好好點心飲茶專門店•椰子雞煲專賣店

Open Now

Now Closed

因錯過傳統酒樓下午，首次到這家食店嚐試，欣賞此店有功夫茶，有幾款茶可選：水仙、鐵觀音、生/熟普洱。自己泡茶，自己控制，這個生普洱，口感滑淡香。點心夠熱，特別愛滋補藥膳鳳爪入味。

成日想食椰子雞但見都唔平，見到這個可叫招牌 #椰子雞鍋 套餐都係$268就叫一個再加一個點心，最後約$355/2人文昌雞半隻份量都足煮完雞肉都幾嫩滑臘味煲仔飯，臘味份量都夠食，飯可整到焦幾香，不過豉油就普通蔬菜要了芋頭好味起粉唔硬身，份量不少不過服務真心一般，叫咗食物後沒有醬汁，等到嘢食來都未有要叫先再比醬汁都沒問題點知侍應比醬汁時見我地只放幾舊雞就話我哋咩唔放晒 (咁又冇人講一定要放先食得)….比個漏斗又冇講點用咁好啦，我哋放晒啲雞，另一個待應收走隻碟，見到開大火就話我哋做咩開咁大….要較細啲先得..火大小都有分別又唔見有人講比我哋知..總於忍唔住，我話你哋又唔講我點知要放晒啲雞，同要較中細火先得咁好啦..食完比錢，我話要返張單，已即時叫收銀比咗張單我,點知最後睇返完全唔係我哋張單，最後我冇再想要返張單就放棄走咗

為了舊居裝修，再跑了１次深水埗，談完事情已經是晚餐時間，就在附近吃了晚餐再回街。西洋菜南街靠太子港鐵站，食肆林立，媽媽選了好好點心飲茶專門店，不用等位，安排最裡面的卡座，不錯。點了以下的：#功夫茶：10元/位，可選生普洱、熟普洱、香片、鐵觀音，點了生普洱茶，茶味不濃，一般。#土魷肉餅煲仔飯：媽媽選這家店，就是為了它，熱騰騰，有飯焦，好吃！#白灼生菜：新鮮，不錯。#蠔皇鮮竹卷：味道挺好的。#點心拼盤：１份有６件蒸的點心，蝦餃、燒賣、乾蒸牛肉、菜苗餃、潮州粉粿、棗泥糕，只有乾蒸牛肉和棗泥糕比較好，其他４件，翻蒸時間太長，皮都是糊的。普普通通的晚餐。

首先，一入到去，因為間舖頭係要自己用個茶煲煲水再沖茶，咁我地就吾太識點樣用佢地個煲，然後就問個職員點用，跟住佢竟然反問返我地「你地平時冇沖開茶㗎咩?」跟住我心諗「頂!有沖開就吾撚洗問你啦，x街」，服務態度奇差😡😡😡之後仲俾我聽到個職員話「點解個個都吾識用個茶煲」，咁講得即係吾識用係好正常，咁就係你地餐廳嘅問題啦🙄🙄🙄其次，叫咗個臘腸雞煲仔飯，d雞冇肉嘅仲多過d有肉嘅，就咁一嚿骨嘅都有，臘腸就肥到出汁🙄🙄🙄叫炸春卷層炸粉係白lai sai，睇見都吾開胃，唉~所以以後都吾會再幫襯😡

到好好點心飲茶專門店•椰子雞煲專賣店食晚餐，位於旺角西洋菜南街242號地舖。 一到店內見到很多客人吃椰子雞煲🫕， 我就比較想食點心，晚餐🥢 ～ 滑雞臘腸煲仔飯$58、 香茜牛肉球$25、 鴛鴦燒賣$32、 沙嗲金錢肚$33、 北菇棉花雞$28、茶位$10。 點心都是即叫即蒸， 熱辣辣幾新鮮， 我喜歡香茜牛肉球， 大大粒口感鬆軟。 還有沙嗲金錢肚，爽脆有彈性又惹味。平日都算多人，下次要試下椰子雞煲。 🏷️溫馨提示～ 整個用餐體驗均屬個人分享意見， 只作參考😊。

食到一肚火，服務態度宇宙級差，水煲茶壺污糟到爆，用膠樽裝水，要自己煲水，但個水壺面同水壺底污糟到生哂積，連飲杯水都要自己煲，收服務費仲要比得侍應黑口黑面對待，豉油仲淡過水，叫侍應比多碟豉油，好似欠左佢咁，成個豉油壺係你面前倒兩滴比你睇，煲仔飯比出面細兜，飯焦黑到炭咁，排骨完全無味，要自己仲茶，所謂功夫茶，個茶壺唔知幾耐無洗過，生哂積，見到都唔敢沖，埋單個呀姐仲串串貢，趕住埋數，食緊野都要急急腳咁拎錢比佢，叫佢等幾秒都唔得，做到咁既服務，佢都算勁，甚少寫食評，唔係差到頂點都唔會寫，呢間野，伏到喊，污糟到嘔。

