香港達人 (黃大仙中心南館)

Open Now

Now Closed

未食過咁難食既野，餐廳算乾淨，但係野食就係唔得，自問已經無乜要求，諗住番工食個lunch都係hea食，係呢頭咁耐都未黎過，就入來試下，點知一食難食到死。 點左個牛肝菌汁煎牛扒，聽個名好似好好聽，點知上菜仲衰過街邊茶記，舊牛扒又乾又細又薄又老，食落咬橡膠咁，問員工配既沙律係咩沙律，點知答唔出，諗住係有菜既沙律啦，原來係水果沙律，難食到飛起，一啖都無食過。總之以後唔會再黎，平時都會食下茶記，無諗過睇上去都係普通一間茶記，但食物難食到咁。

中午在「香港達人」吃午餐。我們共享的兩份午餐：羅宋湯，微酸帶辣的羅宋湯令胃口大開，蔬菜也不少。暖和的餐包，又輕又軟，塗抹軟牛油來吃，頗不錯的。海南雞飯，雞肉不少，雖然雞胸肉較多，但都好吃。油飯真的很油膩，畧帶鹹味，有味道的，好吃呵！像在土耳其吃的白飯。黑椒汁牛扒配薯菜，牛扒肉質鬆軟，黑椒汁好味道，配薯菜，薯菜當小食。餐飲加錢轉班蘭奶茶，奶味較淡，多了班蘭味道，可以一試。港式熱奶茶，合味道，冇得輸。

今日（26/9/2020）來這餐廳晚餐，之前曾來這餐廳一次，因有唔太好經歷及見不太多人幫襯，所以有段時間沒有來。近期多次路過，都不太多人幫襯，今晚見這餐廳有約七成客，亦想食碟頭飯，就比次機會大家。點了兩個碟頭飯菠蘿咕嚕肉飯，酸甜度適中，咕嚕肉剛炸起，好脆口，份量亦足夠魚香茄子炆米，幾好食，唔太油，味道亦幾好，但太多配料，如換青椒、洋蔥、唐芹及蔥等，邊食要邊執番出嚟。碟頭飯送餐熱飲，五十幾元，都算抵食，

黃大仙用餐是南館方面的食餐廳比較多選擇。或者應該話我地中意食中西合併就會特登黎南館呢邊。今次見香港達人無咩人等位就入座。環境，暫時疫情時候都係少人。大家分台而坐。本身朋友想叫羊架，但見食評或者附近的食客多數叫飯。所以都轉中餐。呢個如圖好細份。蠔仔泡飯我地主要係當飲湯。呢個魚切邊，方便兩個人同時夾呢。而且口感相對嫩滑，骨刺不算太多。可以接受呀！小炒皇最失敗。完全唔知係未果鹹魚出問題呢還是豬肉有味道。最後我地都無食過幾次。青菜部分還是可以接受的。最後評分較高係呢份蔥油雞。蔥油恰到好處的甜味道，應該係甜醬油？因為無姜蓉之類，問左服務員比左海南雞的辣油還是直接當蔥油雞送飯算。最後兩個人買單300左右不算太貴的晚餐。不過不失。

今日到黃大仙工作，同事推介午餐係到食，攞飛等左5分鐘就有位！叫左set lunch A蒜蓉汁燒牛扒配意粉$58凍檸茶加$3，5分鐘上枱。先黎個牛油餐包+羅宋湯，餐包夠熱牛油都軟身，唔錯！要讚下個羅宋湯多料帶辣夠味😚！牛扒都幾厚，略嫌煮得太熟韌左少少但可接受，蒜蓉汁有蒜蓉味,意粉凍左少少😞，熱意粉更能帶出蒜香汁味同汁多返d就最好！服務員有禮貌！地方乾淨！$61算不過不失啦！如有機會都會介紹比其他朋友！

今日拎咗兩張 #贈券 同 #小姪仔 去 #海運戲院 睇 #StarWars，不過劇情真係太離地，搞到我爭啲瞓著咗zzz... 好彩最終捱得過2.5粒鐘，喺 #商場 附近影吓相，諗住食啲嘢就返屋企。點知 #小姪仔 拉住我去 #玩具反斗城 陪佢 #打機，搞到過晒鐘，連lunch都未食，唯有先送佢返去比 #老豆去 #婆婆 度過節。既然係咁，我就索性搭車返屋企附近，去 #supermarket 幫 #mammy 買啲 #生果，預備聽日過節。行到商場3樓，見開咗間餐廳「香港達人」，諗住去試吓啦，點知 #服務員 已經準備 掛 #晚餐餐牌 出門口。我見仲有3分鐘先到5:30，厚着面皮問 #服務員 可唔可以做埋我下午茶生意，點知佢都好爽快，叫我快啲落單。呢日我就叫咗個 #黑椒汁雞扒意粉 做我嘅 #午餐x下午茶，#意粉 質感唔夠爽口，反而 #雞扒 嘅 #肉質 同 #味道 都還可以😋 #美中不足 嘅係杯 #凍檸茶 #姍姍來遲，搞到我食晒碟意粉先有嘢飲😅 不過 #服務 同 #餐廳環境 以屋村區嚟講算唔錯，總體ok啦！

今日係黃大仙食呢間茶餐廳 食過人生最劣豆腐火腩飯 唔知係因為職員落錯單搞到廚房佬發火鬧人 然後發脾氣整 定係呢間餐廳個份量真係咁 一個59 蚊既飯 只得少得可憐既豆腐同燒肉 我問職員呢份野係真係咁 定師傅發脾氣 佢支吾應對 話搵經理黎跟進 到最後不了了之 而味道同賣相一樣 難食 ....

