喜悅火鍋海鮮酒家 (Closed)

雖然我曾經批評過呢間野﹐不過係零五年的一月一日晚上﹐我都再來吃。個日我去做瑜珈﹐之後想不到去邊﹐便求其約人響果處食﹐唸住個位咁偏﹐應該冇人﹐但不為意新年留留﹐打邊爐全滿﹐迫住吃小菜。小菜比想象中好好多﹐叫了魚滑西洋菜、酥炸生蠔、發菜蠔豉瑤柱匍。除了酥炸生蠔過份油膩外﹐兩個小菜都整得幾好。不過要我地坐門口位﹐人人行過都看到﹐邊左知客咁嗟。

上次來﹐一大班人﹐唔係好覺﹐今次兩個人﹐直情覺得的侍應同經理嚴重地﹐粗暴地﹐干涉D 食客。第一次﹐個煲的水重未滾﹐個經理問都唔問﹐將歇起個蓋﹐睇下個湯﹐然後在埋單紙度寫野。收碟同埋上碟都係﹐唔會問下你ga ﹐個個自己做野﹐好似張檯係佢咁。最離普係加水﹐唔理你點﹐總之行過﹐手上有水就同你加。不過唔知點解﹐我又唔係好怒窩。因為好似同個場個feel 好夾咁。再次來是因為覺得的食物幾新鮮﹐豆苗﹐生菜﹐蝦同生魚片都唔錯﹐不過次次的牛肉都唔得﹐實到死。

今朝同個行家飲早茶，原本諗住去蓮香，誰不知鬼咁多人，唔好話搵兩張檯，真係有點插針不下，人迫加上點心車，都係速撇為上，結果近近地就過了對面喜悅。都沒有看餐牌，諗住食點心盅飯，貴極有譜。兩個人，叫了兩個盅飯，三籠點心。點心及茶的水準當然不能與蓮香相比，是大路貨色，還不算差。埋單四十蚊也不到，一人都唔使廿蚊，同食大家樂差不多價錢，真係平到嚇一跳。望真D菜牌原來佢地平日早茶時段各式點心一律4.8蚊，茶錢只5蚊，唔怪得咁平。食物不算差，價錢真正平，但都坐唔滿，可見呢區生意唔易做。

這裡的點心很平,最平的只是故3.8一碟,而且味道不錯,亦不難找位,三人吃得很飽亦不用一百元,扺!

套餐中有江酉煨湯、一條蒸海鮮和兩個小菜，三位四百多元埋單，在中區算係咁啦，我很同意GourmetKC 的評語。點心也很好，各食家去間中上環，可以去試。

同三個同事來飲茶，原本諗住想叫點心，但見到有個四人商務套餐好似幾抵，便叫來試下。套餐包點心三款、煨湯一煲、小菜三款。點心是叉燒包、牛肉同鳳瓜，一般貨色；煨湯選了螺頭竹絲雞，都唔錯，味精不多，算係幾好；小菜要了茄子炆三文魚頭腩、脆皮蒜香雞同咕嚕肉，三文魚頭腩都唔錯，幾好肉，茄子都好送飯，略縑茨汁濃左少少；脆皮雞味道是不錯，但就唔係好大隻，無咩肉食，三兩下手勢就剩番雞頭、雞頸同雞尾；咕嚕肉反而最好，香口得來又淡淡肉，好食。埋單二百多，中環酒樓來說算幾抵。

趁佢新就拿拿林試埋雀局掂唔掂，約左三個舊同學來竹戰，雀局菜438一檯，四菜一湯，淨睇價錢唔貴。當晚我們叫了菠蘿咕嚕肉、乳豬併盤、干煸四季豆同埋條蒸魚。個餐仲包個燉水鴨湯、番薯糖水同生果併盤。菜色唔錯幾好食，沒有因為雀局而降低水準。其中以咕嚕肉最受歡迎，一陣就清碟。就咁食晚飯438都唔算太貴，何況仲包雀片加一，所以都會再幫襯。唯一不足之處係無得睇電視。侍應服務幾周到，希望能保持下去。