牛角次男坊 (Closed)

有時唔太餓，又想食燒肉，唔知食咩好。依間同牛角係同一集團，主要食燒肉丼，睇上去幾吸引，於是嚟咗先😯😯餐牌選擇唔多，只有九個飯同三個兒童餐揀呢個飯係餐牌入邊最貴嗰個，果然一分錢一分貨，肉質鮮嫩，好軟熟，牛味夠，肉量較另一個飯多，但係飯太濕，再加埋啲汁，就好似食糊仔咁😣依個飯堆得好高，我以為有好多肉，點知中間有一大堆芽菜（好似多過啲肉），隻肉好似平時打邊爐嗰肥牛片，有啲韌，雖然個汁好食，但係都救唔返🙁同樣地，個飯都係太濕😣😣

鴨肝•次男方丼 $138 (7/10)丼飯疊到成座山咁 非常吸引🤤牛肉係用美國牛腹腩 份量都真係有返咁上下🤭燒得幾香又入口唔太油膩 配甜甜地嘅牛角燒肉汁大滿足🥰鴨肝都有兩件 不過好似無乜點煎過 唔夠香🥲撈埋啲京蔥芽菜幾好食🤍紫菜實在太淋咬唔斷😂🙅🏻‍♀️*◇*◆*◇*◆*◇*◆*◇*◆*◇*◆*海軍陸戰丼(7.5/10)無記錯係慶祝淘大分店獨有🤭❗️除咗同次男丼一樣有好多牛肉仲有炸蝦 炸蠔 同多返啲蔬菜🥦呢個相對試到更多嘢又抵食啲👍🏻*◇*◆*◇*◆*◇*◆*◇*◆*◇*◆*炸池魚 (6.5/10)跟餐嗌加雖然唔算貴 份量都多不過咬落唔脆 無炸嘢個種香口嘅感覺😢

再次嘗試牛角次男丼，不過今次係食燒豬肋骨，出嚟嘅效果比起牛肉佳，可能因為佢比較厚身咬落有口感。而且今次嗰個飯嘅紫菜冇上次嗰種嘅腥味，感覺十分良好。再加埋呢個飯嘅燒豬肋骨數量比預期中多好多，總共嘅數目大約有八至九條，雖然十分好味，但係一個人嚟講食落有點兒飽濟。

第一次喺荃灣食，今次係第二次食佢嘅招牌燒牛肉飯，依然感到十分足料，食完嘅感覺好飽濟。不過燒肉仍然好味，只係今次外賣，唔可以即時食到佢熱辣辣的感覺，同原本有啲差距。另外要彈一彈佢嗰片紫菜，由於擺喺側邊食落個感覺好硬，而且味道不太良好，反而影響應有嘅味道。

🍁自問自己真係幾鐘意食牛肉🤩同埋都算係一個牛角Fans可惜牛角旗下嘅次男坊兩間分店由於一直離我太遠，唔就腳，一直都未有機會試下🙈最近係九龍灣淘大商場開咗分店啦🤩終於可以去試下🤗星期六lunch等咗約10分鐘就有位～🔺入座之前要係餐廳門口點好餐完成付款，之後就會有職員送餐！餐廳亦設有自助區，提供餐具，水，醬汁，調味料等等🔸牛角次男坊丼 $86呢個牛肉係草飼牛腹腩，見到好似成座山咁高嘅牛肉，好吸引呀🤩食食下，原來下面全部都係芽菜墊底😅🤦🏼‍♀️牛肉肥瘦都適中，牛肉食落有少少韌！同埋有少少乾身，好普通！芽菜就冇咩味，自己加d汁都ok，但d飯都係偏淋，整體好一般！🔸鴨肝·牛角次男坊丼 $136呢個丼就多咗兩塊鴨肝，牛肉就一樣啦！鴨肝表面沾咗少少粉去煎的，食落去表面係少脆，而食唔到鴨肝直接去煎個種焦香味😢👎🏻有少少失望💁🏼‍♀️整體食物好一般，其實都唔算好平，情願加少少錢食牛角仲好！可一不可再，真係試一次就夠了🙂同埋d座位都唔舒服，張枱仲係咁旭🙈

咁岩喺附近返工，淘大出名多野食揀左一陣，見到牛角就衝去買左個外賣牛舌丼$68（店員好細心提我要+$2先有餐具）。好快有得拎，等左冇10分鐘。牛舌飯約有十條薄薄嘅牛舌，好入味juicy, 一啲都唔韌，肉汁夠曬撈比啲飯我好快清曬成碗，女仔嚟講飯量剛好，男仔/大食啲應嚟唔夠食的15分鐘清曬成碗！

