好彩酒樓

Open Now

Now Closed

方便老人家出入， 揀咗呢個舊屋村度食飯， 好彩屋企人數唔多 ，一去到搵位都易， 嗌咗兩個餸四個飯，老人家食得唔多，最重要諗住搵啲後生，陪佢哋傾下偈。 我哋就嗌咗一個黑椒牛仔骨煲仲有個就係炸物 ，粟米石斑塊。 我最欣賞就係個牛仔骨煲 ，牛仔骨入面用料十足 ，食極都好似仲有咁 ，好似好大份， 同埋佢個味道好港式口味， 佢個黑椒汁拎嚟撈飯真係一流。 至於個粟米石斑塊 ，佢個擺盤一眼睇曬，不過我覺得個石斑塊炸得唔夠脆 ，同埋個粟米汁 ，好似人哋啲罐頭汁咁， 都唔夠好食嘅， 兩樣嘢一正一負 ，學獎門人話齋， 打和呀。

喺家人嘅壓力之下 再去挑戰 好彩 今次同以往一樣 都係食番啲例牌嘢 湯 一如以往嘅出色 燒味 今次醒目啦 叉燒 冇走雞 大大塊肥瘦適中 咬落 口感一流 出色 小菜方面 出街都係食啲唔夠健康嘅嘢 粟米石斑塊 穩陣之選 再配合 腰果豬柳 佢個酸甜汁 酸酸甜甜 味道好 又開胃 最後 再次挑戰 椒鹽豬扒 今次好好彩 全部都係熟嘅 炸得又夠脆 嚟嚟嚟食一次 今次有驚喜呀 最後糖水綠豆沙 有臭草味 味道唔錯 可惜食食下 俾我發現 入面有張 落單嘅紙 有啲可惜 如果佢 可以 維持 水準 相信 一定好多人會光顧 客似雲來 唔會似而家 只係單單做 屋村客人

又係一家人食晚飯 今次去開呢邊 咪試下人哋間酒樓囉 見到佢有套餐食 價錢上都幾抵食 咁就嗌咗 中伏之旅 就開始走上 一開頭來到 其實個例湯都唔錯 算幾足料 味道都幾濃 又唔重味精 再上嘅就係燒味 我哋揀咗 叉燒 同燒肉 其實食落都唔錯 唯獨燒肉皮唔脆 但叉燒大大件 之後就到 三個小菜 分別係 粟米石斑塊 椒鹽豬扒 脆豬柳 三樣嘢 粟米石斑塊 佢最得人鍾意 係個汁 分開上 唔會搞到個石斑林曬 至於脆豬柳 都算唔錯 個汁酸酸甜甜 幾得意 但令人最失望嘅 就係個椒鹽豬扒 細細個已經知道 食物要全熟 先至好食落肚 偏偏 椒鹽豬扒 未炸熟 就拎畀人食 同佢哋嘅部長講 無視咗我哋嘅意見 咁我哋咪唔食囉 好過食壞肚皮 最後到上糖水 有紅豆沙 同綠豆沙 不過我就因為個椒鹽豬扒 冇曬胃口 果斷放棄

行完山轉車肚餓就搵個地方食左先，想坐得舒舒服服有冷氣，老豆又要飲酒既地方—酒樓。一家四口就亂叫野食因爲餓。叫海蜇雲耳前菜清清地好開胃，西蘭花雞球都幾多雞正常味，魚香茄子煲護餸飯幾好味不過有啲鹹，蜜椒薯皇牛柳粒，有啲焦糖喺面甜甜地啲薯仔炸咗嘅，黑椒牛柳粒幾惹味。蒸海斑都新鮮嘅魚唔算細條連茄子煲係198孖寶送兩罐汽水。粟米斑塊啲魚塊係厚炸，粟米汁當然係粟米湯開出嚟嘅汁分開上。咁啲魚就唔會淋左。服務幾好，味道都可以，但估唔到屋村酒樓都咁既價唔平，啤酒白飯茶介加一埋單要9百幾🙄

今年為左放便公公婆婆，落左樓下食團年飯，年年都叫一席席叫，今年變左散叫餸，反而叫到成枱都係，我覺得最好味就係個咕碌蝦，炸到金黄色，有d酸酸甜甜咁仲有個燒腩仔都唔差，又唔會好肥又唔會好瘦又夠脆

