喜利餅店 (Closed)

路過幾次卻第一次幫襯，小店服務很細心友善，格局簡單乾淨，餅食款式挺多的，我被新鮮熱辣的角仔吸引，價錢合理買了一包回家試，很香脆可口，個人覺得甜咗少少，配茶或咖啡最好，屋企人別後很喜歡一口接一口，下次會再買。另外也買了腰果酥餅和南乳餅，南乳餅簡直是童年回憶，口感也香脆，南乳味剛剛好，沒有小時候吃的那麼咸，我很喜歡，價錢又唔貴，十分推介！一定會再買！腰果酥餅未食，有膠筒裝幾好，無咁易碎又可放公司，方便貼心！

曲奇餅好好食呢，藍妹、斑斕、原味、朱古力味都好好食，入口非常之送花，相信係用咗非常之多嘅牛油落去整，比起一般嘅麵包佢嘅曲奇會貴，但係絕對物超所值嘅，不過佢只得對面海有得買就唔太方便啦

買左一盒細牛油曲奇 $118 四種味 我估係牛油 咖啡 果仁 同 另一款堅果 佢個細盒都唔細 - 我估有70-100塊 有排食排得密密麻麻 好治癒味道比Jenny’s 有過之而無不及 牛油好香 加埋有少少果仁 岩岩好 唔會太好 有咬口 唔會比果仁喧賓奪主 食完亦無 Jenny’s 咁漏 有少少難搵 佢係正jennys隔離之前睇過蘋果 一直想試下 支持本土製作 可以試下整個網站 或者 上港視平台賣今日行過見到無咩人流都幾傷心 加油！下次試下佢個班蘭蛋糕 同 蝴蝶酥

放工路過呢間餅店，係一間比較懷舊嘅小店，見櫥窗擺滿唔同口味嘅曲奇餅，仲有蛋撻、椰撻，種類繁多但我就特別被呢個蛋白椰撻吸引到。$8一個比屋苑樓下賣嘅蛋撻同椰揵價錢貴，不過質素同價錢成正比。呢款蛋白椰撻冇普通椰撻有過甜嘅缺點，而且外層嘅牛油皮牛油味香濃兼非常鬆脆，就算擺凍左都好食，牛油皮嘅咸香同椰蓉餡嘅甜十分配合，味道同平時食到嘅椰撻好唔同。眼見店內仲有好多小食，例如角仔、笑口棗等等賀年小吃都買得到，唔駛等新年都有得賣，一包包以小包裝俾客人選擇。

之前已經聽聞過上環喜利嘅曲奇🍪好食，今日咁啱經過就買嚟試試，買咗原味，朱古力🍫同班蘭，食落去唔黏口，而且好鬆化，食得出唔係用人工牛油嚟整，不過朱古力味就有啲苦，班蘭亦比較淡。另外買咗店員姐姐👩🏻‍🦰強烈推薦嘅芝士🧀酥餅，但芝士味🧀比較淡，對愛食芝士🧀嘅我略嫌不足。剛好過兩日就過年🧨，店門擺滿咗一盤盤傳統既應節食品，試食了牛耳同笑口棗，新鮮出爐♨️既牛耳好香脆，而笑口棗成粒都畀芝麻粒包住晒🈵，食時成口都充滿芝麻味🥰

自從吃過灣仔金鳯的雞批後，阿J開始迷上雞批，今天路過喜利，見到啲雞批飽滿的樣子，於是便外賣了一個給她。 傳統的餅店現在已買少見少了！ 年近歳晚，這𥚃亦有供應賀年美食。 雞批$10元一個，都算大隻，起碼比金鳯大隻。第一時間跑回 office，將溫暖的雞批送到老婆大人手上，等候發落。喜利的雞批雖然及不上金鳯酥脆，卻勝在雞肉粒偏多，白汁味道都唔錯，好飽肚，飽到阿J唔洗食晚飯。

