荔香園冰室 (Closed)

环境一般般，怀旧装修，叫左个e餐加冻奶茶，价钱就唔係几贵，斋睇图就好有食欲，不过吃落口就真系麻麻地。首先讲杯奶茶，第一口饮落就觉得好失望，大概糖浆兑水就系咁噶味，既无奶味，又无茶味，可以话净系得个奶茶样。个焗饭望落几有食欲，不过吃落就发觉哋番茄汁真系麻麻地，猪扒噶厚度小于1cm，同埋吃落好软下，相信系业得比较重手，饭入边都有几粒菠萝，不过就系用噶罐头，哩个价位就唔挑剔咁多了，最明显唔掂噶都系个番茄汁啦，整个饭最好噶就系个太阳蛋了熟度刚刚好，仲有流心。总体来讲哩间茶记哋出品就一般般，但系杯奶茶就已经劝退我了，唔会再有下次了

荔香園冰室 HK Food 1980旺角懷舊冰室 回到香港80年代🧁食物質素：😍😍😍📸打卡指數：😍😍😍😍😍🧹衛生指數：😍😍😍💁🏻‍♂️店員表現：😍😍😍💵性價之比：😍😍😍地址:旺角通菜街1號威達商業大廈地下N號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹裝修風格令人置身香港80年代，牆身貼上舊時風格既瓷磚。掛咗好多舊時既相片，餐台上既裝飾都係好懷舊例如有舊既熱水壺，衣車裝餐具都用咗以前既𠺘口盅 ，連背景音樂播放住以前的流行歌曲。價錢又唔係貴，經過可以試下🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.皇袍叉燒飯 HK$58 Rating:7/10。其實就係叉燒炒蛋飯。叉燒足料。蛋唔會炒到好油膩。平時係出面食通常配豉油。但呢到係配叉燒汁。撈飯食成件事好味咗好多2.瑞士汁巨脾芝士撈面 HK$52。雞脾係好大隻。但係食落去入面好柴好乾。芝士撈面唔係我中意食個種有咸味既芝士。成個面都好淡3.叫咗平時茶餐廳的兩杯飲品。凍菜蜜好飲甜度啱啱好。凍奶茶都唔差，茶味奶味都好夠🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹

旺角女人街逛街，同朋友經過附近裝修懷舊嘅冰室 「荔香園冰室」，掛上懷舊嘅80年代明星海報及香港舊境，以懷舊風格為主，令你緬懷香港舊有嘅情境，入去餐廳食野同埋打卡。大蝦蛋包飯 - 有幾粒大蝦而且炸到香口彈牙，葱花炒蛋放上飯面，聞到蛋嘅香氣日式肥牛炒烏冬 - 烏冬軟硬適中，加入軟腍多汁嘅牛肉，味道幾好荔香園冰室@hkfood1980地址: 旺角通菜街1號威達商業大廈地下N號舖#旺角 #荔香園冰室 #懷舊冰室 #hkfood1980

其實我哋係為咗個芝士流心厚西多士而去😍，真係邪惡到冇人有！不過我覺得佢環境都唔錯，好懷舊。咖喱雞扒飯（$5️⃣8️⃣）佢份量都十足，有2大塊雞扒，不過啲咖喱汁遮住咗望唔到🤣。味道方面雞扒好入味，係好港式咖哩既味道，有啲似媽媽平時煮既咁😋，撈飯正。吉列魚柳配薯條（$4️⃣2️⃣）其實呢間野啲份量都幾多下，魚柳有兩塊，薯條一大堆🤣，真係唔驚食唔飽。魚柳層炸粉好薄，魚肉好嫩滑，都唔錯。芝士流心厚西多士（$3️⃣8️⃣）呢個熱辣辣食真係好正😍，中間夾咗層芝士，都有少少流心，芝士味好濃。我鍾意加埋糖漿一齊食，甜甜鹹鹹咁好正，呢個真係必食！

茶餐廳裝修走懷舊風, 好多80-90年代嘅擺設, 頗有特色的~🔸餐廳特別推介 - 黃袍叉燒飯用秘製醬汁整, 叉燒份量多, 半肥瘦, 燒得啱啱好, 肉質嫩; 炒蛋炒得好嫩滑, 有蛋香, 旁邊會跟埋甜豉油俾你淋上飯上一齊食🍚🔸鮮茄芝士焗海鮮飯上面有太陽蛋, 再鋪滿焗芝士, 芝士味香濃, 有鹹香。白飯份量好多, 米飯同雞蛋一齊炒, 每一粒飯都包裹蛋香, 裡面有各種海鮮, 有青口、蝦仁、魚, 仲有蕃茄粒同菠蘿粒, 味道酸酸甜甜, 令人開胃！

