八月堂 (Closed)

我最鍾意食嘅包係牛角包，因為鍾意佢嘅口感同牛油味香濃嘅味道，而響香港扎根咗好耐嘅八月堂我就真係第一次食，因為佢啲分店唔近公司同屋企，所以唔會特登搭車去買一個試......今次阿sir超有我心，特登去買一盒比我，買五送一好抵，聞名不如見面了！🍴覆盆子奶酪$20⭐️⭐️⭐️⭐️同牛角包幾夾，雖然覆盆子帶點酸，但牛角包嘅牛油香剛好可以中和覆盆子嘅酸🍴曜黑芝麻$22⭐️⭐️黑芝麻味道都幾香濃，但放響牛角包上面就完全變成主角，同埋有兩塊朱古力唔知想點🍴松露白醬蟹味可頌$26⭐️⭐️無乜松露味，因為沙律醬同蟹柳本身味道太濃🍴焦糖布丁$23⭐️⭐️⭐️焦糖布丁味道同口感都幾得意，似食緊吉士醬咁，可以一試🍴黃金流沙$20⭐️⭐️⭐️⭐️呢個黃金流沙最好味，好creamy，同牛角包好夾🍴金沙芋泥$20⭐️⭐️⭐️芋泥好細滑好香，但同金沙一齊食就會比金沙個味蓋咗，兩者不能並存二人共消費：$111

八月堂係專賣牛角包的，沒有堂食只有外賣，今次外賣左三個番屋企食。一個係伯爵黑鑽（$23），勁多珍珠同伯爵茶味醬鋪面，個賣相勁靚！不過喺街食可能會跌哂啲珍珠出黎～一個係金莎芋泥（$20），個表面灑左好多金黃色既粉，完全食唔到金莎同芋泥味，太甜⋯⋯一個係朱古力（$18），我覺得係三個入面最好味，成個包都係濃濃的朱古力味，唔係淨係得個皮 ，仲有少少流心！我覺得三個都外脆內軟，牛油味不會太重，摸落都幾乾身，不錯👍🏻👍🏻

初聽可頌，不知是何物。真係如非之前聽過，否則一下子也未能想到與飽類連上關係。其實它是法文Croissant的音譯，即牛角麵包。蜂巢可頌，介紹為用上多層次摺層手法，再經長時間低溫發酵製成，故此造成蜂巢組織，並帶有濃郁天然奶油香氣。剛巧遇到蜂巢可頌出爐，微暖酥脆化，咬開見到大大小小的氣洞，可見卷狀的結構，牛油味濃香，吃多個都不覺膩。黃金流沙可頌，蜂巢可頌中間是鹹蛋黃流心餡，餡料唔太鹹且滑溜溜的。比淨食蜂巢可頌時味道濃烈很多，口感亦豐富了。麵上灑上黑芝麻，令吃時增香味。當天買5送1，覺得更抵食。

台灣名牌牛角酥店「八月堂」雖然食物嘅定價有少少off the ground，不過食起上來，佢嘅quality係有番咁上下，真係好味，而且食得出係落足料。今日我就買到一個店舖限定出品 ! 係暗閃嚟，每日限量50個，真係手快有手慢冇，買唔買得到真係一場造化。黃金塩羅頌 $38 ! 好大個包，真係超大 ! 有我2隻手掌咁大。睇個包個樣，就似嘴唇，包好大，但食落口感好柔軟，同超級香濃嘅牛油味湧出，㗳得越耐包入面嘅咸香牛油香會越勁 !

✨依間［八月堂］牛角包🥐專門店唔係第一次食，之前係太古城既分店食過一次，味道唔錯，見係荃灣開咗，所以去睇吓有咩新野買黎試吓🥳⋯⋯..💬紅粉戀人 💰$18即係士多啤梨🍓朱古力加牛角包😂，依個包味道無咩特別，有啲似食冬甩🍩，唔算好死甜，最特別係佢既香味，因為我買番屋企食，佢既士多啤梨味由頭到尾都香到不得了🙈。.💬曜黑芝麻 💰$22呢個黑芝麻醬味道好濃，黑芝麻控既話值得一試😉。..⚡️📎下次我都會試吓其他🙈..

