囍雲軒 (The ONE)

Open Now

Now Closed

今日下晝嚟飲茶，竟然坐到鳥籠😍呢間酒樓坐得好舒服，服務員又態度好好。食物質素都好唔錯。😌尤其想講吓奶黃千層糕同蛋散，奶黃溝咗蛋黃一啲都唔甜，仲好香濃😋而蛋散就好鬆脆，好值得一試。下次會來試吓佢嘅晚飯✨

五一假期,我們四人去左the one飲去,来到門口已有多人等候,拿左号差不多半小時仍未入座,问接待要要等多久,她説訂位都要等间间都係咁,態度極敷衍,最後再等左10分鐘才有才,開好茶決定要個四人套餐,功夫湯還可以,鲍汁鳳爪像梅菜一夾就散,烧賣一般,叉燒包上台已不熱叉燒又肥,牛肉無陳皮味味道一般,云耳菜苗正常,最後海皇炒飯像油泡好油配料蝦像变味,示意服務員加茶水叫了多次先添加明顯人員唔夠,以咁既收费附近有好多選擇,没有下次👎

🍽囍雲軒📍尖沙咀彌敦道100號The One5樓503-504號舖✨呢間餐廳有兩個雀籠位置🦆，可以俾人一路食一路打卡📷。訂位的時候我指定要求坐雀籠，可惜已經額滿了，只能坐大堂! 🥹如果可以提供更多打卡位就好了!🌟盆栽小蘿蔔小編其實不太好蘿蔔，但網上一致好評就一於試下。食落去好有驚喜，新鮮炸起 超級熱辣辣🔥 超酥脆，而且入面既蘿蔔餡都幾甜 蘿蔔酥下面仲墊左Oreo碎同Coco pops😍😍🌟點心盛盤賣相靚不在話，味道都不錯。全部點心都大大粒，小編食左2-3粒都已經飽飽地。每次飲茶都好驚蝦唔新鮮🦐，食落去會霉霉地，但呢度既蝦好新鮮，每一隻都好鮮甜。———————————————評分5⭐️最高)味道:⭐️⭐️⭐️⭐️環境:⭐️⭐️⭐️⭐️ ⭐️打卡:⭐️⭐️⭐️ ⭐️⭐️再訪:⭐️⭐️⭐️ ⭐️⭐️

上次同朋友兩個人嚟飲茶，覺得環境幾好，装修幾靚，唔似其他酒樓咁嘈，今次同班朋友茶聚，就提議嚟呢度，重特登打电話訂咗個雀籠位点知朋友話坐得唔舒服，而且無興趣打卡我哋五個人，叫咗個四人餐，另外再加多個一飛冲天炒麵，呢度嘅特色炒麵。總結呢度点心幾好食，但服務就……上次嚟，侍應服務態度可以，今次就差好遠，我哋好似去咗荒島，叫極都無人應，又唔主動加熱水，重有漏單情況，任你幾好食，都唔想再嚟。

同朋友約咗喺the one飲下午茶，朋友塞車遲到，嚟到已將近三点。聽朋友話呢度環境唔错，入面有兩個雀籠位，俾人打卡，唔似一般酒樓咁嘈，由於我哋嚟到已經三点，茶客唔多，侍應安排我哋坐中間，無打卡位，呢度環境都幾安静。睇餐牌唔見有下午茶，但有個午市一人前餐，有点心三件+功夫湯+主菜+蔬菜+甜品。我哋兩個人就点兩個一人餐。一人餐份量完全符合獨食條件，係唔可以同人分享總結：呢度交通方便，環境亦唔錯，係間新派創意酒樓，茶錢每位收十五蚊，價錢唔算便宜，點心比較花巧，但味道祇一般，不過不失，如果想坐雀籠位打卡，就要預先訂位。

呢間位於The One 5樓既酒樓裝修得幾靚～入面有兩個鳥籠位置 平時以為cafe先會有呢啲打卡野🙈 真係見識少😆 今次早左一個星期打去book定鳥籠位 方便影相打卡📸️ 🐤鳥語花香雀籠點心 💰188成個鳥籠上真係好有feel 完全配合返個環境😆 點心有鳳梨酥 流沙煎堆仔 蝦餃 燒賣 菜苗餃 蟹子蝦餃同饅頭 每款都好精緻好靚🥰 味道就一般酒樓味 每款餃個外皮都有啲厚 唔算特別推薦～ 流沙煎堆仔反而幾好食 煙煙unun加上流沙奶黃好夾 甜度岩岩好😋芝士鮮蝦長春卷💰48熱辣辣好香脆 入面包住滿滿既蝦同芝士 芝士味好濃 唔洗點沙律醬都好食🤤呢間酒樓坐鳥籠位真係幾舒服 因為平時去酒樓多數好迫好嘈🙈 食物又唔貴又打到卡 下次去尖沙咀想飲茶都會揀返佢😙