懷舊一番和好友食個豐富下午茶連晚餐，食完返去開組，一坐食到七點😂餐廳走懷舊路線，連台面都有舊式衣車擺設，小時候用的水壺都有呢，而牆身瓷磚從前都是這隻款式，回憶即時湧現～人均：$58.紅豆西多士平時食開花生醬或者煉奶，第一次見裡面是紅豆餡，即刻叫個試試，炸到金黃色，紅豆餡是一粒粒，有咬口，不需要落太多糖漿，本身紅豆有甜度。. 五香肉丁炒公仔麵先聞到好香麻油味，食落不會覺得辣，加了瑞士汁炒，下午茶來說好大碟，五香肉丁都頗多。.瑞士汁巨脾配薯條雞脾好入味，不單是外皮，連雞脾肉都食得到瑞士汁，若然上碟加多點瑞士汁淋上雞脾就完美，而且加上薯條，就是小朋友最愛配搭！.@hkfood1980

放工係行過女人街搵食 成條街都開左好多特色小店 見到呢間冰室門面懷舊又不停有人入去 menu價錢又ok就即興去試下餐廳裝修擺設都係行香港懷舊風 牆上可以見到好多香港舊照片 枱上嘅水壺同電話係睇80年代電影個種 近門口嘅綠色鐵閘打卡一流 冰室播住經典金曲本身見到poster上嘅爆蛋芝士牛肉菠蘿包好吸引 但晚餐驚唔夠飽 都係揀返啲主食皇袍叉燒飯叉蛋飯就食得多 賣相咁好嘅都係第一次 叉燒滑蛋就好似黃袍咁蓋住白飯 豉油係另上 唔怕太鹹 又唔會浸到啲飯淋哂 叉燒唔肥但依然淋身唔太硬 份量都幾多吉列蝦餅芝士撈麵呢個芝士撈麵好有驚喜 芝士汁覆蓋住成碗面所以碗麵影左好耐相都仲係熱 個芝士汁唔係好杰個種 所以食落唔會好膩

一間有特色復古懷舊冰室，價錢仲十分低食，所以目測都有好多學生幫襯❤️‍🔥❤️‍🔥❤️‍🔥叫咗個最槍眼既💥爆芝流心蛋牛肉菠蘿包$38 +$6 轉特飲招牌紅豆奶茶🥤菠蘿包厚到巨無霸咁，絕不能夠有儀態咁食🤣因為個蛋真係流心架，會食到*呢咁Hea*😂牛肉淋 唔會食到成口筋.. 但爆芝嚟講，就唔會好覺喇🤪推薦招牌紅豆奶茶🥤，好味😋 本身係叫紅豆西多士$32 🍞但係佢比錯芝士流心厚西多士我$32 ，為免浪費食物，所以我無轉到😅切開真係好多爆芝，真係太過份兩層芝士🧀滿足感大增😍同樣+$6 轉特飲 懷舊雜果冰，呢杯真係童年回憶，真係懷舊味道🤩辣味炸雞翼 $38唔好睇小佢外型好似唔太靚仔，但係非常好食，佢嘅辣粉辣得好過癮🌶🌶我下次一定會嚟多次我要食紅豆西多士😝

今次小編🧒🏻幫襯咗一間令人感覺置身於八十年代嘅餐廳。餐廳裝潢同埋背景音樂🎵都突顯出八十年代嘅氣氛。晚餐價格親民，免加一服務費，人均消費都係68蚊咋，好抵食😙。食美食之餘，仲可以食埋環境，認真係唔錯嘅選擇。🏷海鮮魚湯什菜粉絲煲（$68）海鮮有魚肉🐟、青口、蜆肉、八爪魚🐙、蝦仁🦐等，蔬菜有菜心同埋娃娃菜，另外仲有好多粉絲，材料十分豐富。食材鮮味十足，海鮮煮得熟透；蔬菜鮮甜；粉絲爽滑彈牙。🏷秘製重慶雞煲（$68）雞肉肉質幼嫩，秘製重慶汁非常入味，口味香醇，帶微辣🌶，適合鐘意濃味菜式嘅人。以上晚餐可以跟飯或意粉。我哋揀咗意粉。意粉軟硬適中，唔會太腍，彈牙可口。

旺角懷舊冰室去旺角行街，行完想食平D，你知平時食得太多好嘢偶然都會想食下茶餐廳，尤其香港風味的食物。經過通菜街見到好多餐廳，呢間餐廳很懷舊，價錢便宜吸引了我。港式茶餐廳風味，90年代用品作環境裝飾，還有充滿香港特色的牆紙，背景音樂播放著以前的流行歌曲，也有很多懷舊經典茶餐廳小食，上菜快，外賣盒$3，免收加一本身想叫西檸雞和墨魚餅，但是賣光了，咁應該呢兩樣幾好食#瑞士巨脾 #雞髀沙律 🥗 $42鹵水雞髀大大隻，好入味，啖啖肉。雜果沙律配蕃茄和青瓜切片#咖喱雞煲咖哩雞配大大配白飯，港式香濃咖哩不會很辣，份量很多，熱鍋上，配大大的雞肉粒。服務質素：6/10環境舒適度：6/10ᶘ ᵒᴥᵒᶅ個人口味評分：6/10

