開心小敘

Open Now

Now Closed

早前，看了新假期的報導，看到這間餐廳的豬排午餐肉有上榜，所以就來試試。店舖外面都設了兩張格給客人坐的，看到帶狗的客人坐外面。店內都是長枱，幾乎客人都需要搭枱。侍應們手腳好快，剛坐下來就問要點什麼。雙蛋豬扒飯，太陽蛋煎得好靚，正；豬扒真的好大一塊，好味，但可能期望太高了，以為有超好味的水準，有少許失望。真的要保持平常心來食才比較好吧。沙嗲牛都好味，它們的出品都不錯，但可能我們沒有試到它的招牌午餐肉吧。

驚喜太陽蛋很出色我是太陽蛋怪魔，對太陽蛋有要求。今次嘅太陽蛋真係唔錯。先講蛋黃，生蛋黃同反蛋都係咁出色，無腥味，同日本蛋有得fight.蛋白都係正正常常，唔會有苦味，唔燶。可惜無脆邊，有埋脆邊就一流啦。其他野例如豬扒雞翼一般。50蚊樓下，你叫我食大X活or大x樂，我會食呢間。除非個日我想食焗豬扒飯。CP值來說就大x樂程度。等位來說，lunch time去食2個人等左10分鐘左右，可接受。回頭率60%小額金差額注意⚠️（佢餐牌上面寫各式汔水加4蚊，但事實上係加8蚊，因為佢意思係餐跟飲品加4蚊，各式汔水要再加4蚊）

或許大家覺得開心小叙最有名是豬扒，這也無可置疑，是次推介是茶餐，我認為很有地道風味，無論是沙爹牛肉麵、餐肉麵也是十分美味，湯底入味，你可選太陽蛋、熟蛋，配上脆度剛好的多士，縱然是薄的，雙層令口感不錯，現在要吃這麼有水準的茶餐，也不輕易呢！當然我也試過豬扒飯，任配搭腸仔、煙肉、蛋、餐肉、菜等等，任君選擇，最大特點是豬扒新鮮，豉油美味，難越食越開心。值得一提是奶茶、檸檬茶也有水準，喜歡茶濃的你可以一試。

元朗食豬扒飯除咗去天奴，仲可以黎開心小敘！開心小敘嘅特點係，可以瘋狂叫好多個餸，我平時最少都叫三個餸，有時叫四個餸，因為佢每一個餸都好出色，特別係太陽蛋加埋紅腸，而且佢嘅豉油普普通通已經好好味😍😍😍

開心既豬扒雙太陽蛋飯係我老公既至愛，皆因佢話覺得好開心整既豬扒好淋，咬起黎好有肉汁！開心既餐牌上，除了豬扒、雞扒、雞翼、雞蛋同菜係原材料（除非唔係:<）之外，其他款式都係副產品（煙肉、腸仔、火腿、搾菜肉絲、餐肉⋯）老公掹車邊都叫係注重健康既中佬，所以每次去襯開心都袛係會柯打豬扒雙太陽蛋飯，熱鴛鴦！而我，本身唔喜歡食肉既人，要陪老公兼講健康，都係同老公叫同一樣既碟頭飯配熱杏霜。突然寫文，求其係家庭群組既whatsapp相片都已經搵到幅黎上載係開心食係好街坊feel，係群情洶湧既小店環境下，啲阿姨侍應招呼都已經很不錯，尢其束馬尾，帶眼鏡，帶點囗音及經常有笑容果位最後提議大家柯打豬扒時配飯係最配合既，因為開心既湯麵米粉🍜都係用味精粉，豬扒本身頗鹹，再浸埋湯，個腎頂唔住得好耐喇！