已數個月沒有飲過茶的我，在2017這新一年的第二天，便與家人到附近酒樓飲茶。或許是因為假日的關係，一點半到達也完全不用等位，有點意想不到。晚飯來吃過兩次，覺得ok, 這次發現點心其實也ok，價錢又不會貴，其中爸媽最欣賞的是叉燒腸粉，而我則覺得炸一口豆腐最好。樓面雖然大，但staff數目也算足夠，沒有出現找不到staff的情況 (不少酒樓經常出現這情況)，添茶添水也不用等很久，這一點倒令我有點始料不及，原以為假日service速度一定較慢。而且在香港的酒樓，每枱之間一般都坐得很貼近，但在這裡卻不然，位置寬敞舒適，服務態度好。以周末與家人飲茶來說，這次經歷可說甚滿意，相信下次落樓飲茶也不作他選。

早前在上午6點多近7點到茶樓想霸位飲早茶，看到門口寫著自由入座，便進去找了張近走廊的桌子，桌上當時並沒有人，杯子也沒有被翻過來（翻過來的是有人坐），也沒有人開過茶，我就覺得是沒有人，便坐下了，過了十分鐘，有個服務員突然在我的桌上放上一壺茶跟洗碗盛水的大碗，服務員轉身就走了，一句話也沒說，我便洗了洗碗碟筷子和湯匙，洗完了不久，有一個應該是平日也有來喝早茶的婆婆問我是不是要坐這兒，我說是，阿婆轉身跟剛才端來茶壺的服務員說我霸了她們的桌子，服務員就很沒禮貌地跟我說：「呢壺茶唔係開比你架咼！人地有8個阿婆坐架嘛！做咩用左我壺茶！」我平日未曾到這兒喝早茶，但是我也是客人啊，外面寫著自由入座就該讓人先到先得吧！要不然就應該先寫好留座二字，這也很簡單吧！不是每個人都像那些阿公阿婆每天都到那裡喝早茶的，我哪知道哪一檯是沒有人的呢？？！真是令人氣憤！點心還不錯，但早點選擇不多，加上那麼差的服務態度，我應該不會再來了。

好耐無飲茶啦~同班老人家去佢地飲開早茶既地方食午餐，坐到已13:38，兩點就下午茶，所以要做咩? 要等咁唯有畫住先啦~仲有個煎面同炒飯，同叫左2個特價點心，但我地一行先得6人，3個耆英，2個就快耆英同我……好飽叉燒酥麻麻，但炸雲吞同咸水角都好正粉果，$9.8~其實我麻麻地粉果，但其他人鉝意煎面~好!好!食! 我鐘意脆卜卜既面!叉燒腸，見到已經知佢唔差，皮薄見到料，皮又唔爛容容，師傅有技術其實仲有好多，但已經掛住食，個流心奶皇包好正，有個松子香芋餃都好正好香!!!我會Encore呢間野架架~

某日, 去到 彩雲邨 探訪一位老教友, 之後這位熱情的老教友請了我們去吃個飯 ~涼拌手撕雞 雞肉去皮、去骨後撕成條狀上碟, 肉質細緻滑嫩, 雞有雞味 ~金針雲耳蒸雞 是一道非常傳統的家常菜, 雞肉的味道既嫩滑又濃香, 亦充滿了金針的清幽, 媽媽的手藝呢 ~與老教友一起, 邊吃肉, 邊喝啤酒, 談天說地, 不亦樂乎 ~本篇完 ~

今日下午我們去咗彩雲邨彩雲商場嘅「好彩酒樓」飲下午茶！我們叫咗好彩蝦餃皇、北菇燒賣皇、蜜餞叉燒腸、北菇棉花鷄、鮮蝦豆苗餃、豉汁蒸鳳爪、蜜味叉燒包同原籠馬拉糕！好彩蝦餃皇嘅蝦肉好大隻同爽甜彈牙！北菇燒賣皇嘅肉質好結實彈牙，而且肉汁相當多！蜜餞叉燒腸嘅好嫩滑，叉燒嘅味道亦好香甜！北菇棉花鷄嘅魚肚炆得好腍好入味，口感好彈牙，鷄肉嘅肉質相當嫩滑，唔會有「嚡」嘅感覺！鮮蝦豆苗餃嘅餡料都幾豐富，不過餃皮就比較厚身！豉汁蒸鳳爪亦都係炆得好腍好入味，醬汁亦好惹味！蜜味叉燒包嘅包質好香滑，蜜汁嘅味道好香甜！原籠馬拉糕嘅糕質非常鬆軟，唔會好乾身！