與友人飯聚路過這小小的餅店，直覺覺得它很不尋常。店以街名去命名，舊式麵包鋪格局，感覺是有點歲月的。小小卻當眼的餅櫃裏，有不同款式的曲奇，也有少有在餅店出現的潮州酥糖。老公素愛花生酥糖，因此便買一包嚐嚐，才十多元，實在是便宜得很的零嘴。他數天後才發現了它，結論就是吃得太遲。這花生酥糖花生味濃，面層藏了不少花生顆粒，甜膩而酥香。吃酥糖就要有被膩死的心理準備。說吃得太遲，是因吃時口感雖仍是脆身的，但已受了點潮，原本薄薄的糖層已有點化了，相信本來是多層次的薄脆酥糖來的，是有點可惜。是包裝得太簡單，令酥糖走了氣。當然，簡單質樸，也是它的優點吧。下次經過上環，一定會試試其他潮州酥糖。

Thanks to Mungkk for these buttery and crumbly cookies that had lots of chewy blueberries in it.The sweetness was just right.Apart from blueberry, there are other flavours too.+++++++++++++++++++++++++=Hei Lei cake shop:3 Hillier Street

香港唔少地區，都仲存在著一啲港式麵包鋪，前鋪後工場，無靚面門，逼逼窄窄，港式麵包、蛋撻、雞批、曲奇、酥餅……等等擺到一鋪都喺，「喜利餅店」就喺其中之一，瑟縮上環禧利街小巷一角。朋友送上一小包「提子曲奇」，就喺「喜利餅店」嘅出品 。貫徹典型港式麵包鋪風格，包曲奇無乜包裝可言，簡單一個印有店名及地址嘅透明膠袋包住就喺，嚟幫襯嘅都喺食佢嘅味道 ！包得熨貼嘅曲奇，一包有10塊，塊塊呈長方，厚薄均一。牛油味香得嚟唔算好重，質感好鬆化，提子乾煙韌有咬口，輕易一塊接一塊喺咁食，10塊？一個下午茶都食得晒 ！以前聽個前輩講，麵包嘅毛利賺得唔多，反而曲奇之類賺得錢深啲，不過，始終買麵包嘅人佔多數，早餐、午餐、下午茶……咩時候都食得，頂得肚餓，當喺薄利多銷；然則，無咩人會買曲奇當餐飯食啩 ！

認識喜利餅店，始於寶湖金宴酒家的一道菜。說話兩三個月，到寶湖用膳，一道炸蝦乃以方形杏仁酥餅伴碟。咬下，鬆化富牛油香。一問，乃上環老餅店 - 喜利餅店之作也。是晚，專程去禧利街一睹其廬山真面目。小店麻雀雖小，五臟俱全。除了常見的飽肚麵包，蛋撻，三文治外，還有各種各樣的傳統餅點，價錢大眾化，教人眼花撩亂。酥餅有四款口味 ，分別是杏仁酥，腰果酥，紅莓酥和咖啡酥，每磅$90。一磅約有4小包，換言之，每包約$22.5,以透明袋獨立包裝，內約有10塊酥餅。杏仁酥入口牛油味濃，香脆酥化，酥內夾雜了片片香脆杏仁薄片，更添一分的咬口。蛋卷$18包，約有8條長短均一的蛋卷，問了老闆娘乃自家親製，故買了一包淺嚐。咬下，蛋味未算突出，鬆化度也不及北角德成號之作。不過，以小店出品，蛋卷新鮮即製，口感香脆鬆化而不韌實，水準確屬不錯，合格有餘。

喺皇后大道中一帶食完晚餐後，邊往上環方向走，邊留意附近有咩餐廳下次可以一試～走過橫街小巷，發現了一家舊式餅店，門前放著一個曲奇櫃，放滿了種類繁多的曲奇，而我則被上方的脆餅所吸引脆餅分別有4款口味，花生、黑芝麻、腰果及杏仁，$4.5/1塊，$12/3塊，所以就選擇了比較特別的黑芝麻、腰果及杏仁一試～黑芝麻脆餅3款口味當中，以它的味道最為突出，密密麻麻的黑芝麻佈滿在脆餅上，芝麻味頗濃，咬落鬆脆，餅身較其餘兩塊硬一點帶點甜味，味道不錯腰果/杏仁脆餅兩者分別不大，餅身亦是帶有甜味但較為鬆化，然而餅上分別浦上腰果或杏仁碎，杏仁比腰果味道再淡一些，而腰果好像烘得過了火位，有點微苦後記：脆餅質素不錯，下次會一試這裡的曲奇～看似十分不錯