今日旺角返工lunch完又要趕開會，即刻同同事係附近茶記快咬lunch!茶記最吸引人既地方就係多選擇同埋出餐快！我叫左個皇袍叉燒飯$58再加$14要杯熱蜂皇柑桔蜜🍊滑蛋係整得幾靚而且都好滑身，而配上豉油會更加出色！叉燒今次比較瘦同埋煮耐左！而天氣涼涼地都係時候飲熱野同滋潤野！蜂皇柑桔蜜🍊絕對係好推介！飲完成個人都好warm🥰同事就揀左叉燒煎蛋🍳芝士撈麵$48 再加$6要杯熱檸水份量都比較多，芝士汁好多同好濃！好juicy!熱檸水🍋檸檬新鮮唔會有苦澀味！又可以解番芝士🧀既膩！

尋找懷舊感覺✨一起找回80 90 年代的回憶✨位於鬧市女人街中的一間餐廳✨環境佈置懷舊十足，有不少場景和物件令你憶起舊時的香港。💕推薦《澳門特級豬扒菠蘿包》$42全日供應菠蘿包很大個，配上鬆軟的煎豬扒，加上洋蔥和生菜，好吃😋如果下午茶時段去會有另外款式的豬扒包，是流心的😍更有餐飲，會較抵吃🤩《瑞士巨髀配沙律》$42個人認為雞髀可以大隻些少才算巨髀🤪但是雞髀的味道也好吃😋一去找回80 90年代的回憶吧

同老婆係旺角，周圍行下街，搵下嘢食😂行行下見有啲餓又咁岩係呢個時候見到呢間「荔香園冰室」，佢地個爆蛋芝士牛肉菠蘿包 同 芝士流心西多士好吸引呀😍即時咩都唔理9秒9，衝入去開餐啦😆爆蛋芝士牛肉菠蘿包 $38 淨係睇啲相大家都睇到又幾咁誇張😂非常足料，菠蘿皮亦好脆😋芝士流心口西多士 $ 32身為芝士控嘅我，當然唔會覺得啲芝士好漏啦😆小編心諗仲可唔可以再多啲呀？！🤣🤣不過其實依家都已經非常足夠！一切開啲芝士流出嚟，真係好吸引🤤生炸雞髀配自家製沙律 $ 42雞髀🍗係新鮮熱辣炸出嚟😋香噴噴熱辣辣咁上枱，就算點飽都要頂埋佢，搞掂埋佢先再算啦😆宇治抹茶紅豆冰 跟餐 加$6紅豆冰 跟餐 加$6

💛回到80年代🔙下午茶性價比高‼️〰️〰️〰️〰️〰️👅 ✨西多士真係好厚身，表皮炸到金黃色🤩一切開已經見到滿滿既紅豆餡，仲要係有兩層🤫多士食落外脆內軟👍🏻紅豆餡有咬口亦好夠香甜，加埋糖漿😂超邪惡！但係好滿足！😝~ 𝚢𝚞𝚖𝚢𝚞𝚖♡︎✨菠蘿包賣相好靚🍍好大舊勁足料！除左夾住太陽蛋 牛肉 蕃茄 芝士～竟然真係仲有成塊菠蘿😂味道特別豐富，而且菠蘿包表皮好脆，可能加咗菠蘿同蕃茄令到整體食落更清新冇咁膩~😋✨雞脾大大隻，瑞士汁幾香濃亦夠入味，肉質算嫩滑，啖啖肉，薯條炸得都幾香脆，值得一試！😎✨下午茶餐+$𝟼就有得揀特飲，超抵！😂佢哋嘅招牌紅豆抹茶好值得試吓🍵綠茶味好香好濃郁，紅豆口感好綿滑，唔會煮到溶溶爛爛，甜度亦啱啱好♡︎~< 下午茶餐 𝟸-𝟼𝚙𝚖 >🍴十字紅豆厚西多士 $𝟹𝟸🍴爆蛋芝士牛肉菠蘿包 $𝟹𝟾🍴瑞士巨脾 配薯條 $𝟺𝟸🍴招牌紅豆抹茶 - 跟餐+$𝟼🍴懷舊雜果冰 - 跟餐+$𝟼📍荔香園冰室🔍旺角通菜街1號威達商業大廈地下N號舖

荔園是大部分 70年代香港人回憶，現在已經沒有了，找不到荔園找來荔香園冰室，都可找回幾分童年回憶！🥰環境有趣卡位雅座舒服空間感十足。👍餐牌🍴瑞士雞翼煎蛋滷肉飯 $$48瑞士汁充滿豉油香味甜甜哋可口，雞翼肉嫩香滑，將煎蛋同滷肉撈混伴飯口感滋味一流。🍴懷舊黑椒牛扒配意粉 🍝$50味道堅懷舊，獨特黑椒牛扒味充滿著舊時快餐店味道，牛扒超入味口感柔韌有嚼勁。意大利軟硬適中好有意粉香。👍☕️套餐奉送飲品，我點了杯熱檸水，同事點了凍檸茶。