興記

Open Now

Now Closed

想食海鮮，但又怕入西頁食太貴唯有入去屯門三聖食啦，一向都係平靚正如果weekend去，唔訂位係無可能訂左都要等，訂個陣記得訂埋燒鵝呀，燒得好好先去買左海鮮，4個人買多少少都唔怕買左大約8百幾蚊，有龍蝦，聖子，鮑魚，扇貝，瀨尿蝦一坐得，即刻有人問你點煮，但其實佢地一早有哂答案，可以唔使出聲都得樣樣都整得幾好，但無咩驚喜。埋單好似大幾$3xx興記絕對係抵食

是次晚餐係自己成班FD o係出面海鮮市場買返唻, 再去舖頭+錢煮唻食gad材料當然新鮮啦~~煮工方面: 不過不失~~因為本人成日都食海鮮, 所以實有機會食過d更好味既....不過如果你想搵一間又ok又抵既地方唻食海鮮呢間舖頭係一個不錯既選擇~!!!!仲意食海鮮既朋友, 呢度實岩你

一班人約左咁住坐二個鐘車入去好有期望啦，等左好耐興記開諗住裝修後環境好D,食物煮法跟以前一樣啦，點知係一個字，差！由第一道椒盬鮮尤就知好差、失望第二煮酒煮蠔.ok啦第三篜大聖子、一大堆放一齊出嚟買相已經唔好重要過哂火第四食佢招牌燒鵝..唉第五盬焗蜆仔蟹,嘩想死沒有幫蟹清冼乾淨有尿味第六蒸魚係最正常之後嗰D我都唔想講原本諗住一家人和朋友去介紹D好嘢比佢食點知差左貢多。

同三五知己去食飯吹水真係愉快的一天~

昨晚爸爸楂車入屯門玩, 跟住就去興記得埋飯.因為要睇住架車, 所以天寒地凍我地都要坐露天位京都骨, 個汁酸甜好開胃, 肉多過骨, 好食~西蘭花炒雞球, 西蘭花無咩味, 要沾蠔油.粟米牛肉湯, 阿媽話唔錯, 唔係落左好多生粉水, 無咩味精, 牛肉都多.燒味拼盤, 叉燒好食, 外面燒得好脆口, d肉又唔會乾憎憎, 蜜汁至正! 燒鵝爸爸至愛, 佢話個皮燒到脆, 而且唔係好肥, d肉又滑.好耐無一家人食大排檔, 呢間d野真係唔錯!

最近受耳水不平衡的困擾寫少左食評.2012年的我凡事更不順利.希望快的雨過天晴.在千變萬化的人生.人可以做的.只係珍惜每天的日子.入正題.我一早都知道興記食海鮮是出名.什至比起三聖邨任何一間酒家出名.第一個問題來.酒樓係雜費多.環境同廚師一定差唔過大排檔.?選興記絕不是因為金錢問題.食海鮮也不會一百幾十有交易.因為與記出菜有系統.一枱客人的海鮮.由一個師傅打理.煮好立刻出菜.平均五至十分鍾出一次菜.每様海鮮都有鍋氣.這是家中做不到的.環境同服務.當然沒有酒樓般好.首先說環境.人多坐裏面有冷氣的位.如果人少就坐出面.坐膠椅.木枱.至於服務比較冷淡.值得一讚相當均真.一毫子貼士也不會要.至於海鮮要自行選購.當日海鮮買了480元....椒鹽賴尿蝦:選料不錯.差不多爆膏.而椒鹽內外亦入味.不過我覺得味道有點過濃.而蝦肉亦爽而鮮甜..如果不是加工要48元一斤.我肯定選白灼.豉椒炒蜆蜆鮮甜.值得一讚仍有淡淡海水味.味道調較適中.不會過辣同過鹹,因有系統處理.粒粒都有肉,.不會肉仍在鍋底.蒜茸粉絲蒸扇貝:正!非常鮮甜.令到粉絲也鮮甜.汁同個食物好夾.而扇貝亦大粒.啖啖肉..清蒸石班豉油用的係甜]豉

係忠仔記買咗千八蚊料去興記整圍起每人都係三百蚊其中最好食係芝士龍蝦伊面底, 芝士忌廉伊面真係好正!!!!忠仔記介紹果款龍蝦重秤得嚟又好足肉,開咗邊一咬一撕就整塊肉起了出嚟, 盛讚其次那些大大隻椒鹽瀨尿蝦!!!哇, 啖啖肉!!! 調味又好!!!!扇貝, 鮑魚不在話下!!!!只是那些辣酒煮花螺~ 酒香是有, 但半點也不辣呢...可能是自己太食得辣吧!!再加埋大大隻燒鵝, 都食唔晒!!!下次可以再嚟過食啊!!!

