好好點心飲茶專門店•椰子雞煲專賣店

Open Now

Now Closed

早排同啲朋友仔去飲嘢，轉場嘅時候肚餓，是但搵咗一間餐廳入咗去食，點知原來係食點心，夜晚食點心真係未試過佢呢度嘅茶係要自己煲滾水，然後自己沖，枱面嗰張餐紙仲教我點樣沖茶同埋品茶咁就帶咗幾個嘢食我見都唔係其他評語殷講得咁差而呢一個炸春卷，喂最欣賞記嘢食仲有就係呢一個黑松露蝦餃，我覺得好好味其他朋友仔大咗個牛肉蛋飯我就是咗佢個雞蛋，同埋佢脆卜卜嘅飯所有點心都不過不失全部都係熱辣辣送上枱只係太可惜試唔到佢個藥膳雞湯我覺得下次可以帶爸爸媽媽再食過

唔講好唔好食，齋服務態度真係差到冇得頂，一坐低之後聽到幾個伙記好大聲咁講是講非，一陣講二少乜乜乜，一陣講大佬點點點，其實細聲少少講野係完全冇問題可以接受既，一早出黎飲餐早茶好似入左街市咁，幾個女人一齊係度講真係好嘈好嘈好嘈，仲見到有個客人坐低約一兩分鐘因為店員態度個客人即刻離場，老細你真係認真咁培訓一下班你班伙記既服務態度…打開門口做生意，態度真係好緊要，齋講野大聲就已經好影響客人，食一次就已經唔想再黎食第二次…….

真心態度差，第一次見咁多食評都係講同一樣野，我諗應該唔會有回頭客，入面d客多數都係內地人，自己煲水沖茶，個茶壺感覺好污糟，d侍應仲要大大聲嘈交，間野仲生存到真係好意外！

香港美食天堂就係俾呢啲服務打落地獄，唔會再幫襯。從服務開始，一台有三個小朋友，其中一個較細，問有無BB凳，話無，都算，問有無圓凳，明明有都話無，問左三個，先有一個話有，然後話俾圓凳都唔夠高，但係明明圓凳高過卡位，可以攝位俾小朋友坐。佢地無提供方法仲要質疑客人，仲反白眼，真心第一次見。其他服務仲要見到都無反應。跟住到供應，1點落單，點九都未出餐，仲要午餐時間點咩無咩，明明二維碼落單無話售罄⋯⋯一間食肆做到咁，仲有咩好講，怪不得假日開喺尖沙咀都可以咁多吉位⋯⋯

Tea: taste like water, color only.Rice: Waited for 50 minutes.趕時間諗住搵間就腳入去食，發現中伏。首先係杯茶，一般酒樓茶都係淡味，但佢係完全冇味，淨係有顏色，都幾驚下。個煲仔飯一直唔出現，問個呀姐先話要等半個鐘，最後等左50分鐘先有得食，食完係勁口渴，肯定勁多味精。

首先要自己煲水沖茶, 全套茶壼/杯感覺好污穢, 隻杯又細隻, 茶又冇味, 最差係重用嘅膠水樽, d水偏黃。紅米脆皮蝦腸粉: 油, 好肥膩鮮蝦菜苗餃: 普通, 皮ok北菇棉花雞: 普通, 雞晦鳳爪排骨飯: d飯好油, 好肥膩沙嗲金錢肚: 唔淋, 酸的材料真係唔掂, 冇下次, 仲要收加一, 旺角有其他更好嘅選擇！

訂位前問，十人以上是否有大枱，說好的大枱到店說只有6人座。12人迫著我們坐6人枱跟4人枱，另外加櫈，全場得3,4枱客人，為什麼迫我們做劑迫戶。說分座要按座收火鍋爐錢，自己朋友來店8個人坐一張6人座又可以搬枱搬櫈住一枱。醬油收一個醬油費，要其他調味料要收費又不說，自己人頭送上。埋單才說要收費垃圾店，千萬別來光顧。

嗌咗點心拼盤味道正常藥膳鳳爪得3隻 冇藥膳味蒸飯塊肉餅有少少梅 不過算啦然後重點黎了牛肉腸 酸嘅🤮不過佢肯換過就算之後換碟叉腸 都係酸嘅🤮🤮🤮我費事再換就食淨算啦埋單後同呀姐講聲叫佢唔好賣費事食壞人個呀姐扮講普通話唔識聽廣東話然後行咗去佢個反應話我知我應該唔係第一個講但完全冇諗住改善唔知點做生意🙃 差評整體裝修算係靚嘅但廁所好污糟枱面電熱水煲自己煲水但個煲有水垢發黃每枱都有一支重用水樽裝嘅水好環保🙂

我們三人點了個椰子雞煲套餐～椰子湯底清甜～套餐有煲仔飯有飯焦幾好味～點心一般重點係服務員衹有兩位她們很忙，我明白，人手不夠。但她們的態度真的好差，澳牛或者仲好態度過衣間店。再者要自己煲水飲而電水壼眼看已經好污糟,最後我們叫了汽水我們昨晚坐樓上，冷氣非常不足。有其他食客已投訴食物75 分服務50分