開心豬扒，由當年雞地一間舖，開到依家安興街同泰祥街都有分店，成功原因我覺得係豉油豬扒嚟講同天奴分別唔大，但開心勝在可以同唔同種類嘅餸配搭，無咁單調，而且豉油真係食到人上癮，不過好肥，唔好落咁多如果想食雞扒，最緊要有耐性，因為都等得比較耐，可能朋友食完個飯，你碟雞扒先上到枱，所以最好叫定！我自己比較喜歡豬扒太陽蛋五香肉丁呢個配搭，加埋甜豉油，甜鹹加微微辣，食落其實幾正！如果兩個人食，可以share下啲五香肉丁，分甘同味！價錢就40-60，睇你嗌幾多餸啦。

一間口碑不錯的元朗小店， 傳聞很多人揸車都要嚟呢度食早餐，要等好耐位，又話這裏的豬扒很好吃。今日同 Lulu 入開元朗，就嚟呢度試下。由於係小店，坐位不多，室內環境都不要奢望太舒適。可能今日星期六有很多人都要返工，而且我哋得兩個人嘅關係，一嚟到就攝到兩個位。我當然叫咗出名嘅豬扒蛋丁麵。 豬扒嘅肉地還可以，略嫌硬咗啲啲，煎得唔夠香，無我想像中那麼好吃。麵底就不過不失。Lulu 竟然叫咗邪惡的菠蘿油，再加兩隻煎蛋，卡路里超曬標。煎蛋嘅賣相就差咗少少。兩個早餐就食咗接近$80，一般價錢咯。

午餐時間，見門口寫住，秘制開心豬扒飯，就入去試試吧！天氣太熱了，亦唔想再周圍行走了！秘制的豬扒，豬扒已剪開，十分細心，肉質鬆軟入味，加上三片午餐肉，少少菜，淋上醬油，絕不單調👍🏻👍🏻！西多士反而就一般般，沒有蛋香味＄30連奶茶，有點貴，只有糖漿，沒有我喜歡的練奶，有點失望😞

Didn’t think much of this place before I got there. The place is small but was packed. Service was so so but can’t expect much from a place like this. Not a lot of choices and most of the dishes are accompanied by pork chops, eggs, hot dog and spam. Ordered the pork chop, fried eggs, hot dog and preserved vegetables. He pork chop was nice and soft. Eggs were nice and go well with the rice. It was quite yummy. Looking forward to my next visit.

豬扒三拼飯（ $45）我諗好多元朗人都知，元朗有三大豬扒飯，「開心」、「成記」同「天奴」，雖然都係小店出品，但已經伴隨左元朗人好多年。今次就先試下 #開心小敘 既開心豬扒飯。叫左豬扒、雙蛋拼茄汁豆，豬扒腌到好入味，肉質軟腍，兩隻太陽蛋都好好味，豉油撈飯加蛋汁直頭世界級，拼埋茄汁豆真係好似食緊屋企飯咁，滿足。你可以話咪又係普通碟頭飯😌，無錯，我就係鍾意食碟頭飯，好味同實在。唔係下下要食山珍海味先叫食好西既，食到會掛住屋企就已經係好西。不過喺出面食到家既感覺真係好難，亦只係代替品，同多啲屋企人食飯啦，我相信最好食既野永遠在家裡。

身為一個元朗人，一定係元朗有間飯堂～呢間就係其中一間喇，我同男朋友食飯定係同屋企人食飯，甚至帶朋友入元朗食飯都成日會黎呢間！舖頭唔算大，不過佢而家開左好多間分店，所以等位比以前快左好多喇👍呢個就係每次必嗌嘅《豬排雙蛋飯》$39🍳雙蛋有微微燶邊，十分香口，蛋黃仲係生既，整爆佢撈飯就最爽😆🥩豬排已經輕輕切左，十分軟腍，輕輕用匙羹就可以切開，腌得入味飯有幾款汁可以揀，但我次次都係食豉油，豉油放左係枱面落幾多都可以任君選擇其實平時一定係一人一個豬排雙蛋飯，但今日心血來潮又想食下午餐肉，就決定同我朋友交換一齊食～午餐肉兩面都煎香左！正呀