第一次來囍雲軒格調時尚有氣派，雀籠座位特別戶外婚禮用的露台也十分典雅囍雲軒 最新推出的下午茶套餐Heya x Crudo「Our Names」 HK$488包括有各式精緻點心 +💝 送一對人氣首飾品牌 Crudo 的 invincible 鋼製鎖頭項鍊(玫瑰金 + 暮光銀) 價值HK$960！隨頸鍊附送免費刻名服務，送禮自用都好適合這次被禮物吸引而來原來餐點都不錯鳥語花香雀籠三層架好吸精❥ 天鵝芋頭酥🦢 非常酥脆、芋頭香濃❥ 雀巢流沙煎堆仔🪺煎堆煙韌、奶皇蓉餡料甜膩滋味❥ 蝦餃、菜苗餃、蟹籽蝦餃、玫瑰饅頭、鮑魚燒賣最喜歡鮑魚燒賣，有點捨不得吃❥ 燕窩金魚餃🥟好神似金魚的餃子，入面有蝦肉啖啖肉燕窩上湯感覺矜貴❥ 增城掛錄三顆「荔枝」奶皇蓉，外面脆卜卜還有oreo餅碎做泥土，好有心思的甜品

上星期去了尖沙咀一座大型商場，這裡有很多不同食肆，大酒樓都有幾間。我們入這間酒樓，門面佈置得很清雅，有很多花的擺設。進內設有大大的禮台，還有2個特別的雀籠雅座，原來還有個後園，設有露天園地可用作婚禮場地。我們午餐以食點心為主，這裡的點心精緻，也有些創意點心，味道亦不錯。-蟹籽鮮蝦燒賣 燒賣大多是黃色皮，他們做了黃色和 綠色皮，頂上還放點黑松露，相當特 別，黑松露味濃，加堆蝦肉爽口鮮甜 十分配搭-鮮蝦菜苗餃-紅糙米網野菌金瑤腸 腸粉餡料用了乾瑤柱加野菌，有鮮味 唔會覺得肥膩。-蠔皇叉燒包-懷舊芝麻卷 已經很少有酒樓做這道甜品了，因為 要做得很薄再卷堆比較麻煩。芝麻味 濃，甜道適中。

最近囍雲軒聯乘本地皮革品牌Crudo推出中式下午茶套餐，除可於鳥籠梳化享用各式精緻造型點心外，仲可獲贈Crudo「Invincible鋼製鎖頭項鏈」一對，啱晒情侶拍住拖去打卡食tea🥰【Heya x Crudo「Our Names」下午茶套餐】（$488）🕊鳥語花香雀籠點心雀籠點心有3層，頂層天鵝酥造型別緻，口感綿密酥脆😋中層流沙煎堆仔口感香脆軟糯，與流沙奶黃好夾😋底層有5款點心，每款味道都唔錯，當中以原隻鮑魚燒賣最吸引🤩🐠燕窩金魚餃金魚餃味似蝦餃，皮薄且餡料飽滿彈牙，另將燕窩碎加入上湯同食，滋味又養顏🥰🍓增城掛綠底部以Oreo餅乾碎作泥土，荔枝造型點心加入粒粒脆米及荔枝玉露製成，食落有少少荔枝香，口感與流沙煎堆仔有啲似😌🔒Invincible鋼製鎖頭項鏈（$960/ 一對）頸鏈以西德鋼鑄造，顏色分別有玫瑰金(纖幼版)及暮光銀(標準版)各一，款式簡約又易襯，另仲可於任何一間Crudo分店免費刻名或指定圖案😍即使女士戴標準版頸鏈都好好睇，同閨蜜孖公仔每人一條都好perfect😌餐廳環境優雅好啱打卡，Tea Set又靚又好味，價錢唔貴之餘仲附送一對靚靚頸鏈，真係超高性價比🤩

餐廳：囍雲軒 (尖沙咀)地址：尖沙咀彌敦道100號The One5樓503-504號舖尖沙咀 THE ONE嘅 HEYA 囍雲軒 @heyatheone 喺一間新式中菜廳，佢哋嘅大廚特別設計多款別緻點心🥧，無論望見定食落口都同樣令人賞心悅目🥰，場內嘅裝修典雅有氣派，識坐緊喺預約定佢哋特設嘅鳥籠雅座啦🌟被吸引過嚟喺因為佢哋8月1至8月31日同Crudo聯乘推出咗一個專為情侶打造嘅「Our Names」下午茶套餐($488），網上最早登記嘅頭10位顧客仲可以用早鳥價$388優惠😍，重點喺只要享用「Our Names」下午茶套餐，就可以獲贈由Crudo @crudoleather @crudomoment 送出嘅「Invincible鋼製鎖頭項鍊」一對(原價$960)📿，一個超抵價錢有得食仲有埋情侶頸鏈👩‍❤️‍👨，仲唔喺物超所值💕✝️「𝐎𝐮𝐫 𝐍𝐚𝐦𝐞𝐬」下午茶套餐 $𝟒𝟖𝟖呢個套餐包括鳥語花香雀籠點心、金湯燕窩金魚餃、流金增城掛錄，另外仲送一對Crudo Invincible鋼製鎖頭項鍊✝️鳥語花香雀籠點心金色雀籠造型，裝滿三層精美別緻嘅點心：頂層有活靈活現嘅蜜桃天鵝酥2隻🦢，咬開鬆脆嘅千層酥