店員態度非常非常非常非常非常差。極度冇禮貌。對客人呼呼喝喝，有啲咩問佢佢個語氣好似想同你嗌交咁。係檯到叫人過來十問九不應。食物質素尚算還可以，但咁樣既服務態度真係頂唔順。唔明點解仲生存到咁耐。

鄰近地鐵站，尖沙咀較方便，直出便是了，又可預先預訂。太子分店只接受派單叫號，顧客要在路邊呆等。食物好吃，花款多，老人家又可吃點心，適合不同口味。已光顧很多次了，會介紹朋友來。

同朋友夜晚好想食點心，見到有位所以就行咗入去。入到去見到有茶葉位置，所以佢啲茶葉都係一包包自己沖，會比一支大水你自己煲水。有特色嘅餐枱，坐二至四個人都冇問題。佢係QR code電子落單，後來先見到枱面有一張點心紙可以睇。點心拼盤可以試到唔同嘅嘢，適合咩都嘗試嘅人。菜苗餃味道唔會太濃粉果以蘿蔔同䓤為主，朋友好似又食到一粒花生鴛鴦燒賣好似係佢哋嘅招牌，正常發揮蝦餃嘅皮唔會太厚都幾足料點心張圖土魷較多，有朋友話食落去冇咁多如果要揀會揀菜肉包係最好食，應該係即叫即返熱其實唔點豉油都夠味，入面幾脆，但係啲皮有啲厚。認為晚上等候時間較長，點心幾乎等候了半小時才上，後來到的客人點心也先來，時間及服務可以更好

以前曾在此餐廳吃點心也在openrice給過 笑哈哈好評今次要補回個差評這裏的點心合我口味服務態度也不過不失既然不是酒店也不指望他的服務態度但這次的不愉快經歷實在令人失望其他食物沒問題問題出在灌湯餃上我們叫了3盅灌湯餃居然是酸的！同行長者習慣加醋所以未有察覺 便吃光整份點心我和另一位家人吃的時候發現食物變酸和以前的味道不一樣 擔心食物已經變壞向職員反映食物酸了職員沒有道歉也沒有解釋默默收起2盅變壞的灌湯餃過了10分鐘我們問職員厨房有在跟進嗎？令人意外的是沒有人主動跟進沒有道歉 沒有答覆要客人主動問才說結賬不收這2盅灌湯餃的價錢既然餐廳不會跟進不如在這裏留個差評比較實際順便讓大家提防餐廳有幾個問題1.餐廳有責任確保食材的質素食材至少不能變壞萬一客人拉肚子怎麽辦？2.涉及誠信問題自知食物不新鮮卻選擇博大霧一個灌湯餃成本能有多貴？看得出餐廳的態度就是想渾水摸魚客人不投訴就賣多一個發現了大不了退錢3.服務其差全店職員沒有人跟進你至少要給個交代你會再煮還是退款要追問才說不算錢難道客人一定要大吵大鬧才會有人理會嗎？收好酸掉的食物就當沒事這點真的很離譜這裏不是想追討什麽賠償要追討的話當時就會反映了（

😂一入到去店員只係會講普通話，其他waiter都係，見到佢哋同其他客人都係淨係講普通話😂態度仲要唔係幾友善，多次舉手都好似扮睇唔到咁。食物方面除咗價錢ok之外，其他都麻麻地，叫左個菜心，食到最底先見到入面有張落單紙🥶好彩都有換翻比我，蝦餃冇咩味，棉花雞都算ok，足料，冇腐皮😂用黎裝生水嘅水樽會重用，要自己煲水，落茶葉。啲碗碗碟碟都係癡粒粒，好似冇洗乾淨咁，環境都係麻麻地，唔會再嚟食🚫😀

呢間餐廳有幾間分店， 我去嘅係尖沙咀嗰間， 我寫食評通常都比較寬鬆， 但依間真係伏伏地， 唔知係當日剛好唔好彩，定真係平時都咁差😅見係點心專門店又係椰子雞煲，而我係去試點心既， 先講環境，可能安排咗我坐最差嘅位置近門口同廚房非常嘈吵( 大力掉碗碟)，同有啲污糟， 當日下午唔算多人，入面有空位但係服務員堅決拒絕我們坐其它位食物方面點心選擇非常少( 我鍾意食嘅沙律卷鹹水角..都冇)， 茶類得3款， 咁就嗌咗基本的叉燒包、燒賣、 腸粉 、飯類等。 覺得點心比較濕， 最大問題係白布腸粉，我以為會有三色醬(豉油、麻醬、甜醬)， 點知真係淨腸粉冇醬汁😂😥😫 當我詢問時態度好一般， 幾經辛苦等咗十分鐘先有辣醬和咇汁，好過冇既～基本上呢間餐廳要自助倒水入熱水煲煲水、自己加茶葉沖茶、自己QR自助落單、 同自助走去門口櫃檯結帳。 但居然明目張膽收加一服務費睇其他食評好似大家都覺得呢間餐廳有進步空間， 希望下次幫襯嘅你去到會有所進步，而我就應該冇下次了...