I never eat coconut tarts because they are hard and sweet.The tart is made up of almost 100% dessicated coconut and reminds me of the Bounty chocolate bar.I was attracted to this one because its appearance was different and looked like a cake.★☆★☆★☆★☆★☆★☆★☆★☆★☆★☆★☆★Egg white coconut tart:The coconut tart was lovely and moist in the centre and soft too.The sweetness was just right and it was half like a cake and half like a tart.There was about 70% of dessicated coconut in it.The cake casing was

話說在附近吃完午飯, 難得一場來到上環, 當然要在附近逛逛。從文咸東街一轉入禧利街, 就見到一家很舊式的士多, 對面就是喜利餅店了。依稀記得以前在某英文雜誌見過這家店的報導, 不是看過也未必會留意這餅店。典型港式餅店的風格, 擺著的都是些港式麵包, 反而最吸引我的是門面的曲奇餅櫃。雙眼第一時間接觸到的, 是杏仁條和朱古力曲奇。反正乾貨方便攜帶, 就買一點回家慢慢吃吧。杏仁條用白色的糖霜黏在一層層的酥皮餅上, 看似很甜膩但其實吃下去感覺不俗: 酥餅在放了半晚之後仍然酥脆, 牛油味香濃; 杏仁也脆口沒膉味。糖霜的份量其實不太多, 不算太甜, 會平衡到酥餅的微鹹味。朱古力曲奇是很傳統的唧花賣相, 朱古力味竟比想像中濃郁, 鬆化得來但又不會太過入口即溶。也相當耐放, 香脆度也可以維持一般很長的時間。

當時，我為了3月尾做姊妹，臨急抱佛腳 keep fit! 攪到自己食完 lunch 之後，3:00 ~ 4:00 便肚餓！又不想食得太飽，否則食不下晚飯！小食是我的不二之選！買件小食作為下午茶亦無妨！印象中，上環禧利街的 <喜利餅店> 有很多小食！琳瑯滿目！ 包括：蛋撻、雞批、燒餅、酥類、曲奇........ 雞批 $8剛剛出爐熱辣辣！散發牛油的芳香！ 批皮香口鬆化，而且還是暖暖的！相當不俗！ 雞批算足料，雞肉、洋蔥、白汁，啖啖也食到忌廉汁雞肉，好味道！花生燒餅 $5.5不得不讚！花生粒粒大大粒！份量十足！炒過後金黃脆卜卜！ 香甜富口感！ 燒餅軟糯中略帶煙韌，又不黏口！值得推介！叉燒酥 $5.5酥皮咬下去香口鬆化，酥底有點硬及厚！ 叉燒餡食起來微酸！味道有點怪！司華力腸包 $8.5偷工減料！ 將整條司華力腸切開一半！有搵笨之嫌！ 包質密度高！夠飽肚！

三月六日 (星期二)是晚我先放工，先到上環生記吃個魚湯米線等老公仔未幾，老公仔也來到，走出生記，突聞到一陣陣的香氣，也將我吸引過去了原來香氣是從附近這家餅店傳出來的見到玻璃櫃內放滿中西式的餅我們點了老婆餅和芝麻餅各一當飯後小吃(其實老公仔未吃晚飯的)一向吃開老婆餅的朋友都知道老婆餅味道偏甜這裡的有點不同，餡料沒有丁點甜味，反而冬蓉味香濃，我不懂，可能是沒有加糖的緣故，下回一定要來請教師傅咬開是呈奶黃色的，酥皮亦很乾身，有其獨特的風格，而且吃落不膩，感覺不錯芝麻餅較薄身吃起來十分很脆，不但吃到上面粒粒黑芝麻，還充斥着芝麻香味除了中式餅點，此店還有西式的曲奇餅供應，老公仔已看準其檸檬曲奇餅，下回一定買些試試以後大家過來上環吃午餐，大可買些回公司作補給呢