第一次試呢間，之前1晚訂定位，去到都差啲冇位要等。裝修都幾骨子同光猛，檯與檯之間有足夠位置，起碼唔會櫈貼櫈。可能近中秋，入口附近有個打卡位，係個大大嘅吹氣月球同兩隻發光嘅兔仔裝飾。睇咗之前食評，叫咗以下幾個點心4款點心都好好食😋蘿蔔絲酥熱辣辣，底下係朱古力餅嚟（味道就一般，當裝飾算）。鮑魚撻皮夠脆，餡有冬菇香。燒賣比大部份酒樓好食，大粒得嚟豬肉唔會騷，蝦亦彈牙，其中兩隻有松露醬喺面。紫薯粟米包造型可愛，裡面係紫薯餡，甜而不膩。服務方面上菜都算快，侍應人數足夠而有禮貌。如果12點半前嚟應該唔使等，之後就比較難講。比較煩嘅係要等𨋢上去，所以顯得冇咁就腳。Overall可以再戰～～

俾門口嘅$888龍蝦套餐吸引咗入去，平日入去食晚餐，唔使等位，仲可以揀位坐。經理專登揀咗個附近冇乜人嘅位俾我哋，可以安靜傾偈，而且酒樓都唔嘈。聽聞佢哋平時係搞開婚宴，如果無婚宴嘅話，就無乜人嚟食。$888龍蝦4人套餐，我哋嗰日6個人食，另外加多兩個菜，份量都夠6個大人食，好夠飽😋😋食物係即叫即整，新鮮。條魚個底會有一啲蠟燭，熱住條魚，唔會攤凍晒。經理知道我哋6個人仲特登送多兩個糖水俾我哋食🧡🧡服務好好！

因為疫情，我跟熱愛飲茶的老公有一段時間沒有到酒樓嘆茶，趁平日放假就陪佢找個好地方一盅兩件吧，之前經常來The One shopping同食嘢，這兩年才少踏足，原來轉換了很多食肆，囍雲軒就是其中之一，我們二話不說點了最吸睛的點心盛盤及紫薯粟米飽，果然沒有令人失望，賣相靚不在話，味道都不錯，粟米包比我預期的大個，吃了也有點飽，但紫薯餡一點也不甜膩，我們坐了個半鐘後，再叫一個平日限定的一人餐，包括招牌功夫湯，味道很特別，原來是平常很少見的青橄欖柿餅湯，最後嘆了兩個多鐘後捧腹而回，唯一美中不足是餐廳在做一些小工程吧，我們坐的大堂中央上方的大燈飾時亮時熄，有點擾人！

第一次幫襯，預早訂咗枱，坐位舒適，招呼不錯！叫了幾個特別食譜，雀籠點心幾吸引及幾美味，鮑魚雞粒酥，盤栽蘿蔔酥好味，盤底係朱古力幾得意，叉燒捞粗麵好大碟，稍有少許咸，大體幾好，會再次幫襯👍👍

補寫食評用餐日期：2021年12月21日 星期二是日辛丑年冬至，公司提早４點下班，和家人外出吃晚飯慶祝，地點選在尖沙嘴 The One囍雲軒，原因：之前到百老匯看電影，被囍雲軒門口中式下午茶廣告吸引，好想試！暫時找不到人陪我吃下午茶，就先來試試晚餐，點了“至美餐”，包括以下的：#乳豬併海蜇：乳豬皮卜卜脆，但肥肉太多，基本只吃豬皮；海蜇很爽口，nice！#原隻鮑魚伴金錢：鮑魚質感和平時吃的不一樣，怪怪的。#蒜香脆片雞半隻：皮脆肉juicy，雞胸肉也不柴，好！#鮮竹山珍浸菜苗：味道比較淡。#清蒸沙巴龍躉仔：火候剛剛好，魚肉很滑 👍#芝麻煎堆仔：這個好好吃 😋😋😋#奶皇流沙包：這個一般 (我不太愛吃奶皇包)#水果併盤：西瓜併哈蜜瓜，兩樣都不算甜。