樂農 (Closed)

地點: 灣仔軒尼詩道99號彰顯大廈1樓 交通指引: 港鐵灣仔站 B1 出口, 步行約4分鐘 電話: 2529 3338 聽說樂農是曾志偉投資的社會企業餐廳。聽到這樣發心的投資，是一定要來朝聖一下。菜價算親切，但好多加工料理的菜色，餐牌翻來翻去，有點難點。不得不失，沒有推薦，但可以來嘗試一下。 若是當作家常料理，從價格跟食材來看，倒是不錯的選擇。 葡汁香芋南瓜焗飯 (HKD 70) 這個好像沒有甚麼焗，就是奶奶的。有芋頭、有南瓜；算是新鮮蔬食的料理，至於味類，印象不深就是了。 招牌南乳齊煲 (HKD 82) 這一道還不錯，都是新鮮食材。有蓮藕、黑木耳、鮮菇和豌豆等。還算推薦，主因：新鮮蔬食的料理。 有咖哩冇雞配法包 (HKD 70) 沒想到這道菜還有配麵包呢！咖哩味道不明顯，有素料，不優。整體不得不失。 晚餐的茶資一人要HKD10，在素食餐廳的晚餐裡算偏貴的。^__^

喺灣仔返工好多年，第一次去呢間食晏，見到之前好多comment都話好好，而且又係社企，要支持一下。一入去就有餐牌，只要攞張點菜紙圈低邊幾個餸，再拎去交錢然後去攞嘢食就得，我12:15去到，人流唔算多，成個過程只係5分鐘就可以坐低開餐，見到之前啲comment話味淡，可能各人口味唔同或者佢地而家較嘅味道濃咗，我又唔太覺淡口，而且好好味。最欣賞係淮山餅，好香口又夠味，正！加$5要咗一件芝麻糕，真係好香芝麻味又唔太甜，飲品要加錢，最後埋單$63，如果唔加甜品同飲品其實只係$48三餸，價錢合理吖

這晚本已相約好友上環飯聚，可惜朋友病了給放了飛機，無奈地要放棄原來訂座的餐廳(因為一個人去有情調的西餐廳晚飯感覺怪怪的)，另找一個適合一個人晚餐的地方。樂農是一家社企, 職員大多是有聽覺障礙/退休/長年待業人士, 為使他們自力更生, 推廣健康素食文化而開設。樂農有3間, 其中灣仔店就近地鐵站，位於一幢商業大廈內，招牌不太起眼。走進餐廳看見寛倘的用餐區，光線充足，地板及餐枱都非常潔淨，這裡有方枱、長枱、圓枱任君選擇，當你坐下來後，職員會奉上餐牌。餐廳以推廣健康飲食為原則, 堅持“少油、少鹽、少糖、無添加味精、無製成食材”。這晚選了普洱茶、雙拼冷盤- 拍青瓜及茄子、三絲炒米粉。普洱茶- 味道較淡, 茶色正常, 不會太黑冷盤- 拍青瓜好吃, 很爽脆, 味道酸酸甜甜, 可以帶動食慾, 很開胃冷盤- 燒汁茄子，比較清淡，醬汁沒有太突出，茄子很淋，還好三絲炒米粉- 炒米粉有冬菇絲、紅蘿蔔絲及芹菜絲做配料，份量非常多，好抵食。雖然少油，但米粉及配料都沒有半點炒燶。勁！

今朝開會一直開到1300完，只有一個鐘時間，食午飯只能到附近餐廳。同同事商量後，決定試下素食，於是到最近的素食餐廳樂農。1點10分去到餐廳，已經座無虛席。餐廳午市供應3餸飯，可自行在紙仔勾選自己喜歡的餸菜，然後交到收銀處付錢即可。再拿著點菜紙到廚房交給職員，待職員分發好食物就可就座了。可能沒落味精源故，整體來講味道偏淡，每一道菜味道也差不多。如果味道濃少少，就令人更有食慾。飯是無限添的，如果唔夠飯可到廚房向職員索取米飯。

Green Monday就聽得多!~不過平時星期一公司忙到攞命，要落灣仔食飯(重要係食齋菜)真係唔簡單。但平日多肉少菜嘅生活真係我地吃不消，所以我地決定尼個星期要搵日食齋。結果，星期四公司冇咩會開，又冇咩報告要交。我地大約12點半左右，已經搞掂手頭上嘅野，一齊搭車去灣仔食飯。今次，我地去嘅餐廳又係一間社企 -- 主要幫助本港聽障人士的素食餐廳。間野客似雲來，超級多人。我同班同事，要等一陣先搵到張大枱一齊坐低食飯。個度3餸1湯，都只係$48，真心幾抵。最重要係，我地可以自由揀3個餸菜。我最後叫左南乳冬菇雲耳，炒欖豆，同埋南瓜炆茄子。3個餸當中，炒欖豆係最perfect 嘅！成碟豆都好香好爽口。而南瓜茄子都好香脆可口。成個餐好飽肚，我地個個都成得好滋味。我個人覺得個羅宋湯清左少少，如果濃番啲會好飲啲。間野值得一黎再黎，呵呵！！

Dinner with my Kosher eating friends from overseas. Good food and location, nice staff and free wifi, reasonable price and free to learn sign language! Highly recommend for local or overseas tourist, they have English menu book with lots of choices and run by NGO with most staff are deaf or dumb, No language barriers!