新裝修後食物質數比之前更好！須每次要等位，但仍藉得！必食燒鵝，比深井更好味，砵酒蠔，炒蟶子，斑腩炒球，瀨尿蝦每次都要食！還有不收加一，相比西貢，鯉魚門，流浮山更抵吃！

一直去開三聖食海鮮都覺得比西貢果邊食抵d, 所以隔一段時間就會約 d friend去吃! 去開發記買海鮮, 貨真價實, 人又nice! 話說琴日又去了發記買左買鮑魚、花螺、大蟶子，扇貝都係六百八十蚊!但冇蝦, 於是我地見到隔離間 "誠達海鮮" 有蝦就過左去,點知咁就出事la,果個係黑檔來ga!!!!!!!!!!!!!!!!!!!!!!!!!!!!!!情況如下：我地問佢海蝦幾多錢，佢話一百蚊度。我地再揀埋貴妃蚌之後俾錢，點知兩樣野加埋四百幾五百蚊，而我地係隔離買鮑魚、花螺、大蟶子，扇貝都係六百八十蚊。我地問佢點解咁貴啦，佢先話海蝦要一百九十八蚊一斤（咁仲算係一百蚊度咩！？）。我地話唔要蝦啦，佢話包起左啲蝦會死，唔可以唔要。但果度只係2 mins ge時間wor!!!!!! 再同佢理論，佢話呢期係海鮮價ga la, 佢仲惡到想打人，又將d蝦扔落地下!!!!!!!!!!!!!!!! 請問呢間係咩鋪頭 本來一個開開心心的dinner, 俾間三聖誠達海鮮黑檔搞到勁火!!!寫食評係想提醒大家小心d呢間嘢!!之後拎左d海鮮去興記整, 其實都ok ge, 但俾果間誠達海鮮搞到呢餐食不知味law!!

昨晚在三聖村買了千幾蚊海鮮 , 食開廣東名門 , 想試下新野 , 就去左興記 , 夜晚十點帶埋2斤花螺 , 6隻琵琶蝦 , 6隻斑馬瀨尿蝦 , 1條瓜子斑 , 2斤花甲 , 帶去比佢加工 , 出來既效果真係唔掂 !! 大家睇圖喇 . 辣酒煮花螺得D酒味 , 一D都唔辣 , 奇怪....6隻大琵琶蝦煮左二碟 , 就只有見到果三舊肉 , 其它就只有空殼 , 頭同尾 . 芝士琵琶蝦講明唔焗 , 焗完`乾珍珍` , D芝士 好似D cream 咁厚 , 成碟得D空殼 , 頭同尾 , 真係想知D肉去哂邊 ? D cream 咁厚 , 下面D 依麵都好難食 . 呢碟魚都叫正常一點係唔係個師唔識整大隻蝦 , 個椒鹽斑馬瀨尿蝦又係整得差 !呢D普通野就ok

第一次入嚟三聖邨食海鮮，我哋先去榮利記生猛海鮮選購晚餐，再去興記加工。興記超多人呀，就算訂咗位嚟到都要等。試過早二日打嚟訂星期六日都Full了。白灼蝦鮮甜好味蒜蓉粉絲蒸帶子，蒜汁粉絲味道調較得好好。豉椒炒蜆有D偏甜芝士焗龍蟹，芝士香濃味道佳。我哋叫咗伊麵底，伊麵好淋冇口感，好味海鮮已蓋過晒佢，只食咗兩啖就放棄了。上湯煮螺清甜淡味，可以點甜醬來配撘。興記燒鵝皮香脆汁好味，肉嫩有口感，不韌不痴牙。

又係肥肶出場啦!唔係講呢隻...係講呢隻... (佢個肶太肥,我幫佢改左個英文名叫pheobe=肥肶!)呢期係生猛海鮮 ---- 三聖興記! 一年一度的母親節,又來三聖大興吃下海鮮先!大家首先要去海鮮檔自選海鮮~~我地買左一大堆,跟住拎去興記加工..有每次一定會吃的燒鵝.有埋個頭架,保證係燒鵝.唔知點解今次有少少失準,但都好味過不少地方. 上湯龍蝦-當然我又係係咁吃依麵~~~索晒d日月精華. 抄蟶子-太大堆啦,好似個山咁高,差點吃唔晒.我都係唔多好細蟶子的,覺得腥,我比較鍾意吃大的蒸蟶子,較鮮甜.花螺-都唔多好. 呢條唔記得咩班,好好味,因為和海鮮檔主熟,佢比左個友情價我地,咁大條才$100,仲要好滑好有魚味...又係我最鍾意的奄仔蟹,今次一樣好好味,又有羔,有少少重皮添,下次都係自己要一隻,一人半隻真係唔多夠喉. 老爺唔吃比埋個半隻99,阻住作狀要分去99少少,99竟然大發嬌嗔~er er唔制呀~~~~~笑到我地成班肚都疼埋!見到99專心致志的模樣,就估到佢係為食之神!我真係無嫁錯人呀!!!!加了菜和咕嚕肉,不過唔多好味..加埋兩罐可樂同數個白飯,加工費都係$648咋(免加一)!