而家想飲茶食點心唔一定要去茶樓 可以去呢啲點心店～ 而太子亦都越來越多呢一類型嘅店今次就試咗呢間朋友介紹嘅好好點心🥢▪️功夫茶 $10/位呢度嘅功夫茶可以話係呢間店嘅特色✨有成set傳統茶具 俾我哋自己去沖茶 由煲水到沖茶都係自己做 成個過程幾得意幾特別🤪 茶葉方面我哋揀咗鐵觀音 茶葉品質幾好🫖味道香醇 茶味好濃烈 帶點回甘👏🏻▪️紅米脆皮蝦腸粉 $36👅: 8.7/10店內嘅星級推介✨🤩呢個賣相好特別 平時都好少見到用紅米做嘅腸粉皮 比平時食到嘅腸粉皮健康～ 食落味道冇乜分別 但係口感就比較煙靭同埋厚身外皮煙靭 但係內餡咬落就脆卜卜🤪 內餡係油炸鬼包住蝦肉 油炸鬼炸得好脆 好香口 而蝦肉肉質爽口彈牙 食落好鮮甜🤩口感豐富 而且調味做得啱啱好 食到停唔到啊🤭💓▪️粵廚蝦餃皇 $32👅:8.2/10一共三粒 每一粒都幾大🙈 外皮晶瑩剔透 好薄 食落煙煙韌韌💛 入面隻蝦好大隻!! 而且口感好好 非常爽口彈牙 調味啱啱好 食到蝦肉嘅鮮甜多汁▪️沙嗲金錢肚 $33👅:8.5/10唔知大家飲茶會唔會叫金錢肚🤣 我今次都係第一次叫🤭 有驚喜呀～ 金錢肚好淋身 但依然保持左咬口 口感方面做得好好👏🏻 每一舊

📍 好好點心飲茶專門店•椰子雞煲專賣店個名水蛇春咁長🤣 嗰日🐷媽話要出花墟買花，就係附近食埋飯，想食點心就入咗呢間，裝修古色古鄉，都幾特別！食物都唔差，overall average，性價比唔錯！—————————————————————❣️功夫茶 $10/位好得意嘅過程，由煲水到沖茶都係自己搞掂，不過🐷未到會泡茶嘅年紀，都係等屋企人搞🤣茶好好飲，係唔苦好清甜，但係略嫌個杯真係好細….一啖又要再斟.❣️ 鮮蝦燒賣皇 $32🐷fav酒樓燒賣，一共有4粒，冇平時酒樓咁好食，但蝦味都好鮮香嘅.❣️ 鵪鶉蛋燒賣 🐷第二愛，不過其實淨係鐘意食鵪鶉蛋，嗰日太飽淨係食曬啲鵪鶉蛋，睇嗰樣應該同唐記點心差唔多.❣️黑松露鳳蝦餃 $33呢個唔錯，皮好薄煙韌，蝦好新鮮，黑松露就一般🙈.❣️ 紅米脆皮蝦腸 $36睇相好靚，但上枱嗰陣腸粉打橫嘅，睇唔到餡🫠不過味道唔錯，腸粉滑但厚度左啲啲，餡係油炸鬼啲fd好脆！蝦都彈牙！.❣️ 紅油抄手 $38 有6粒，醬油唔太辣，而咬落口感不錯！.❣️ 菜乾豬骨粥 $26粥冇乜味，似係咁易用白粥煮幾下咁，不過🐷公司樓下嗰碗仲難食，呢碗都仲可以接受.❣️ 炸雲吞 $32宜家酒樓好小有得嗌，🐷媽

真係唔鍇嘅一間點心店，而且價錢公道，性價又高⋯今日叫咗灌湯餃、煎蘿蔔糕、蝦餃、鴛鴦燒賣、豉汁鳳爪、春風炸腸，總數都係$240，你話係咪好 okay 先⋯鐘意佢哋係工夫茶，細細杯飲夠曬味！灌湯餃更加係我至愛，啖湯好好味，料又夠足。蝦餃就係有少少肉汁果隻，正！春風得意腸，D炸腸好爽，入面又有D蝦膠，好味喎⋯⋯

老實講唔會再食點心㗎啦最近在網上知道這間新點心店開張 主打功夫茶 對這方面不太熟悉嘅我 抱住一個期望心態去試我一進店見那麼多茶具 開始時都幾驚訝 我本來想去食下午茶🫖因為之前睇到有特價時段 但最後問咗姐姐佢哋話無特價下午茶🫖如果計原價其實都幾貴 但你哋可能覺得功夫茶係費貴茶品 但其實佢哋嘅茶錢都唔平 我哋今次點咗鐵觀音 真係普通到味道像水一樣 茶具有算乾淨 服務就真係等於零 我哋用手機📱點餐 點心價格偏貴 平均一款點心要$30左右 我哋等咗超耐先有點心送到 姐姐話即點即製 所以時間會比較慢 點心終於到達 份量都算大 當然價錢唔平都係其中一個原因 不過其實都發現點錯一個點心 其實鴛鴦燒賣 係有點取巧 比普通燒賣貴大約五蚊 但份量無變 試咗之後又同山竹牛肉口感無咩分別 灌湯餃男朋友話有怪味好似出至嗰湯 我本想和職員姐姐講 但最後都係算數 因為真係唔想煩和等 總結：如果趕時間 真係唔建議去呢間食店 想食靚點心 我想大家都會失望 價錢就更加唔抵 功夫茶其實茶葉都只係普通茶包 類似稻香嗰啲 那你收$10一位就好似真係進取啲 唔會再試點心 因為太子站大量高質點心店