今日經過淘大見到牛角其中一間分店牛角次男方開咗喺淘大商場，今日order左兩樣嘢：第一當然係招牌嘅牛角次男坊丼，第二嗰個就係美國肩脊肉飯俾我揀我會揀招牌牛角次男方丼，因為肥牛肥肉鮮明，入口有牛肉香，另外美國脊肉飯，牛肉比較乾身，但係都好好食牛肉快餐店性價比都OK 㗎喇

嗰日lunch選擇去咗淘大嘅牛角次男方坊食，見門口冇乜人，好快就入到去。佢係採取先付款買嘢食後入座嘅政策嘅。Lunch就有得揀自選雙併，我就揀咗牛腹腩同牛舌嘅配搭。另加一個麵豉湯，同一個可樂，就70幾蚊。食落比我想像中嘅好食，牛舌就一般般啦，有少少韌同埋冇乜牛味。牛腹腩就有少少驚喜，食落都好肥美，都幾嫩口，牛味都幾重。啲汁就偏甜嘅，但係配搭落去都唔錯，餸同埋汁份量就啱啱好可以送晒啲飯。Lunch呢個價錢同呢個味道來講，都算係唔錯。

今日同朋友一齊食飯，行過見到間嘢好似唔錯，就走入去試吓啦。————————————我同佢就揀咗個B餐同G餐一齊食啦，有定食轉套餐都係要只係要$8🤪，有一個嘢飲同埋麵豉湯，都幾抵。😝😝坐低等咗陣呢兩個飯好快就到咗了。咁我主要係食牛頸脊飯，肉上面嘅調味汁都幾入味，牛肉都幾淋幾嫩。😋😋😋不過個人覺得B餐同G餐分別唔大，但價錢上B餐就$86，G餐就$119，所以個人覺得B餐性價比高啲，而且肉嘅份量都好似多啲另外，如果嫌個飯冇味嘅話，出面仲有一間飯汁。————————————總結來講，如果想食好少少但唔想食燒烤或者火鍋都可以食呢間。🥰🥰

如題如果你好似我咁 係食肉獸 又懶唔想燒又怕燒完成身味 呢間岩晒🤪🤪先在門口點餐結帳之後會有店員帶你入去 安排座位套餐都有主食丼飯 配麵豉湯加飲品點了一份豬的和一份牛的 (忘了名字😂😂)肉類即點即製 所以都大概要等10-15分鐘上餐既時候見到份量驚人 爆丼！！豬骨有5大舊 非常大方而且很細心地多給一個碗擺骨牛肉丼係王牌 唔洗講 絕對好食店裡還設有自助區 供客人自助盛醬料當然少不了名物牛角汁不過 本身肉在烹製既時候已加醬料唔加都已經好好食！！

新開左半個月，今日見冇咩人排隊就試下佢，首先係出面排隊order同比錢後再入座既 入座後可以自行針水既，then 坐左大約5分鐘就有野食啦,個飯唔算好熱，食到中途已經微暖個牛肉有啲靭，個紫菜又腥又靭份量比正常偏少咁，女仔都食得飽既唔怪之得咁快冇人排隊，都唔會再黎幫襯lu...

一直以為牛角只係食燒肉，原來而家佢開咗另一個副線《牛角次男坊》係專食丼飯架😚😚早幾經過見唔係太多人，一於入去試下先😚😚我哋要先响門口買飛叫咗嘢食先，之後佢會比個號碼同有人帶你入去坐，嘢食煮好有人會送到你面前，唔駛自己拎😉😉佢既安排唔錯，成個流程都幾快🤩🤩我哋叫咗燒牛腹腩盒子飯定食連飲品($75)、燒牛舌盒子飯定食連飲品($72)另外追加炸忌廉蟹肉薯餅($15)😋😋D食物質素幾好，牛舌同牛腹腩都有平時牛角嘅質素，個甜甜地嘅燒汁都好正😍😍如果lunch無咁多時間，但又想過下口癮，佢係一個唔錯嘅選擇😋😋

見平日都好多人排，今日早小小嚟到。門口已有人龍，不設㩒飛仔，只可以排隊，有枱到你先可點餐落單，所以好長龍。叫左個牛B同豬C。入到餐廳地方唔大，枱有點迫，水同汁醬自己預備。因為餐具都喺水旁邊，都攞埋番位。點知送餐係有餐具，員工仲問乜你又攞左?好好笑。。。😊總括牛有點硬，要咬好耐，豬相反地林，都幾好食。但兩個飯都唔夠汁，必須要自己加，如果唔係就食白飯。本人覺得c餐豬好食過b餐牛。排隊比錢同自助服務有點扣分。碗飯有點細。男士可能唔夠食喇!