入元朗搵明友，朋友大推呢間「開心豬扒飯」，話一定要試！我很喜歡個名，好有正能量！💪💪未食已經比個名吸引😬去到已經見到店外人群，等了差不多10 mins 先有位，店內不大，坐滿食客，座位有d 迫，不過感覺尚可，好一間平民街坊小店！至於食物方面，有驚喜！食物水準不錯！我叫了「豬扒鷄翼飯」，朋友叫了「雙蛋豬扒飯」，上餐速度快，賣相唔差，份量也不少！我本身不是豬扒控，也不算大食，但我扒光光整碟飯😊豬扒同鷄翼入味肉嫰，煎得香口！價錢合理！難怪朋友力推，下次去元朗必定再食！

上星期六約了一班好朋友到元朗做掃街茂，其實已不是第一次這樣瘋狂！在2015年元朗大食遊中狂掃8間店已可見一斑！這天澱粉質浸沒完沒了的進行！皆因這一站是重溫開心小敘的太陽蛋豬扒飯，朝思暮想的掛念這天終可相敘！！ 點了太陽蛋豬扒飯和太陽蛋雞翼飯開心分享，大家也不忘喝味道香濃的熱奶茶跟餐加＄4(單點＄16)，我的胃受不了放棄飲品！ 太陽蛋豬扒飯＄40跟三年前只漲價＄5幅度也算合理！盪漾的燶邊太陽蛋依舊誘惑，而軟淋豬扒亦同樣可愛，加上可口豉油汁真是我的Comfort Food！！ 而太陽蛋雞翼飯＄40賣相也不俗，但滷水雞翼有點鞋不是我杯茶呢！！

男朋友話：「今日帶你去食頹飯！」一個休閒的星期日就這樣開始了。星期日當然睡到自然醒才起床，梳洗過後便出門去元朗食頹飯過頹日。大約1點到達開心小敘，鋪外已經人山人海等待著用膳，吃飯的人都掛著滿意的笑容，小狗等待主人吃飯時也不忘與朋友們玩樂，微微的陽光，陣陣的涼風伴著我們等待座位，一切都使我更期待這碟「頹飯」！秋風起的日子人們也不介意坐鋪外，小狗也可伴著主人一起用餐，這就是茶餐廳的好處，這也是茶餐廳的特色！等候大約5分鐘便可進內就座，當日的午餐推介有3款，分別有豬扒煎蛋飯，餐肉腸仔蛋飯和雞翼雪菜肉絲飯。每款飯都可以跟豉油汁、咖哩汁、沙爹汁或黑椒汁，3款也奉送咖啡或奶茶（凍飲加$1），轉其他特飲也需要額外加錢。加餸每款加$8，而加飯需加$6。由於開心小敘出名豬扒，所以我在毫無猶豫的情況下點選1號餐，飲凍奶茶。枱面上已放豉油汁，如客人對咖哩汁、沙爹汁或黑椒汁沒有興趣，也可以選擇已放在枱面上的豉油汁。凍奶茶：首先到的必定是飲品，冰在奶茶的比例剛剛好，冰的份量少於杯的一半，此份量不但足夠令奶茶維持冰凍狀態，還不會過份沖淡奶茶的味道。茶味香濃，但同時奶味與糖漿的比例較多，就算冰溶後仍可保持味道。豬扒

今朝叫左個腸蛋面，同豬扒回鍋肉面，雞亦蛋面外賣首先講個湯，本身小弟都食得好重味下，但我都頂唔順，仲咸過海水，真係要好好改善下，回鍋肉面，全部都係筍一舊肉都無，真係omg，我唔係叫豬扒荀面啵，加左3蚊的。。豬扒還可以，但雞亦燶架囉😓點搞呀，做飲食衰過屋企自己煮，下次都係咪貪懶。。我個仔食左啖成碗擺左係度。。要幫佢食埋。。本身小朋友都好鐘意食蛋同腸仔。。得個唉字。。有幸你地見到呢個post希望你地店家可以改進下。。