去完donki之後經過呢間，男朋友曾經係太古吃過一次，推薦一試。果然好正！唔明點解會有咁多負評。雖然唔算好抵食，但買五送一可以一次過試好多種味道。平均落來偶爾一次都可以接受，拿來做第二日早餐，配埋一杯日本熱茶好幸福～我地唔算特別鍾意太甜的。所以揀左好多偏鹹點的。推薦：明太子有鹹香味！流沙係經典味道，必食！黑芝麻超級香！松露白醬蟹柳好似鹹點咁，都好好味！（拎返屋企之後，一定要按指示放落焗爐焗2分鐘，咁樣會好似新鮮出爐）

自從上次食過一次之後，真係覺得好有特色，仲好好味，所以約咗朋友係呢區食飯，出西鐵站時見到又有買五送一，所以又去買，今次見到有新款味道，所以又去買黎食⋯⋯上次食過嗰D味道仍然保持到水準，好味道😋尤其係金沙芋泥同黃金流沙呢兩款味道我較為喜愛，所以一定倉買呢兩款，🤗今次我買咗D新口味有三款：1-燻雞起司🧀️牛角包🥐—-燻雞味道又真係幾夠煙燻香，味道確實不錯，呢個新口味牛角包🥐唔錯⋯⋯2-牛奶糖可頌牛角包🥐——-牛奶糖味配牛角包🥐，味道我覺得唔係好配合😅3-炙燒明太子牛角包🥐——-呢隻味道仲彌普，味道就怪怪，完全唔覺得食更明太子，唔知咩味，就是一種怪怪的味😫所以今次呢三款，隨咗燻雞🐔牛角包🥐之外。其他果兩款我都唔會再買🙄所以今次我比既分數只係比呢兩款味道😶

約咗朋友食飯，我通常都會早到。所以就去地鐵站商場行下，一出地鐵站個商場入口就見到呢間鋪頭，見到有個大招牌寫住買5送一，望吓係咩嚟？原來係好多款式既牛角包🥐⋯⋯為食貓🐱的我🤣🤣見到價錢5送一，為翻起都係十幾元一個，價錢我覺得ok，之後又諗起一個好鍾意食牛角包🥐既朋友，佢真係有食神，我今日約咗食飯既人就係佢，所以我就買咗兩套5送1，另外就送一套牛角包🥐比我既朋友🤣🤣⋯⋯食完飯返到屋企即刻拆開食，🍵➕飯後甜品🍮我買咗呢六款味道———1-香濃起司2-伯爵黑鑽3-迷戀卡士達4-金沙芋泥5-雙倍起司可頌6-紅粉戀人D名咁得意，唔係睇住張單都唔記得D牛角包個🥐名，睇住張單，睇住D圖先知自己係食邊個名同邊個款既牛角包🥐🤣🤣🤣🤣🤣1-香濃起司——🥐芝士味，有D似食pizza既感覺😊2-伯爵黑鑽——🥐面頭黑珍珠，珍珠奶茶果種珍珠，我最愛吃呢D煙煙靭靭的珠珠✌️3-迷戀卡士達—-🥐食落有D似忌廉苞芙，但係我就好鍾意食呢種味道😊😋4-金沙芋泥——🥐食落有些芋頭昧，又有點像咸蛋王味道，又係覺得好好食😋5-雙倍起司🧀️可頌——🥐咸芝士味道，鍾意食芝士既人應該都覺得唔錯6-紅粉戀人——-🥐🥐面頭鋪上士多啤梨🍓碎粒，再鋪

經常經過都會望下有咩口味賣 如果遇到想食既味可以買下原來口味會不停轉下見到新出左薰雞同金沙流沙睇落好吸引 而且有我最鍾意既咸蛋黃味買五送一優惠 好似長期有呢薰雞賣相好特別 係一分為二再鋪左啲好似pama ham咁既質地既雞 唔通係煙火雞肉？加埋啲醬類似蛋黃醬既味 成件事好夾慣性食之前要焗下/氣炸返佢味道真係爭好遠架！金沙流沙外表平平無奇咬到入去係真係流心架（一定要返焗先有呢個效果）個流沙係甜甜地既咸蛋味 好特別！最後係流到隻碟都係所以勸大家要大啖啲食同埋睇清楚後面有無洞流走晒個餡

