興城風味麻辣米線

Open Now

Now Closed

晚上六點半，七成滿座，有湯飯同米線。試左米粉小辣（有河粉，米線揀咖），餸都有廿幾款揀，我試左三樣好獨特嘅餸包括魚腩，牛肉餅同勝瓜！勝瓜渌到八成熟，好爽口呀！魚腩大約三四塊“薄片”，食唔到有幾新鮮，最有趣係三粒牛肉餅，好彈牙，似牛丸嘅質感！三餸＄38，女士食都夠飽嘅！總括黎講，可以再黎

好耐無幫襯興城米線喇 難得今次經過哩邊 一定要去食返碗先對得住自己呀哈哈😍😊😎🤓三餸38蚊 價錢還可以啦 小店嘛 要支持一下的 嘿嘿🙂☺️今次點了三餸 分別有韮菜餃 魚腐角 芝士丸 配菜有腐皮同埋韮菜 識食嘅湯底一定要叫沙嗲湯底😎😎 麵底我點了米線 先講份量 小妹我都算係一個擦得之人 食哂成碗都真係飽 所以份量是屬多少 見人見智啦😉😉印象中 基本上 我次次點都係哩三個餸 小妹最喜觀的都是魚腐角 真係好特別 係出面無食到哩款的 味道又好喎 正 至於韮菜餃 我覺得係皮薄函靚嘅 都食到有韮菜味架 不過少少建議 如果大粒啲會覺得更開心哈哈😝😛至於湯底 我必選沙嗲 推介沙嗲😋😋因為真係非常濃味 好香 夠哂味道 米線方面 我覺得煮嘅方面控制得唔錯 適中啦 唔會過淋 整體嚟講 我都幾滿意 會再encore的🤗🤗

麻辣韭菜餃米線 小小辣$28大概係我食過最平淡一碗米線米線：好淋，完全無口感，自己煮都好d韭菜餃：細粒得可憐，完全就係一粒變兩粒,同圖片差好遠配料：見下圖，小家到死，腐皮得一塊湯底：只有麻味，食唔到有任何特色原來出名係沙爹米線但叫做（風味麻辣米線）的鋪頭做不好麻辣米線份量小而味道失望，需要負評

不嬲都有食開呢間米線鋪，一直都覺得唔錯。呢間街坊小店米線鋪嘅麻辣湯底比較清，唔會好油，岩晒我口味。今日係下牛茶時間食，每人仲有兩隻雞翼送，超級抵食。30蚊內都可以食到個豐富又飽嘅下午茶😆我叫左雞肉米線麻辣湯底，成碗望落都清清地，雞肉仲有少少黑椒，味道岩岩好，而且湯底唔會好重味精味👍🏻朋友叫左雞肉米線沙嗲湯底，今次沙嗲味好濃，其實佢呢到個沙嗲湯底個濃度成日都唔同🤔另一位朋友就食雞肉沙嗲湯飯，佢仲加左兩蚊要多沙嗲，個湯真係超級濃郁，送飯一流，而且湯飯仲有豆腐、菜、芽菜做配料，都幾豐富。下午茶送嘅雞翼我地3個都係就簡左蒜鹽，雖然冇咩蒜味，但係味道都唔差，只係油左少少。其實好鐘意去呢d小店食野，每間小店都有自己獨特嘅味道，而且呢d店多數較為樸實，唔會有花巧嘅包裝，平實樸素嘅味道👍🏻

我最愛既沙嗲米線 一食真係番吾轉頭 好鐘意 日日經過/放LUNCH都想食一餸米線 $28 今次同大家分享既係除左譚仔之外 我最愛既米線 超級好食 必叫沙嗲湯底 雖然有時湯底會淡左啲 但平時嗌“少沙嗲”食吾到好辣既我都流晒鼻水 下午茶激平 嗌一餸已經有得送2隻雞翼 而雞翼口味香草勁正 上面啲調味粉一流 我近期最愛嗌既餸 有雞肉冬菇豬紅紫菜金菇 大大碗 大家可能會諗豬紅冬菇咪淡茂茂 但佢應該預先係有調味煲過下 所以連依啲甘淡味既餸都有味道 所以嗌依啲絕對送到米線食 而紫菜金菇量好多 之前有次嗌金菇係鋪到滿晒個面 都係做街坊生意所以真係勁抵食

今日hea hea 地午餐又唔想食話咁快下午茶就落街睇下有咩食啦行過見距下午茶有雞翼送就膽粗粗行左入去食雖然環境吾算超好 但通常食呢d麵呀個d都系甘 所以已給勁算吾錯架拉！入到去充滿住好香的沙嗲味見有人食泡餓就試下啦叫左芝士腸 同水餃的沙嗲泡飯每個泡飯送一款菜，叫左白菜仔唔洗5分鐘就有得食效率好快湯同飯分開上係個湯入面除左有之前叫的餸之外仲有豆腐值得讚一讚個湯底好濃沙嗲味同有少少辣一啖湯加半啖飯又真係幾好食餃子係艽菜都幾正下而每碗送的菜係好鮮甜嫁雞翼叫左辛辣都幾好食似土匪雞翼外層仲要有少少脆脆地好正啊一定會食上癮😍最後就算係大食的我都食唔曬分量如果兩個女仔都可以share 一碗男仔大食的會勉強食完又大碗又多配料都係32蛟性價比好高值得食下👍🏻服務一般般拉 吾會話太差 但就有少少想我地快d食完走既感覺 差不多未食完就收左我地d野

平日 日日要返學真系諗到r爆頭 成日都吾知食d咩好！ 今日系學校附近食左碗麵 都吾錯！ 最重要系下午茶有多2隻雞翼送😁😁 師奶心態又黎拉 好似好抵甘bo 雖然冇平到 但都幾正 平時個到買3隻都要15蚊 咪當加餸囉 hehe食飯時間當然多人架拉 不過岩岩好吾洗排隊 不過就要撘枱 先講下食物先～雖則賣相並吾系太令 但味道、餸都好足架 吾差架！ 我叫左碗韭菜餃 山根 河粉 沙爹湯底既 餃子同山根有各3粒 餃子應該系自家制 雖然吾算大隻 但入面既料就系好足 而且味道一流呀！ 河粉超大碗 好似2人份量甘而且 河粉吾會「林」但湯就淡左少少 同埋沙爹要濃加$2 所以最終冇加到 野飲大部分都系加$6呢到最好既系 系大熱天時個冷氣開得大 食得呢d野吾夠涼會想死！老闆都好有禮貌！總括而言 整體上吾錯 必定會再去！

一直是沙嗲米線的忠實粉絲，他們舊舖光顧的人太多了，因此搬了到對面大一點的舖！星期六晚買了沙嗲米線外賣回家，濃濃的沙嗲湯好香又不會過辣，吃得真的好過癮！而豬紅依然保持一貫水準，十分入味！是我每次的必點配料！另加$20一大碗菜，好抵！

嗰日凍冰冰就想食碗湯飯暖下肚，走落街，望一望原來發現興城米線間舖搬左係對面!!好彩啫,差點以為冇得食！等左一陣位,終於入到去,新舖比以前大左,寬左, 坐得舒服左！老闆好快黎幫我落單，叫左湯飯，有菜，豆腐，豬膶，牛肉,D湯好好味,夠凊淡同健康,最啱我呢D怕肥嘅女仔,飲左D湯個人䁔粒粒!正! 跟住發現原來我撞啱下午茶時間，有兩隻燒香草雞翼送！30蚊埋單,超抵食!