今午跟家人一起到此店吃點心，又貴，點心又不夠熱，最氣頂是服務員態度奇差。常常呼喝客人，叫佢地做野，返被喝駡。我們2人叫了點心拼盤，蝦腸及鸭脚扎。蝦腸不滑，又不夠熱，豉油太咸，點心拼盤及鸭脚扎，下下之食品，不值這價錢，點心最忌不夠熱，鸭脚扎的豬肉又咸又散。三樣點心在水單寫成：45+28+36,共129.正確应寫成45+28+36，及茶芥20，共129,有最巧之意。由於我們2人得一茶包，感到茶味太淡，要求多一個，反被呼喝，話沒有來貨，只能2人分享一個茶包，大佬我付足2人茶芥。中仗得十分厲害，隔離的茶客也感到驚訝，如此劣質點心店能生存在香港。永無下次。

好好點心飲茶專門店： 一條友去食點心，原來店供應功夫茶，枱面有水煲可以自己煲水，幾有趣，而且水熱辣辣，幾好掃QR code 自己落單餐廳全部卡座，有樹葉辣椒生果裝飾，好東南亞feel,影相則有d亂紅米脆皮蝦腸：宣傳片賣相一流，送上枱時腸粉打扁只見到紅色腸粉，睇唔到餡，自已將腸粉幢起，即係好睇好多腸粉滑，餡油炸鬼好脆，而蝦係陣牙，唯一美畫不足係豉油太咸咸魚肉餅飯：原籠上熱到辣手，正！肉餅厚又juicy,夠晒送飯，飯粒粒分明似煲仔飯，咬口幾好，不過咸魚唔係好香同有d腥，麻麻

本來過來這裏想食車仔麵...但已經改開咗一間新嘅椰子雞煲專門店原來仲係點心飲茶專門店既然來到,冇理由唔入去試下！綠色主題裝修的卡座寬敞舒適,讓人心情放鬆💕結果揀咗個椰子雞煲二人套餐♥️🥥椰子雞煲🐔濃郁椰青汁湯底新鮮椰青汁湯底+半隻新鮮雞上滚完後, 椰子雞湯鮮甜😋配料美味, 好多椰青肉在內最欣賞大大條的爽口竹笙😍極上西班牙黑豚肉肉味濃厚, 肥瘦適中口感不油膩👍😋除咗主菜：椰子雞鍋套餐內有：西班牙黑豚肉新鮮蔬菜,響鈴,烏冬二人餐的份量完全夠吃✌️招牌椰子雞鍋套餐適合需要唔同份量唔同配料選擇, 彈性組合任君選擇👍多款野味煲仔飯選擇$58店員奉餐時行過,都聞到香噴噴😍看見隔離枱的乾炒牛河 $55大大碟,夠曬分量賣相討好點心選擇特別多星級腸粉：紅米脆皮蝦腸♥️紅米銀羅脆皮腸粉♥️下次一定要試下🥰

10月4号中午同靚媽去始創中心購物，路過此店又吾係好肚餓，就入咗去諗住食點心當午餐，咁就中咗伏，此點標榜係點心專門店，但我哋當日所柯打嘅食品，真係平平無奇，有D直情係劣食，個釀青椒D魚肉未煎熟就上枱，菜乾豬骨粥個粥底杰到糊狀，靚媽仲食到D菜乾未煲淋有骨嘅，义燒包個包皮有倒汗水，全部食物質素都係似D屋村地痞茶室級數，仲有此點係用成套功夫茶嘅茶具給顧客茗茶，但供給顧客的茶葉，如果用呢種茶具來飲，就真係陳茂波整餅，還有如果閣下在好口渴情況下，到此店見到枱面有枝樽裝水千祈吾好攞來，因果個係循環再用水樽，樽内嘅係末經㷛滾嘅自來水

秋風起食世界上最殘忍既飯 - 煲仔飯 最好不過！今日係太子附近放工，金魚街隔離條街出名滿佈食店。當行左幾間見到呢間有煲仔飯即入去呀！餐廳坐位全是卡位所以會比較舒服，而大多食客都係食呢到主打既雞煲邊壚！不過我係因為煲仔飯而來！所以講番今日食咩啦！合時臘味飯$58落單等大約十分鐘就送到，餸料足夠，豉油不錯，而唯一係d飯比較硬身但唔夠多飯焦！紅油抄手 $38 有6粒，醬油唔太辣，而咬落口感不錯！滋潤藥膳鳯爪 $36得3隻🥲但個湯底好味😋而且雞腳煮得幾淋身，易入口！另外餐廳會提供茶具俾客人自己沖茶，茶位每人$10，另全單收加一費用！