9樣海鮮只有2樣煮得ok , 煮得太咸, 煮汁太稠,沒有大排檔鑊氣, 好像求求其其堆上碟就算, 是否換了廚師或當天廚師輸了馬仔, 失水準了, 大不如前..........浪費了我們$2000的海鮮........冷到客人大失所望........ 希望下次會有改善啦, 我們是長期客, 一年點都有兩三次光顧.

久未踏足新界大西北，今日難得來到附近遠足，晚上順道到聞名已久的三聖吃海鮮。我們先到海鮮街略購海鮮，然後本想光顧邨內酒樓，但適逢有飲宴被包半場，而餘下位置早已爆滿；最後臨時轉陣，改到附近的興記大牌檔來料加工，吃過痛快。 興記為一般「冬菇亭」改建而成，除了見慣的大牌檔位置，還特設空調「雅座」。而小店為了應付慕三聖海鮮街之名而來的客人，在狹窄的通道兩旁位置也擺設桌椅，環境較係擠迫，而出入要小心之餘，不熟地頭者更可能會迷路哩。 甫坐下，我們把預購的海鮮交由店員處理，而因做慣來料加工的關係，店員不用半分鐘便提出不同海鮮的烹調方法，非常熟練。最後我們再加個馳名燒鵝和幾道小菜，便成了今晚的即興海鮮局。 蒜蓉粉絲蒸扇貝：巨型扇貝以最普通的蒜蓉粉絲蒸，蒜蓉味略略滲入扇貝中，味道香濃之餘，也不會掩蓋扇貝本身鮮味；而清蒸的火候掌握得好，不會過老過韌，加上扇貝有近豉油碟般大，故除了味道好，口感也極佳，當然食材新鮮佔了很重要的一環吧。 椒鹽瀨尿蝦皇：同屬巨型的瀨尿蝦皇以椒鹽處理，再切成頭尾二段。椒鹽味沒有想像中段重，但瀨尿蝦本身鮮甜肉厚，加上蝦膏多，鮮味絕不比扇貝遜色，惟吃時要小心被尖刺所傷哩。 豉椒

我哋一行十二個大人, 加埋百厭仔, 又嚟幫襯興記. 要喺星期日幫襯興記, 當然要先BOOK位啦, 老公早喺星期二已BOOK咗位喇今次搵咗兩個壯男一齊入咗元朗大橋街市買海鮮, 買咗蟶子, 貴妃蚌, 大蜆, 鮑魚仔, 羔蟹, 桶蠔, 九節蝦. 由於大橋街市嘅瀨尿蝦比較細隻, 所以最後去返三聖忠仔記買瀨尿蝦, 三聖啲海鮮真係貴過元朗大橋街市好多, 買一樣半樣就無所謂. 總數計埋入元朗嘅車費, 去大橋街市仲著數.今次去大橋街市買海鮮, 又學識多樣嘢喇. 話說買蟶子, 貴妃蚌時, 阿姐問我使唔使劏, 我話唔使. 阿姐好奇怪, 買咁多蟶子同貴妃蚌唔使劏? 跟住就問我係咪攞去加工, 我話係. 阿姐就問幾點食, 我話18:30 (當時係17:30). 佢話買完就攞去加工梗係劏埋啦, 劏完輕秤好多架, 去加工啲殼同啲沙都計錢架. 咁又係喎. 阿姐就勁快手同蟶子去穀挑沙, 貴妃蚌就去半殼. 師奶仔嘅心聲-(今時今日物價高漲, 當然慳得幾多就幾多啦) 豉椒炒蟶子--豉汁香濃, 辣辣地超冶味 豉椒炒蜆--同炒蟶子一樣超冶味 砵酒焗蠔--淡淡酒香又夠乾身, 佢應該加咗少少蜜糖, 甜甜哋, 好味 椒鹽瀨尿