開左一段時間都未試過，今次路經又唔算多人等位，就諗住入去試下！午餐餐牌種類不多！只有數知餐一點鐘午時王牌時段竟然已經無哂海南雞飯餐其實種類已經唔多又點會估到一點已賣哂呢！真心其他餐都唔算吸引朋友點了卡邦尼芝士汁燴魚柳卡邦尼汁無卡邦尼味配薯菜竟然係小棠菜+紅蘿蔔🥕這是西餐還是中餐呢請問？見到都唔想吃食慾大減點了紅湯來了中湯算了，接受吧反正胃口已麻麻中湯淡而無味⋯⋯最後我唯有食份最保守的三文治算是填飽了個肚這餐廳一定無下次先是無餐繼而落錯單再加上cheal cheap食材味道又差真係咩都集中於一身

中午搵飯食，見有位就入咗嚟食。呢間餐廳以香港為主題，菜式都係港式茶餐廳為主，環境比一般茶餐廳坐得舒服。「午市套餐」星期六日都可以叫，有湯有嘢飲，仲有餐包，幾好。見佢推介海南雞飯，仲話係正宗，所以就試下。湯同普通茶記一樣，可以揀中湯/紅白湯，我就揀咗紅湯。之後到個飯，海南雞一啲都唔正宗，冇去骨，啲肉好鞋。個汁有兩款，紅色嗰款應該係辣，但食落冇乜辣；黃色嗰款冇乜味，又唔係薑蓉味。至於個飯太硬；特別之處係有好多菜，不過都係硬咗少少。如果叫返普通飯可能會好食啲。

這個商場下午茶我去過很多間，這一間算是最差的一間了，叫了兩個下午茶，一個焗飯還可以，就是有點鹹，另外一個不得不寫食評，這個星洲炒米粉就非常差了，配料用上了廚餘蒸排骨切碎去炒，又肥又硬，仲有廈門炒米啲酸菜，味道古怪，又辣又酸又鹹，如果沒有配料就說沒有，不要亂炒一通，叫人怎麼吃，說不定是廚師不會煮，下次一定不會再來

上次來吃炒貴刁已經覺得好正，好香咖喱味，河粉炒得很乾身。今次食咖喱吉列豬扒配意粉，豬扒炸得外脆內仍有很多肉汁超正啊廚師控制得很好，但美中不足的是意粉煮過時了，太腍。牛腩湯米粉，上次的湯太過鹹，今次也一樣，下次不要食這了。喝了杯邪惡的忌廉紅豆冰

今早約了人在黃大仙傾野，早到了，便尋找餐廳吃早餐。先去了同層M字頭的餐廳，雖然餐館內有很多空位，但店員見我只有一個人，便要求我與人搭枱。我立即離開。我感到十分反感，作為顧客，我認為這是極度黑心的。於是我再在同一層找到這間香港達人。這是我第一次嘗試在這店食早餐。餐牌上的早餐款式多，價錢合理。我點了一個豬軟骨通粉，換上我至愛的蕃茄湯底。通粉到來時，其豬軟骨很諗，很美味。蕃茄湯底十分香濃。最重要的是，店員非常友善，任我選擇座位。我相信這是顧客最基本的要求。跟歺的奶茶香濃，總括來說我十分滿意。

由於晚上公司有活動，下午四時多先去醫下個肚打定底，路過見到冇咩人就快快入去食個下午茶。依家真係好少見到$30樓下既下午茶餐，見到有$28的三文治餐就快快叫個, 快食快走。是次點了番茄碎蛋三文治餐，留邊。看起來好厚身大件，我估因為佢有厚多士的餐，所以三文治都是用厚同咁大塊的麵包做，上菜個下真係有D驚喜，冇想過今日今日$28的餐都有咁大件。麵包好軟，厚身有質感，番茄就比較薄片，對比之下得好少番茄，另碎蛋都比一般的炒蛋遜色，可能是我自己先入為主，始終覺得番茄炒蛋三文治先香D同好味D。餐飲配地道熱奶茶，尚算可以，茶葉味夠，都香滑。整體用餐經驗良好，環境好安靜好舒服，卡位都闊落好坐。見到鄰座的人叫炸脾薯條餐, 都好吸引，下次再來試下先。

叫咗個下午茶餐咖哩牛腩飯 扒咗兩啖飯見到咖哩汁入面有條眼睫毛咁長嘅毛 諗住瞇埋眼當見唔到算 扒多幾啖又見到條手指咁長嘅髦毛。。同侍應講 一臉懷疑嘅樣 佢哋取消咗個飯 叫我畀返餐飲錢 我就同佢哋理論 杯嘢飲唔係我想嗌 而係佢餐送 有乜理由要我畀返原價熱飲錢 而且我都無要求佢衛生問題要賠償 如果唔信我 可以check cctv 最後佢哋先肯唔收杯「餐飲」錢

第一次寫食評，但竟然要比一個差評分。叫咗生炒雞絲火腿飯，外表正正常常還可以，但食落去，竟然部分雞絲係酸臭的。激死我！從雞絲外表看起來，應該係之前賣餘的煎雞排，再切細成絲而成，所以食起來有其他黑椒味香草味，但個酸臭絕對係變壞咗。個炒飯其實係加雞絲兜亂的飯，再加上火腿勁多過雞絲，雞絲又切得幼細，雖然價錢係平，但咁様質素，其實真係唔抵見佢新開，比個負評希望佢地會有所改進。我只是路過食個飯，所以只試一試。