香氣引領之下，走去海之戀商場個入口就見到原來係 croissant 牛角麵包仲要有好多口味可以揀有吉士的，有蜂蜜的，有朱古力的…宜家做緊promo，買五送一咁梗係揀夠六件啦 😎😎個人而言，最鍾意面頭有焦糖脆脆果款吉士份量剛剛好，加埋脆脆，個口感就好豐富甜+滑+脆+香 👍👍👍👍呢款下次再嚟海之戀會再買嚟食 😉吉士果款就會覺得太多吉士會搶咗牛角包作為主體的風頭同埋要盡快食，吉士搞到個牛角包會變軟蜂蜜就好正路係表面掃咗蜂蜜“令令地”，焗完所以脆脆的朱古力的話…如果加熱令內裡的朱古力粒熔熔地就perfect了 😝就咁食就純粹係食到入面有朱古力粒店員有溫馨提示要兩小時內食留咗兩件冇吉士的款，幾個鐘之後食，都開始軟了所以都係盡快食好了呢間的賣點係香+鬆軟如果想要鬆脆甚至偏硬脆的牛角包行入商場另一間麵包店會滿足到個要求買五送一之下，呢六件就承惠$95

之前有同事買過八月堂嘅牛角包番公司，食過已經覺得好好食伯爵控嘅我聽到荃灣海之戀商場嘅八月堂有限定嘅伯爵黑鑽可眾，當然要黎試一試佢啦起初聽到呢個名會好思疑珍珠，伯爵奶茶同牛角包會唔會好唔match，但食落口又出奇地配合珍珠咬落有口感，配上鬆脆嘅牛角包，完全唔會覺得好奇怪除左伯爵黑鑽外，仲有好多款選擇，有士多啤梨，custard 等等.............我買果時仲有優惠做緊，買夠一盒6個有半價優惠，好抵呀😵😵

八月堂啱啱喺荃灣西開張嗰陣聽講真係好誇張排隊排到打晒蛇餅咁依家就真係爭好遠🙉呢晚老公收工買咗兩個返嚟話要同我一齊試吓有幾好食咁話真心個盒嘅顏色搭配係幾高雅嘅打開都有勁香牛油味聞到我呑晒口水睇開我食評都知本人係朱古力控我老公當然都知🤣所以就買咗個朱古力吉士忌廉味俾我原味俾佢自己講咗我嗰個先啲吉士忌廉都幾香滑朱古力味都食到但個包就無想像中咁鬆脆😕味道係ok嘅可能新鮮出爐會好食啲？至於老公個原味就真心無乜特別😂但又俾返少少credit佢因為我唔係買咗即食但如果咁嘅價錢我未必會想再試🤫總括嚟講我會俾多次機會佢嘅特色口味買完即食試真啲但原味嗰款就不了🙈P.S.有一朝路過門口真係好香😂可惜佢未開門🤣

期待已久的八月堂！從某次到台北旅遊時看到八月堂已經想嘗嘗，可惜當時在台北車站趕車。後來葵芳店開了，但經過時總是長長人龍。今次在荃灣西店看著可頌們飽滿的新鮮出爐，忍唔住一買6個，3人分享店的一側有張長枱，平常日子可以買完在場食了再走，現在還是外賣回家吃好了~這邊還可以看到師傅在焗可頌中間以糖粉點綴的是經典的吉士口味，忌廉很滑，可頌非常脆，初次嘗試一定要先試試基本款。另外點了比較新鮮的口味，芋泥黃金可頌~內裡是像流沙蛋黃月餅的蛋黃忌廉，一食就有很突出的蛋黃香味！上面唧花的芋泥不甜的，配搭較為重味的黃金饀料剛剛好，同樣的，可頌非常新鮮，好脆~又脆又軟滑的口感，好正而且現在仲有買5送1，值得一試!

之前一直想試見好多人排隊就跟着排下晝五點幾有10幾人排隊朋友話試過甜嘅口味覺得麻麻👉🏻所以我試咗炙燒明太子口味 $18唔夠熱並非新鮮出爐明太子嘅餡亦唔多好乾 雖然做緊買五送一 但唔想encore😭

今日同朋友特登去荃灣新開張嘅DONKI行街，途經見到依間好似幾出名嘅牛角包店，又見到門口冇人排緊隊，就決定買個黎試下！喺店面睇左好耐，最後揀咗「香濃起司」$19畀完錢轉角位有個企位，有張枱咁可以即買即食。我哋一咬，個牛角包凍嘅？！雖然個包仲係脆，同埋都幾重牛油香味，但芝士味原來只得面層半片芝士，裡面是空氣。同朋友食完都覺得，唔值啊！絕對唔會排隊買黎食～如果外賣帶返屋企，焗返熱佢先食應該會好食好多？