呢度午餐有3餸1湯，糙米飯任裝。價錢都只係$48，灣仔區黎講真係十分經濟。是日例湯係老黃瓜雜豆湯，素湯真係十分清甜，好過叫野飲。6款餸入面，我揀左炆南乳齋（好入味）、菠蘿生根（酸酸甜甜、夠開胃）、同酥炸芋蓉餅（脆口小食、有3小塊、都幾厚身）。餸菜份量幾多，難怪可以添飯啦。而且都係飽肚之選，食素菜都可以夠飽。甜品有2款，我另加$5要左件芝麻糕，芝麻味濃，同埋都幾大件。呢度部分店員係弱聽人士，繁忙時間來到佢地都幾快手安排座位同執檯，值得一讚！

3餸一湯一飯才$48，餸是可以選擇的，而菜式賣完了會在餐牌上改貼另一些菜式，每天也不相同。這店是社會企業，請了不少聾啞人士，但基本上能用手勢溝通。飯是白紅米，用食指手勢示意一店員會添多半至一碗飯，菜式不少是仿肉的，汁也很入味，可以用來撈飯。可惜只做午巿，初一､十五齋期可能會滿座，一時半後就有多好多位了。

推介朋友來。我知他也很有愛心！這家店的工作人員多數是聾啞人士。敬業樂業。來這裡吃感覺對他們是一種支持！晚餐就是餐簿點菜。今次是午茶。6選3：春卷。酸羅白。清炒菜。雲耳豆卜等。配湯。糙米飯任添。春卷最好吃！朋友再加了5元芝麻糕及16元芒果布甸給我。甜在心。好吃！食物。食得滿足便是福！♡！

琴晚係灣仔想食得清淡d，搵左樂農，果然好清淡，完全符合佢既selling point - 頭盤好食，麻婆豆腐唔夠辣，涼瓜煎蛋好香，素餃好清，不過最難忙係芝麻糕，真係非常香，個合桃露都唔錯！

曾經在灣仔上班， 間唔中都會到樂農食lunch， 午餐只提供三餸飯， 今天有機會嘗試晚飯。由於只有我和老公二人， 我們又不太肚餓， 於是乎簡單地點了兩個餸 ，一個是蒸素餃 ，另一個是紅燒豆腐， 味道偏淡， 有點似住家餸，再加一個糙米飯， 最後以芝麻糕作甜品， 它比較煙韌， 而且芝麻味很香。間唔中食素對健康也好 ， 這裏的餸菜的味道也適合我們的口味 ，所以我們亦打算下次有機會再來晚飯， 嘗試其他素菜。

遲到有一千個理由，準時只有一個原因-尊重。鮮准山粒粒蟲草花籠仔蒸飯，將幾樣完全沒味道的東西放在一起蒸，蒸多久也沒特別味道，連座上其他友人也如斯說道。蒸飯也沒汁醬，的確較為淡，比較遜色。西蘭花蛋白，由於本人不吃菇類，到茹素店子只能吃麵筋、蔬菜及水果，因此點了個菜，想不到這麼清，猶如清煮西蘭花一般，並無特別。拼盤，酸齋是吃過最酸的，非常入味，咬下好像有大量酸醬湧出，酸過龍了看以為是脆肉瓜，實際是番石榴，清新開胃煎釀豆腐，大大件而不太容易爛，鮮豆腐沒有酸味，不錯的！煎薯仔餅，金黃而夠熱，雖然會黏著一起，但炸粉不多，薄薄一層包著外面，內裏包含豐富薯仔餡，這味不錯。後來還加了個合桃糊，但明顯不夠稠，不太呈糊狀，僅屬一般。看來店內的確僱用了聽障人士，他們都用手勢溝通，但服務誠懇有禮！

第一次去樂農，原來係請左聽障人士做侍應，盡哂社會責任，抵讚！因為唔係太肚餓，淨係嗌左西蘭花紫菜卷同粉絲茄子。先講西蘭花紫菜卷，紫菜卷好好食，好入味，亦索哂醬料嘅味道！不過個人覺得淋左Ｄ，如果脆ＤＤ有番少少口感就１００分！粉絲茄子煲我就麻麻，因為我唔食三色椒，但茄子都夠哂淋。好味！！

前一夜同朋友食飯食太飽太濟 今日晏就希望食得清D首選當然係食素 順便清理一下以快餐形式經營 午餐可以從六個餸選擇三個餸而且門口放有六個餸既樣板 今日選擇茄子+薑茸千層+蓮藕 糙米飯 紅菜頭湯$48再加$10 凍柚子蜜味道幾清 蓮蓬片好脆薑茸千層應該係腐皮 但薑茸味有點不足茄子好香 汁用黎送飯一流午餐時候都幾多人 多人黎食記得早d黎搵位

第一次食樂農，友人鍾意食豆腐，叫了個豆腐的送（忘了名字）。豆腐很好吃，沾上醬料很襯。再來叫了個西蘭花紫菜捲。西蘭花太生，太硬。紫菜捲卻冇得彈,以鐵板上枱，十分惹味及夠穫氣！最後叫多個粉絲茄子，因為本人喜歡吃茄子。但味道不夠紫菜捲有驚喜！配上紅米飯，極度健康