡愛好者就要嚟試吓!!😍 小店主

一路都知西營盤有一間幸福單品咖啡嘅三文治好出名，今次終於去咗食，食完真係覺得好幸福好滿足😆一份都有四大件，細食嘅話叫一份share就ok!~𝓞𝓿𝓮𝓻𝓪𝓵𝓵~ ✨價錢:7/10👅味道:8.7/10🌌環境:7/10★牛油果炒蛋芝士三文治 ($50)其實呢個combination已經贏咗🥰 麵包加咗牛油，而且烘得好香脆，熱辣辣咁夾住半溶嘅芝士。炒蛋都幾滑身，而且無論係蛋定係牛油果份量都好足，可以見到有幾厚身★鹹牛肉炒蛋三文治 ($35)鹹牛肉嘅味無平時茶餐廳嘅濃郁，味道容易被炒蛋同麵包嘅牛油味掩蓋，但都仲係好好食，第一次覺得鹹牛肉三文治係咁light😂📍 幸福單品咖啡 (西環)西環西營盤英華臺1-6號華輝閣地下1號舖

一朝早早餐都未食就同朋友去食因為店面積不大，去到時要等位外表下，就是一間溫馨小店，咖啡香味充斥整個店舖，果然冇改錯名，未食都覺得好幸福！幸福三文治當然是必叫，但我地當初去唔知原來份量有甘大，一人叫左一份🙈🙈🙈真係飽到你嘔，完全食唔哂建議可以先share .真係唔叫食先再叫All day breakfast 整體黎講偏鹹，但塊包實在大吸引，最後都係食唔哂成個餐咖啡☕️種類太多，已經唔記得叫邊款，但都好好飲。對於店主對食物的用心，相當佩服，依家重質不重量的店已不多，但重質又重量的，更是少見，大家經過開，真係不防一試！

▫️超。幸福三文治 $55上枱時嚇了一跳，真的超大份，分量比公司三文治還大了一倍😹有 雖然材料普通，但味道意料之外好吃，口感非常豐富，加上芝麻海苔吃起來更香，食完幸福的感覺立即湧上心頭😚 。▫️馳名薑汁泡沫咖啡 $60這杯很好喝！奶味很香濃，薑味很強烈，還吃了點點薑末，絕對是足料，喝完整個人暖洋洋 。▫️雙拼(雞翼+鴨胸)福字麵 $35瑞士雞翼非常入味，鴨胸略嫌少少鹹，不過都好夠味，適合重口味人士👍🏻 。老闆非常好客又周到，臨走仲問我地覺得好唔好食，兒家好少仲有充滿人情味既咖啡店，小本生意難做，大家都去支持下啦

路過看到只是一家能容下三五張桌子的家庭式小店，點了推薦的超幸福三明治，沒想到的是味道竟然意外的好，麵包都有烘底，酥酥脆脆，餡料十足，而且一份超多，夠兩個人share！要自己寫單子，因為人手有限，速度也不是很快，但是服務都不錯

今日去到西營盤，所以就順便去試幸福單品咖啡。鋪內有數張枱，但店內都算整潔，而且仲有多款不同品種嘅咖啡豆以供選擇，比平時一般的咖啡店多好多，如白蘭地、老𢰸、萬特寧等。我跟朋友分店叫了象豆、西達摩單品咖啡及一個真·幸福三文治。老闆娘用虹吸管沖單品咖啡，象豆咖啡味濃、口感豐富、唔酸、味道比較平均，而西達摩雖然口感薄，但甘香。而大家大讚嘅三文治，真係好大份。麵包烘到香香的，入面嘅餡料十足 （厚厚的香煎午餐肉、厚厚的吞拿魚、新鮮的生菜及蛋），食完好滿足。這是一間充滿人情味小店，當店員太忙時，客人會幫忙「傳菜」，希望香港有多啲呢類型嘅小店。

呢間位於西營盤嘅cafe喺出地鐵站之後嘅扶手電梯附近嘅平台，食物嘅份量好多，抵食兼好味，係高質嘅平食✨未入到舖頭已經聞到好香嘅嘢食味，裝修亦好有風格，環境好chill，好適合三五知己一齊喺到食個下午茶吹下水👍🏻舖頭都有買咖啡豆，咖啡迷不防去睇吓🙈———牛油果芝士炒蛋三文治 $50牛油果同炒蛋都好滑好軟熟，配埋一齊食好夾，加埋半溶嘅芝士味道更加提升左一層，搽咗牛油嘅包亦烘得好脆，每碟都有成4件三文治，直程可以當晚餐👍🏻真 · 幸福三文治 $60呢個三文治更厚，厚到一淡係食唔晒，抵食程度簡直一百分💯三文治入邊有芝士、餐肉、炒蛋、生菜，同吞拿魚，非常之足料❤️個包都同頭先嗰個一樣都係好脆，吞拿魚同餐肉鹹鹹地再配埋芝士好夾，食完真係非常之幸福🥰焦糖奶茶 $30呢個焦糖奶茶個杯已經好大，奶茶好香滑，有微微嘅焦糖味，不過唔係好出，但係以呢個價錢嚟講呢個份量真係抵嘅🤤食完頭先啲三文治再飲埋杯奶茶真係好滿足🤩

Bookmark左好耐，終於都試到。果然係人氣小店，星期六下午四點幾去到，前面有兩組人等緊位。等咗半個鐘，終於都有位店入面比較迫，建議坐喺半露天嘅位，鬆動dd，曬住太陽仲增添一位悠閑嘅感覺。店名叫得幸福單品咖啡，當然要試試佢嘅單品手沖咖啡啦。揀咗一隻叫白蘭地嘅咖啡豆，隔咗一陣店員就送上咖啡，果然係出色嘅！一聞就好香酒味，飲落仲有花香，甜甜的。再加一份超幸福三文治，夠哂份量，又足料，三文治入面加紫菜真係好好食！

非常隱世嘅小品cafe，喺西營盤站附近一個屋苑平台😆都係近期見到嗰三文治幾hit先知道，所以好想試下😍🥑 牛油果芝士炒蛋三文治 ($50)麵包加咗牛油烘得好香脆🤤炒蛋有芝士同黑芝麻，基本上唔使調味都好夠味，加咗黑芝麻嘅炒蛋好香，仲有好多牛油果好新鮮🥰 叫嗰時無諗過係咁大份😳完全食唔晒😂以我所見，在場其他女士都係食唔晒嫁🤣好彩老闆娘好好人，俾個紙袋我拎走晏啲再食😄仲話佢地出品嘅三文治就算攤凍咗都係咁好食☺️🌹 玫瑰果茶 ($25)又係勁大杯🤣有微微嘅玫瑰花味🤨飲落酸酸甜甜，好似有啲山楂味，感覺幾開胃同消脂🤪Cafe仲有好多好特別嘅咖啡豆，咖啡控可以去試下，三文治嘅配料亦都可以自由配搭😆似乎老闆娘都幾多熟客仔生意，對客人非常親切，好有媽媽既感覺，會同客人講下次再見，好warm好sweet🥰仲會關心我太瘦食得太少🙈係小店先見到嘅人情味🥲